AI တူပြီး တံဆိပ်မတူရင် အာနိသင်ကွာတာဘာကြောင့်လဲနှင့် တစ်ပတ်အတွင်းစိတ်ဝင်စားစရာ အမေးအဖြေများ

စိတ်ဝင်စားစရာ အမေးအဖြေတွေကို လေ့လာရမယ့် စနေနေ့ကို ပြန်လည်လို့ရောက်ရှိလာခဲ့ပါပြီ။

ဒီတစ်ပတ်မှာလည်း ဦးကြီးတို့အတွက် လေ့လာမှတ်သားစရာကောင်းတဲ့ အမေးအဖြေလေးတွေကို စုစည်းပြီးဖော်ပြပေးလိုက်ပါတယ်နော်။

၁။ မေး (Ye Htet Kyaw) - ပိုးသတ်ဆေး Ai ချင်းတူပြီး ဆေးကုမ္ပဏီမတူရင် အာနိသင်ချင်းကွာပါတယ်။ ဘာကြောင့်ပါလဲ။ ဆေး Ai ထုတ်တဲ့နေရာမှာ ကုန်ကြမ်းအသုံးပြုတာကွာခြားမှုရှိလို့လား။

ဖြေ (ဒို့ဦးလေး) - ai+inertမှာ ai က ကုမ္ပဏီတွေ အတူတူပါပဲ။ inertမှာ အရည်အသွေး ကွာတယ် လို့ဆိုပါတယ်။

၂။ မေး (Yar Zar Htun) - မြေပဲစိုက်ရာမှာမြေဆောင်မှိုက အရမ်းဒုက္ခပေးပါတယ်။ မှိုဆေးတွေဖျန်းလဲမနိုင်ပါဘူး။ ခဏပဲတန့်သွားပါတယ်။ ပြန်ဖြစ်ပြီး ဆေးယဉ်ပါးလာပါတယ်။ အဓိကကတေ ာ့မြေဆောင်မှိုကို နိုင်အောင်သတ်ချင်ပါတယ်။ ဘာတွေလုပ်ရမယ်။ ဘာဆေးတွေသုံးရမယ်ဆိုတာဖြေကြားပေးပါခင်ဗျ။ ပြီးတော့မဖောက်ထုံးကကော မြေဆောင်မှိုကိုနိုင်ပါသလား ဖြေကြားပေးပါခင်ဗျာ။

ဖြေ (ဇော်လင်း) - ဟုတ်ပါတယ် မြေဆောင်မှိုကို မှိုသတ်ဆေးဖျန်းခြင်းတမျိုးတည်းနဲ့ မရနိုင်ပါဘူး။ (မျိုးရင်းမတူတဲ့ သီးနှံကို ၃နှစ်တကြိမ် ပြောင်းစိုက်ရပါမယ်။) မြေကြီးချဥ်ငံတိုင်းပြီး၊ ချဥ်ငန်ကိန်းမျှတအောင် ပြုပြင်ရပါမယ်။ မျိုးစေ့ကို ဆေးလူးနယ်စိုက်ရပါမယ်။ ထရိုင်ကိုဒါးမားကို စိုက်ကြောင်းထဲထည့်ရပါမယ်/မျိုးစေ့လူးရပါမယ်။ ထုံးက မှိုပေါက်ပွားမှုကို အတော်အတန် ထိန်းနိုင်ပါတယ်။

၃။ မေး (Myint Khing) – ဆရာတို့ခဗျာ ကျွန်တော့စိုက်ခင်းမှာ ကြက်သွန်မြိတ်လို အဖူးတွေထွတ်လာတယ်။ ဘယ်လိုကုသလို့ရနိုင်မလဲဆရာ။ စိုက်သက်၃၀ရက်ရှိပြီ။

ဖြေ (ဒို့ဦးလေး) - ပေါင်းသတ်ဆေးဖျန်းသလား။ ပေါင်းသတ်ဆေးကြောင့်လဲ ဖြစ်တတ်ပါတယ်။ ပိုတက်ချ်နဲ့ ဂျစ်ဆန် ပက်ကျွေးပါ။

၄။ မေး (Zay Yar Maung) - ကြက်သွန်ပျိုးခင်းကနေ့တိုင်းရေတင်ဖို့လိုလားဗျ။ အခု မှိုရောဂါဖြစ်နေလို့ ဘာဆေးတွေဖျန်းရမလဲဗျ။ ပျိုးခင်းက နှစ်လလောက်ထိထားပြီးမှ စိုက်လို့ကောင်းပါသလား။ အားဆေးက ဖျန်းလို့ရပြီလား။

(ဦးမောင်မောင်ထွေး)- မှိုရောဂါကျနေတာကို မှိုသတ်ဆေးဖျန်းပါ။ နေ့တိုင်းရေမသွင်းရပါ။ ကြက်သွန်ပင်ကို ရေလိုမလိုကြည့်ပြီး ရေသွင်းပါ။ အပင်ရောဂါကျနေရင် မရွှေ့ပြောင်းပါနဲ့။ အပင်များသန်မာလာရင်ရွှေ့ပြောင်းပါ။

၅။ မေး (စိုးကျော်) - ခရမ်းပင်မှာ ပုရွက်ဆိတ်အနီတွေက အပင်နုလေးတွေကို စားပစ်လို့ပါ။ ဓာတုဆေးမသုံးဘဲ ဘယ်လိုရှင်းလို့ရပါသလဲ။

(ဒို့ဦးလေး) - တမာရွက်+ဆေးရွက်ကြီး ကို ၅၀ကျပ်သားစီ.ယူပြီး ရေ ၄ဂါလံနဲ့ တညစိမ်ပါ။ မနက်.ပိုင်း အရည်စစ်ပြီး ရေတဝက်ရော.ပြီး. ဖျန်းပါ။

မေးခွန်းတွေအကုန်လုံးကလည်း တောင်သူတိုင်းသိသင့်တာတွေကြီးကိုပဲ စုစည်းထားတာမို့ ဗဟုသုတရမယ်လို့ မျှော်လင့်ပါတယ်ရှင့်။

တခြားမိတ်ဆွေတောင်သူတွေလည်း ဒီလိုမျိုးအကြံဉာဏ်တွေရယူချင်တယ်ဆို အမေးအဖြေကဏ္ဍမှာ ပို့စ်တင်မေးလို့ရနေပါပြီနော်။ ဘယ်လိုတွေမေးရမှန်းမသိရင် ပုံလေးသာတင်ပြီး မေးလိုက်။ ဆရာတို့က သေချာကြည့်ပြီး ဖြေပေးနေပါပြီရှင့်။

အမေးအဖြေကဏ္ဍမှာ အားမနာတမ်း ပို့စ်တင်မေးနိုင်ပါကြောင်း သတင်းကောင်းပေးရင်း ဒီတစ်ပတ်တော့ ဒီလောက်နဲ့ပဲ အဆုံးသတ်လိုက်ပါဦးမယ်။

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်

Farm Link Co.,Ltd ကြော်ငြာ

စပါးစိုက်ပျိုးဖို့ ပြင်နေကြပြီလား? ဒါဆို Farm Link ရဲ့ အထူး special product တွေနဲ့ မိတ်ဆက်ပေးလိုက်ပါတယ်.. 👉 Erase (အီရေစ့်) က ပေါင်းပင်တွေကို သေစေရုံတင်မကဘဲ နောက်ထပ် ပေါင်းသတ်ဆေး ထပ်ဖျန်းစရာ မလိုလောက်အောင်ကို ပေါင်းပေါက်ရောက်မှုကို ထိထိရောက်ရောက် ဟန့်တားပေးနိုင်ပါတယ်။ 👉 စမတ်သီးစုံဆိုတာ အပင်တိုင်းအတွက် အဓိကအာဟာရNPK (19:7:8)နဲ့ #ဟူးမစ်အက်စစ်တို့ အချိုးကျ ပေါင်းစပ်ထားတဲ့ ကွန်ပေါင်းဓာတ်မြေဩဇာဖြစ်ပါတယ်။ အဓိကအကျိုးကျေးဇူးတွေအနေနဲ့ကတော့ နိုက်ထရိုဂျင် 19%ပါဝင်တဲ့အတွက် ကလိုရိုဖီးလ်ဖွဲ့စည်းမှုကို အားပေးကာ သီးနှံပင်များ၏အရွက်များစိမ်းလန်းသန်စွမ်းပြီး အစာချက်လုပ်မှုအားကောင်းစေပါတယ်။ 👉 ဆလက်ပလက်စ်ဆိုတာ စပါးဆစ်ပိုး (Rice stem borer) ၊ စပါးရွက်လိပ်ပိုး(Rice leaf folder)၊ စပါးငမြောင်တောင်ပိုး( Rice armyworm) စတဲ့ စပါးဖျက်ပိုးတွေကိုလည်း ၇၀%အထိကို ကာကွယ်နှိမ်နင်းနိုင်ပါတယ်။ 👉စပါးနှံတွေ ထွက်လာခါမှ ဂုတ်ကျိုးရောဂါကြောင့် အနှံဖြူပြီး ပျက်စီးသွားတာဟာ တောင်သူတို့အတွက် အကြီးမားဆုံး ဆုံးရှုံးမှုပါပဲ။ ဒီဆုံးရှုံးမှုကို အမြစ်ပြတ် တားဆီးဖို့ဆိုရင် ရှူးဝါး ကိုသာ သတိရလိုက်ပါ။ 👉စပါးခင်းမှာ ရွက်ဖျားဝါပြီး မီးလောင်သလို အကွက်လိုက်ဖြစ်ကာ တဖြည်းဖြည်းခြောက်လိုက်လာပြီဆို အဲ့ဒါကိုဖြုတ်လောင်ခြင်း (hopper burn)လို့ခေါ်ပါတယ်။ မထိန်းချုပ်နိုင်အောင် ဆိုးဆိုးရွားရွာကျရောက်ပါက အထွက်နှုန်းကို ရာနှုန်းပြည့်ထိ ဆုံးရှုံးစေနိုင်တာတာကို ဗိုက်တာဂရိုကိုသာ ထိန်းချုပ်နိုင်တာပါ