ဒီတစ်ပတ်အတွင်း ငွေကြေးမတည်ငြိမ်မှုကြောင် မတ်ပဲနဲ့ပဲစင်းငုံရဲ့ အရောင်းအဝယ်တွေအေး

ဈေးကွက်အတွင်း ပဲမျိုးစုံက ငွေကြေးလဲလှယ်ဈေးနှုန်းကြောင့် သီးနှံအများစုဟာ ပုံမှန်ထက် မြင့်တက်နေပြီ စက်သုံးဆီဝယ်ယူမရရှိတဲ့အတွက် သယ်ယူပို့ဆောင်စရိတ်မြင့်တက်တာ၊ ကြိတ်ခွဲစရိတ်မြင့်တက်တာ၊ သွင်းအားစုဈေးနှုန်းများ မြင့်တက်တာတွေ ကြုံတွေ့ နေရပါ တယ်။

မတ်ပဲ

မတ်ပဲက ပြီးခဲ့တဲ့အပတ်နဲ့ယှဉ်ရင် အမြင့်ဈေးနဲ့ရှိနေတာဖြစ်ပြီး ငွေလဲလှယ်ဈေးနှုန်းပေါ်မူတည်ကာ ဈေးအတက်အကျရှိနေတာဖြစ်ပါတယ်။ ကျပ်တန်ဖိုးဈေး ကျဆင်းတဲ့အတွက်ကြောင့်သာ ပဲ ဈေးတွေ မြင့်တက်နေတာဖြစ်ပေမယ့် FOB ဈေးမှာတော့ ဈေးက ဆက်တိုက် ကျဆင်းနေပါတယ်။ လက်ရှိမှာတော့ ဈေးကွက်အတွင်း ငွေကြေးဈေးတည်ငြိမ်မှု မရှိတာကြောင့် အရောင်းအဝယ်အေးနေတယ်လို့ ကုန်သည်တွေက ပြောပါတယ်။

အိန္ဒိယနိုင်ငံတွင်းမှာလည်း မတ်ပဲအသစ်တွေ စတင်ဝင်ရောက်နေပေမယ့် လက်ရှိ အိန္ဒိယနိုင်ငံတွင်း ပွဲတော်ကာလ ဖြစ်တဲ့အတွက် အရောင်းအဝယ်များလာနိုင်တယ်လို့ သိရပါတယ်။ လက်ရှိမြန်မာပြည်တွင်းမှာလည်း ငွေကြေးဈေးကြောင့် အရောင်းအဝယ် ရပ်နားထားတာတွေရှိပြီး မတ်ပဲလိုအပ်ချက်မြင့်နေတဲ့ အိန္ဒိယမှာ ဈေးက အမြင့်ဈေးနဲ့ပဲ ရှိနေနိုင်တယ်လို့ သုံးသပ်ထားတာတွေ တွေ့ရပါတယ်။

အိန္ဒိယနိုင်ငံ ချန်နိုင်းဈေးကွက်မှာ မြန်မာမတ်ပဲ FAQ က တစ်တန်ကို ရူပီး ၈၅၀၀ ရှိပြီး ပြီးခဲ့တဲ့ အပတ်ယှဉ်ရင် တစ်တန်ကို ၁၅၀ ရူပီး ‌ဈေးကျဆင်းပါတယ်။ မတ်ပဲ FOB ဈေးနှုန်းကတော့ တစ်တန်ကို ၈၉၅ မှ ၉၀၅ ဒေါ်လာ ပေါက်ဈေးရှိပြီး ၂၅ ဒေါ်လာဈေးကျဆင်းပါတယ်။

ပြီးခဲ့တဲ့ အပတ်က သောကြာနေ့က ရန်ကုန်ဈေးကွက်မှာတော့ မတ်ပဲ (FAQ/RC)က တစ်တန်ကို ၃၅၉၁၀၀၀ ရှိ ခဲ့ပါတယ်။ တနင်္လာနေ့ မှာတော့ တစ်တန်ကို ၃၆၂၈၀၀၀၊ အင်္ဂါနေ့မှာ တော့ တစ်တန်ကို ၃၇၉၃၀၀၀ကျပ်၊ ဗုဒ္ဓဟူးနေ့မှာတော့ တစ်တန်ကို ၃၈၀၇၀၀၀၊ ကြာသပတေးနေ့မှာတော့ တစ်တန်ကို ၃၇၈၄၀၀၀ ပေါက်ဈေးရှိနေပြီး ပြီးခဲ့တဲ့ အပတ်နဲ့ယှဉ်ရင် တစ်တန်ကို ၁၉၃၀၀၀ ကျပ် ဈေးမြင့်တက်လာပါတယ်။

(SQ/RC) ကတော့ တစ်တန်ကို ၄၁၇၄၀၀၀ ပေါက်ဈေးရှိပြီး ပြီးခဲ့တဲ့အပတ်နဲ့ယှဉ်ရင် တစ်တန်ကို ၂၄၈၀၀၀ ကျပ်ဈေးတက်လာပါတယ်။ မတ်ပဲ Raw ကတော့ တစ်ပိဿာကို ၆၁၆၅ မှ ၆၃၀၀ ပေါက် ဈေးရှိပြီး တစ်ပိဿာကို ၄၀၅ ကျပ်ဈေးမြင့်တက်လာပါတယ်။

လက်ရှိပြည်တွင်း ငွေလဲလှယ်နှုန်းဈေးက ပြင်ပပေါက်ဈေး ငွေကျပ် ၇၀၀၀ ကျော်ထိ ရောက်ရှိ နေတယ်လို့ စုံစမ်းသိရပါတယ်။

ပဲစင်းငုံနီ

ပဲစင်းငုံနီကလည်း ဈေးမြင့်တက်ပါတယ်။ FOB ဈေးနှုန်းကျဆင်းပေမယ့်လည်း ငွေကြေးလဲလှယ်ဈေးနှုန်းမြင့်တက်နေတာကြောင့် ဈေးမြင့်တက်နေတာဖြစ်ပြီး အရောင်းအဝယ်ကတော့ မရှိဘူးလို့ ကုန်သည်တွေထံကနေသိရပါတယ်။ နယ်အိန္ဒိယနိုင်ငံတွင်းမှာလည်း ပွဲတော်ကာလ ဖြစ်ပေမယ့် ပဲဈေးတွေက အကျဈေးနဲ့ရှိနေတာ ဖြစ်ပါ တယ်။

အိန္ဒိယနိုင်ငံချန်နိုင်းဈေးကွက်မှာတော့ ပဲစင်းငုံနီ တစ်တန်ကို ရူပီး ၁၀၂၅၀ ရှိပြီး ပြီးခဲ့တဲ့ အပတ်နဲ့ ယှဉ်ရင် ၂၀၀ ရူပီးဈေးကျဆင်းသွားပါတယ်။ FOB ဈေးနှုန်းကတော့ တစ်တန်ကို ၁၁၅၀ မှ ၁၁၆၀ ဒေါ်လာ ရှိပြီး တစ်တန်ကို ဒေါ်လာ ၃၀ ဈေးကျဆင်းသွားခဲ့ပါတယ်။

ရန်ကုန်စျေးကွက်မှာ ပြီးခဲ့တဲ့ အပတ် သောကြာနေ့က ပဲစင်းငုံနီတစ်တန်ကို ကျပ် ၄၆၀၀၀၀၀ ကျပ်၊ တနင်္လာနေ့မှာ တစ်တန်ကို ၄၆၀၀၀၀၀ ၊အင်္ဂါနေ့မှာတော့ တစ်တန်ကို ၄၇၂၅၀၀၀၊ ဗုဒ္ဓဟူးနေ့ မှာတော့ တစ်တန်ကို ၄၈၀၀၀၀၀၊ ကြာသပတေးနေ့မှာ တစ်တန်ကို ၄၇၉၀၀၀၀ ပေါက်ဈေးရှိပြီး ပြီးခဲ့တဲ့ အပတ်ယှဉ်ရင် တစ်တန်ကို ၁၉၀၀၀၀ ကျပ် ကျပ်ဈေး မြင့်တက်လာပါတယ်။

ကြက်သွန်ဖြူ

လက်ရှိ ကြက်သွန်ဖြူ(ကြူကုတ်)ကတော့ ဈေးကွက်အတွင်း စံချိန်တင် မြင့်တက်နေတဲ့ အခြေအနေပါ။ တရုတ်ဘက်က လမ်းပန်းဆက်သွယ်မှုကြောင့် ဈေးကွက်ထဲ ဝင်ရောက်မှု နည်းတဲ့အတွက် ဈေးတွေ မြင့်တက်လာတာဖြစ်ပါတယ်။ ရှမ်းကြက်သွန်တွေကလည်း သယ်ယူပို့ဆောင်စ၇ိတ်ကြောင့် မြင့်တက်ပေမယ့် ကြူကုတ်ဈေးလောက် အများကြီး မြင့်တက်လာတာမျိုးမရှိပါဘူး။

ရန်ကုန်ဘုရင့်နောင်ဈေးကွက်မှာတော့ ကြက်သွန်ဖြူရှမ်းက တစ်ပိဿာကို ၁၀၅၀၀ မှ ၁၂၀၀၀ ပေါက်ဈေးရှိပြီး ၁၀၀၀ ကျပ်ဈေးတက်ပါတယ်။

ကြက်သွန်ဖြူ(ကြူကုတ်)ကတော့ တစ်ပိဿာကို ၂၂၀၀၀ မှ ၂၃၀၀၀ ကြားရှိပြီး တစ်ပတ်အတွင်း တစ်ပိဿာကို ၈၀၀၀ ကျပ်ဈေးမြင့်တက်ပါတယ်။

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။

ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...