ကြက်သွန်နီခွံသဘာဝမြေဩဇာ

19/08/2020 15:00 PM တွင် ဝတ်မှုံသင်း ဝတ်မှုံသင်း မှ ရေးသား ပြီး Greenovator Greenovator မှ ပေးပို့ထားပါသည်။

ယခုနောက်ပိုင်းမှာ အားလုံးကဓာတုပစ္စည်းရဲ့ အန္တရာယ်ကိုသိလာကြတဲ့အပြင် ကြီးမြင့်လှသည့် ဓာတ်မြေဩဇာကုန်စျေးနှုန်းကို လျော့ချနိုင်ဖို့ရန်အတွက် ကြက်သွန်နီခွံနဲ့ပြုလုပ်တဲ့ သဘာဝမြေဩဇာလေးကို ဖော်ပြပေးပါမယ်။

အဓိကပါဝင်ပစ္စည်းဖြစ်တဲ့  ကြက်သွန်နီခွံက အိမ်တိုင်းရဲ့ မီးဖိုချောင်မှာမရှိမဖြစ်တဲ့ စားသုံးကုန်မှစွန့်ပစ်ပစ္စည်း ဖြစ်တဲ့အတွက် အိမ်တိုင်းအလွယ်တစ်ကူ ပြုလုပ်အသုံးပြုနိုင်ပါတယ်။

ကြက်သွန်နီခွံမှာဆိုရင် ကယ်လဆီယမ်(calcium)၊ ပိုတက်ဆီယမ်(potassium)၊ မဂ္ဂနီဆီယမ်(magnesium)၊ သံဓာတ်(iron) ၊ ကျေးနီ(copper)နဲ့ အခြားသတ္တုဓာတ်တွေများစွာပါဝင်ပါတယ်။ 

ပြုလုပ်နည်းလေးကလည်းလွယ်ကူပါတယ်။ 

ပုံး(သို့) ဘူးတစ်ခုတွင် ရေတစ်လီတာကို ကြက်သွန်နီခွံလက်တစ်စုပ်နဲ့တစ်ဝက် အချိုးလောက်နဲ့ စိမ်ပေးပါ။ ပြီးရင် အဖုံးအုပ်ပြီး တစ်ရက်ထားပေးပါ။

နောက်နေ့မှာ အရည်ချည်းပဲသီးသန့်ဖြစ်အောင်စစ်ယူပြီး ထိုအရည်ကို တစ်ပင်လျှင် တစ်ခွက်နှုန်းလောက်(ကော်ဖီခွက်) အသုံးပြုနိုင်ပါတယ်။ တစ်ပတ်ကို တစ်ကြိမ်အသုံးပြုနိုင်ပါတယ်နော်။

ကြက်သွန်နီခွံကိုအသားမကပ်နေတဲ့ အခွံချည်းပဲဖြစ်အောင်ဂရုပြုပေးပါ။

အားလုံးပဲ သဘာဝမြေဩဇာလေးသုံးကာ ကုန်ကျစရိတ်ချွေတာနိုင်ပြီး စိုက်ပျိုးရေးအောင်မြင်ကြပါစေနော်။

ဝတ်မှုံသင်း

Ref; https://www.youtube.com/watch?v=EIqcmOFKLC8

ဆောင်းပါးများ/ သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ကို ထည့်ပေးပါရန် မေတ္တာရပ်ခံအပ်ပါသည်။


မာလာမြိုင် ကုမ္ပဏီ ကြော်ငြာ
ပြောင်ခင်းမှာ ပေါင်းရှင်းဖို့ ဘူဒိုဇာ လာပြီ ဒိုး... ပြောင်းခင်း စိုက်နေရင်း ပေါင်းခင်းမဖြစ်သွားရအောင် မအပ်စပ်တဲ့ ပေါင်းတွေအကုန်ဒိုးဖို့ "ဘူဒိုဇာ" လာပြီဗျို့။ ပြောင်းခင်းထဲက ပေါင်းတွေကို အမြစ်ပြတ် သုတ်သင်ပေးမယ့် အစွမ်းထက်ထက် ဆေးတစ်လက် ဆိုရင် ပေါင်းမနိုင်ခင် "ပြောင်း" နိုင်ဖို့ ပြောင်းအထူး ရွေးချယ်ပေါင်းသတ်ဆေး "ဘူဒိုဇာ" နဲ့ဆိုရင် ဘယ်ပေါင်းတွေ ခံနိုင်ပါ့မလဲ? အဓိကပေါက်တတ်တဲ့ "မြေဇာ၊ မြက်ယား၊ ဆင်ငို၊ လက်သဲခွ၊ ဝမ်းဘဲစာ၊ လေးခွမြက်၊ ဝက်ကျွတ်၊ တောဟင်းနုနွယ်၊ မှိုချဥ်၊ ဟင်းဂလာ၊ ခွေးသေးပန်း၊ ဗောက်ပင်၊ ဗောက်လောက်ညို၊ ဆေးပုလဲ၊ ပရန္နဝါ၊ မြက်မုန်ညင်း" တို့ကို အမြစ်ပြတ် အထူးနှိမ်နင်းဖို့ "ဘူဒိုဇာ" ရှိရင် စိတ်သာချလိုက် ဦးကြီးတို့ရေ။ ပြောင်းဖူးပင် တစ်လသားမပြည့်မီ ပေါင်းအရွက် (၂-၄) ရွက် ထွက်ချိန်မှာ အချိန်မှန်မှန်နဲ့ မြန်မြန် သုံးထားဖို့ပဲ တိုက်တွန်းလိုက်ချင်တယ်ဗျ။ လက်မနှေးဘဲ အခုပဲ ပြောင်းခင်းထဲကပေါင်းတွေ "ဘူဒိုဇာ" နဲ့ ရှင်းလိုက်ရအောင်။
Read more Facebook page သို့သွားရန်

ဆွေးနွေးချက်များ

ဆွေးနွေးရန်