ဖရဲပင်တွေ အထွက်တိုးစေဖို့

ဘာလုပ်ကြမှာလဲ အူးလေးကြီးက ဖရဲသီးဆို ချိုမှ မွှေးမှ ကောင်းမှ အလုံးကြီးမှ(အသီး ကိုပြောတာပါနော်) ကြိုက်တာ (အဲ့လိုချေးများလို့လည်း လူပျိုကြီးဖြစ်တာပေါ့လေ)။ အဲ့တော့ ဖရဲစိုက်တဲ့ တောင်သူဦးကြီးတွေအတွက် အူးလေးကြီးက ဖရဲစိုက်တဲ့အချိန် လိုအပ်တဲ့ အာဟာရတွေကို တင်ဆက်ပေးမှာပါ။

အပင်မစိုက်ခင်အချိန်

နိုက်ထရိုဂျင် (N) နှင့် ပိုတက်စီယမ် (K) ။            ။ ဦးဆုံးကြီးထွားမှုကို ထောက်ခံ အားပေးပါတယ်။

ကယ်လ်ဆီယမ် (Ca) ။                    ။ အမြစ်ဖွံ့ဖြိုးမှုကို တိုးတက်ကောင်းမွန်စေပါတယ်။

ဘိုရွန် (B) ဇင့် (Zn) မန်းဂနိစ့် (Mn) မိုလက်ဒီနမ် (Mo) ။    ။ သူတို့ကျတော့ အညွှန့့်ကို တိုးတက်ကောင်းမွန်စေလို့ မြေခံမှာထည့်ပေးဖို့လိုအပ်ပါတယ်။

ပင်ပိုင်းကြီးထွားတဲ့အဆင့် 

နိုက်ထရိုဂျင် (N) နှင့် ဖော့စဖောရပ်စ်(P)။    ။ အပင်တွေ စဉ်ဆက်မပြတ်ကြီးထွားဖို့အတွက် လိုအပ်ပါတယ်။

ပိုတက်စီယမ် (K) နှင့် မဂ္ဂနီစီယမ် (Mg)။    ။ အရွက်တွေ ကြီးပြီး ပန်းပွင့်ဖို့ အားတွေပြည့်နေအောင်လို့ ထည့်ပေးရမှာပါ။

ကယ်လ်စီယမ် (Ca)။    ။ အပင်ကြီးထွားမှုကို အကောင်းဆုံးထိန်းထားနိုင်ဖို့ လိုအပ်ပါတယ်။

ဘိုရွန် (B)။    ။ ပန်းပွင့်ဖို့နဲ့ အသီးတင်ဖို့အတွက် လိုအပ်တဲ့ အာဟာရဖြစ်ပါတယ်။

ဆာလဖာ (S) ။    ။ ဖရဲရွက်လေးတွေအတွက် ပရိုတင်းချက်လုပ်ပေးတဲ့နေရာမှာ ပါဝင်တဲ့ အရေးကြီး အာဟာရဖြစ်ပါတယ်။

ပန်းပွင့်ချိန်

ပိုတက်စီယမ် (K) ။    ။ အပွင့်များစေဖို့နဲ့ ပုံမှန်ထောက်ပံ့မှုတွေအတွက် လိုအပ်တာပါ။

ဖော့စဖောရပ်(စ်) (P)။    ။ အသိးဖြစ်ပေါ်ဖို့အတွက် ထည့်ပေးရမှာပါ။

ကယ်လ်ဆီယမ် (Ca) ။    ။ ပင်ထဲက မျိုးပွားအင်္ဂါတွေကို တိုးတက်လာအောင်လုပ်ပေးပြီးတော့ အသီးစတင်ဖြစ်ပေါ်တဲ့ အချိန်မှာ လိုအပ်ပါတယ်။

ဘိုရွန် (B) နှင့် သွပ် (Zn) ။    ။ ပန်းပွင့်တွေကိုတိုးပွားစေတယ် တိုးတက်ကောင်းမွန်စေတယ်။ အသီးအားပေးပါတယ်။

မန်းဂနိစ့် (Mn) နှင့် မိုလက်ဒီနမ် (Mo) ။    ။ အပင်ကြီးထွားမှုကို ထပ်မံထောက်ပံ့ပေးဖို့လိုအပ်ပါတယ်။

အသီးစတင်သီးချိန်

နိုက်ထရိုဂျင် (N) ။    ။ အသားတွေပြည့်တင်းဖို့ လိုအပ်တဲ့ ပမာဏရှိပေမဲ့ နည်းပါတယ်။

ပိုတက်စီယမ် (K) ။    ။ ဖရဲ အသီးပုံမမှန်တာတွေ မဖြစ်အောင်လို့ ုလိုအပ်ပါတယ်။

ကယ်လ်ဆီယမ် (Ca) ။    ။ အသီးကွဲတာလို အခွံမှာ အပျောက်တွေဖြစ်တာလိုမျိုး စတဲ့ မကောင်းတဲ့ အကျိုးဆက်တွေ မဖြစ်ပဲ

အသီး အခွံ အသား စတဲ့ အရာတွေကို ကောင်းမွန်အောင် ပြုပြင်ပေးပါတယ်။

မဂ္ဂနီစီယမ် (Mg) ။    ။ ဒီအချိန်မှာ မဂ္ဂနီစီယမ်ကို အများဆုံးလိုအပ်ပြီးတော့ အသီးအရည်အသွေးကို တိုးတက်ကောင်းမွန်စေတာ ဖြစ်ပါတယ်။

ဘိုရွန် (B)။    ။ အခွံလှဖို့ အရေးကြီးပါတယ်။

အသီးကြီးတဲ့အချိန်

နိုက်ထရိုဂျင် (N) ။    ။ နည်းနည်းလျော့ပြီးထည့်ရမှာပါ။ များသွားရင် ကြီးထွားမှုများပြီးတော့ ပုတ်တာတွေ အသီးမှာ အရာတွေ ထင်တာတွေဖြစ်တတ်လို့ပါနော်။

ပိုတက်စီယမ် (K) ။    ။ ပိုတက်စီယမ်ကတော့ အများဆုံးလိုတဲ့ အချိန်ပါပဲ။ အများကြီးထည့်ပေးမှ ပုံမမှန်တာတွေကနေ ကင်းဝေး စေမှာပါ။

ကယ်လ်စီယမ် (Ca) ။    ။ အသီးတွေ ခိုင်မာ သန်စွမ်းဖို့ကို ထည့်ပေးရမှာပါ။

ဘိုရွန် (B) ။    ။ အသီးမှည့်တဲ့အချိန် နဲ့ အသီးထဲကို ကယ်လ်စီယမ် သယ်ပို့ပေးတဲ့ နေရာမှာ အဓိက ပါဝင်ပါတယ်။

မဂ္ဂနီစီယမ် (Mg) ၊ သံဓာတ် (Fe) ။    ။ အသီးကျန်းမာဖို့အတွက် လုပ်ဆောင်ပေးပါတယ်။

ကဲ အဲ့ဒါတွေကတော့ ဖရဲ စိုက်ပျိုးတဲ့ တောင်သူဦးကြီးတွေအတွက်တော့ အသုံးဝင်ပြီးတော့ အဆင်ပြေမှာပါ။ အဆင်လည်း ပြေကြပါစေ။

https://www.yara.us/crop-nutrition/melon/role-of-nutrients-by-growth-stage/

မာလာမြိုင် ကုမ္ပဏီ ကြော်ငြာ

ဦးကြီးတို့ရဲ့ မြေကြီးက ရွှေသီးဖို့ပဲ ဖြစ်သင့်တာပေါ့။ ဒါပေမဲ့ စပါးခင်းထဲ ရွှေခရုရောက်လာပြီဆိုရင်တော့ မြေကြီးက ရွှေသီးဖို့ကို အနှောင့်အယှက် ကောင်းကောင်းကြီးပေးပါလိမ့်မယ်။ မြန်မာ့မျိုးရင်းခရုမဟုတ်တဲ့ တောင်အမေရိကမျိုးစိတ်ဖြစ်ပြီး မြန်မာနိုင်ငံကို ကျူးကျော်လာတဲ့ မျိုးစိတ်ဖြစ်တာကြောင့် အကောင်ပွားနှုန်းကလည်း အဆမတန် မြင့်တက်လာပါတယ်။ ခရုအမ တစ်ကောင်က တစ်ခါ ဥ မယ်ဆိုရင် ဥအရေအတွက် ၁၀၀ ကနေ ၁၀၀၀ အထိ အတွဲလိုက်ဥကြပြီး တစ်နှစ်မှာ ၃ ကြိမ်အထိ မျိုးပွားနိုင်ပါတယ်။ စပါးခင်းတွေမှာ ရွှေခရုကျပြီဆိုရင် ပန်းရောင် ဥ တွေ ကို စပါးပင်တွေမှာ တွေ့ရနိုင်ပါတယ်။ ဒီရွှေခရုတွေကို ရှင်းပစ်ဖို့အတွက်ကတော့ မာလာမြိုင်ရဲ့ ခရုဘုရင် ရှိနေပါပြီ။ ခရုဘုရင်က စားသေအစွမ်းနဲ့ အဆိပ်ငွေ့အာနိသင်ရှိတာကြောင့် ရွှေခရုတွေကို အထိရောက်ဆုံး ရှင်းပေးနိုင်မှာပါ။ အစွမ်းရှိပစ္စည်းဖြစ်တဲ့ Niclosamide -olamine 83.1% WP ပါဝင်ပြီး Chloronitrophenol ဆေးအုပ်စုထဲ ပါဝင်ပါတယ်။ ရေဖျော်ဆေးမှုန့်အမျိုးအစားဖြစ်လို့ ရေ ၂၀ လီတာဝင်တဲ့ဆေးဖျန်းပုံး တစ်ပုံးမှာ ၄၀ ကနေ ၅၀ ဂရမ်အထိ အသုံးပြုနိုင်ပါတယ်။ နှုန်းထားကိုတော့ တစ်ဧကမှာ ၁၅၀ ကနေ ၂၀၀ ဂရမ်နဲ့ တွက်ချက်ပေးထားပါတယ်။ သတိပြုရမှာတော့ ဆေးဖျန်းပြီးနောက်ပိုင်း စပါးခင်းအတွင်းမှာရှိတဲ့ ရေကို ၅ စင်တီမီတာနဲ့ ၃ ရက်ထားဖို့ လိုအပ်ပါတယ်။ ဆေးဖျန်းပြီး ၅၂ ရက်ကြာမှ ရိတ်သိမ်းသင့်ပါတယ်။ ခရုဘုရင်နဲ့ဆို စပါးခင်းကို ဒုက္ခပေးတဲ့ ရွှေခရုတွေကို ရှင်းလင်းနိုင်ပြီး မြေကြီးက ရွှေသီးနိုင်ပြီပေါ့ဗျာ။

Read more

Facebook Page သို့သွားရန်