အီးအမ်အသုံးပြုရာတွင် သတိပြုရမည့်အချက် (၁၀) ချက်
အီးအမ်ဆိုတာကို တောင်သူအများစုကတော့ သိနေကြပြီးဖြစ်ပါတယ်။ ထပ်ပြောရရင် အီးအမ်ဆိုတာကတော့ အကျိုးပြု အဏုဇီဝသက်ရှိလေးတွေပါဝင်တဲ့ ဖျော်ရည်တစ်မျိုးဖြစ်ပြီး သီးနှံပင်တွေကိုကြီးထွားစေခြင်း၊ ပိုးရောဂါနဲ့ ရာသီဥတုဒဏ်ကို အသင့်တင့် ခံနိုင်ရည်ရှိခြင်း၊ အထွက်နှုန်းကောင်းစေခြင်း၊ သီးနှံအရည်သွေးကောင်းစေခြင်းတို့အပြင် ပတ်ဝန်းကျင်ညစ်ညမ်းမှုကိုပါ လျော့နည်းစေတဲ့ အကျိုးကျေးဇူးတွေရှိပါတယ်။ အစိမ်းရောင်လမ်းဆော့ဝဲလ်ထဲမှာဆိုရင်လည်း အီးအမ်ဖျော်ရည်ကိုအသုံးပြုပြီး သဘာဝမြေသြဇာပြုလုပ်တဲ့နည်း၊ သဘာဝပိုးသတ်ဆေး၊ မြေဆွေးပုံပြုလုပ်နည်း၊ ခရုအမိုင်နိုအက်ဆစ်ပြုလုပ်နည်း စသည်ဖြင့် နည်းပညာများစွာကို မျှဝေပြီးသားဖြစ်တာကြောင့် အီးအမ်ဖျော်ရည်အသုံးပြုတဲ့အခါမှာ လေလွင့်ဆုံးရှုံးမှုနည်းနည်းနဲ့ အကျိုးရှိရှိအသုံးပြုနိုင်ရန်အတွက် သတိပြုရမယ့်အချက်လေးတွေကို မျှဝေပေးလိုက်ပါတယ်။
၁။ အီးအမ်ဆိုတာဟာ ဖျော်ရည်သက်သက်မဟုတ်ဘဲ သက်ရှိလေးတွေပါဝင်နေတာဖြစ်လို့ အသုံးမပြုခင် သိမ်းဆည်းထားမယ်ဆိုရင် အလင်းရောင်တိုက်ရိုက်မကျဘဲ အေးမြခြောက်သွေ့တဲ့နေရာမျိုး (အေး/ မှောင်/ ခြောက်) မှာ သိမ်းရပါမယ်။
၂။ ငြိမ်သက်နေတဲ့ အဏုဇီဝသက်ရှိလေးတွေဟာ လေ၊ အပူ၊ အလင်းရောင် စတာတွေနဲ့ ထိတွေ့တဲ့အခါ စတင်လှုပ်ရှားလာပြီး အချင်းချင်းပေါင်းစပ်ဖွဲ့စည်းမှုကြောင့် အီးအမ်ရဲ့အာနိသင်ဟာ လျော့နည်းသွား၊ ပျက်ပြယ်သွားတာမျိုး ဖြစ်နိုင်ပါတယ်။ ဒါကြောင့် တစ်နေရာကနေ သယ်ယူတဲ့ အခါမှာလည်း စနစ်တကျသယ်ယူဖို့လိုအပ်ပါတယ်။
၃။ အီးအမ်အသုံးပြုခြင်းဟာ သက်ရှိလေးတွေကို အသုံးပြုရတာဖြစ်လို့ စပြီးအသုံးပြုမယ်ဆိုရင် သိနားလည်တဲ့ပညာရှင်တွေကို မေးမြန်းပြီး ညွှန်ကြားချက်တွေအတိုင်း စနစ်တကျအသုံးပြုဖို့ လိုအပ်ပါတယ်။
၄။ အီးအမ်ဟာ အကျိုးပြုအဏုဇီဝသက်ရှိဖျော်ရည်ဖြစ်တာကြောင့် ဓာတုမြေသြဇာတွေလို၊ ဓာတုပိုးသတ်ဆေးတွေလို အာနိသင်ချက်ချင်းပြမှာ မဟုတ်ပါဘူး။ ဒါကြောင့် ပိုးမွှားရောဂါကာကွယ်နှိမ်နင်းဖို့ အသုံးပြုချင်ရင်တော့ ကြိုတင်ပက်ဖျန်းထားဖို့ လိုအပ်ပါမယ်။ ပိုးရောဂါကျရောက်မှ အသုံးပြုမယ်ဆိုရင်တော့ ကာကွယ်နိုင်မှာ မဟုတ်ပါဘူး။
၅။ အီးအမ်ဖျော်ရည်ကို နေမပူတဲ့အချိန်မှာ အသုံးပြုသင့်ပါတယ်။ မနက်အစော၊ ညနေပိုင်းနဲ့ မိုးအုံ့တဲ့အချိန်မျိုးတွေမှာဖျန်းတာ ပိုပြီးထိရောက်ပါတယ်။
၆။ အီးအမ်ဖျော်ရည်ဖျန်းပြီးပါက စိုက်ခင်းထဲမှရေကို တစ်ပတ်ခန့်ကြာသည်အထိ မထုတ်ရန် သတိပြုပါ။
၇။ အီးအမ်ဖျော်ရည်အသုံးပြုရန် ရောစပ်သောရေမှာ သန့်ရှင်းတဲ့ရေဖြစ်ရန် လိုအပ်ပါတယ်။ ပူနေတဲ့ရေ၊ မသန့်ရှင်းတဲ့ရေများကို အသုံးမပြုသင့်ပါ။
၈။ အီးအမ်ဖျော်ရည်တွင် ပင်မအီးအမ်၊ အီးအမ်အပြင်း၊ အသင့်သုံးအီးအမ် စသည်ဖြင့်ရှိရာ အသင့်သုံးအီးအမ်သည် စိုက်ခင်းတွင် တိုက်ရိုက်သုံးနိုင်သော အီးအမ်ဖြစ်ပြီး ရာသီဥတုအခြေအနေပေါ်မူတည်ပြီး ၇ ရက်မှ ၁၅ ရက်အထိ တာရှည်ခံနိုင်တာကြောင့် အသင့်သုံးအီးအမ်ဖျော်စပ်ပြီးပါက ၁ ပတ်အတွင်း အသုံးပြုနိုင်လျှင် အာနိသင်ပိုထိရောက်ပါတယ်။ အသင့်သုံးအီးအမ်ကို ရေနှင့်ရောစပ်ပြီးပါက ၂၄ နာရီအတွင်း ကုန်အောင်အသုံးပြုသင့်ပါတယ်။
၉။ စိုက်ခင်းများတွင် မှိုသတ်ဆေးဖျန်းထားပါက ၁ ပတ်ကြာပြီးမှသာ အီးအမ်ဖျန်းသင့်ပါတယ်။ ပိုးသတ်ဆေး၊ ပေါင်းသတ်ဆေးဖျန်းထားပါက အချိန်ခြားပြီးမှ အီးအမ်ကို သုံးသင့်ပါတယ်။
၁၀။ အိမ်မှာသိမ်းဆည်းထားတဲ့ အီးအမ်ဖျော်ရည်ဟာ အချဥ်နံ့မဟုတ်ဘဲ အပုပ်နံ့ရနေပါက အသုံးမပြုသင့်ပါ။ အီးအမ်ဖျော်ရည်ဟာ ဝါညိုရောင်ရှိနေမှသာ အသုံးပြုရန်သင့်တော်ပါတယ်။
ကိုးကားချက်
- အကျိုးပြုအဏုဇီဝ (အီးအမ်) နည်းပညာ - ပါမောက္ခဒေါက်တာမြင့်လွင်
- www.emvereniging.nl
Than Htike
လွန်ခဲ့သော ၂ လ ကအီးအမ်ပြင်းပြုလုပ်ပုံ ရှင်းပြပေးပါ
Than Htike
လွန်ခဲ့သော ၂ လ ကအီးအမ်ဖျော်ရည်ပျင်းနဲ့ပင်မအီးအမ် အသင့်သုံးအီးအမ်ကို ကွဲကွဲပြားပြားသိအောင်ရှင်းပြပေးပါ ဆရာတို့
Myint Lay
လွန်ခဲ့သော ၄ နှစ် ကအီးအမ်ပြုလုပ်နည်း
ဦးခင်ရှိန်
လွန်ခဲ့သော ၄ နှစ် ကကျေးဇူးပါ
ဇောိ
လွန်ခဲ့သော ၄ နှစ် ကအီးအမ်ပြုလုပ်နည်း
ဆက်စပ်မေးခွန်းများ
ယင်ဖြူနဲ့ဖူးစားပိုးရွက်စားပိုးနဲ့မှုိရောဂါတွေအတွက်ဘယ်လို့ထိထိရောက်ရောက်ရောဖျန်းရမလဲဖျန်းရမဲ့အတွဲလေးသိရင်ဖြေပေးပါလားဆရာတို့တချု့အရွက်တွေယင်ဖြူကြောင့်မဲတာပြောင်အောင်ဘယ်လို့လုပ်ရ
မောပ်တိုးတတ် • ဖြေကြားချက် 3 ခု
မျှားနီ တောင်ပေါ်သား(979)မျိုးဟာ အပင်တစ်ပင်ရဲ့ သက်တန်းတစ်လျှောက်လုံးမှာ အမြင့်ဆုံး ပိဿာချိန် ဘယ်လောက်ထိ ထွက်နိုင်ပါသလဲဗျ စိုက်ဖူးတဲ့ဆရာကြီးများ ပြန်ဖြေပေးကြပါခင်ဗျား။ ကျနော်က အခုမှစစိုက်မှာမို့လို့ပါဗျ။
Kyaw Soe Naing • ဖြေကြားချက် 1 ခု
ယခုလက်ရှိ ရာသီဥတုနဲ့ဆို ဘာပဲအမျိုးအစားကို ရွေးချယ်ပီးစိုက်သင့်ပါသလဲ
Sa Paing Ko Ko Win • ဖြေကြားချက် 4 ခု
ကျနော်ရဲ့စပါးကျဲခင်းလုပ်မည့်လယ်ကွ က်ထဲမှာမိုးဦးက။။မသေဘဲကျန်နေတဲ့မြက်ကြိမ်ပင်အကြွင်းအကျန်မျာကိုပေါင်းသက်ဆေးဖြန်းခြင်လိုးဘယ်ဆေးကိုသုံးရမလဲဗျ။
U Win Zaw • ဖြေကြားချက် 3 ခု
နှမ်းခင်းထဲကမှာ မြက်မရှိပါဘူး တောဇီးပူ ပဲရှိတာ တောဇီးပူ သေတဲ့ ရွေးချယ် ပေါင်းသတ်ဆေးရှိပါသလားခဗျ လမ်းညွှန်ပေးပါကြဦး
khant zin • ဖြေကြားချက် 1 ခု
.jpg)
Farm Link Co.,Ltd
ရေမီးအစုံနဲ့ လေထီးခုန်နိုင်မယ့် ဖန်းလင့်ရဲ့ #စမတ်သီးစုံလာပါပြီ.....ဦးကြီးတို့ရေ လေထီးခုန်ချင်ပေမယ့် စမတ်သီးစုံကို မသိသေးရင်တော့ ဒီစာလေးကို ဆက်ဖတ်ပေးပါ #စမတ်သီးစုံဆိုတာ အပင်တိုင်းအတွက် အဓိကအာဟာရNPK (19:7:8)နဲ့ #ဟူးမစ်အက်စစ်တို့ အချိုးကျ ပေါင်းစပ်ထားတဲ့ ကွန်ပေါင်းဓာတ်မြေဩဇာဖြစ်ပါတယ်။ အဓိကအကျိုးကျေးဇူးတွေအနေနဲ့ကတော့ နိုက်ထရိုဂျင် 19%ပါဝင်တဲ့အတွက် ကလိုရိုဖီးလ်ဖွဲ့စည်းမှုကို အားပေးကာ သီးနှံပင်များ၏အရွက်များစိမ်းလန်းသန်စွမ်းပြီး အစာချက်လုပ်မှုအားကောင်းစေပါတယ်။ အပင်၏ပင်ပိုင်းကြီးထွားမှုကို တိုးမြင့်စေကာ အပင်သန်၍ အကြီးမြန်စေပါတယ်။ သင့်တော်တဲ့ Phosphorus 7%ပါဝင်မှုကြောင့် အပင်ရဲ့ အမြစ်ဖွဲ့စည်းတည်ဆောက်မှုကို ပို၍သန်မာလာအောင် အားပေးပါတယ်။ ဒါ့အပြင် ပန်းပွင့်ခြင်း၊အသီးသီးခြင်း၊အစေ့တည်ခြင်းလုပ်ငန်းစဉ်များကိုလည်း အားပေးပါတယ်။ လုံလောက်တဲ့ Potassium 8%က အပင်ရဲ့ ရောဂါဒဏ်၊ရာသီဥတုဒဏ်ခံနိုင်ရည်ရှိမှုကို မြင့်တက်စေပြီး အသီးအရည်အသွေး၊ အရွယ်အစားနဲ့ အရသာ ပိုမိုကောင်းမွန်စေဖို့အတွက် လိုအပ်တဲ့အာဟာရဓာတ်ဖြစ်ပါတယ်။ ဟူးမစ်အက်စစ်ပါဝင်ပေါင်းစပ်ထားတဲ့အတွက် အာဟာရဓာတ်စုပ်ယူမှုကောင်းမွန်လာခြင်း၊မြေဆီလွှာဖွဲ့စည်းပုံနှင့်ရေထိန်းနိုင်စွမ်းအားကောင်းလာခြင်းအပါအဝင် အကျိုးကျေးဇူးများစွာကိုရရှိစေမှာဖြစ်ပါတယ်။ စပါးအပါအဝင် နှံစားသီးနှံများ၊ပဲအမျိုးမျိုး၊ဟင်းသီးဟင်းရွက်နဲ့ ဥယျာဉ်ခြံသီးနှံအားလုံးမှာ အသုံးပြုနိုင်တယ်ဆိုတော့ တစ်မျိုးတည်းနဲ့ အားလုံးပါဖက်(perfect)မယ့် စမတ်သီးစုံနော် အရွေးမမှားတာသေချာပြီမလို့ အတွေးမများဘဲ သီးနှံတိုင်းကြီးထွားအောင် ဖန်းလင့်ရဲ့ #စမတ်သီးစုံကို သုံးကြပါစို့....
နောက်ဆုံး ဆောင်းပါးများ
ကိုယ်တိုင်ပြုလုပ်နိုင်တဲ့ homemade ကော်ဖီ scrub
30/09/2026
အစိမ်းရောင်လမ်း Viber (09-5053570) ကို ဆက်သွယ်ထားသော မိတ်ဆွေများသို့
30/09/2026
GIS နည်းပညာက ခေတ်သစ်စိုက်ပျိုးရေးကို ဘယ်လိုတိုးတက်ပြောင်းလဲစေနိုင်သလဲ?
30/09/2026
ကျန်းမာရေးနှင့်ညီညွတ်သော အစာစားနည်းများ (အပိုင်း-၅)
29/09/2026
မုန်တိုင်းငယ်၏ တိုက်ရိုက် သက်ရောက်မှုကြောင့် ၇ ရက်အတွင်းဖြစ်ပေါ်မည့် မိုးလေဝသအခြေအနေ
29/09/2026
More from ဇင်ထူးနိုင်
အားလုံး
GIS နည်းပညာက ခေတ်သစ်စိုက်ပျိုးရေးကို ဘယ်လိုတိုးတက်ပြောင်းလဲစေနိုင်သလဲ?
30/09/2026
ကောက်ရိုးစွန့်ပစ်ပစ္စည်းများကို မီးမရှို့ဘဲ လျှပ်စစ်ဓာတ်အားအဖြစ် ပြောင်းလဲရန် ကြိုးပမ်းသူ အိန္ဒိယလူငယ်
25/09/2026
နှင်းလား၊ မြူလား... သတိထားစရာ PM2.5 လေထုအဆိပ်ငွေ့များ
04/09/2026
မြေအောင်းသတ္တဝါဖြစ်တဲ့ ပွေးကောင်တို့အကြောင်း
31/08/2026
အသံ
ခေတ်မီဆန်းသစ်သော စိုက်ပျိုးရေးစနစ်သည် ကျွန်ုပ်တို့၏ အနာဂတ်အတွက် အဓိကသော့ချက် ဖြစ်လာ
24/08/2026
