ဂျုံ အထွက်နှုန်းမြင့်အောင်စိုက်နည်း

မျိုး

စိုက်ပျိုးသင့်သော ဂျုံအမျိုးအစားများမှာ ရေဆင်း-၁၊ ရေဆင်း-၂၊ ရေဆင်း-၃၊ ရေဆင်း-၄၊ ရေဆင်း-၅၊ မုံရွာဇလုပ်ခြံမှထုတ်လုပ်သော ဇလုပ်ဂျုံမျိုး၊ မုံရွာဂျုံဖြူမျိုးမှာ စိုက်သင့်သော ဂျုံမျိုးများဖြစ်ကြသည်။ စစ်ကိုင်း၊ မုံရွာခရိုင်ပုလဲ၊ ဆားလင်းကြီး၊ ယင်းမာပင်၊ ဆားတောင်မြင်းမူဒေသများတွင် V 1287 ရေဆင်း-၄မျိုးနှင့် မုံရွာဂျုံဖြူမျိုးများကို အများဆုံးစိုက်ပျိုးကြသည်။

မြေအမျိုးအစား

ဂျုံသီးနှံမှာ စပါး၊ နှမ်း၊ မြေပဲ၊ အစေ့ထုတ်ပြောင်းသီးနှံများရိတ်သိမ်းပြီးဖြစ်သော စိုက်ပျိုးရသောသီးနှံဖြစ်သောကြောင့် မြေနက်၊ သဲနုန်းမြေ၊ နုန်းမြေ၊ မြေနီ၊ ရွှံ့စေးမြေ၊ ခဲမြေတို့တွင် စိုက်ပျိုးပါက ဖြစ်ထွန်းသည်။ မြေနီသဲဝန်း၊ မြေဝါမျိုးများတွင် မစိုက်ပျိုးသင့်ပါ။

မြေပြုပြင်ခြင်း

ဂျုံသီးနှံတစ်ခုတည်းကိုသာ အဓိကထား၍စိုက်ပျိုးရာတွင် မေလထဲတွင် ရွာသောမိုးအခြေအနေကိုမူတည်၍ ထယ်တစ်စပ်ထိုးပြီး ၇ သွားထွန်နှင့် (၂) စပ် ၆ သွားထွန်နှင့် (၃)စပ်ထိုး၍ မြေပြုပြင်ထားရမည်။ ထို့နောက်သြဂုတ်လတွင် ထယ်တစ်စပ်ထိုးရမည်။ ထိုသို့ထယ်ရေးပေးပြီးနောက် စိုက်ချိန်အောင်တိုဘာလရောက်သည်အထိ မြေအနေအထားအရ ထွန်(၂)စပ်မှ (၃)စပ်အထိ စင်ပေးရမည်။

မိုးသီးနှံနှင့် မိုးမြေပဲ၊ နှမ်း၊ အစေ့ထုတ်ပြောင်း၊ လယ်စပါးများရိတ်သိမ်းပြီးပြီးခြင်း စက်ထယ်ဖြင့် (၉-၁၀) လက်မအနက်ရအောင် တစ်စပ်ထွန်ယက်ရမည်။ သို့မဟုတ် နွားထယ်ဖြင့် (၂-၃) စပ်အထိထွန်ပြီး ကြမ်းတုံးရိုက်၍ မြေမှုန့်ညက်သည်အထိ ထွန်ပေးရမည်။

ရာသီဥတု

အေးမြစွတ်စိုသောရာသီဥတုကိုနှစ်သက်ပြီး သီးနှံရာသီအတွင်း မိုးရေချိန်လက်မ (၃၀)အထက် အစိုဓာတ်ရရှိစေရန် ထယ်ဖွင့်ခြင်း၊ ကြမ်းတုံးရိုက်ခြင်း မကြာခဏပြုလုပ်ပေးရမည်။ အပူချိန်အနည်းဆုံး (၄၅) ဒီဂရီဖာရင်ဟိုက်ဖြစ်ပြီး အသင့်တော်ဆုံးအပူချိန်မှာ (၇၇) ဒီဂရီဖာရင်ဟိုက်ဖြစ်သည်။ နှင်းခါးရိုက်သည့်အခါ ပန်းပွင့်များထိခိုက်တတ်သောကြောင့် နှင်းခါးကျတတ်သည့်ဒီဇင်ဘာလ တတိယပတ်နှင့် ပန်းပွင့်ချိန်တွင်လွတ်အောင် စိုက်ပျိုးသင့်သည်။

မြေသြဇာ

သဘာဝနွားချေး၊ မြေဆွေး၊ ယူရီးယား (၅၆) ပေါင်နှင့် တီစူပါ (၅၆) ပေါင်ထည့်သွင်း အသုံးပြုရမည်။ မြေသြဇာများကို နွားချေးနှင့်ရောပြီးစိုက်ကြောင်းအတွင်းချပြီးမှသာ မျိုးစေ့ချရမည်။ အစိုဓာတ်ကို ထိန်းထားနိုင်ရန် နှမ်းရိုးများ၊ ပြောင်းဖူးရိုး၊ အရွက်၊ မြေပဲရိုး၊ အရွက်များကို ထယ်မထိုးမီဦးစွာချပြီးမှသာ ထယ်ထိုးပါက ဂျုံအထွက်တိုးစေသည်။

စိုက်ပျိုးခြင်း

မြေကောင်းပါက (၈) လက်မတန်း၊ မြေသင့်ပါက (၆) လက်မတန်းမျိုးစေ့ချထွန်ဖြင့် စိုက်ပျိုးသင့်သည်။ နေရာဒေသလိုက်၍ စိုက်ပျိုးနည်းအမျိုးမျိုးရှိကြ၍ မိမိဒေသနှင့်ကိုက်သောနည်းများကိုသာ အသုံးပြုပါ။

ရေသွင်းဂျုံစိုက်ပျိုးခြင်း

ရေသွင်းဂျုံကို လယ်စပါးအပြီးမြေအောက်ရေ၊ လယ်တွင်းတူးရေရရှိနိုင်သောဒေသများတွင် နိုဝင်ဘာလမှ ဒီဇင်ဘာလအတွင်း စိုက်ပျိုးကြသည်။ စိုက်ပျိုးပြီး (၂၁) ရက်အကြာတွင် (၁)ကြိမ် (၄၅)ရက်အကြာတွင် (၁)ကြိမ်၊ (၆၅)ရက်အကြာတွင် (၁) ကြိမ်၊ (၈၄)ရက်အကြာတွင် (၁)ကြိမ် မြေအခြေအနေအစိုဓာတ်ကြည့်ပြီး ရေသွင်းစိုက်ပျိုးနိုင်သည်။

အပူပိုင်းဇုန်တွင် ဂျုံစိုက်ပျိုးခြင်း

အပူပိုင်းဇုန်တွင် ဆောင်းသီးနှံအဖြစ် ဂျုံသီးနှံကို စိုက်ပျိုးကြသည်။ သဲမြေနှင့် ကျောက်စရစ်မြေမှလွဲ၍ မည်သည့်မြေမျိုးမဆို စိုက်ပျိုးနိုင်သော်လည်း နုန်းမြေစေးမှာ အကောင်းဆုံးဖြစ်သည်။ မြေသားထုအထူ (၃) ပေခန့်ရှိသင့်ပြီး ရေဝပ်ခြင်းကို မနှစ်သက်ပဲ မြေချဉ်ငံကိန်း pH(၅.၂-၈.၅)အတွင်း စိုက်ပျိုးနိုင်သည်။ အကောင်းဆုံး pH မှာ (၆-၈.၂)ဖြစ်သည်။ မြေကိုထွန်ယက်ရာတွင် အစိုဓာတ်ကို ကောင်းစွာထိန်းသိမ်းနိုင်ရန်မြေကိုညက်သည်အထိ ပြုပြင်ပေးရမည်။ သို့မှသာ မျိုးပေါက်ကောင်းပြီး မိုးဦးစိုက်သီးနှံများရိတ်သိမ်းပြီး ထယ်ထိုးကာမိုးရေများ စုဆောင်းထားနိုင်မည်ဖြစ်သည်။

ထွန်ရေးညက်သောအခါ (၁၂)လက်မအကွာ ထွန်ကြောင်းများဆွဲ၍(၁)ဧကလျှင် ဂျုံမျိုးစေ့(၁)တင်းနှင့် (၁)ပြည်နှုန်းကို လက်ဖြင့်ညီညာစွာဖြူးချပေးပြီး ကြမ်းတုံးဖြင့် ဖိပေးရမည်။ (၈) လက်မအကွာထွန်သွားများတပ်ထားသည့်မျိုးစေ့ကိရိယာဖြင့် ချပေးပါက (၁)ဧကလျှင် ဂျုံမျိုးစေ့(၁ ၁/၂-၂) တင်းအထိ ကုန်ကျသည်။

ဂျုံဖြစ်ထွန်းမှုအဆင့်ဆင့်မှာ-

- မျိုးစေ့ချသည့်နေ့မှ အပင်ထွက်ပေါ်ချိန်အထိ (၅) ရက်

- အပင်ထွက်ပေါ်ချိန်မှ ပင်ပွားချိန်အထိ (၃၄) ရက်

- ပင်ပွားထွက်ချိန်မှ အနှံထွက်ချိန်အထိ (၂၉) ရက်

- အနှံထွက်ချိန်မှ ပန်းပွင့်ချိန်အထိ (၄) ရက်

- ပန်းပွင့်ချိန်မှ နို့ရည်တည်ချိန်အထိ (၂၀) ရက်

- နို့ရည်တည်ချိန်မှ အစေ့ရင့်မှည့်ချိန်အထိ (၁၁) ရက်

- ရင့်မှည့်စမှ ရင့်မှည့်ချိန်အထိ (၃) ရက်

စုစုပေါင်း(၁၀၆) ရက်ကြာသည်။

ဂျုံသည် မိုးရေချိန် (၁၀-၃၀) လက်မထိ ရွာသောဒေသများတွင် ကောင်းစွာဖြစ်ထွန်းသည်။ မျိုးရေချိန် (၁၀) လက်မတွင် မြေဆွေးဓာတ် (၈-၁၀%) ပါဝင်သဖြင့် အစိုဓတ်ကို ကြာရှည်စွာထိန်းနိုင်သော သမပိုင်းမြက်ခင်းလွင်ပြင်ဒေသမိုးရေချိန်ဖြစ်သည်။ အပူပိုင်းဒေသများတွင် မိုးရေချိန် (၂၅) လက်မခန့်လိုအပ်သည်။ ထို့ကြောင့် မြေပြန့်ဒေသစစ်ကိုင်းတိုင်းတွင် အောက်တိုဘာလ(၁၅)ရက်မှ နိုဝင်ဘာ(၁၅) ရက်အတွင်း စိုက်ပျိုးကြပြီး မိုးရာသီတွင် မိုးရေချိန်နည်းသော စက်တင်ဘာလ (၁၅) ရက်မှစ၍ စိုက်ပျိုးကြသည်။

အပင်ပြုစုခြင်း

အပင်ပေါက်ပြီး (၂၅-၃၀) ရက်တွင် ပေါင်းမြက်များရှင်းပေးပါ။ မက်ဆီပက်ပေါင်းပင်မှာ အဆိုးဆုံးဖြစ်၍ လက်ပေါင်းလိုက်ခြင်း၊ ဟာဗစ်ပေါင်းသတ်ဆေးဖြင့် နှိမ်နင်းခြင်းပြုလုပ်ပေးပါ။

ရောဂါများ

ဂျုံများတွင် နနွင်းရောဂါနှင့် ဂျုံလောင်မီးရောဂါတို့ အဖြစ်များပြီး မှိုကြောင့်ဖြစ်သောရောဂါဖြစ်ပါသည်။

ပိုးမွှားများ

ဖျက်ဆီးတတ်သောပိုးမွှားများမှာ ဖြုတ်စိမ်း၊ ငမြှောင်တောင်နှင့် ခြများဖြစ်သည်။

ရိတ်သိမ်းခြင်း

အောက်တိုဘာလတွင် ဂျုံစိုက်ပြီး ဖေဖော်ဝါရီလ၊ မတ်လတွင် ဂျုံသီးနှံတစ်ပင်လုံးဝါ၍ခြောက်သွေ့လာသည်။ ဂျုံသီးနှံအတွင်းရှိ ဂျုံစေ့များအရောင်ပြောင်လက်ပြီး ဂျုံစေ့မာလာသောအချိန်သည် ဂျုံသီးနှံများ ရင့်မှည့်ချိန်ဖြစ်သည်။ ရိတ်သိမ်းရာတွင် တံစဉ်ဖြင့်လည်းကောင်း၊ စက်ဖြင့်လည်းကောင်း ရိတ်သိမ်းနိုင်ပြီး ခြွေစက်ဖြင့်ခြွေနိုင်သည်။ နေရာဒေသအလိုက် ရိတ်သိမ်းခြွေလှေ့ခြင်း မတူကြပါ။

သိုလှောင်ခြင်း

သီးနှံအစိုဓာတ် (၁၄%) ထက်များအောင် နေလှန်းပြီး ဂျုံတစ်တင်းလျှင် ထုံး (၁) ပြည်နှုန်းထည့်၍ သိုလှောင်ရမည်။ သို့မှသာ နောက်နှစ်ဂျုံရာသီအတွက် မျိုးသိုလှောင်ထားနိုင်မည်ဖြစ်သည်။

အောင်ဝင်းထွဋ် လယ်ယာသီးနှံစိုက်ပျိုးနည်း စာအုပ်မှကောက်နုတ်ဖော်ပြပါသည်။

ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...