ကြက်သွန်မြိတ်ကြီး စိုက်ပျိုးနည်း

ကြက်သွန်မြိတ်ကြီး (ထန်းကြက်သွန်မြိတ်) သည် အအေးကြိုက်သော ၂ နှစ်ခံသီးနှံကို နှစ်ချင်းစားအဖြစ်စိုက်ပျိုးသည်။ အရွက်ရော ရိုးတံပါစားသုံးရပြီး အပင်အမြင့် ၈-၂၄ လက်မနှင့် အကျယ် ၁/၂-၂လက်မရှိသည်။ ကြက်သွန်မြိတ်ကြီးသည် အရသာအထူးရှိသည်။ အေးခဲမှုဒဏ်ခံနိုင်သည်။ ဆောင်းရာသီအအေးပေါ့သောဒေသ၌ နွေရာသီအလယ်မှ နွေဦးပေါက်အချိန်အထိ ချိုသောကြက်သွန်နံ့လတ်လတ်ဆတ်ဆတ်ကို ပေးနိုင်သည်။ ကြက်သွန်မြိတ်ကြီးအပင်သည် လှလည်းလှသည်။ ရိုးတံအဖြူရောင်ပေါ်တွင် စိမ်းညိုရောင် သို့မဟုတ် စိမ်းပြာရောင်အရွက်များရှိသည်။ ကြက်သွန်မြိတ်ကြီးကို အသုပ်တွင် အစိမ်းအတိုင်းစားနိုင်သကဲ့သို့ ကင်၍ဖြစ်စေ၊ ပေါင်းချက်၍ဖြစ်စေ၊ အရည်သောက်ဖြစ်စေ၊ ကြော်၍ဖြစ်စေ စားသုံးကြသည်။

စိုက်ပျိုးခြင်း

နောက်ဆုံးရေခဲသောအချိန်မတိုင်မီ ၄ ပတ်ကြိုတင်ပြီး မျိုးစေ့ကိုတိုက်ရိုက်မြေချ၍ စိုက်ပျိုးရသည်။ သို့မဟုတ်ပျိုးထောင်ထားသော ပျိုးပင်ပေါက်ကို နောက်ဆုံးရေခဲသောအချိန်မတိုင်မီ ၈ ပတ်ကြိုတင်ပြီး ပြောင်းရွေ့စိုက်ပျိုးနိုင်သည်။ ထိုသို့ပျိုးပင်ကို စိုက်ပျိုးပါက ကြီးထွားရန်အချိန်ကြာမြင့်စွာရရှိသဖြင့် အပင်အလွန်ကြီးထွားသည်။ သိသာစွာကြီးထွားသောပျိုးပင်ကို ၃ လက်မသာချန်ပြီး အပေါ်ပိုင်းကို ဖြတ်ပစ်ပြီး စိုက်ပျိုးရသည်။

မစိုက်ပျိုးမီမြေကို သဘာဝမြေသြဇာ ၂ လက်မ ထည့်ပေးရသည်။ စနယ်မြေ(မြေစေး) တွင် ဘောင်တင်၍ စိုက်ပျိုးရသည်။ မျိုးစေ့ကို တိုက်ရိုက်မြေချစိုက်ပျိုးပါက မြေတွင် ၁/၂ လက်မအနက်၊ တစ်စေ့နှင့်တစ်စေ့ ၁ လက်မခြားပြီး၊ တစ်တန်းနှင့်တစ်တန်း ၁၈ လက်မခြား၍ စိုက်ပျိုးရသည်။ ပျိုးပင်ပေါက်များကို ၆ လက်မခြားချန်၍ တစ်တန်းနှင့်တစ်တန်း ၁-၂ ပေခြားပြီး သားခွဲရသည်။ ၈ လက်မအကျယ်နှင့် ၈ လက်မအနက်ရှိ မြောင်းထဲတွင် ပျိုးပင်ကို ၆ လက်မခြားပြီး ၄ လက်မအနက် စိုက်ရသည်။ ထိုစိုက်မြောင်းများသည် ၁၈ လက်မ ကွာဝေးရသည်။

ပင်စည်များဖြူသွားအောင် အပင်မြင့်လာသည်နှင့်အမျှ ကျင်းထဲသို့ မြေဖို့ပေးရသည်။ သို့မဟုတ် ပင်စည်ပတ်လည်တွင် မြေဖို့ပေးရသည်။ မြေအစိုဓာတ်မျှတစေရန် တစ်ပတ်လျှင် ရေ ၁ လက်မနှုန်းပေးရသည်။ သို့မဟုတ် လိုသလိုပေးရသည်။ ပင်ခြေပေါင်းမြက်ကို ရှင်းလင်းပေးရသည်။ ပေါင်းမြက်များရှိနေလျှင် အပင်အရည်အသွေးလျော့နည်းသည်။ အချိုးညီ ၅-၅-၅ ဓာတ်မြေသြဇာကို တစ်လတစ်ကြိမ်ကျပေးရန် လိုအပ်သည်။

ပိုးမွှားရောဂါ

ထင်ရှားသောပိုးမွှား ကျရောက်မှုမရှိချေ။

ရိတ်သိမ်းခြင်း

ကြက်သွန်မြိတ်ကြီးပင်သည် အသက်ရက် ၇၀ မှ ၁၂၀ အထိရှိပြီး၊ အေးခဲမှုပြီးမှ ရိတ်သိမ်းရလျှင် အရသာအချိုဆုံးဖြစ်သည်။ ရိုးတံလက်မဝက်ခန့်တုတ်လာလျှင် ရိတ်သိမ်းရသည်။ အကောင်းဆုံးကြက်သွန်မြိတ်သည် ရိုးတံဖြူပြီး၊ ခြေရင်း ၃လက်မရှည်သင့်သည်။ အရွက်များကို စားသုံးနိုင်သော်လည်း ချက်ပြုတ်ရာတွင် အဆင်ပြေအောင် ဖြတ်တောက်ပေးရသည်။

ရာသီဥတု အအေးပေါ့သောဒေသတွင် ကြက်သွန်မြိတ်ကြီးပင်များကို ဆောင်းခိုစေပြီး နွေဦးပေါက်ရာသီအစောပိုင်းတွင် ရိတ်သိမ်းပေးရသည်။ အေးသောဒေသတွင် ဆောင်းခိုစေလျှင် အပင်ကို အအေးဒဏ်မှကာကွယ်ဖို့ ကောက်ရိုးဖြင့် ၄-၆ လက်မအထူ ဖုံးအုပ်ထားရသည်။ ကြက်သွန်မြိတ်သည် ရေခဲသေတ္တာထဲတွင် တစ်ပတ်ခန့်အထားခံသည်။

မျိုးများ

ဂျိုင်းရင့်မတ်ဆယ်ဘာဂ့်(Giant Musselburgh) မျိုးသည် အသက်ရက် ၁၀၅ ရှီပြီး စကော့တလန်၏ မိရိုးဖလာမျိုးဖြစ်သည်။ ၂-၃ လက်မတုတ်သောရိုးတံရှိပြီး အအေးဒဏ်ခံနိုင်သည်။ ကင်းရစ်ချဒ် (King Richard) မျိုးသည် အသက်ရက် ၇၅ ရှိပြီး အပင်သေး၍ မြင့်သည်။ အရွယ်အလတ်စား အစိမ်းရောင်အရွက်များရှိသည်။ လင်စတော့ဟိုက်ဘရစ် (Lancelot Hybrid) မျိုးသည် အသက်ရက် ၁၀၀ ရှိပြီးလျှင် အအေးဒဏ်ခံနိုင်သောမျိုးဖြစ်သည်။

ဒေါက်တာချစ်၏ “စားဖို့ စိုက်စို့ ဈေးကွက်တိုးချဲ့ဗျို့ အတွဲ(၁)” စာအုပ်မှ ကောက်နုတ်ဖော်ပြပါသည်။

မာလာမြိုင် ကုမ္ပဏီ ကြော်ငြာ

ဦးကြီးတို့ရဲ့ မြေကြီးက ရွှေသီးဖို့ပဲ ဖြစ်သင့်တာပေါ့။ ဒါပေမဲ့ စပါးခင်းထဲ ရွှေခရုရောက်လာပြီဆိုရင်တော့ မြေကြီးက ရွှေသီးဖို့ကို အနှောင့်အယှက် ကောင်းကောင်းကြီးပေးပါလိမ့်မယ်။ မြန်မာ့မျိုးရင်းခရုမဟုတ်တဲ့ တောင်အမေရိကမျိုးစိတ်ဖြစ်ပြီး မြန်မာနိုင်ငံကို ကျူးကျော်လာတဲ့ မျိုးစိတ်ဖြစ်တာကြောင့် အကောင်ပွားနှုန်းကလည်း အဆမတန် မြင့်တက်လာပါတယ်။ ခရုအမ တစ်ကောင်က တစ်ခါ ဥ မယ်ဆိုရင် ဥအရေအတွက် ၁၀၀ ကနေ ၁၀၀၀ အထိ အတွဲလိုက်ဥကြပြီး တစ်နှစ်မှာ ၃ ကြိမ်အထိ မျိုးပွားနိုင်ပါတယ်။ စပါးခင်းတွေမှာ ရွှေခရုကျပြီဆိုရင် ပန်းရောင် ဥ တွေ ကို စပါးပင်တွေမှာ တွေ့ရနိုင်ပါတယ်။ ဒီရွှေခရုတွေကို ရှင်းပစ်ဖို့အတွက်ကတော့ မာလာမြိုင်ရဲ့ ခရုဘုရင် ရှိနေပါပြီ။ ခရုဘုရင်က စားသေအစွမ်းနဲ့ အဆိပ်ငွေ့အာနိသင်ရှိတာကြောင့် ရွှေခရုတွေကို အထိရောက်ဆုံး ရှင်းပေးနိုင်မှာပါ။ အစွမ်းရှိပစ္စည်းဖြစ်တဲ့ Niclosamide -olamine 83.1% WP ပါဝင်ပြီး Chloronitrophenol ဆေးအုပ်စုထဲ ပါဝင်ပါတယ်။ ရေဖျော်ဆေးမှုန့်အမျိုးအစားဖြစ်လို့ ရေ ၂၀ လီတာဝင်တဲ့ဆေးဖျန်းပုံး တစ်ပုံးမှာ ၄၀ ကနေ ၅၀ ဂရမ်အထိ အသုံးပြုနိုင်ပါတယ်။ နှုန်းထားကိုတော့ တစ်ဧကမှာ ၁၅၀ ကနေ ၂၀၀ ဂရမ်နဲ့ တွက်ချက်ပေးထားပါတယ်။ သတိပြုရမှာတော့ ဆေးဖျန်းပြီးနောက်ပိုင်း စပါးခင်းအတွင်းမှာရှိတဲ့ ရေကို ၅ စင်တီမီတာနဲ့ ၃ ရက်ထားဖို့ လိုအပ်ပါတယ်။ ဆေးဖျန်းပြီး ၅၂ ရက်ကြာမှ ရိတ်သိမ်းသင့်ပါတယ်။ ခရုဘုရင်နဲ့ဆို စပါးခင်းကို ဒုက္ခပေးတဲ့ ရွှေခရုတွေကို ရှင်းလင်းနိုင်ပြီး မြေကြီးက ရွှေသီးနိုင်ပြီပေါ့ဗျာ။

Facebook Page သို့သွားရန်

ဆွေးနွေးချက်များ

ဆွေးနွေးရန်

ကြက်သွန်မြိတ်ကြီး စိုက်ပျိုးနည်း

မာလာမြိုင် ကုမ္ပဏီ ကြော်ငြာ

ဆွေးနွေးချက်များ

{{ post.title }}

{{ question.creator.name }} အမည်မသိ {{ question.creator.state.name }}၊ {{ question.creator.township.name }}

{{ book.title }}

ကြက်သွန်မြိတ်ကြီး စိုက်ပျိုးနည်း

မာလာမြိုင် ကုမ္ပဏီ ကြော်ငြာ

ဆွေးနွေးချက်များ

ဆက်စပ်ဆောင်းပါးများ

စပါးစိုက်ပျိုးနည်း (တောင်သူလက်စွဲ- ဦးဘဟိန်း) (၃) - ပျိုးထောင်ခြင်း

စံပယ်ပန်းစိုက်ပျိုးနည်း

Cattleya orchid စိုက်ပျိုး ပြုစုနည်း

{{ post.title }}