ငရုတ်သီးအစိမ်း တစ်ပိဿာဈေးနှုန်း ထက်ဝက်ခန့်ကျဆင်း
ငရုတ်သီးအစိမ်းကို ပြည်တွင်းရောင်းဝယ်မှုသာ ပြုလုပ်နိုင်၍ တစ်ပိဿာလျှင် ဈေးနှုန်းထက်ဝက်ခန့် ကျဆင်းသွားကြောင်း ငရုတ်စိုက်တောင်သူများထံမှ သိရသည်။
ထို့ကြောင့် ငရုတ်အစိုစိုက်တောင်သူများက အစိုခူးဆွတ်မရောင်းချတော့ပဲ ငရုတ်ခြောက် အဖြစ်သာ ထားရှိတော့မည်ဖြစ်ကြောင်း သိရသည်။
ကိုဗစ်ရောဂါဖြစ်ပွားနေစဉ်ကာလအတွင်း လမ်းပန်းဆက်သွယ်မှုကဏ္ဍမှာ နှောင့်နှေးကြန့်ကြာမှုများ ရှိနေခြင်း၊ ငရုတ်သီးအစိမ်း အဓိကဝယ်လက်ဖြစ်သည့် ထိုင်းနှင့် တရုတ်နိုင်ငံတို့က လျော့နည်းစွာဝယ်ယူလာခြင်းတို့ကြောင့် ပြည်တွင်းဈေးကွက်၌သာ အရောင်းအဝယ် ရှိလာနေ၍ ဈေးနှုန်းကျဆင်းလာခြင်းဖြစ်ကြောင်း သိရသည်။
ငရုတ်သီးအစိမ်းဈေးက အရင်လက တစ်ပိဿာကို ကျပ် ၁၂၀၀ ရတယ်။ အခု တစ်ပိဿာကို ကျပ် ၆၀၀ ကနေ ၆၅၀ ကြားပဲရတယ်။ ဈေးကျဆင်းလာသလို အရင်လို အဝယ်မလိုက်ဘူး။ တောင်သူတွေကိုယ်တိုင် ချိတ်ဆက်ကြတဲ့ ပွဲစား၊ ကုန်သည်ကလည်း လာမဝယ်နိုင်ကြဘူး။ ပြည်တွင်း လည်ပတ်သုံးစွဲမှုကိုပဲ အားထားနေရတော့ ဈေးကွက်မကောင်းဘူး။ ဒါကြောင့် အစိုခူးရောင်းတာထက်စာရင် အပင်မှာပဲ အခြောက်ထားပြီး ရောင်းမယ်ဆိုရင် တွက်ချက်ကိုက်နိုင်တာမို့ပါ
ဟု နေပြည်တော်၊ လယ်ဝေးမြို့နယ်ရှိ ငရုတ်စိုက်တောင်သူ ဦးကြီးမြင့်က ပြောသည်။
လက်ရှိတွင် ပြည်တွင်း၊ ပြည်ပ၌ ကိုဗစ်-၁၉ ရောဂါ ဖြစ်ပွားမှုမှာလည်း ပြန်လည်မြင့်တက်လာခြင်းကြောင့် ကုန်သွယ်ရေးအပိုင်းတွင် နှောင့်နှေးကြန့်ကြားခြင်း၊ ပြည်တွင်း၌ ညမထွက်ရအမိန့်များကြောင့် ညဘက် ကုန်တင်ဝန်ဆောင်မှုများ ပြုလုပ်ရန်ခက်ခဲ၍ ငရုတ်အစို ဝယ်ယူမှုကို ယာယီရပ်နားထားကြကြောင်း မန္တလေး- မြဝတီ ကုန်စိမ်းကုန်သည် ကိုနေလင်းစိုးက ပြောသည်။
ငရုတ်အစိုကို ပြည်ပကို နည်းနည်းတော့သွားပါတယ်။ အရင်လကလိုတော့ မဟုတ်ဘူးပေါ့။ အခုက ကုန်တင်ယာဉ်မောင်းတွေကလည်း ကုန်သယ်ယူပို့ဆောင်ဖို့ ငြင်းလာကြတယ်။ ကိုဗစ်က ပြန်လည်မြင့်တက်လာတော့ သက်ဆိုင်ရာမြို့နယ်အလိုက် ချမှတ်ထားတဲ့ စည်းကမ်းတွေအရနဲ့ ကူးစက်မှာ ကြောက်လာကြတာပေါ့။ ပြည်ပကလည်း အဝယ်နည်းတဲ့အခါ ပြည်တွင်းလည်ပတ်ရောင်းချကြတော့ ဈေးတွေပြုတ်ကျလာတာပါ။ ငရုတ်ခြောက် အဖြစ်ပဲထားမယ်ဆိုရင်တော့ တစ်ပိဿာကို အနည်းဆုံး ကျပ် ၂၅၀၀ နဲ့အထက် ရနိုင်ပါတယ်
ဟု ပြောသည်။
လက်ရှိတွင် ငရုတ်အစိုကို တရုတ်၊ ထိုင်းနိုင်ငံများသို့ တင်ပို့ကြပြီး၊ တရုတ်ဝယ်လက်များက ငရုတ်သီးအစိမ်းကို အတောင့်လိုက် ဝယ်ယူလိုခြင်းဖြစ်ပြီး၊ မှိုကင်းစင်ကြောင်းနှင့် ဓာတ်ကြွင်းပမာဏတို့ကို ဓာတ်ခွဲစမ်းသပ်ကာ စမ်းသပ်စစ်ဆေးကြကြောင်း ကုန်သည်များထံမှ သိရသည်။
ယခင်လက ထိုင်းနိုင်ငံသို့ ငရုတ်အစိုတင်ပို့ရန် ယာယီရပ်နားခဲ့၍ ငရုတ်သီးဈေးကျဆင်းခဲ့သလို ပြည်တွင်း၌ စုပြုံမှုဖြစ်ပွားခဲ့ရကြောင်း သိရသည်။
လက်ရှိ ပြည်တွင်းဈေးကွက်၌ ငရုတ်အမျိုးအစားအလိုက် ကျောက်စိမ်းဘုတို၊ အရှည်၊ မိုးထောင်ငရုတ် အတို၊ အရှည် အခြောက် တစ်ပိဿာလျှင် ကျပ် ၃၀၀၀ မှ ၄၅၀၀ ကြား ပေါက်ဈေးရှိနေကြောင်း သိရသည်။
သုသု(AMIA)
ဆက်စပ်ဆောင်းပါးများ
တစ်ပတ်စာ သီးနှံဈေးကွက် သုံးသပ်ချက် (၁၄ - ၁၈.၉.၂၀၂၆)
AMIA
ရှမ်းတောင် ခရမ်းချဉ်ဈေးကွက် အောက်တိုဘာနှင့် နိုဝင်ဘာတွင် ဈေးမြင့်တက်လာနိုင်ကြောင်း ကုန်သည်များသုံးသပ်
AMIA
အိန္ဒိယဝယ်လိုအားကြောင့် ပို့ကုန်ပဲအချို့ဈေးလှုပ် (တစ်ပတ်စာဈေးကွက်သုံးသပ်ချက်)
AMIA
ဆက်စပ်မေးခွန်းများ
ပဲပွင့်တွေတအားကြွေ နေလို့ ကြည့်လိုက်တော့ အထဲမှာလှေးတွေ့နေရလို့ဆရာ အစီတာမီပရစ်နဲ့ လန်ဘဒါ တစ်ကြိမ် အဘာမက်တင် တစ်ကြိမ် ဝင်ထားပါတယ်ဆရာ လက်ထဲမှာ အစီတာ + လန်ဘဒါ / အဘာမက်တင် / အိမာမက်တင်ဘန်ဇို + လန်ဘဒန် / ဆိုင်ပါသရင် အဲ့ဆေးတွေရှိပါသေးတယ်ဆရာ
U Yan • ဖြေကြားချက် 0 ခု
"မင်္ဂလာပါ" ကျွန်တော်ကကွမ်းပင်အညွန့်ဖြတ်ရောင်းတဲ့ခြံရှင်ပါ ကွမ်းပင်ဖြတ်တာ အကြိမ်ရေများတော့ အညွန့်နည်းနည်းသေးသွားတယ် အဲ့တာကြောင့် အပင်ပြန်ကြီးလာအောင် ဆော်တာ ကျွေးလို့ရလားဗျ
Kyaw Aye • ဖြေကြားချက် 2 ခု
ဆရာကြီးဦးသိန်းစုရဲ့စာအုပ် linkရနိင်မလးဆရာ
U Than Toe Aung • ဖြေကြားချက် 3 ခု
ပဲတီစိမ်းသီးလုံးဖောက်ပိုးတွေကိုဘာဆေးနိင်လဲဗျပြောခဲ့ကြပါအုံး
SiThu • ဖြေကြားချက် 2 ခု
ကျွန်ုပ်၏ခရမ်းချဥ်ပင်အဲလိုဖြစ်နေ ဘာဆေးဖျန်းရမလဲ
pius • ဖြေကြားချက် 1 ခု
.jpg)
Farm Link Co.,Ltd
ရေမီးအစုံနဲ့ လေထီးခုန်နိုင်မယ့် ဖန်းလင့်ရဲ့ #စမတ်သီးစုံလာပါပြီ.....ဦးကြီးတို့ရေ လေထီးခုန်ချင်ပေမယ့် စမတ်သီးစုံကို မသိသေးရင်တော့ ဒီစာလေးကို ဆက်ဖတ်ပေးပါ #စမတ်သီးစုံဆိုတာ အပင်တိုင်းအတွက် အဓိကအာဟာရNPK (19:7:8)နဲ့ #ဟူးမစ်အက်စစ်တို့ အချိုးကျ ပေါင်းစပ်ထားတဲ့ ကွန်ပေါင်းဓာတ်မြေဩဇာဖြစ်ပါတယ်။ အဓိကအကျိုးကျေးဇူးတွေအနေနဲ့ကတော့ နိုက်ထရိုဂျင် 19%ပါဝင်တဲ့အတွက် ကလိုရိုဖီးလ်ဖွဲ့စည်းမှုကို အားပေးကာ သီးနှံပင်များ၏အရွက်များစိမ်းလန်းသန်စွမ်းပြီး အစာချက်လုပ်မှုအားကောင်းစေပါတယ်။ အပင်၏ပင်ပိုင်းကြီးထွားမှုကို တိုးမြင့်စေကာ အပင်သန်၍ အကြီးမြန်စေပါတယ်။ သင့်တော်တဲ့ Phosphorus 7%ပါဝင်မှုကြောင့် အပင်ရဲ့ အမြစ်ဖွဲ့စည်းတည်ဆောက်မှုကို ပို၍သန်မာလာအောင် အားပေးပါတယ်။ ဒါ့အပြင် ပန်းပွင့်ခြင်း၊အသီးသီးခြင်း၊အစေ့တည်ခြင်းလုပ်ငန်းစဉ်များကိုလည်း အားပေးပါတယ်။ လုံလောက်တဲ့ Potassium 8%က အပင်ရဲ့ ရောဂါဒဏ်၊ရာသီဥတုဒဏ်ခံနိုင်ရည်ရှိမှုကို မြင့်တက်စေပြီး အသီးအရည်အသွေး၊ အရွယ်အစားနဲ့ အရသာ ပိုမိုကောင်းမွန်စေဖို့အတွက် လိုအပ်တဲ့အာဟာရဓာတ်ဖြစ်ပါတယ်။ ဟူးမစ်အက်စစ်ပါဝင်ပေါင်းစပ်ထားတဲ့အတွက် အာဟာရဓာတ်စုပ်ယူမှုကောင်းမွန်လာခြင်း၊မြေဆီလွှာဖွဲ့စည်းပုံနှင့်ရေထိန်းနိုင်စွမ်းအားကောင်းလာခြင်းအပါအဝင် အကျိုးကျေးဇူးများစွာကိုရရှိစေမှာဖြစ်ပါတယ်။ စပါးအပါအဝင် နှံစားသီးနှံများ၊ပဲအမျိုးမျိုး၊ဟင်းသီးဟင်းရွက်နဲ့ ဥယျာဉ်ခြံသီးနှံအားလုံးမှာ အသုံးပြုနိုင်တယ်ဆိုတော့ တစ်မျိုးတည်းနဲ့ အားလုံးပါဖက်(perfect)မယ့် စမတ်သီးစုံနော် အရွေးမမှားတာသေချာပြီမလို့ အတွေးမများဘဲ သီးနှံတိုင်းကြီးထွားအောင် ဖန်းလင့်ရဲ့ #စမတ်သီးစုံကို သုံးကြပါစို့....
နောက်ဆုံး ဆောင်းပါးများ
ဝူလုံသဘာဝရှုခင်းများကြားက သစ်တစ်ပင်နှင့် ဂေဟစနစ်ထိန်းသိမ်းရေးသင်ခန်းစာ
23/09/2026
ကျန်းမာရေးနှင့်ညီညွတ်သော အစာစားနည်းများ (အပိုင်း-၄)
22/09/2026
တစ်ပတ်စာ သီးနှံဈေးကွက် သုံးသပ်ချက် (၁၄ - ၁၈.၉.၂၀၂၆)
21/09/2026
မြန်မာနိုင်ငံတွင် အဖြစ်များဆုံးသော ရောဂါ - ခံတွင်းကင်ဆာ
18/09/2026
ရှမ်းတောင် ခရမ်းချဉ်ဈေးကွက် အောက်တိုဘာနှင့် နိုဝင်ဘာတွင် ဈေးမြင့်တက်လာနိုင်ကြောင်း ကုန်သည်များသုံးသပ်
17/09/2026
More from AMIA
အားလုံး
တစ်ပတ်စာ သီးနှံဈေးကွက် သုံးသပ်ချက် (၁၄ - ၁၈.၉.၂၀၂၆)
21/09/2026
ရှမ်းတောင် ခရမ်းချဉ်ဈေးကွက် အောက်တိုဘာနှင့် နိုဝင်ဘာတွင် ဈေးမြင့်တက်လာနိုင်ကြောင်း ကုန်သည်များသုံးသပ်
17/09/2026
အသံ
အစာဈေးမြင့်ပြီး တွက်ချေမကိုက်တော့သဖြင့် ငါးမွေးမြူသူတွေ လျော့ကျလာ
16/09/2026
အိန္ဒိယဝယ်လိုအားကြောင့် ပို့ကုန်ပဲအချို့ဈေးလှုပ် (တစ်ပတ်စာဈေးကွက်သုံးသပ်ချက်)
14/09/2026
ထောပတ်သီး ပြည်ပဈေးကွက်ပျောက်၍ ပြည်တွင်းဈေး ကျဆင်း
10/09/2026
