လက်ဖက်ရည်အချိုခြောက်ကို ဘယ်လိုထုတ်လဲ?

Black Tea (အချိုခြောက်)ကို ထုတ်လုပ်ရာတွင် Orthodox နှင့် CTC ဆိုပြီး ထုတ်လုပ်တဲ့ နည်းလမ်း ၂ မျိုးရှိပါတယ်…

ဒါဆို ပထမဦးဆုံးအနေနဲ့ Orthodox ဆိုတာဘာလဲ? CTC ဆိုတာဘာလဲ? ဆိုတာ ခွဲခြားကြည့်လိုက်ရအောင်နော်.

Orthodox နည်းက လက်ဖက်အညွှန့်ကို ဦးစားပေးပြီးထုတ်လုပ်ထားခြင်းဖြစ်ပြီး ရိုးရာနည်းဖြင့် ထုတ်လုပ်ထားသော အရည်အသွေးမြင့် Black Tea ထုတ်ကုန်ဟု သတ်မှတ်ပါတယ်။ ထုတ်လုပ်ရာတွင် လုပ်သားအင်အားများများဖြင့် ရှေးမူမပျက်ထုတ်လုပ်ရသောကြောင့် ဒီနည်းလမ်းဖြင့် ထုတ်လုပ်ထားသော အချိုခြောက်များသည် စျေးပိုကြီးလေ့ရှိပါသည်။ CTC (သို့) Crush, Tear & Curl နည်းလမ်းသည် စက်၏အကူအညီဖြင့် အရေအတွက်အမြောက်အမြားထုတ်လုပ်သည့် နည်းလမ်းဖြစ်သည်။ ထုတ်လုပ်ရာတွင် စက်ဖြင့်ထုတ်လုပ်သောကြောင့် ပိုမိုမြန်ဆန်ပြီး စျေးသင့်သည့် Black Tea(အချိုခြောက်) ဖြစ်ပါသည်။

Black Tea သမိုင်းကြောင်း

Orthodox ထုတ်လုပ်မှုသည် အင်္ဂလန်ဘုရင်မသောက်ဖို့အတွက် ၁၉၃၄ ခုနှစ်မှာ သုံးထပ်အဆောက်အဦးရှိတဲ့ BBCL စက်ရုံကို နမ့်ဆန်မြို့မှာ စတင်တည်ထောင်ခဲ့ပြီး Orthodox Black Tea ကို စတင်ထုတ်လုပ်ခဲ့ပါတယ်။ ဂျပန်တွေနဲ့စစ်ဖြစ်တော့ သုံးထပ်ကနေ တစ်ထပ်ဖြစ်သွားပါတယ်။ Orthodox ကို မြန်မာရိုးရာအချိုခြောက်အနေနဲ့သိခဲ့ရာကနေ နောက်ပိုင်း CTC အချိုခြောက်ကို တရုတ်ကသွင်းခဲ့ခြင်းကြောင့် ဖြစ်ပါတယ်။ ၂၀၀၈ ခုနှစ်ကစပြီး CTC စက်ကို India ကတင်သွင်းပြီး ပြည်တွင်းမှာတွင် CTC နည်းလမ်းဖြင့်ထုတ်လုပ်သော အချိုခြောက်ကို အရေအတွက်များများ ထုတ်လုပ်နိုင်ခဲ့ပါတယ်။ ယခုလက်ရှိအချိန်တွင်တော့ Orthodox နှင့် CTC အချိုခြောက်နှစ်ခုလုံးကို လက်ဖက်ရည်ဆိုင်များမှာ တွင်တွင်ကျယ်ကျယ် အသုံးပြုလျက်ရှိပါတယ်။

ဒီနည်းလမ်းနှစ်ခုဖြင့် ထုတ်လုပ်တဲ့ Black Tea တွေရဲ့ ခြားနားချက်

Orthodox နှင့် CTC နည်းလမ်းဖြင့် ထုတ်လုပ်ထားတဲ့ လက်ဖက်ခြောက် ၂ မျိုးမှာ အမြင်၊ အနံ့နှင့် အရသာ ကွာခြားမှုရှိပါတယ်။ Orthodox က လက်ဖက်အညွှန့်လေးများအတိုင်း ပုံမပျက်စေရန် သေချာပြုလုပ်ထားသောကြောင့် အညွှန့်အချောင်းပုံရှိပြီး အနံ့မှာ လှော်သင်းနံ့ ပျားရည်နံ့မွှေးပြီး အရသာက ဖန်ချိုလေးဖြစ်ပါတယ်။ CTC နည်းလမ်းကတော့ လက်ဖက်ကို လျင်မြန်စွာ ထုတ်လုပ်နိုင်ရန်နှင့် တူညီသောအရသာရရှိရန် စက်ဖြင့် အရွက်များကို အပိုင်းပိုင်းလေးများဖြစ်အောင် ကြိတ်ခွဲထားသောကြောင့် အလုံးအမှုန့်ပုံရှိပြီး အနံ့က လတ်ဆတ်တဲ့ စိမ်းနံ့ရပြီး အရသာက ဖန်ခါးရပါတယ်။

အသုံးပြုပုံ

လက်ဖက်ရည်မှာ ကျရည်နှပ်အောင်တည်ပြီး ဖျော်ရာတွင် Orthodox အချိုခြောက်ကိုသုံးပြီး၊ အစိမ်းဖောက်ပြီး ဖျော်ရာတွင် CTC ကို သုံးပါတယ်။ ပုံမှန်ခြားနားချက်ရှိတာက အထက်မြန်မာပြည်မှာ နှပ်ရည်ကျတဲ့ဖျော်နည်းကို ပိုသုံးကြပြီး၊ အောက်မြန်မာပြည်က အစိမ်းဖောက်ဖျော်တာကို ပိုသုံးကြပါတယ်။ ဒါ့အပြင် ယခုခေတ်စားနေတဲ့ Taiwan Bubble Milk Tea (နို့လက်ဖက်ရည်) ကို ဖျော်စပ်ရာတွင်လည်း Black Tea ကို အသုံးပြုနိင်ပါတယ်။ ဖျော်စပ်ရာတွင် အဆင့်မြင့် အရည်အသွေးကောင်းကောင်းကို အသုံးပြုလိုလျှင် Orthodox အချိုခြောက်ကိုသုံးပြီး နှုန်းထားသက်သာတဲ့ဆိုင်ဆိုရင် CTC ကို အများစုက ရွေးချယ် အသုံးပြုပြီး ဖျော်စပ်ကြပါတယ်။

ဥရောပနိုင်ငံများမှာ Orthodox ကို ဈေးကြီးပေးပြီး ရေနွေးကြမ်းသောက်သလို တန်ဖိုးထားပြီး သောက်လေ့ရှိပါတယ်။ CTC အချိုခြောက်ကိုတော့ Tea Bags ဖြင့် ထုတ်လုပ်လေ့ရှိပြီး အများစုက နို့၊ သကြားအစရှိသည်ဖြင့် ထည့်သောက်ကြပါတယ်။

ဒါကတော့ Black Tea ထုတ်လုပ်ရာတွင် အသုံးပြုသည့် နည်းလမ်းနှစ်သွယ်ဖြစ်ပြီး နောင်အပတ်များမှာလည်း လက်ဖက်နှင့် ပတ်သက်သည့် ဗဟုသုတများကို အလျဉ်းသင့်သလို ဖော်ပြပေးသွားမှာဖြစ်ပါတယ်။

Source - မြန်မာနိုင်ငံလက်ဖက်အသင်း

Farm Link Co.,Ltd ကြော်ငြာ

စပါးစိုက်ပျိုးဖို့ ပြင်နေကြပြီလား? ဒါဆို Farm Link ရဲ့ အထူး special product တွေနဲ့ မိတ်ဆက်ပေးလိုက်ပါတယ်.. 👉 Erase (အီရေစ့်) က ပေါင်းပင်တွေကို သေစေရုံတင်မကဘဲ နောက်ထပ် ပေါင်းသတ်ဆေး ထပ်ဖျန်းစရာ မလိုလောက်အောင်ကို ပေါင်းပေါက်ရောက်မှုကို ထိထိရောက်ရောက် ဟန့်တားပေးနိုင်ပါတယ်။ 👉 စမတ်သီးစုံဆိုတာ အပင်တိုင်းအတွက် အဓိကအာဟာရNPK (19:7:8)နဲ့ #ဟူးမစ်အက်စစ်တို့ အချိုးကျ ပေါင်းစပ်ထားတဲ့ ကွန်ပေါင်းဓာတ်မြေဩဇာဖြစ်ပါတယ်။ အဓိကအကျိုးကျေးဇူးတွေအနေနဲ့ကတော့ နိုက်ထရိုဂျင် 19%ပါဝင်တဲ့အတွက် ကလိုရိုဖီးလ်ဖွဲ့စည်းမှုကို အားပေးကာ သီးနှံပင်များ၏အရွက်များစိမ်းလန်းသန်စွမ်းပြီး အစာချက်လုပ်မှုအားကောင်းစေပါတယ်။ 👉 ဆလက်ပလက်စ်ဆိုတာ စပါးဆစ်ပိုး (Rice stem borer) ၊ စပါးရွက်လိပ်ပိုး(Rice leaf folder)၊ စပါးငမြောင်တောင်ပိုး( Rice armyworm) စတဲ့ စပါးဖျက်ပိုးတွေကိုလည်း ၇၀%အထိကို ကာကွယ်နှိမ်နင်းနိုင်ပါတယ်။ 👉စပါးနှံတွေ ထွက်လာခါမှ ဂုတ်ကျိုးရောဂါကြောင့် အနှံဖြူပြီး ပျက်စီးသွားတာဟာ တောင်သူတို့အတွက် အကြီးမားဆုံး ဆုံးရှုံးမှုပါပဲ။ ဒီဆုံးရှုံးမှုကို အမြစ်ပြတ် တားဆီးဖို့ဆိုရင် ရှူးဝါး ကိုသာ သတိရလိုက်ပါ။ 👉စပါးခင်းမှာ ရွက်ဖျားဝါပြီး မီးလောင်သလို အကွက်လိုက်ဖြစ်ကာ တဖြည်းဖြည်းခြောက်လိုက်လာပြီဆို အဲ့ဒါကိုဖြုတ်လောင်ခြင်း (hopper burn)လို့ခေါ်ပါတယ်။ မထိန်းချုပ်နိုင်အောင် ဆိုးဆိုးရွားရွာကျရောက်ပါက အထွက်နှုန်းကို ရာနှုန်းပြည့်ထိ ဆုံးရှုံးစေနိုင်တာတာကို ဗိုက်တာဂရိုကိုသာ ထိန်းချုပ်နိုင်တာပါ