စျေးကောင်းရတဲ့ သစ်မွှေးပင်တစ်ပင်ရရှိဖို့ အစေ့ကနေဘယ်လိုပျိုးမလဲ

အရင်ဆုံး သစ်မွှေးဆိုတာဘာလဲ ဆိုတဲ့အကြောင်းကို မသိသေးတဲ့သူတွေအတွက် နည်းနည်း ပြောပြပေးချင်ပါတယ်။ သစ်မွှေးကိုတော့ အင်္ဂလိပ်နာမည် အားဖြင့် Agarwood ရယ်လို့ ခေါ်ဝေါ်ကြပါတယ်။ မြန်မာလိုကတော့ အကျော်ပင်၊ သစ်မွှေးပင်ရယ်လို့ ခေါ်ဝေါ်ကြပါတယ်။ သူ့ကိုတော့ အမွှေးနံ့သာထုတ်လုပ်တဲ့ နေရာတွေ၊ ဆေးဝါးလုပ်ငန်းတွေမှာ အသုံးပြုကြပါတယ်။ မြန်မာနိုင်ငံမှာဆိုရင်လည်း အခုနောက်ပိုင်း သေချာစိုက်ပျိုးလာကြတာတွေ့ရတဲ့အတွက် သစ်မွှေးနဲ့ပတ်သက်ပြီး ကိုယ်တိုင်မျိုးညှောင့်ဖောက်နည်းလေးကို ဖော်ပြလိုက်ရပါတယ်။

မျိုးညှောင့်ဖောက်ဖို့နည်းလမ်းတွေကတော့ များစွာရှိပါတယ်။ အခုဖော်ပြတဲ့နည်းကတော့ အလွယ်ဆုံးနဲ့ အဆင်အပြေဆုံးဖြစ်မယ်လို့ ထင်ပါတယ်။ သစ်မွှေးအစေ့တွေကိုဆိုရင် ရေခဲသေတ္တာထဲမှာ ၂ လလောက်ထိကြာအောင် သိမ်းထားနိုင်ပါတယ်။ ပိုကောင်းတဲ့ သစ်မွှေးမျိုးရဖို့အတွက် သက်တမ်းရင့်တဲ့အပင်ကနေ မျိုးစေ့ယူရပါမယ်။ သက်တမ်းရင့်တဲ့ အပင်ကနေရတဲ့ မျိုးစေ့တွေဟာ အခြားအပင်ကရတာထက် ပိုပြီးလည်း ကြီးပါတယ်။ အရည်အသွေးလည်း ကောင်းပါတယ်။ ပြီးရင်တော့ ရလာတဲ့မျိုးစေ့တွေကို ၃ နာရီကနေ ၄ နာရီကြာ မှိုသတ်ဆေးတစ်မျိုးမျိုးနဲ့ စိမ်ထားပေးရပါမယ်။ ဘာလို့ဆို ရောဂါတွေ မဝင်ဖို့ ကြိုတင်ကာကွယ်တဲ့အနေနဲ့ Seed Treatment လုပ်ပေးတာပဲ ဖြစ်ပါတယ်။ အခုလိုစိမ်ပေးတာက မျိုးစေ့ပေါက်နှုန်းကိုလည်း ပိုမိုကောင်းမွန်စေပါတယ်။ မြေအောင်းရောဂါတွေ၊ မျိုးစေ့ရောဂါတွေနဲ့ အခြားသော ပျိုးနေစဉ်မှာ ဝင်ရောက်လာနိုင်တဲ့ ရောဂါတွေကို ကာကွယ်ပေးနိုင်ပါတယ်။

မျိုးစေ့ပျိုးဖို့အတွက်ကတော့ ပျိုးခွက်တွေ ပျိုးအိတ်တွေ အသုံးပြုပေးနိုင်ပါတယ်။ ပျိုးခွက်ထဲကို မြေကြီးနဲ့ မြေဆွေးတွေထည့်ပေးပြီး ပုံမှန်လုပ်နေကြအတိုင်းပဲ ပျိုးနိုင်ပါတယ်။ ဒါပေမယ့် တစ်ချိန်လုံး အစိုဓာတ်ရှိနေဖို့တော့ လိုအပ်ပါတယ်။ အရမ်းကြီးစိုစွတ်နေတာမျိုးကို ဆိုလိုချင်တာတော့ မဟုတ်ပါဘူး။ စပျိုးတော့မယ်ဆိုရင်တော့

အစေ့ရဲ့ ငမန်းကျောရိုးအဖုလို ချွန်ထွက်နေတဲ့အပိုင်းကို အပေါ်ဘက်ကနေထားပြီး ပျိုးပေးရမှာဖြစ်ပါတယ်။ (ပုံထဲမှာ ကြည့်နိုင်ပါတယ်)
ပျိုးတဲ့အခါ အဲ့ချွန်နေတဲ့အပိုင်းလေးကို အပေါ်ဘက်ထားပြီး ပျိုးပေးရမှာဖြစ်ပါတယ်။
(၉) ရက်မြောက်နေ့မှာတော့ အစေ့က စပြီးအက်ကွဲလာပြီး taproot လို့ခေါ်တဲ့ အမြစ်စထွက်လာမှာ ဖြစ်ပါတယ်။
သိပ်မကြာခင်မှာပဲ အဲ့အမြစ်ဟာ တဖြည်းဖြည်း ရှည်ထွက်လာမှာဖြစ်ပြီး မြေကြီးထဲကို အနက် ၂.၅ စင်တီမီတာ ထိုးဆင်းသွားမှာ ဖြစ်ပါတယ်။
နောက်ထပ် (၁၂) ရက်လောက်မှာတော့ မြေကြီးပေါ်ကို အညှောင့်စထွက်လာမှာဖြစ်ပါတယ်။
(၁၂) ရက်ကနေ (၁၉) ရက်လောက်အတွင်းမှာ အညှောင့်တွေက တဖြည်းဖြည်း မြေကြီးပေါ်ကို ရှည်ထွက်လာမှာဖြစ်ပြီး ရင့်လာမှာဖြစ်ပါတယ်။
ရက် (၂၀) လောက်ရောက်ပြီဆိုရင်တော့ ပျိုးပင်အဆင့်ကိုရောက်ပြီ ဖြစ်ပါတယ်။ အမြစ်တွေဟာလည်း ပိုမိုရှည်ထွက်လာပြီဖြစ်တာမို့ ပျိုးအိတ်အကြီးထဲကို ပြောင်းရွှေ့စိုက်ပေးရမှာ ဖြစ်ပါတယ်။

မျိုးစေ့စုဆောင်းခြင်းကို အလုပ်သင့်ဆုံးအချိန်တွေကတော့

ဧပရယ်လ မှ မေလအတွင်း၊
ဂျူလိုင်လ မှ ဩဂုတ်လ ပထမပတ်အတွင်းနှင့်
နိုဝင်ဘာလမှ ဒီဇင်ဘာလအတွင်း ပြုလုပ်ပေးနိုင်ပါတယ်။ ဒါပေမယ့် နိုဝင်ဘာမှ ဒီဇင်ဘာလအတွင်း စုဆောင်းတာဟာ တစ်ခါတစ်လေမှာ အဆင်မပြေတတ်ပါဘူး။ ဒါကြောင့် အပေါ်မှာ ပြောထားတဲ့ မိုးကာလတွေအတွင်းမှာ စုဆောင်းတာကိုတော့ ပိုပြီးထောက်ခံချင်ပါတယ်။ ။

အားလုံးပဲ အဆင်ပြေကြပါစေရှင့်။

Reference

https://oudvietnam.com/how-to-germinate-agarwood-seeds/

https://gaharujinkou.com/2015/11/14/how-to-germinate-gaharu-seeds/

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ကို ထည့်ပေးပါရန် မေတ္တာရပ်ခံအပ်ပါသည်။

မာလာမြိုင် ကုမ္ပဏီ ကြော်ငြာ

ဦးကြီးတို့ရဲ့ မြေကြီးက ရွှေသီးဖို့ပဲ ဖြစ်သင့်တာပေါ့။ ဒါပေမဲ့ စပါးခင်းထဲ ရွှေခရုရောက်လာပြီဆိုရင်တော့ မြေကြီးက ရွှေသီးဖို့ကို အနှောင့်အယှက် ကောင်းကောင်းကြီးပေးပါလိမ့်မယ်။ မြန်မာ့မျိုးရင်းခရုမဟုတ်တဲ့ တောင်အမေရိကမျိုးစိတ်ဖြစ်ပြီး မြန်မာနိုင်ငံကို ကျူးကျော်လာတဲ့ မျိုးစိတ်ဖြစ်တာကြောင့် အကောင်ပွားနှုန်းကလည်း အဆမတန် မြင့်တက်လာပါတယ်။ ခရုအမ တစ်ကောင်က တစ်ခါ ဥ မယ်ဆိုရင် ဥအရေအတွက် ၁၀၀ ကနေ ၁၀၀၀ အထိ အတွဲလိုက်ဥကြပြီး တစ်နှစ်မှာ ၃ ကြိမ်အထိ မျိုးပွားနိုင်ပါတယ်။ စပါးခင်းတွေမှာ ရွှေခရုကျပြီဆိုရင် ပန်းရောင် ဥ တွေ ကို စပါးပင်တွေမှာ တွေ့ရနိုင်ပါတယ်။ ဒီရွှေခရုတွေကို ရှင်းပစ်ဖို့အတွက်ကတော့ မာလာမြိုင်ရဲ့ ခရုဘုရင် ရှိနေပါပြီ။ ခရုဘုရင်က စားသေအစွမ်းနဲ့ အဆိပ်ငွေ့အာနိသင်ရှိတာကြောင့် ရွှေခရုတွေကို အထိရောက်ဆုံး ရှင်းပေးနိုင်မှာပါ။ အစွမ်းရှိပစ္စည်းဖြစ်တဲ့ Niclosamide -olamine 83.1% WP ပါဝင်ပြီး Chloronitrophenol ဆေးအုပ်စုထဲ ပါဝင်ပါတယ်။ ရေဖျော်ဆေးမှုန့်အမျိုးအစားဖြစ်လို့ ရေ ၂၀ လီတာဝင်တဲ့ဆေးဖျန်းပုံး တစ်ပုံးမှာ ၄၀ ကနေ ၅၀ ဂရမ်အထိ အသုံးပြုနိုင်ပါတယ်။ နှုန်းထားကိုတော့ တစ်ဧကမှာ ၁၅၀ ကနေ ၂၀၀ ဂရမ်နဲ့ တွက်ချက်ပေးထားပါတယ်။ သတိပြုရမှာတော့ ဆေးဖျန်းပြီးနောက်ပိုင်း စပါးခင်းအတွင်းမှာရှိတဲ့ ရေကို ၅ စင်တီမီတာနဲ့ ၃ ရက်ထားဖို့ လိုအပ်ပါတယ်။ ဆေးဖျန်းပြီး ၅၂ ရက်ကြာမှ ရိတ်သိမ်းသင့်ပါတယ်။ ခရုဘုရင်နဲ့ဆို စပါးခင်းကို ဒုက္ခပေးတဲ့ ရွှေခရုတွေကို ရှင်းလင်းနိုင်ပြီး မြေကြီးက ရွှေသီးနိုင်ပြီပေါ့ဗျာ။

Facebook Page သို့သွားရန်

ဆွေးနွေးချက်များ

ဆွေးနွေးရန်

စျေးကောင်းရတဲ့ သစ်မွှေးပင်တစ်ပင်ရရှိဖို့ အစေ့ကနေဘယ်လိုပျိုးမလဲ

မာလာမြိုင် ကုမ္ပဏီ ကြော်ငြာ

ဆွေးနွေးချက်များ

{{ post.title }}

{{ question.creator.name }} အမည်မသိ {{ question.creator.state.name }}၊ {{ question.creator.township.name }}

{{ book.title }}

စျေးကောင်းရတဲ့ သစ်မွှေးပင်တစ်ပင်ရရှိဖို့ အစေ့ကနေဘယ်လိုပျိုးမလဲ

မာလာမြိုင် ကုမ္ပဏီ ကြော်ငြာ

ဆွေးနွေးချက်များ

ဆက်စပ်ဆောင်းပါးများ

စပါးစိုက်ပျိုးနည်း (တောင်သူလက်စွဲ- ဦးဘဟိန်း) (၃) - ပျိုးထောင်ခြင်း

စံပယ်ပန်းစိုက်ပျိုးနည်း

Cattleya orchid စိုက်ပျိုး ပြုစုနည်း

{{ post.title }}