စူပါအီးအမ်ဘိုကာရှီမြေသြဇာပြုလုပ်နည်း (၁)

လိုအပ်သောပစ္စည်းများ

- စပါးခွံ

- နွားချေး

- ဖွဲနု

- အသင့်သုံးအီအမ်ဖျော်ရည်

- လေလုံသောအိတ်

အချိုးအစား

- စပါးခွဲ (၂) ဆ

- နွားချေး (၂) ဆ

- ဖွဲနု (၁) ဆ

ပြုလုပ်နည်း

စပါးခွံ၊ နွားချေး၊ ဖွဲနု (၂:၂:၁) ဆတို့ကို ရောစပ်ပုံပါ။ အသင့်သုံးအီးအမ်ဖျော်ရည်ဖျန်း၍ သမအောင်မွှေပါ။ အစိုဓာတ် ၄၀% ရှိချိန်တွင် လေလုံအိတ်အတွင်းသို့ထည့်၍ ချည်နှောင်ပြီး အေး၍ခြောက်သွေ့သော အရိပ်ထဲတွင်ထားပါ။

နွေရာသီတွင် (၃) ရက်၊ ဆောင်းရာသီတွင် (၇-၁၀) ရက်ကြာလျှင် မြေဆွေးအဖြစ် စတင်အသုံးပြုနိုင်ပါသည်။

အသုံးပြုပုံ

တစ်ဧကအတွက် အနည်းဆုံး ပိဿာ (၅၀၀) အသုံးပြုနိုင်ပါသည်။

မှိုပုံဟောင်းကောက်ရိုးဆွေးများကို အစိုအခြေခံသော စူပါအီးအမ်ဘိုကာရှီမြေသြဇာ ပြုလုပ်နည်း

မှိုပုံကောက်ရိုးဆွေးပုံဟောင်းများပေါ်သို့ ဖွဲကြမ်းထည့်ပါ။ 

နောက်အီးအမ်လောင်းထည့်ပြီး သမအောင်မွှေပါ။ အစိုဓာတ် ၄၀ % ရလျှင် အိတ်ထဲထည့်ပြီး သိုလှောင်ထားပါ။ 

ဒါဆိုရင် စူပါအီးအမ်ဘိုကာရှီမြေသြဇာ ရပါပြီ။

မှိုပုံဟောင်းအခြောက်အခြေခံသော စူပါအီးအမ်ဘိုကာရှီမြေသြဇာ ပြုလုပ်နည်း

မှိုပုံဟောင်းအခြောက် လေးဆ လျာထားပါ။

ပဲဖတ် ၂၅ %၊ ဖွဲကြမ်း ၁၀% နှင့် ပြာ၊ မီးသွေးထည့်ပါ။ အသင့်သုံးအီးအမ်လောင်းထည့်ပြီး သမအောင်မွှေပါ။ 

၁၀ ရက်ကြာနောက်ပိုင်းတွင် မြေသြဇာအဖြစ်သုံးနိုင်ပါပြီ။

ဦးကြီးတို့.. ဒီတစ်ပတ်မှာတော့ စူပါအီးအမ်ဘိုကာရှီမြေသြဇာလုပ်နည်း ၃ မျိုးကို ဖော်ပြသွားပါတယ်။ နောက်အပတ်တွေမှာလည်း ဘယ်လိုနည်းလမ်းတွေနဲ့ မြေသြဇာပြုလုပ်ကြမလဲဆိုတာ စောင့်ကြည့်ကြရအောင်။

အရင်တစ်ပတ်က “ဒေသခံအဏုဇီဝပိုးထုတ်ယူ၍ မြေဆွေးပြုလုပ်နည်း” အကြောင်းကို စာတန်းလေးကိုနှိပ်ပြီးလေ့လာနိုင်ပါတယ်။

နည်းပညာများကို ရေဆင်းစိုက်ပျိုးရေးတက္ကသိုလ် ပါမောက္ခ(ငြိမ်း) ဒေါ်မြမြ၏ အိမ်နှင့်ကျောင်းဥယျာဉ်ခြံတည်ထောင်ခြင်းနည်းပညာလက်စွဲစာအုပ်မှ ကောက်နုတ်ဖော်ပြပါသည်။

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။

မာလာမြိုင် ကုမ္ပဏီ ကြော်ငြာ

ဦးကြီးတို့ရဲ့ မြေကြီးက ရွှေသီးဖို့ပဲ ဖြစ်သင့်တာပေါ့။ ဒါပေမဲ့ စပါးခင်းထဲ ရွှေခရုရောက်လာပြီဆိုရင်တော့ မြေကြီးက ရွှေသီးဖို့ကို အနှောင့်အယှက် ကောင်းကောင်းကြီးပေးပါလိမ့်မယ်။ မြန်မာ့မျိုးရင်းခရုမဟုတ်တဲ့ တောင်အမေရိကမျိုးစိတ်ဖြစ်ပြီး မြန်မာနိုင်ငံကို ကျူးကျော်လာတဲ့ မျိုးစိတ်ဖြစ်တာကြောင့် အကောင်ပွားနှုန်းကလည်း အဆမတန် မြင့်တက်လာပါတယ်။ ခရုအမ တစ်ကောင်က တစ်ခါ ဥ မယ်ဆိုရင် ဥအရေအတွက် ၁၀၀ ကနေ ၁၀၀၀ အထိ အတွဲလိုက်ဥကြပြီး တစ်နှစ်မှာ ၃ ကြိမ်အထိ မျိုးပွားနိုင်ပါတယ်။ စပါးခင်းတွေမှာ ရွှေခရုကျပြီဆိုရင် ပန်းရောင် ဥ တွေ ကို စပါးပင်တွေမှာ တွေ့ရနိုင်ပါတယ်။ ဒီရွှေခရုတွေကို ရှင်းပစ်ဖို့အတွက်ကတော့ မာလာမြိုင်ရဲ့ ခရုဘုရင် ရှိနေပါပြီ။ ခရုဘုရင်က စားသေအစွမ်းနဲ့ အဆိပ်ငွေ့အာနိသင်ရှိတာကြောင့် ရွှေခရုတွေကို အထိရောက်ဆုံး ရှင်းပေးနိုင်မှာပါ။ အစွမ်းရှိပစ္စည်းဖြစ်တဲ့ Niclosamide -olamine 83.1% WP ပါဝင်ပြီး Chloronitrophenol ဆေးအုပ်စုထဲ ပါဝင်ပါတယ်။ ရေဖျော်ဆေးမှုန့်အမျိုးအစားဖြစ်လို့ ရေ ၂၀ လီတာဝင်တဲ့ဆေးဖျန်းပုံး တစ်ပုံးမှာ ၄၀ ကနေ ၅၀ ဂရမ်အထိ အသုံးပြုနိုင်ပါတယ်။ နှုန်းထားကိုတော့ တစ်ဧကမှာ ၁၅၀ ကနေ ၂၀၀ ဂရမ်နဲ့ တွက်ချက်ပေးထားပါတယ်။ သတိပြုရမှာတော့ ဆေးဖျန်းပြီးနောက်ပိုင်း စပါးခင်းအတွင်းမှာရှိတဲ့ ရေကို ၅ စင်တီမီတာနဲ့ ၃ ရက်ထားဖို့ လိုအပ်ပါတယ်။ ဆေးဖျန်းပြီး ၅၂ ရက်ကြာမှ ရိတ်သိမ်းသင့်ပါတယ်။ ခရုဘုရင်နဲ့ဆို စပါးခင်းကို ဒုက္ခပေးတဲ့ ရွှေခရုတွေကို ရှင်းလင်းနိုင်ပြီး မြေကြီးက ရွှေသီးနိုင်ပြီပေါ့ဗျာ။

Read more

Facebook Page သို့သွားရန်