မြန်မာ့ဆန်စံချိန်စံညွှန်းနဲ့ မြန်မာ့စပါးအရည်အသွေး အဆင့်အတန်းခွဲခြားသတ်မှတ်ရေးဆွေးနွေး

26/07/2019 13:30 PM တွင် အစိမ်းရောင်လမ်း အစိမ်းရောင်လမ်း မှ ရေးသား ပြီး Greenovator Greenovator မှ ပေးပို့ထားပါသည်။

မြန်မာ့ဆန်စံချိန်စံညွှန်းနဲ့ မြန်မာ့စပါးအရည်အသွေး  အဆင့်အတန်းခွဲခြားသတ်မှတ်ရေးဆွေးနွေးပွဲကို ဒီကနေ့ မြန်မာနိုင်ငံဆန်ငံဆန်စပါးကုန်သည်များအသင်းမှာ ပြုလုပ်ကျင်းပခဲ့ပါတယ်။

ဆန်စပါးရောင်းဝယ်မှုကိုတိတိကျကျဖြစ်စေနိုင်ဖို့အတွက် ဆွေးနွေးညှိနှိုင်းပွဲပြုလုပ်ဖြစ်တာပါလို့ မြန်မာနိုင်ငံဆန်စပါး ကုန်သည်များ အသင်းမှ အတွင်းရေးမှုူး ဦးအောင်မြင့်ကပြောပါတယ်။

“ ဆန်ရောစပါးရောစံချိန်စံညွှန်းအတွက်ကို အောက်ကကုန်သည်တွေ ၊စက်ပိုင်တွေ ၊ပွဲစားတွေကို စံချိန်စံညွှန်းတွေချပြပြီး အကြံညဏ်တွေတောင်းတာပါ။စံ ချိန်စံညွှန်းကနောက်ဆုံး အဆင့် ရောက် နေပြီဆိုတော့ ပြန်လည်ပြင်ဆင်ဖြည့်စွက်တာတွေကို ဆွေးနွေးတင်ပြတာပါ။ အစိုဓါတ် ဘယ်လောက် ရှိလဲဆိုတာအမြင်နဲ့ပဲလုပ်နေကြတယ်။ တိကျတဲ့ရောင်းဝယ်မှုလေးတစ်ခု ဖြစ်သွားအောင် ၁၀မှတ် ၊ ၁၅ မှတ်ဆိုပြီးသတ်မှတ်ပြီးဝယ်နိုင်အောင်လို့ပါ”

ဆန်စပါးစံချိန်စံညွှန်းဆွေးနွေးပြင်ဆင်ဖြည့်စွက်မှုပြီးစီးပါက စီးပွားရေးနှင့် ကူးသန်းရောင်း ဝယ်ရေး ဝန်ကြီးဌာန ၊ပညာရေးဝန်ကြီးဌာန အတည်ပြုချက်များကိုဆက်လက်ဆောင်ရွက်သွားမှာဖြစ်ကြောင်း အဆိုပါအသင်းမှသိရပါတယ်။
ပြည်ပနိုင်ငံများနဲ့ ဆန်စပါးအရောင်းအဝယ်ကဏ္ဍကို တိတိကျကျဆောင်ရွက် နိုင်ရန်မြန်မာ့ဆန်စပါး စံချိန်စံညွှန်းကို စီစဉ်လုပ်ဆောင်နေတာဖြစ်ကြောင်း မြန်မာနိုင်ငံဆန်စပါးကုန်သည်များအသင်းမှသိရ ပါတယ်။

တိုးတိုးခိုင်(ABM)