ပင်ကြွင်းပင်ကျန်များကို မီးမရှို့ရ

25/01/2021 15:00 PM တွင် U Thein Su U Thein Su မှ ရေးသား ပြီး ဆုဆွေဖောင်ဒေးရှင်း ဆုဆွေဖောင်ဒေးရှင်း မှ ပေးပို့ထားပါသည်။

    ပင်ကြွင်းပင်ကျန်များသည် မြေကြီးကိုဖုံးထားပေးသည့် အဓိကပစ္စည်းဖြစ်သည်။ ၎င်းတို့ကို မီးရှို့ပစ်ခြင်း၊ သို့မဟုတ် စိုက်ခင်းအတွင်းမှ ဖယ်ထုတ်ပစ်ခြင်းကို လုံးဝမပြုလုပ်ရပေ။ ပင်ကြွင်းပင်ကျန်များသည် သစ်ဆွေးဓာတ်များကြွယ်ဝသော အပေါ်ယံမြေလွှာကို မြေ၊ ရေ၊ လေတို့၏တိုက်စားခြင်းမခံရအောင် ကာကွယ်ပေးထားသည်။ ထို့အတူ ၎င်းတို့ပါ ဆွေးမြေ့သွားပြီး လတ်လတ်ဆတ်ဆတ်သစ်ဆွေးဓာတ်များကို မြေကြီးထဲသို့ ထပ်မံဖြည့်ဆည်းပေးနေသည်။ ပင်ကြွင်းပင်ကျန်များကို မီးရှို့လိုက်ပါက လေထုညစ်ညမ်းမှုကို ဖြစ်စေရုံသာမက မြေကြီးထဲမှ သတ္တုဓာတ်များလည်း အလျင်အမြန်ပြိုကွဲကုန်ကာ မြေကြီးထဲမှ သစ်ဆွေးဓာတ်နှင့် အာဟာရဓာတ်များပါ လျော့ပါးသွားစေပါသည်။ ပင်ကြွင်းပင်ကျန်များကို မီးရှို့လိုက်ပါက ထိုအပိုင်းတွင် ပေါင်းမြက်များ လျင်မြန်စွာပေါက်လာကြသည်။ 

မြေကြီးကို ပင်ကြွင်းပင်ကျန်များဖြင့် ဖုံးအုပ်သည့်အကျိုးကျေးဇူးများ

၁။ မြေထဲသို့ ရေစိမ့်ဝင်မှုများပြားသည်။ မြေကြီး၏ ရေသိုလှောင်ထိန်းသိမ်းမှု များပြားသည်။  အပင်အတွက် ရေငတ်မှု၊ ရေလိုမှု၊ ရေမလုံလောက်မှု စသည်များမဖြစ်နိုင်တော့ပေ။ 

၂။ မြေကြီးထဲတွင်ရှိသည့် သက်ရှိမျိုးကွဲအစုံတို့အတွက် အာဟာရရှိရာနေရာနှင့် ရှင်သန်ပေါက်ပွားရာနေစရာ ဖြစ်လာသည်။ အသက်ရှင်လာသည့် မြေကြီးသဘောမျိုးဖြစ်ပေါ်လာသည်။ 

၃။ လေနှင့် ရေတို့ မြေတွင်းဝင်ရောက်ရာလမ်းကြောင်းများ ဖြစ်ပေါ်လာသည်။

၄။ မြေတွင်းသက်ရှိတို့၏ လှုပ်ရှားမှုများကြောင့် မြေသားများမွလာကာ သက်ရှိတို့ကြောင့်ဖြစ်လာသည့် ထယ်ရေးကို ရရှိလာသည်။ ဇီဝထယ်ရေး (Biological Tillage) ဟု ခေါ်သည်။ လူက ထယ်ထိုးထွန်မွှေပေးရန် မလိုတော့ပေ။ 

၅။ ဖုံးထားသည့် ပင်ကြွင်းပင်းကျန်များ ဆွေးမြေ့သွားသည့်အခါ မြေဆီဩဇာပြန်ဖြစ်သွားသဖြင့် မြေတွင်းအာဟာရဓာတ်များ ပိုမိုကြွယ်ဝလာသည်။

၆။​ မြေဆွေးဖြစ်ပွားမှု ပိုမိုများပြားလာသည်။

၇။ မြေသားတည်ဆောက်မှု ပိုမိုကောင်းမွန်လာသည်။

၈။ မြေဆီဩဇာပျက်သုဉ်းမှုထက် မြေဆီဩဇာပြန်လည်တိုးတက်ဖြစ်ထွန်းမှုက ပိုမိုလာသည်။

၉။ မြေကြီး၏ကျန်းမာရေး ပိုမိုကောင်းမွန်လာသည်။

၁၀။ အမြစ်ပွားရန်နှင့် အပင်ငယ်ကြီးထွားရန် မြေသားအခြေအနေကောင်းမွန်လာသည်။

၁၁။ မြေပေါ်မှ ရလွှာလျောဆင်းသွားမှုများ လျော့နည်းသွားပြီး မြေတွင်းသို့ ရေပိုမိုစိမ့်ဝင်သွားသည်။

၁၂။ ရေတိုက်စားမှုနှင့် လေတိုက်စားမှုများ မဖြစ်ပေါ်စေတော့ပေ။

၁၃။​ မြေကြီးပေါ်သို့ နေရောင်တိုက်ရိုက်မကျရောက်တော့သဖြင့် မြေကြီးအတွင်းနှင့် မြေမျက်နှာပြင်ပေါ်အပူချိန်တို့ မတည်မငြိမ် အပြောင်းအလဲဖြစ်မှုများကို လျော့နည်းစေသည်။

၁၄။ မြေမျက်နှာပြင်ပေါ်သို့ မိုးပေါက်များ တိုက်ရိုက်ထိမှန်မှု မရှိတော့သဖြင့် မြေမျက်နှာပြင်တင်းသွားခြင်း၊ ပိတ်သွားခြင်းများ မဖြစ်ပေါ်စေတော့ပေ။

၁၅။​ မြေတွင်းရေအငွေ့ပျံဆုံးရှုံးမှု လျော့နည်းသက်သာစေသည်။ 

၁၆။ ပေါင်းပေါက်ရောက်မှု လျော့နည်းသက်သာစေသည်။ 

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။


ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...
Read more Facebook စာမျက်နှာသို့သွားရန်

ဆွေးနွေးချက်များ

ဆွေးနွေးရန်