နာနတ်ယို

01/05/2019 06:30 AM တွင် ထွန်းဝင်းကျော် ထွန်းဝင်းကျော် မှ ရေးသား ပြီး Greenovator Greenovator မှ ပေးပို့ထားပါသည်။

ကောင်းသောနေ့လေးဖြစ်ပါစေ....

ကဲ ဒီတစ်ခေါက်တော့ အိမ်ရှင်မတွေအတွက် နာနတ်သီးယို ပြုလုပ်တဲ့နည်းလေးကို တင်ဆက်ပေးမှာမို့ သားသားမီးမီးတို့ကို ကိုယ်တိုင်လုပ်ကျွေးလို့ရပါပြီနော်။ ဆက်ကြည့်လိုက်ပါဦး။

နာနတ်ယိုကတော့ မြန့်မာရိုးရာအတိုင်းဆို အစာကြေ ရင်ချောင်တာမို့ လုပ်ထားရင်လည်း မမှားပါဘူး။

လိုအပ်တဲ့ပစ္စည်းတွေကတော့ 

(၁) နာနတ်သီး ချိုအေးလေး တစ်လုံး

(၂) ရေ တစ်ခွက် (၂၄၀) မီလီလီတာ 

(၃) သကြား (၅)ခွက် (၁၂၀၀မီလီလီတာ)

(၄) လီမွန်သီး (၂) လုံး

(၅) ပက်တင် (Pectin) တစ်ထုပ် (သူကတော့ ယိုတိုင်းမှာ မပါမဖြစ်မို့ ကုန်တိုက်တွေမှာ ရှာဝယ်ထားပါနော်)

အပေါ်ကပြောပြထားတာကတော့ နာနတ်သီးကနေ ယို ထုတ်မယ်ဆိုရင် လိုအပ်တဲ့ ပစ္စည်းတွေဖြစ်ပါတယ်။

အဆင့် (၁)။ ။ ဈေးသွားပြီးတော့ လိုအပ်တာတွေ ဝယ်ပြီးပြီဆိုရင် နာနတ်သီးကို ခွာပြီး အတုံးသေးသေးလေးတွေ လှီး၊ ကြိတ်စက်ထဲထည့်ပြီးတော့ အရည်ကြိတ်၊ အဖတ်လေးတွေ ညီညီညာညာဖြစ်သွားအောင် လုပ်ပေးပါ။ အဖတ်ကြီးကြီးတွေ အစေ့တွေ ကို ဖယ်ထားပေးပါ။

အဆင့် (၂)။ ။ လီမွန်သီး (၂)လုံးကို အရည်ညှစ်ပြီးတော့ ခုဏက နာနတ်သီး အရည်ထဲကို ထည်၊ ပြီးတော့ ဇွန်းလေးနဲ့ မွှေပါ။ သမရင် သကြားလေး ထပ်ထည့် ပျော်ဝင်သွားအောင် သေချာမွှေပေးပါ။

အဆင့် (၃) ။ ။အိုးထဲကို ပက်တင်တစ်ထုပ် ကိုဖောက်ထည့်ပါ။ ပြီး ရေထည့်၊ သူတို့ကတော့ ဆော့စ် ချက်တဲ့ အိုးလေးနဲ့လုပ်တာပါ။ ကိုယ်ကတော့ အဆင်ပြေတာလေးနဲ့ ချက်ပေးပါ။ မီးကို မပူမအေးလေးနဲ့ နာနတ်ရည်လေးတွေကို ဆူပွက်အောင်ကြို၊ တစ်မိနစ်လောက် ပွက်ပြီးတဲ့အခါကျတော့ မီးဖိုပေါ်ကနေ ချပေးပါ။  

အဆင့် (၄)။ ။ သတိထားရမှာတစ်ချက်တော့ ရှိပါတယ်။ ကိုယ်ဝယ်လာတဲ့ ပက်တင် အထုပ်လေးကိုကြည့်ပြီးတော့ ထည့်ရမဲ့ ရေက ကွာခြားပါတယ်။ အဲ့တော့ အထုပ်က အညွှန်းကို သေချာဖတ်ပေးပြီးတော့ သုံးပေးပါ။ အဲ့ဒါတွေပြီးရင်တော့ ပက်တင်ချက်တာပြီးပြီပေါ့။

အဆင့်(၅)။ ။ ပက်တင်ချက်ထားတာက သက်သက်၊ မွှေထားတဲ့ နာနတ်အရည်လေးတွေက သက်သက်ဆိုတော့ အခု အဲ့ (၂)ခုကိုရောပြီးတော့ တစ်မိနစ်ကြာအောင်မွှေပါမယ်။  အဲ့လိုဆို တစ်ဖြည်းဖြည်းနဲ့ ပျစ်လာပြီး စားလို့ရတဲ့ နာနတ်ယိုလေးဖြစ်လာမှာပါ။ အအေးတော့ ခံလိုက်ပါဦးနော်။ အေးရင် ပိုချိုပါတယ်။

ပြောပြထားတာကတော့ နာနတ်သီးလတ်လတ်ဆတ်ဆတ်ကနေ ထုတ်တဲ့ယိုပါ။ 

နာနတ်သီးမရနိုင်ဘူး ကိုယ့်ဘာသာလည်းလုပ်ချင်တယ်ဆိုရင်တော့ စည်သွပ်နာနတ်သံဘူးလေးတွေနဲ့လည်း သုံးပြီးတော့ လုပ်လို့ရပါတယ်။ သူ့ကိုသုံးမယ်ဆိုရင်တော့ လိုအပ်တာတွေက

(၁) စည်သွပ်ဘူး (၂)ဘူးခွဲ (အလေးချိန်အနေနဲ့ဆို ၂၀အောင်စ ရှိရပါမယ်။)

(၂) သကြား (၂)ခွက် (၄၈၀ မီလီလီတာ) 

အဲ့ဒါပါပဲ။ ဆိုတော့ကာ 

အဆင့်(၁)။ ။ အိုးထဲကို နာနတ်သီးတွေရော၊ သကြားတွေရော အကုန်ဖောက်ထည့်လိုက်ပါ။ စည်သွပ် နာနတ်သီးတွေက ကြီးနေတယ်ဆိုရင်တော့ နည်းနည်းလေး သေးအောင်လုပ်ပေးပါဦ။

အဆင့်(၂)။ ။ ပုံမှန်မီးလေးနဲ့ပဲ ဆူပွက်လာတဲ့အထိကျိုချက်ပေးပါ။ တို့ဖူးကျိုသလိုပဲ မပြတ်အောင်တော့ မွှေပေးဖို့လိုပါတယ်။

အဆင့်(၃)။ ။ ပွက်လာပြီးတော့ မိနစ် (၂၀)လောက်ကြာအောင် ထပ်ပြီးတော့ ချက်ပေးရင် တစ်ဖြည်းဖြည်းနဲ့ ပျစ်လာမှာကိုတွေ့ရမှာပါ။ အပူချိန်တိုင်းကြည့်ချင်ရင်တော့တိုင်းကြည့်ပါ။ ၁၀၄ ဒီဂရီစင်တီဂရိတ် (၂၂၀ ဖာရင်ဟိုက်)လောက်ရှိနေမှာပါ။ ဇွန်းလေးနဲ့ ခပ်ထုပ်ကြည့် အဆင်ပြေတယ်ဆို မီးဖိုပေါ်ကနေ ချပြီးတော့ အဆင်မပြေသေးဘူးဆိုရင်တော့ ထပ်ချက်ပေးပါ။ 

အဆင့်(၄)။ ။ အအေးခံပြီးရင်တော့ စားလို့ရတဲ့ နာနတ်ယိုလေးရမှာပါ။ 

ဘယ်ဟာလာလာ ယိုတော့ချက်တတ်ပြီဆိုရင်တော့ သိမ်းတဲ့အဆင့် စည်သွပ်တဲ့အဆင့်လေးပါ ထပ်သိထားတယ်ဆိုရင်တော့ သူငယ်ချင်းတွေ ချစ်ခင်သူတွေကိုလည်း လက်ဆောင်ပေးရင် သုံးလို့ရတာပေါ။ 

အဆင့် (၁)။ ။ ပိုးသတ်တဲ့အဆင့်ပါ။ ကိုယ်ထည့်မဲ့ပုလင်းတွေ အကုန်သာထည့်ပြုတ်လိုက်ပါ။ အရစ်သံဖုံးလေးတွေနဲ့ ပုလင်းလေးတွေက လေလုံပါတယ်။ ခုဆို လှလှလေးတွေလည်း ရှိနေပြီဆိုတော့ လေလုံတဲ့ပုလင်းလေးတွေ ရှာဝယ်ပါ။

အဆင့်(၂)။ ။ ပြုတ်ပြီးပြီဆို အကြာကြီးမထားပဲ ယိုတွေကိုချက်ချင်းထည့်နိုင်တာ ကောင်းပါတယ်။ ချစ်လို့ဆိုပြီး အပြည့်မထည့်ရပါဘူးနော်။ အပေါ်မှာ (၆)စင်တီမီတာလောက်အလွတ် ထားပေးရပါမယ်။ 

အဆင့်(၃)။ ။ အရစ်မှာပေနေတာလေးတွေသုတ်၊ အဖုံးလေး သေချာပိတ်ပြီးရင် ထပ်ပြီးတော့ ပြုတ်ပေးရမှာပါနော်။ ပွက်ပွက်ဆူနေတဲ့ ရေထဲမှာ (၅) မိနစ်ထားပြီးတော့ ယိုဘူးလေးတွေကို ပြန်ဆယ်၊ ရေသုတ်ပြီးပြီဆိုရင် (၁၈)လလောက်ကတော့ အသာလေးအထားခံတဲ့ နာနတ်ယိုဘူးလေးတွေကို ရမှာဖြစ်ပါတယ်နော်။ အခန်းအပူချိန်ရောက်တဲ့အထိ အအေးခံပြီးရင်တော့ ရေခဲသေတ္တာထဲ ထည့်ထားရင် အကြာကြီးထားပြီး စားလို့ရတဲ့ နာနတ်ယိုဘူးလေးတွေကို တွေ့ရမှာပါ။ 

အဲ့တော့ ချစ်ချစ်ကိုဖြစ်ဖြစ် မချစ်ချစ်ကိုဖြစ်ဖြစ် လုပ်ကျွေးဖို့ နည်းလမ်းကောင်းလေးတစ်ခုကို ရသွားပြီဆိုတော့ ကျေနပ်ရပါတယ်။ အဆုံးထိဖတ်ပေးတာကိုလည်း ကျေးဇူးတင်ပါတယ်။ 

ထွန်းဝင်းကျော်

 

 

 

 


ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...
Read more Facebook စာမျက်နှာသို့သွားရန်

ဆွေးနွေးချက်များ

ဆွေးနွေးရန်