နွေစပါးသီးထပ်အဖြစ် စိုက်ပျိုးရန်သင့်တော်သည့် သက်တမ်းတို၍ အထွက်နှုန်းကောင်းသော ရွှေရီတိုးစပါး

စိုက်ပျိုးရေးသုတေသနဦးစီးဌာန (DAR- ရေဆင်း)၊ ဇီဝနည်းပညာ သုတေသနဌာနစုအနေဖြင့် အပင်တစ်သျှူးနည်းပညာ၊ မော်လီကျူလာနည်းပညာနှင့် အပင်တစ်သျှူးနှင့် မော်လီကျူလာနည်းပညာ ပေါင်းစပ်သုတေသနပြု စမ်းသပ်ခြင်းများအသုံးပြု၍ ရာသီဥတုဒဏ် ခံနိုင်ရည်ရှိသည့် စပါးမျိုးများ၊ ရောဂါဒဏ်ခံနိုင်ရည်ရှိသည့် စပါးမျိုးများ၊ အရည်အသွေးကောင်းနှင့် အထွက်ကောင်း စပါးမျိုးများ၊ သက်တမ်းတို စပါးမျိုးများကို ရှာဖွေဖော်ထုတ်လျက်ရှိပါသည်။

ဇီဝနည်းပညာ သုတေသနဌာနစုအနေဖြင့် မြန်မာနိုင်ငံ စပါးစိုက်ပျိုးမြေများတွင် အများဆုံးစိုက်ပျိုးသည့် မနောသုခ စပါးမျိုးအား နွေစပါးသီးထပ် စိုက်ပျိုးကြသည့် တောင်သူလယ်သမားများအတွက် ရည်ရွယ်၍ မနောသုခနှင့် အထွက်နှုန်း၊ ဆန်အရည်အသွေး၊ စားသုံးမှုတူညီပြီး သက်တမ်းတိုသည့် စပါးမျိုးရရှိရန်အတွက် မနောသုခစပါးမျိုးအား အဖိုဝတ်မှုန်အိတ် မွေးမြူနည်း (Rice Anther Culture) ကို အသုံးပြုမွေးမြူခြင်း သုတေသနလုပ်ငန်းကို ၂၀၁၅- ၂၀၁၆ ခုနှစ်မှ စတင်ဆောင်ရွက်ခဲ့ပါသည်။ ရရှိလာသည့် မနောသုခ (Double Haploid, DH) မျိုးလိုင်းများထဲမှ ဗီဇတည်ငြိမ်ပြီး၊ မိဘ မနောသုခမျိုးထက် သက်တမ်းတိုသည့် မျိုးလိုင်းများအား ရွေးချယ်၍ အထွက်နှုန်းတည်ငြိမ်မှု၊ ရေ၊ မြေ၊ ဒေသ အခြေအနေပေါ်မူတည် ဖြစ်ထွန်းနိုင်မှု၊ ဗီဇနှင့် ပတ်ဝန်းကျင်တို့ အပြန်အလှန် တုံ့ပြန်မှုတွင် အထွက်နှင့် အထွက်မိတ်ဖက်များကို ဒေသစံထားမျိုးများနှင့် နှိုင်းယှဉ်ခြင်းများ အဆင့်ဆင့်စမ်းသပ်စစ်ဆေးပြီး၊ အကောင်းဆုံး မျိုးလိုင်းတစ်လိုင်းဖြစ်သည့် မနောသုခ (MDH 9-1-17) မျိုးလိုင်းသစ်ကို ရွေးချယ်ခဲ့ပါသည်။ 

အဆိုပါ အဆင့်ဆင့် ရွေးချယ်ရရှိလာသော အလားအလာကောင်းသည့် မနောသုခ (MDH 9-1-17) မျိုးလိုင်းအား ၂၀၁၆ ခုနှစ်၊ မိုးရာသီနှင့် ၂၀၁၇ ခုနှစ်၊ နွေရာသီတို့တွင် ရေဆင်း၊ ကျောက်တံတားနှင့် ကျိုင်းတုံဒေသတို့၌ တောင်သူများ ပူးပေါင်းပါဝင်သည့် သရုပ်ပြစမ်းသပ်ကွက်များ စမ်းသပ်ဆောင် ရွက်ခဲ့ပြီး၊ သက်တမ်းတိုခြင်း၊ အထွက်နှုန်းတည်ငြိမ်ခြင်း၊ တောင်သူများ ကြိုက်နှစ်သက်ခြင်း၊ ဆန်အရည်အသွေးနှင့် စားသုံးမှုကောင်းခြင်းစသည့် လက္ခဏာများ တွေ့ရှိခဲ့ရခြင်းကြောင့်၊ မနောသုခ အဖိုဝတ်မှုန်အိတ် မွေးမြူနည်းဖြင့် ရရှိလာသည့် မနောသုခ (MDH 9-1-17) မျိုးလိုင်းသစ်အား၊ ရွှေရီတိုးစပါးမျိုးအဖြစ် အမည်ပေးကာ မျိုးသစ်အဖြစ် အသိအမှတ်ပြုရန် ၂၀၁၉ ခုနှစ်၊ မတ်လက မျိုးစေ့ကျွမ်းကျင်မှုဆိုင်ရာ ကော်မတီ (TSC) သို့ မှတ်ပုံတင်  လျောက်ထားပြီးဖြစ်ပါကြောင်း၊ စိုက်ပျိုးရေးသုတေသနဦးစီးဌာန၊ ဇီဝနည်းပညာသုတေသနဌာနစု၏ တောင်သူအကျိုးပြု သုတေသနရလဒ်အဖြစ် တင်ပြအပ်ပါသည်။

ရွှေရီတိုးစပါး၏ အရည်အချင်းလက္ခဏာများ

အသက်ရက်- ၁၁၅ ရက်

အပင်အမြင့်- ၈၉.၆ စင်တီမီတာ

အောင်စေ့ရာခိုင်နှုန်း- ၉၃.၇၇%

အစေ့(၁၀၀၀) အလေးချိန်- ၁၆.၃၀ ဂရမ်

အမိုင်းလို့စ်ရာခိုင်နှုန်း - ၂၆.၇၄%

ဆန်ရည်ဆန်သား- ကြည်

ဆန်ထွက်ရာခိုင်နှုန်း- ၇၃%

အထွက်နှုန်း - ၉၅- ၁၀၀ တင်း/ဧက

စိုက်ပျိုးသင့်သော ဒေသများ- မိုးရေသောက်၊ ဆည်ရေသောက် ဒေသများ

ထူးခြားချက်- အသက်လျင်ခြင်း၊ အထွက်ကောင်းခြင်း၊ ဆန်သားကြည်ခြင်း၊ စားသုံးရာတွင် နူးညံ့ခြင်း၊ နွေစပါးအဖြစ်စိုက်ပျိုးနိုင်ခြင်း။

စိုက်ပျိုးရေးသုတေသနဦးစီးဌာန(DAR)

Farm Link Co.,Ltd ကြော်ငြာ

စပါးစိုက်ပျိုးဖို့ ပြင်နေကြပြီလား? ဒါဆို Farm Link ရဲ့ အထူး special product တွေနဲ့ မိတ်ဆက်ပေးလိုက်ပါတယ်.. 👉 Erase (အီရေစ့်) က ပေါင်းပင်တွေကို သေစေရုံတင်မကဘဲ နောက်ထပ် ပေါင်းသတ်ဆေး ထပ်ဖျန်းစရာ မလိုလောက်အောင်ကို ပေါင်းပေါက်ရောက်မှုကို ထိထိရောက်ရောက် ဟန့်တားပေးနိုင်ပါတယ်။ 👉 စမတ်သီးစုံဆိုတာ အပင်တိုင်းအတွက် အဓိကအာဟာရNPK (19:7:8)နဲ့ #ဟူးမစ်အက်စစ်တို့ အချိုးကျ ပေါင်းစပ်ထားတဲ့ ကွန်ပေါင်းဓာတ်မြေဩဇာဖြစ်ပါတယ်။ အဓိကအကျိုးကျေးဇူးတွေအနေနဲ့ကတော့ နိုက်ထရိုဂျင် 19%ပါဝင်တဲ့အတွက် ကလိုရိုဖီးလ်ဖွဲ့စည်းမှုကို အားပေးကာ သီးနှံပင်များ၏အရွက်များစိမ်းလန်းသန်စွမ်းပြီး အစာချက်လုပ်မှုအားကောင်းစေပါတယ်။ 👉 ဆလက်ပလက်စ်ဆိုတာ စပါးဆစ်ပိုး (Rice stem borer) ၊ စပါးရွက်လိပ်ပိုး(Rice leaf folder)၊ စပါးင​မြောင်​တောင်ပိုး( Rice armyworm) စတဲ့ စပါးဖျက်ပိုး​တွေကိုလည်း ၇၀%အထိကို ကာကွယ်နှိမ်နင်းနိုင်ပါတယ်။ 👉စပါးနှံတွေ ထွက်လာခါမှ ဂုတ်ကျိုးရောဂါကြောင့် အနှံဖြူပြီး ပျက်စီးသွားတာဟာ တောင်သူတို့အတွက် အကြီးမားဆုံး ဆုံးရှုံးမှုပါပဲ။ ဒီဆုံးရှုံးမှုကို အမြစ်ပြတ် တားဆီးဖို့ဆိုရင် ရှူးဝါး ကိုသာ သတိရလိုက်ပါ။ 👉စပါးခင်းမှာ ရွက်ဖျားဝါပြီး မီးလောင်သလို အကွက်လိုက်ဖြစ်ကာ တဖြည်းဖြည်းခြောက်လိုက်လာပြီဆို အဲ့ဒါကိုဖြုတ်လောင်ခြင်း (hopper burn)လို့ခေါ်ပါတယ်။ မထိန်းချုပ်နိုင်အောင် ဆိုးဆိုးရွားရွာကျရောက်ပါက အထွက်နှုန်းကို ရာနှုန်းပြည့်ထိ ဆုံးရှုံးစေနိုင်တာတာကို ဗိုက်တာဂရိုကိုသာ ထိန်းချုပ်နိုင်တာပါ

Read more