မိမိဖုန်းမှ အင်တာနက် (ဟော့စပေါ့) လွှင့်ပေးနည်း

“ခေတ်မီတောင်သူဖြစ်ဖို့ ဒစ်ဂျစ်တယ်နည်းပညာ လေ့လာစို့” အစီစဥ်လေး ရောက်ရှိလာပြန်ပါပြီ ခင်ဗျ။ ယခင်တစ်ပတ်က ဝိုင်ဖိုင် အသုံးပြုနည်း အကြောင်းကို မျှဝေပေးခဲ့တာ ဖြစ်ပါတယ် ခင်ဗျ။ ယခုတစ်ပတ်မှာတော့ မိမိဖုန်းကနေ တခြားသူတွေကို အင်တာနက် ဟော့စပေါ့ ဘယ်လိုလွှင့်ပေးရလဲဆိုတာလေးကို ပြန်လည်မျှဝေ ပေးသွားပါမယ်ခင်ဗျ။

ဟော့စပေါ့ လွှင့်မယ်ဆိုရင် ပထမဆုံး

၁။ မိမိရဲ့ အင်တာနက် ဖွင့်ထားဖို့ လိုအပ်ပါတယ်။

၂။ ပြီးရင်တော့ ဆက်တင် (Setting) ထဲကိုဝင်ရမှာ ဖြစ်ပါတယ်။

၃။ ဆက်တင်ထဲဝင်ပြီးရင်တော့ အခြားဝိုင်ယာလက် ချိတ်ဆက်မှုများ (Other Wireless Connections) ထဲကို ဝင်ရောက်ရမှာ ဖြစ်ပါတယ်။

၄။ ပြီးရင်တော့ ကိုယ်ရေး ဟော့စပေါ့ (Personal Hotspot) ကို နှိပ်ပြီး ခလုတ်ဖွင့်ပေးလိုက်ရင် မိမိဖုန်းကနေ တခြားသူတွေကို အင်တာနက် လွှင့်ပေးလို့ ရပြီဖြစ်ပါတယ်။

၅။ ဟော့စပေါ့ လွှင့်တဲ့ အခါမှာ မိမိရဲ့လွှင့်ပေးတဲ့ လိုင်းအတွက် လျှို့ဝှက်ကုဒ်ထည့်ထားနိုင်သလို မိမိလိုင်းကို ချိတ်ပြီး သုံးနိုင်တဲ့ ဖုန်းအရေအတွက်ကိုလည်း ကန့်သတ်ထားလို့ ရပါသေးတယ် ခင်ဗျ။ ဒီလောက်ဆိုရင် မိမိဖုန်းထဲကနေ တခြားသူတွေကို ဟော့စပေါ့လွှင့်ပေးဖို့ အဆင်ပြေမယ်လို့ ယုံကြည်ပါတယ် ခင်ဗျ။ တခြားသူ ဟော့စပေါ့ လွှင့်ပေးတာကို မိမိက ချိတ်ပြီးသုံးချင်ရင်တော့ ယခင်တစ်ပတ်က ဖော်ပြခဲ့တဲ့ ဝိုင်ဖိုင်အသုံးပြုနည်း ဆောင်းပါးလေးအတိုင်းလုပ်ဆောင်ရမှာ ဖြစ်ပါတယ်။ နောက်တစ်ပတ် ပြန်လည် ဆုံတွေ့ပါမယ် ခင်ဗျ။
ယခင်တစ်ပတ်က ဝိုင်ဖိုင် အသုံးပြုနည်း အကြောင်းကို ပြန်လည်ဖတ်ရှုချင်ရင်တော့ ဖော်ပြပါ လင့်ကနေတစ်ဆင့် ဝင်ရောက်ဖတ်ရှုနိုင်ပါတယ် ခင်ဗျ။

ဝိုင်ဖိုင်(wifi)အသုံးပြုနည်း လေ့လာကြမယ်

(ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ကို ထည့်ပေးရန် မေတ္တာရပ်ခံအပ်ပါသည်)

ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...