အရေးကြီးသည့် ကမ္ဘာမြေကြီး၏လေရှုပေါက်များ

အားလုံးပဲမင်္ဂလာပါခင်ဗျာ

သီးနှံများစိုက်ပျိုးဖြစ်ထွန်းရာ ကမ္ဘာမြေကြီး၏ ပထမဆုံး မျက်နှာပြင်မြေသားဟာ လွန်စွာအရေးပါကြောင်း အများစုသိကြပြီးသားဖြစ်ပါတယ်။ ထိုကဲ့သို့ စိုက်ပျိုးရနိုင်တဲ့ မြေသားထုအထူဟာ ၁ ပေကနေ ၃ ပေထိသာ အများဆုံးရှိနိုင်ပြီး ၎င်းအပေါ်ယံမြေဆီလွှာဟာ အပင်ငယ်အများစုအတွက်အဖိုးတန်တဲ့ အဟာရဓာတ်တွေ စုရုံးနေပါတယ်။ ယခုဆွေးနွေးဖေါ်ပြမယ့် ခေါင်းစဉ်နဲ့အတူ မြေကြီးဟာ အဘယ့်ကြောင့် လေရှုပေါက်များ လိုအပ်ရပါသလဲ။

လေရှုပေါက်များဟာ စိုက်ပျိုးရေးလုပ်ငန်းမှာ မရှိမဖြစ်ကို လိုအပ်ပါတယ်။ အပင်တစ်ပင် မည်မျှအခြေအနေထိ ဖြစ်ထွန်းအောင်မြင်သည်ဟာ မြေကြီးမွခြင်း မမွခြင်းက အများကြီး သက်ရောက်မှုရှိပါတယ်။ သိပ္ပံပညာရှင်အများစုဟာ သစ်ရွက်မှအစာချက်လုပ်ခြင်းကိုသာ ဦးစားပေးဖေါ်ပြခဲ့ကြပေမယ့် အချို့သောအပင်တွေရဲ့အမြစ်တွေဟာ အရွက်များအတိုင်း လေရှုရန်လိုအပ်ပါတယ်။ အပေါ်ယံမြေဆီလွှာမှာ မပျော်၀င်နိုင်တဲ့ အဟာရဓာတ်များစွာက သဘာ၀အလျောက် ပါ၀င်နေတတ်ပြီး အောက်ဆီဂျင်ရရှိကာ ဓာတ်တိုးတဲ့အခါမှာ အပင်များစားသုံးလို့ရနိူင်တဲ့ ပုံစံအဖြစ် ပြောင်းလဲသွားကြပါတယ်။ အရပ်အခေါ်ကိုတော့ မြေဆွခြင်းလို့ခေါ်ဆိုနိုင်ပြီး ထိုဖြစ်စဉ်က အောက်ပါအကြောင်းအရာများစွာကို အကျိုးပြုနေတာကို အံ့ဩဖွယ်တွေ့ရှိရပါတယ်။

(၁) မြေကြီးအကျိုးပြုအဏုဇီ၀ပိုးများရဲ့ စွမ်းဆောင်နိူင်မှုကို မြှင့်တင်ပေးခြင်းဖြင့် ကာဗွန်ဒိုင်အောက်ဆိုဒ်ကို ထုတ်လွှတ်ပေးပြီး မီသိန်းဓာတ်ငွေ့ထုတ်မှုကို လျှော့ချပေးခြင်း။

(၂) မပျော်၀င်နိုင်သော NPK နှင့် အခြားသော အနည်းလိုအဟာရပစ္စည်းများ ဓာတ်တိုး၍ အပင်များတွင် အဟာရများရရှိခြင်း။

(၃) အမြစ်များကြီးထွားမှု၏ ဒုတိယအရေးကြီးဆုံးဖြစ်သော အောက်ဆီဂျင်လုံလောက်စွာရရှိခြင်း။ (အမြစ်နှင့် မြေအောက်အစိတ်အပိုင်းကို ထုတ်လုပ်ရောင်းချတဲ့သီးနှံများ ဥပမာ- အာလူး၊ ကန်စွန်းဥ စသည်တို့မှာ မြေအောက်လေရှုပေါက်များ ရရှိရန် ပိုအရေးကြီးပါတယ်)

(၄) အကျိုးပြုအဏုဇီ၀များ၏ ကောင်းမွန်သော ပတ်၀န်းကျင်ကို ဖန်တီးပေးခြင်း။

(၅) ကာဗွန်ဒိုင်အောက်ဆိုဒ်၊ အီသိုင်းလင်နင်း၊ အော်ဂဲနစ်အက်ဆစ်၊ မီသိန်း စတဲ့ဓာတ်ငွေ့များကို ဖယ်ရှားပေးနိုင်ခြင်း။

(၆) ရေစိမ့်၀င်နိုင်စွမ်း ကောင်းလာခြင်းနှင့်အတူ အပင်များ လျင်မြန်စွာကြီးထွားလာနိုင်ခြင်း။ (ရေ၀ပ်သောမြေတွင် မြေအောက်ထိ ရေမစိမ့်၀င်နိုင်သောအခါ မှိုနှင့် ရောဂါများ ၀င်ရောက်မှုများလာနိုင်သည်)

အထက်ပေါ်ပြပါ အချက်များဟာ မြေကြီးရဲ့ လေရှူမှုဆိုင်ရာ အချက်အလက်အနည်းမျှသာလျှင် ဖြစ်ပါသေးတယ်။ မြေဆွခြင်းဖြင့် အပင်အတွက် အခြားပိုကောင်းတဲ့ ဂေဟစနစ်များ ဖြစ်ပေါ်လာနိုင်ပြီး စိုက်ပျိုးထုတ်လုပ်ခြင်းလုပ်ငန်းမှာ များစွာအရေးပါကြောင်း လေးစားစွာ ရေးသားတင်ပြလိုက်ရပါသည်။

ပြည့်ဖြိုးသော်

B.Agr.Sc(Soil and Water Science)

Farm Link Co.,Ltd ကြော်ငြာ

စပါးစိုက်ပျိုးဖို့ ပြင်နေကြပြီလား? ဒါဆို Farm Link ရဲ့ အထူး special product တွေနဲ့ မိတ်ဆက်ပေးလိုက်ပါတယ်.. 👉 Erase (အီရေစ့်) က ပေါင်းပင်တွေကို သေစေရုံတင်မကဘဲ နောက်ထပ် ပေါင်းသတ်ဆေး ထပ်ဖျန်းစရာ မလိုလောက်အောင်ကို ပေါင်းပေါက်ရောက်မှုကို ထိထိရောက်ရောက် ဟန့်တားပေးနိုင်ပါတယ်။ 👉 စမတ်သီးစုံဆိုတာ အပင်တိုင်းအတွက် အဓိကအာဟာရNPK (19:7:8)နဲ့ #ဟူးမစ်အက်စစ်တို့ အချိုးကျ ပေါင်းစပ်ထားတဲ့ ကွန်ပေါင်းဓာတ်မြေဩဇာဖြစ်ပါတယ်။ အဓိကအကျိုးကျေးဇူးတွေအနေနဲ့ကတော့ နိုက်ထရိုဂျင် 19%ပါဝင်တဲ့အတွက် ကလိုရိုဖီးလ်ဖွဲ့စည်းမှုကို အားပေးကာ သီးနှံပင်များ၏အရွက်များစိမ်းလန်းသန်စွမ်းပြီး အစာချက်လုပ်မှုအားကောင်းစေပါတယ်။ 👉 ဆလက်ပလက်စ်ဆိုတာ စပါးဆစ်ပိုး (Rice stem borer) ၊ စပါးရွက်လိပ်ပိုး(Rice leaf folder)၊ စပါးငမြောင်တောင်ပိုး( Rice armyworm) စတဲ့ စပါးဖျက်ပိုးတွေကိုလည်း ၇၀%အထိကို ကာကွယ်နှိမ်နင်းနိုင်ပါတယ်။ 👉စပါးနှံတွေ ထွက်လာခါမှ ဂုတ်ကျိုးရောဂါကြောင့် အနှံဖြူပြီး ပျက်စီးသွားတာဟာ တောင်သူတို့အတွက် အကြီးမားဆုံး ဆုံးရှုံးမှုပါပဲ။ ဒီဆုံးရှုံးမှုကို အမြစ်ပြတ် တားဆီးဖို့ဆိုရင် ရှူးဝါး ကိုသာ သတိရလိုက်ပါ။ 👉စပါးခင်းမှာ ရွက်ဖျားဝါပြီး မီးလောင်သလို အကွက်လိုက်ဖြစ်ကာ တဖြည်းဖြည်းခြောက်လိုက်လာပြီဆို အဲ့ဒါကိုဖြုတ်လောင်ခြင်း (hopper burn)လို့ခေါ်ပါတယ်။ မထိန်းချုပ်နိုင်အောင် ဆိုးဆိုးရွားရွာကျရောက်ပါက အထွက်နှုန်းကို ရာနှုန်းပြည့်ထိ ဆုံးရှုံးစေနိုင်တာတာကို ဗိုက်တာဂရိုကိုသာ ထိန်းချုပ်နိုင်တာပါ