ကြက်သွန်နီထွက်ရာဒေသတွေ ရေကြီးလို့ ဈေးကွက်ထဲ ဈေးအနည်းငယ်မြင့်တက်လာ (ဈေးကွက်သုံးသပ်ချက်)

မတ်ပဲ

ပြီးခဲ့တဲ့အပတ်ထိ ဈေးမြင့်တက်ခဲ့တဲ့ မတ်ပဲက ဒီတစ်ပတ်မှာတော့ ဈေးတွေ ပြန်ကျဆင်းသွားပါတယ်။ ပြည်တွင်း ငွေလဲလှယ်နှုန်း ဈေးတွေ ကျဆင်းသွားသလို FOB ဈေးနှုန်းကလည်း အနည်းငယ် ပြန်ကျဆင်းသွားပါတယ်။ လက်ရှိ အရောင်းအဝယ်ကတော့ ငြိမ်နေတဲ့အခြေအနေလို့ သိရပါတယ်။ 

အိန္ဒိယနိုင်ငံမှာတော့ မတ်ပဲဈေးက ဆက်ပြီးတက်နိုင်တဲ့အခြေအနေလို့ ကုန်သည်တွေကသုံးသပ်ထားကြပါတယ်။ စက်တင်ဘာ နိုဝင်ဘာ ပွဲတော်ကာလအတွင်း ပဲ ဝယ်လိုအား မြင့်တက်လာတဲ့ အပြင်အသစ်အဝင်တွေ ရှိနေပေမယ့် အရည်အသွေးပိုင်းဆိုင်ရာ အားနည်းတဲ့အတွက်ကြောင့် ဈေးကဆက်ပြီး မြင့်တက်နိုင်ခြေရှိတယ်လို့သိရပါတယ်။

ပြည်တွင်း မတ်ပဲ FOB ဈေးနှုန်းကတော့  တစ်တန်ကို ၈၉၅ မှ ၉၀၅ ဒေါ်လာပေါက်ဈေးရှိပြီး ပြီးခဲ့တဲ့ အပတ်နဲ့ ယှဉ်ရင် ၅ ဒေါ်လာ ဈေးကျဆင်းသွားပါတယ်။

ပြီးခဲ့တဲ့ အပတ်က သောကြာနေ့က ရန်ကုန်ဈေးကွက်မှာတော့  မတ်ပဲ (FAQ/RC)က တစ်တန်ကို ၄၀၀၃၀၀၀   ရှိခဲ့ပါတယ်။ တနင်္လာနေ့နဲ့ အင်္ဂါနေ့မှာ တစ်တန်ကို ၃၉၁၅၀၀၀၊ ဗုဒ္ဓဟူးနေ့မှာ တစ်တန်ကို ၃၉၁၀၀၀၀၊ ကြာသပတေးနေမှာ တစ်တန်ကို ၃၈၁၀၀၀၀ ပေါက်ဈေးရှိနေပြီး  ပြီးခဲ့တဲ့ အပတ်နဲ့  သောကြာနေ့နဲ့ ယှဉ်ရင် တစ်တန်ကို ၂ သိန်းနီးပါးဈေးကျဆင်းသွားပါတယ်။

(SQ/RC) ကတော့ တစ်တန်ကို ၄၂၁၀၀၀၀ ပေါက်ဈေးရှိပြီး ပြီးခဲ့တဲ့အပတ်နဲ့ သောကြာနေ့နဲ့ ယှဉ်ရင် တစ်တန်ကို ၂၁၃၀၀၀ ကျပ် ဈေးကျဆင်းသွားပါတယ်။ မတ်ပဲ Raw ကတော့ တစ်ပိဿာကို ၆၃၇၅   မှ  ၆၄၁၀ ပေါက် ဈေးရှိပြီး တစ်ပိဿာကို ၃၄၀  ကျပ်ဈေးကျဆင်းသွားပါတယ်။

မန္တလေးဈေးကွက်မှာတော့ မတ်ပဲအသစ်က တစ်အိတ်ကို ၃၃၀၀၀၀ မှ ၃၄၀၀၀၀ပေါက်ဈေးရှိပြီး ပြီးခဲ့တဲ့ အပတ်နဲ့ယှဉ်ရင် တစ်အိတ်ကို ၂၀၀၀၀ ကျပ်ဈေးကျဆင်းပါတယ်။

လက်ရှိ ပြည်တွင်း ငွေလဲလှယ်နှုန်းဈေးက ပြင်ပပေါက်ဈေး က ၅၂၀၀ မှ ၅၃၀၀ ကြား ရှိနေတယ်လို့ ဈေးကွက်အတွင်း စုံစမ်းသိရှိရပါတယ်။

ကုလားပဲ

ဆက်တိုက်‌ဈေးကျဆင်းပါတယ်။ ဈေးကွက်အတွင်း ငွေလဲလှယ်ဈေးနှုန်း ကျဆင်းသွားတာရော အမြင့်ဈေးကြောင့် ဝယ်လိုအားလျော့နည်းသွားတာကြောင့်ပါ ဈေးက ပြန်ကျဆင်းသွားတာလို့ သိရပါတယ်။

ရန်ကုန်ဈေးကွက်မှာတော့ ကုလားပဲခြမ်းကဈေးပြန်ကျပြီး  တစ်ပိဿာကို ၆၅၇၅ မှ ၇၀၀၀ ပေါက်ဈေးရှိပြီး တစ်ပိဿာကို ၁၀၀ ကျပ်ဈေးကျဆင်းသွားပါတယ်။

မန္တလေးဈေးကွက်မှာတော့ ကုလားပဲ 929 က တစ်အိတ်ကို ၂၇၈၀၀၀ မှ ၂၈၀၀၀၀ ပေါက်ဈေးရှိပြီး တစ်အိတ်ကို ၁၀၀၀၀ ကျပ်၊ ကုလားပဲ ထိုင်ဝမ်က တစ်အိတ်ကို ၂၇၀၀၀၀ မှ ၂၇၂၀၀၀  ရှိပြီး တစ်အိတ်ကို ၃၀၀၀ ကျပ်၊ ကုလားပဲလုံးv2 က တစ်အိတ်ကို ၂၉၅၀၀၀ ရှိပြီး တစ်အိတ်ကို ၅၀၀၀ ကျပ် ဈေးအသီးသီးဈေး ကျဆင်းပါတယ်။ 

ပဲပုပ်

ပြီးခဲ့တဲ့အပတ်က ဈေးကျဆင်းသွားတဲ့ ပဲပုပ်က ဒီတစ်ပတ်မှာ အနည်းငယ်ဈေးပြန်တက်လာပါတယ်။ ဆီအတွက် ဝယ်ယူမှု များပြားခဲ့တဲ့ပဲပုပ်က ၂ လ ဆက်တိုက် အတက်ဈေးနဲ့ ရှိနေခဲ့တာ ဖြစ်ပါတယ်။ စက်တင်ဘာလအစမှာ ဈေးအနည်းငယ်ပြန်ကျဆင်းသွားတဲ့အတွက် အဝယ်ပြန်သွက်လာပြီး ဈေးလည်း ပြန်တက်လာတာလို့သိရပါတယ်။ 

ရန်ကုန်ဈေးကွက်မှာ ပဲပုပ်(ဆီတိုး) တစ်ပိဿာကို ၆၃၃၀ မှ ၇၁၇၀ ကျပ် (အထွက်တိုး)ကတော့တစ်ပိဿာကို ၆၁၆၅ မှ ၆၃၃၅ ပေါက်ဈေးရှိပြီး ဈေးငြိမ်ပါတယ်။

မန္တလေးဈေးကွက်မှာတော့  ပဲပုပ်(ရှမ်း) က သုံးတင်းဝင် တစ်အိတ်ကို ၃၅၀၀၀၀ မှ ၃၉၅၀၀၀ ရှိပြီး တစ်အိတ်ကို ၁၅၀၀၀ ကျပ်၊ ပဲပုပ်(ဗမာ) က တစ်အိတ်ကို ၃၇၈၀၀၀  မှ ၃၈၀၀၀၀ ပေါက်ဈေးရှိပြီး တစ်အိတ်ကို ၁၀၀၀၀ ကျပ်ဈေးမြင့်တက်ပါတယ်။

ကြက်သွန်နီ

ကြက်သွန်နီကတော့ ဈေးကွက်ထဲ အဝင်နည်းပြီး ဈေးမြင့်တက်လာပါတယ်။ ကြက်သွန်ထွက်ရာဒေသတွေမှာ ရေကြီးနစ်မြုပ်တာတွေ ကြောင့် လမ်းပန်းဆက်သွယ်ရေး အဆင်မပြေတာတွေ ကြုံတွေနေရပါတယ်။ နေ့စဉ်ဈေးကွက်ကို ပိဿာချိန်တစ်သိန်းအောက်သာ အဝင်ရှိနေပါတယ်။

ရန်ကုန်ဈေးကွက်မှာ ကြက်သွန်နီ ဆိပ်ဖြူက တစ်ပိဿာကို ၁၄၀၀ မှ ၂၄၀၀  ကြားရှိပြီး တစ်ပိဿာကို ၁၀၀ ကျပ်ဈေးမြင့်တက်ပါတယ်။ 

မြင်းခြံ၊ တောင်သာတို့ကတော့ တစ်ပိဿာကို ၁၃၀၀ မှ ၂၆၀၀ ကြား ရှိပြီး တစ်ပိဿာကို ၂၀၀ လောက်ဈေးမြင့်တက်လာပါတယ်။

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။

မာလာမြိုင် ကုမ္ပဏီ ကြော်ငြာ

ဦးကြီးတို့ရဲ့ မြေကြီးက ရွှေသီးဖို့ပဲ ဖြစ်သင့်တာပေါ့။ ဒါပေမဲ့ စပါးခင်းထဲ ရွှေခရုရောက်လာပြီဆိုရင်တော့ မြေကြီးက ရွှေသီးဖို့ကို အနှောင့်အယှက် ကောင်းကောင်းကြီးပေးပါလိမ့်မယ်။ မြန်မာ့မျိုးရင်းခရုမဟုတ်တဲ့ တောင်အမေရိကမျိုးစိတ်ဖြစ်ပြီး မြန်မာနိုင်ငံကို ကျူးကျော်လာတဲ့ မျိုးစိတ်ဖြစ်တာကြောင့် အကောင်ပွားနှုန်းကလည်း အဆမတန် မြင့်တက်လာပါတယ်။ ခရုအမ တစ်ကောင်က တစ်ခါ ဥ မယ်ဆိုရင် ဥအရေအတွက် ၁၀၀ ကနေ ၁၀၀၀ အထိ အတွဲလိုက်ဥကြပြီး တစ်နှစ်မှာ ၃ ကြိမ်အထိ မျိုးပွားနိုင်ပါတယ်။ စပါးခင်းတွေမှာ ရွှေခရုကျပြီဆိုရင် ပန်းရောင် ဥ တွေ ကို စပါးပင်တွေမှာ တွေ့ရနိုင်ပါတယ်။ ဒီရွှေခရုတွေကို ရှင်းပစ်ဖို့အတွက်ကတော့ မာလာမြိုင်ရဲ့ ခရုဘုရင် ရှိနေပါပြီ။ ခရုဘုရင်က စားသေအစွမ်းနဲ့ အဆိပ်ငွေ့အာနိသင်ရှိတာကြောင့် ရွှေခရုတွေကို အထိရောက်ဆုံး ရှင်းပေးနိုင်မှာပါ။ အစွမ်းရှိပစ္စည်းဖြစ်တဲ့ Niclosamide -olamine 83.1% WP ပါဝင်ပြီး Chloronitrophenol ဆေးအုပ်စုထဲ ပါဝင်ပါတယ်။ ရေဖျော်ဆေးမှုန့်အမျိုးအစားဖြစ်လို့ ရေ ၂၀ လီတာဝင်တဲ့ဆေးဖျန်းပုံး တစ်ပုံးမှာ ၄၀ ကနေ ၅၀ ဂရမ်အထိ အသုံးပြုနိုင်ပါတယ်။ နှုန်းထားကိုတော့ တစ်ဧကမှာ ၁၅၀ ကနေ ၂၀၀ ဂရမ်နဲ့ တွက်ချက်ပေးထားပါတယ်။ သတိပြုရမှာတော့ ဆေးဖျန်းပြီးနောက်ပိုင်း စပါးခင်းအတွင်းမှာရှိတဲ့ ရေကို ၅ စင်တီမီတာနဲ့ ၃ ရက်ထားဖို့ လိုအပ်ပါတယ်။ ဆေးဖျန်းပြီး ၅၂ ရက်ကြာမှ ရိတ်သိမ်းသင့်ပါတယ်။ ခရုဘုရင်နဲ့ဆို စပါးခင်းကို ဒုက္ခပေးတဲ့ ရွှေခရုတွေကို ရှင်းလင်းနိုင်ပြီး မြေကြီးက ရွှေသီးနိုင်ပြီပေါ့ဗျာ။

Read more

Facebook Page သို့သွားရန်