လုပ်ငန်းရှင်ကြီးဖြစ်ဖို့ (၇)

26/10/2020 11:45 AM တွင် ထွန်းဝင်းကျော် ထွန်းဝင်းကျော် မှ ရေးသား ပြီး Greenovator Greenovator မှ ပေးပို့ထားပါသည်။

     အရင်တစ်ခေါက်က ဖြန့်ဝေရာလမ်းကြောင်းကို ဘယ်လိုဖော်ဆောင်ရမလဲ ဘယ်အချက်တွေကို ထည့်သွင်းစဉ်းစားသင့်တယ်ဆိုတာကို ဆွေးနွေးခဲ့ပြီးပြီဆိုတော့ အခုတစ်ခေါက်မှာ လမ်းကြောင်းတစ်ခုကို ရွေးပြီးတော့ ဖြန့်ဝေကြည့်ကြမယ်။ 

     ခု အစိမ်းရောင်လမ်းမှာ ဈေးတန်းကြီးရှိနေပြီ။ ကိုယ့်ဘာသာ လိုင်းပေါ်မှာတင်ပြီးရောင်းချင်လည်းရတယ် ဆိုတော့ကာ အဲ့ဒါတွေက အင်တာနက်ကို အသုံးပြုပြီးတော့ ကိုယ့်ပစ္စည်းတွေကို ဖြန့်ဝေလိုက်တာပါပဲ။ ဆိုတော့ အင်တာနက်ဆိုတဲ့ ဖြန့်ဝေရာလမ်းကြောင်းကို သုံးပြီးတော့ တောင်သူဦးကြီးတွေက ကုန်ပစ္စည်းတွေ ဖြန့်ဝေကြည့်ကြရအောင်။ 

     အင်တာနက်ဟာဆိုရင် ကိုယ့်ကုန်အမှတ်တံဆိပ်ကို ပုံလေးတွေနဲ့ ကြော်ငြာလေးတွေလုပ်ပြီး ကြော်ငြာနိုင်တဲ့အတွက်ကြောင့် ဝယ်သူတွေကို ဖိတ်ခေါ်နိုင်ပါတယ်။ ဒါ့အပြင်ကို ကိုယ့်ဆီက ထုတ်ကုန်အကြောင်းကို အသေးစိတ်ရေးပေးလို့ရတယ်။ လက်ကျန်ရှိသေးလား မရှိတော့ဘူးလားဆိုတာကိုလည်း ပြလို့ရတယ်။ ပြီးတော့ ကိုယ်လုပ်ချင်တဲ့ ပရိုမိုးရှင်းတို့ ဒစ်စကောင့်တို့လည်း လုပ်လို့ရတယ် စတဲ့ အာသာချက်တွေလည်းရှိနေတယ်။ ဆိုတော့ အောက်မှာ အချက်အလက်တွေနဲ့ ကောင်းတာ မကောင်းတာတွေကို လေ့လာသုံးသပ်ကြည့်ရအောင်။ 

     အင်တာနက်ကို ဖြန့်ဝေရာလမ်းကြောင်းတစ်ခုအဖြစ် သုံးဖို့အတွက် ဘာတွေကောင်းကျိုးရှိနေသလဲ?

    • ကိုယ့်ရဲ့ စိုက်ခင်းစိုက်ကွက်အကြောင်းကို အစအဆုံးသိအောင်ပြောပြနိုင်တယ်။ ဘယ်လိုထုတ်ကုန်တွေထွက်ပြီး ဘယ်နေရာမှာ ရှိတာလဲဆိုတာကိုပါ သေသေချာချာဖော်ပြထားလို့ရပါတယ်။ 

    • တင်ထားပြီးရင် ဝင်ဖတ်လို့ရနေတာကြောင့်မို့ တစ်ယောက်လာတစ်ခါရှင်းပြစရာမလိုတာကြောင့် အချိန်ကုန်သက်သာပါတယ်။ စုံစုံစိစိတော့ ရေးထားဖို့ လိုတာပေါ့လေ။ 

    • ပြီးတော့ အင်တာနက်ဖိုး ကုန်ပါတယ်။ ကြော်ငြာခတို့ ဘာတို့တော့ ရှိသေးတယ်။ ဒါပေမဲ့ သူတို့က ဆိုင်ခန်းငှားခလောက်တော့ မကုန်ပါဘူး။ အမြတ်များရင် ငွေနည်းနည်းထပ်ထည့်ပြီးတော့ ကိုယ်ပိုင် website ထောင်ပြီးတော့ ရောင်းလို့ရနိုင်ပါသေးတယ်။ 

    • ကိုယ်ပိုင်မလုပ်ချင်ဘူးဆိုရင်တောင် တစ်ခြားသူများရဲ့ Website တွေမှာ ကြော်ငြာထည့်လိုက်လို့ရပါတယ်၊ အဲ့လိုဆိုလည်း ကုန်ကျစရိတ်က သက်သာပါတယ်။ 

   • ကုန်ကျစရိတ်လည်း တတ်နိုင်တယ်ဆိုရင် ဖုန်းထဲမှာထည့်တဲ့ ဖုန်း အပလီကေးရှင်းလေး ပါ လုပ်ပြီးတော့ ဖုန်းထဲကနေ အလွယ်တကူဝယ်လို့ရအောင် လုပ်ပေးနိုင်ပါသေးတယ်။ 

ကိုယ့်ဘာသာရော ဘာတွေပြန်မေးရမလဲ?

    • ဖုန်းတို့ ကွန်ပျူတာတို့ ဘယ်လောက်အထိ သုံးနိုင်သလဲ။

    • အင်တာနက်ကို ဘယ်လောက်ထိ အချိန်ပေးနိုင်သလဲ သုံးနိုင်သလဲ ဆိုတာကို မေးကြည့်ရပါမယ်။ 

    • ပြီးတော့ ကိုယ်ဈေးကွက်က ဘယ်လောက်အထိ ပေါက်နိုင်သလဲ ဆိုတာကို ပါ တွက်ချက်ကြည့်ရပါမယ်။ 

     မြန်မာနိုင်ငံအတွက်ပေါ့နော်။ ကိုယ့်နိုင်ငံအတွင်းမှာ ဝယ်လို့ရအောင်ဆိုပြီးတော့ အင်တာနက် ကို အသုံးပြုပြီးတော့ ရောင်းနေတဲ့ Website လေးတွေရှိပါတယ်။ 

     တောင်သူဦးကြီးတွေအတွက် ဈေးတန်းကြီး ရှိနေတဲ့ အစိမ်းရောင်လမ်းရဲ့ Website ဆိုရင် https://greenwaymyanmar.com

     ပြီးတော့ ကုန်ပစ္စည်းတွေ တော်တော်များများကို ဝယ်လို့ရနေတဲ့ -    https://www.shop.com.mm/ ရယ်၊ https://www.rgo47.com ရယ် ဆိုတာရှိပါတယ်။  သူတို့ကတော့ မြန်မာနိုင်ငံမှာရှိနေတဲ့ လုပ်ငန်းတွေပေါ့။ ရှာချင်ရင် အစိမ်းရောင်လမ်းထဲမှာ https://greenwaymyanmar.com/posts/knowledge_and_uses_of_google  ဆိုတာလေးကို ဖတ်ကြည့်ပြီးတော့ လုပ်လို့ရပါတယ်။ 

     အင်တာနက်ကို ဖြန့်ဝေရာလမ်းကြောင်းအဖြစ် သုံးပြီးတော့ အောင်မြင်သွားတယ်။ ချမ်းသာသွားတယ်ဆိုတဲ့ ပုဂ္ဂိုလ်တွေလည်း ရှိသလို ကျဆုံးသွားကြရတဲ့ ပုဂ္ဂိုလ်တွေလည်းရှိပါတယ်။ ဘာပဲဖြစ်ဖြစ် ကြိုးစားကြရမှာပေါ့။ 

     အောင်မြင်သွားတဲ့ သူတွေထဲမှာ နာမည်ကြီး တဲ့ ပုဂ္ဂိုလ် ကတော့ တရုတ်ပြည့်က ဂျက်မား  (Jack Ma) ပါ။ သူက ၁၉၉၉ ခုနှစ်မှာ သူ့သူငယ်ချင်း (၁၇)ယောက်ပါတဲ့ အဖွဲ့နဲ့ စပြီးတော့ Website - https://www.alibaba.com/ ကို ထောင်လိုက်တယ်။ အဲ့တုန်းကဆို အင်တာနက်က မြန်မာနိုင်ငံ ရောက်တောင် ရောက်လောက်သေးဘူး။ အရမ်းကြီးလည်း သုံးနေကြတဲ့အထဲမှာ မပါကြဘူး။ အခက်အခဲတွေလည်းရှိတဲ့အပြင်ကိုမှ မအောင်မြင်ဘူးပဲ ထင်ခဲ့ကြတာပါ။ ဒါပေမဲ့ သူအောင်မြင်ခဲ့ပါတယ်။ အောင်မြင်ပြီးတော့ ခုဆိုရင် နိုင်ငံတကာနဲ့ လက်တွဲပြီးတော့ လုပ်နေပါပြီ။ ဂျက်မားက သူ အသက် (၃၀) မှ ကွန်ပျူတာကို စကိုင်တတ်တာပါ။ ကောလိပ်စာမေးပွဲလည် (၃)ကြိမ်ကျဖူးပါတယ်။ အလုပ်တွေကလည်း သူ့ကို လက်မခံကြပါဘူး။ ဒါပေမဲ့ ခုချိန်မှာ သူဟာ အင်တာနက်ကို ဖြန့်ဝေရာလမ်းကြောင်းအဖြစ် သုံးပြီးတော့ သူ့website ကနေ တစ်ဆင့် နိုင်ငံပေါင်း (၂၄၀)ကျော်ကို ကုန်ပစ္စည်းတွေရောင်းချနိုင်နေပါပြီ။ အောင်မြင်တဲ့ ပုဂ္ဂိုလ်တစ်ယောက်လည်းဖြစ်နေပြီ။ သူ့အကြောင်းကို သိချင်ရင်တော့ GOOGLE မှာ ရှာကြည့်လို့ရပါတယ်။ 

     ဆိုတော့ကာ Distribution Channel ဆိုတာကလည်း လုပ်ငန်းနဲ့ကိုက်ညီသွားတယ်ဆိုရင် အောင်မြင်သွားကြတာပဲ။ သူ့လို အောင်မြင်တဲ့သူတွေရှိသလိုပဲ ရှုံးသွားကြတဲ့သူတွေလည်းရှိပါတယ်။ ကိုယ်တွေတောင်သူဦးကြီးတွေထဲကလည်း ပထမဆုံး အင်တာနက်လုပ်ငန်းရှင်ကြီး ပေါ်ပေါက်လာနိုင်ပါတယ်။ 

     အားမလျော့နဲ့ ရောက်လုပြီ ကြိုးစားတက်ပါမည်....... တက်ကြပါ အထက်ကို တက်ကြပါ။ အောက်ကလူတွေကိုလည်း ဆွဲခေါ်ကြပါ။ 

Reference

https://en.wikipedia.org/wiki/Alibaba_Group

https://proxsoftwaresolution.com/aki-aeammhumete-swnlupnhtweakea

http://www.smartfarmerproject.eu/SmartFarmerPlatform/unit.php?unit_id=7

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။

 

 

 


PROBIO ကြော်ငြာ
ကြက်/ဝက် မွေးမြူရေးလုပ်ငန်းတွေမှာ ပဋိဇီဝဆေး (𝐀𝐧𝐭𝐢𝐛𝐢𝐨𝐭𝐢𝐜𝐬) များအစား၊ ပရိုဘိုင်အိုတစ် (𝐏𝐫𝐨𝐛𝐢𝐨𝐭𝐢𝐜𝐬) များကို ဘာကြောင့်အစားထိုး အသုံးပြုသင့်တာလဲ။ ပဋိဇီဝဆေး (𝐀𝐧𝐭𝐢𝐛𝐢𝐨𝐭𝐢𝐜𝐬) ဆိုတာကတော့ လူ၊ တိရစ္ဆာန်တွေမှာကပ်တွယ်ပြီး ကျန်းမာရေးကို အန္တရာယ်ပြုနိုင်တဲ့ အဏုဇီဝပိုးမွှားတွေကို ကြီးထွားပြန့်ပွားမှု့လျော့ကျအောင် ရှင်းလင်းသုတ်သင်ပေးတဲ့ ဆေးတစ်မျိုးဖြစ်ပြီး အထူးသဖြင့် မွေးမြူရေးကဏ္ဍမှာ ၇၀-၈၀% အထိ အသုံးပြုလျက်ရှိကြပါတယ်။ ကြက်မွေးမြူရေးကဏ္ဍမှာဆိုရင် အဆိုပါ ပဋိဇီဝဆေး (𝐀𝐧𝐭𝐢𝐛𝐢𝐨𝐭𝐢𝐜𝐬) တွေဟာ ကြက်တွေမှာဖြစ်ပွားတတ်တဲ့ အသက်ရှုလမ်းကြောင်းရောဂါ၊ အူလမ်းကြောင်းရောဂါ၊ အခြားသောဘက်တီးရီးယားများကြောင့်ဖြစ်တဲ့ ရောဂါတွေကိုကုသရာမှာ အလွန်ထိရောက်ပါတယ်။ သို့သော်ငြားလည်း ပဋိဇီဝဆေး (𝐀𝐧𝐭𝐢𝐛𝐢𝐨𝐭𝐢𝐜𝐬) တွေကိုအသုံးပြုတဲ့အခါ ဆေးမတိုးတော့တဲ့ အန္တရာယ်ရှိ အဏုဇီဝပိုးမွှားဗီဇပေါ်ထွက်လာနိုင်ပြီး ထိုမှတဆင့် အရေအတွက်အများအပြားအဖြစ်သို့ ပြန်လည်ပွားများလာကာ ပဋိဇီဝဆေးဆေးယဉ်ပါးမှု (𝐀𝐌𝐑) ကိုဦးတည်နိုင်စေပါတယ်။ ဒီနေရာမှာ အဆိုပါ ပဋိဇီဝဆေး (𝐀𝐧𝐭𝐢𝐛𝐢𝐨𝐭𝐢𝐜𝐬) တွေအစား အစားထိုးအသုံးပြုသင့်တဲ့ ပရိုဘိုင်အိုတစ် (𝐏𝐫𝐨𝐛𝐢𝐨𝐭𝐢𝐜𝐬) အကြောင်းကို ထပ်မံအကြံပြုဝေမျှပေးပါရစေ။ ပရိုဘိုင်အိုတစ် (𝐏𝐫𝐨𝐛𝐢𝐨𝐭𝐢𝐜𝐬) ဆိုတာကတော့ မွေးမြူရေးတိရစ္ဆာန်တွေ ကျန်းမာရေးကောင်းမွန်စေဖို့အတွက် ရည်ရွယ်ပြီးထုတ်လုပ်ထားတဲ့ အကျိုးပြု အဏုဇီဝပိုးမွှားများဖြင့် ထုတ်လုပ်ထားတဲ့ဆေး (တနည်းအားဖြင့်) အစာ လို့လည်းဆိုနိုင်ပါတယ်။ ၂၀၀၂ ခုနစ်မှာ 𝐖𝐇𝐎 နဲ့ 𝐅𝐀𝐎 ကနေပြီးတော့မှ ပရိုဘိုင်အိုတစ်ဆိုတာ သက်ရှိအဏုဇီပိုးတွေပါဝင်သောဆေးဖြစ်ပြီး လုံလောက်တဲ့ ပမာဏ အထိ တိုက်ကျွေးမယ်ဆိုရင် ပဋိဇီဝဆေးတိုက်ကျွေးစရာမလိုပဲ မွေးမြူရေးတိရစ္ဆာန်တွေရဲ့ ကျန်းမာရေးကို ကောင်းမွန်စေကြောင်း အကြံပြုထားတာတွေရှိပါတယ်။ ဒါကြောင့် မွေးမြူရေးလုပ်ငန်းတွေမှာ အဆိုပါ ပရိုဘိုင်အိုတစ် (𝐏𝐫𝐨𝐛𝐢𝐨𝐭𝐢𝐜𝐬) ကို ပဋိဇီဝဆေးဝါးများအစား၊ အစားထိုးအသုံးပြုခြင်းက အန္တရာယ်ရှိအဏုဇီဝပိုးမွှားတွေရဲ့ ဆေးယဉ်ပါးမှု (𝐀𝐌𝐑) ဖြစ်ပွားနိုင်ချေ ရာခိုင်နှုန်းကိုလျော့ချနိုင်ပြီး မွေးမြူရေးတိရစ္ဆာန်တွေရဲ့ဇီဝကမ္မဖြစ်စဉ်များကို အနှောက်အယှက်ပြုခြင်းမှ ကာကွယ်နိုင်မှာဖြစ်ပါတယ်။ "စာရေးသားသူဒေါက်တာညွန့်ရွှေ (မွေးမြူ/ဆေးကု) " Myanmar Innovative Life Sciences Co., Ltd မှ ထုတ်လုပ်ဖြန့်ချိပြီး မြန်မာ 𝐅𝐃𝐀 ၏ ခွင့်ပြုချက်လိုင်စင်နဲ့အညီ ပြည်တွင်း၌ထုတ်လုပ်ကာ မြန်မာနိုင်ငံမွေးမြူရေးလုပ်ငန်းရှင်များကို အဆင်သင့်ကူညီပေးမယ့် အရည်အသွေးမြင့် အစာလမ်းကြောင်းအားဖြည့်ဆေး PROBIO က အသင့်ရှိနေပါတယ်။ အခုပဲဒီလင့်မှာ ပြည့်စုံစွာဖောင်ဖြည့်ပြီးဆက်သွယ်လိုက်ပါ- https://tinyurl.com/MILS-PROBIO 𝐏𝐑𝐎𝐁𝐈𝐎 မှ မွေးမြူရေးဆိုင်ရာကျွမ်းကျင်ဝန်ထမ်းတွေကနေ တိုက်ရိုက်ဆက်သွယ်ပြီး အကူအညီပေးမှာဖြစ်ပါတယ်။ 𝐏𝐑𝐎𝐁𝐈𝐎 ဖြန့်ချိရေးနှင့်ကိုယ်စားလှယ်ယူလိုသူများ တိုက်ရိုက်ဆက်သွယ်ရန်ရုံးချုပ်လိပ်စာ- အမှတ် (၁၆၅)၊ အောင်ဇေယျလမ်းသွယ် (၁) ၊ သီရိမင်္ဂလာလမ်း၊ အင်းစိန်မြို့နယ်၊ ရန်ကုန်မြို့။ Hotline: 09 263 709 553, 09 267 287 608, Email: [email protected] #MILS #PROBIO
Read more မွေးမြူရေး အကူအညီရယူရန် နှိပ်ပါ

ဆွေးနွေးချက်များ

ဆွေးနွေးရန်