ဖရဲသီး ဝိုင်ပြုလုပ်ခြင်း

08/04/2019 14:55 PM တွင် ထွန်းဝင်းကျော် ထွန်းဝင်းကျော် မှ ရေးသား ပြီး Greenovator Greenovator မှ ပေးပို့ထားပါသည်။

ပျင်းနေကြပြီလား…
ဒီတစ်ခေါက်က ဖရဲသီး ဝိုင်ပြုလုပ်နည်းအကြောင်းလေးကိုတင်ဆက်ပေးမှာဖြစ်ပါတယ်။
ဖရဲသီးဝိုင် ကတော့ ဖရဲသီးကို အချဉ်ဖောက်ပြီးတော့ ပြုလုပ်ထားတဲ့ ချိုတဲ့ ဝိုင်လေးပဲဖြစ်ပါတယ်။ ဖရဲသီးရာသီလည်းရှိတုန်းလေး ပြီးတော့ အချိန်ကလည်း နွေဦးလေးမှာဆိုတော့ လုပ်ပြီးတော့ သောက်ကြနိုင်ဖို့အတွက် ကို တင်ဆက်ပေးလိုက်ပါတယ်။
လိုအပ်တဲ့ပစ္စည်းတွေကတော့
(၁) မှည့်နေတဲ့ ဖရဲသီး ကြီးကြီးတစ်လုံး
(၂) သကြား (၅၀၀)ဂရမ်
(၃) Acid Blend လက်ဖက်ရည်ဇွန်းတစ်ဇွန်း
(၄)  တဆေးအာဟာရ (ဆိုင်တွေမှာ မေးဝယ်လိုက်လို့ရပါတယ်နော်) လက်ဖက်ရည်ဇွန်းတစ်ဇွန်း
(၅) ရှန်ပိန်လုပ်တဲ့ တဆေး တစ်ထုပ်
ဖရဲသီး ကောင်းကောင်းလေးရွေးပါ။ဖရဲသီး ဆိုရင် လုံးဝိုင်းနေပြီးတော့ အလေးချိန်ကလည်းလေးနေရမယ်။ အဲ့ဒါက တကယ်ကို ဖရဲရေတွေနဲ့ပြည့်နေပြီးတော့ မှည့်နေတာပါ။
အဆင့် (၁) ပြီးတော့ ဖရဲသီးကိုရေသေချာလေးဆေး၊ ပြီးတော့ ထိပ်ပိုင်းနဲ့ အောက်ပိုင်းတွေကို နည်းနည်းများများလေးလှီးထုတ်လိုက်ပြီးတော့ အခွံခွာ ဒါမှမဟုတ်ရင် စိပ်ပိုင်းပြီးတော့ တစ်လက်မဝန်းကျင်အတုံးသေးသေးလေးတွေလုပ်ထားရမှာပါ။ မချိုတဲ့ ထိပ်ပိုင်းအသားလေးကို ဖယ်ပြီးတော့ အိုးထဲကိုထည့်ပြီး ချက်ရမှာပါ။ လုံးဝအရည်တွေဖြစ်သွားအောင်လို့ နာရီဝက်လောက်ကြာအောင် ချက်ပေးရမှာပါ။ ပြီးတော့ အဲ့ကနေ ရေ (၃)ပုလင်းခွဲလောက်ရအောင် အရည်ချည်းပဲ စစ်ယူထားရမှာပါ။


အဆင့် (၂) သကြားထည့်ပြီး ထပ်ဆူအောင်တည်ပေးပါ။ ဆူရင် ပြန်အအေးခံထားပေးပါ။


အဆင့်(၃) အရည် က ပုံမှန်အအေးကိုပြန်ရောက်ပြီဆိုရင်တော့ အက်ဆစ် နဲ့ တဆေးအာဟာရ ကို ထည့်ပြီးတော့ သေချာလေး မွှေပေးပါ။ စက္ကန့် (၃၀)လောက်တော့ အချိန်ယူရပါမယ်နော်။
အဆင့်(၄) ခုနကရောထားတဲ့ အိုးထဲကနေ ကိုယ်အချဉ်ဖောက်မဲ့ ပုလင်းထဲကိုပြောင်းထည့်ပြီးတော့ အပေါ်ကနေ အဝတ် ပိတ်ပါးလေးနဲ့ အုပ်ထားပေးရမှာပဲဖြစ်ပါတယ်။ အချဉ်ဖောက်မဲ့ အိုးကတော့သန့်နေဖို့လိုတယ်နော်။ ရေနွေးနဲ့ ဆေးထားမယ်ဆိုရင် စိတ်ချရမှာဖြစ်ပါတယ်။ ပိုသေချာချင်ရင်တော့ ဆေးမဲ့ရေတစ်ဂါလန်ကို အစွန်းချွတ်ဆေး တစ်ဇွန်းလောက်ထည့်ပေးပြီး စိမ်ထားလိုက်ပါ။
အဆင့်(၅) တစ်ရက် (၂၄)နာရီကြာတဲ့အခါကျတော့ ရှန်ပိန် တဆေး ကိုထည့်ပေးရပါမယ်။ မျက်နှာပြင်တစ်ခုလုံးဖုံးအုပ်အောင်ထည့်ပေးပြိးတေ့ာ ဒီတစ်ခါတော့ အဖုံးကို အလုံ အလုံ ပိတ်ထားပေးပြိး တစ်ည ထားလိုက်ရမှာဖြစ်ပါတယ်။
အဆင့်(၆) ဝိုင်ကိုစုပ်ယူခြင်း။ တစ်ရက်လောက်ထားလိုက်တော့ အနယ်တွေကျပြီး ငြိမ်နေရော။ အဲ့အချိန်ကျရင် ပိုက်သေးသေးလေးကိုထည့် အောက်ဖက်နဲ့ တစ်လက်မအကွာလောက်ထားပြိး စုပ်ယူပြီး နောက်ထပ်အချဉ်ဖောက်မဲ့ ပုလင်းထဲကိုပြောင်းထည့်။ အကုန်ပြောင်းပြိးရင် ပုလင်းဟောင်းထဲမှာအနယ်တွေချည်းပဲကျန်ခဲ့မှာဖြစ်ပါတယ်။ ပုလင်းအသစ်ကလေးကို လေလုံအောင်ပိတ်၊ ပြီးတော့ (၂)လကြာအောင်ထား။
အဆင့်(၇) (၃)လကြာချိန်မှာ ထပ်ပြီးတော့ အရည်လေးတွေစုပ် ပုလင်းအသစ်ထဲကိုပြောင်း။ နောက် (၂)လကြာတော့လည်း အဲ့လိုလေးထပ်လုပ်။ ဆိုတော့ စုစုပေါင်း (၆)လမှာ ပုလင်းထဲက အရည်လေးတွေက ဝိုင်လိုလေး ကြည်လာမှာပါ။
အဆင့်(၈) အရည်ကလည်းကြည်နေပြီ ဝိုင်လိုဖြစ်နေပြီ။ ပြီးတော့ လေဘောလုံးတွေ အမြုပ်တွေလည်း မထတော့ဘူးဆိုရင်တော့ ပိုက်လေးသုံးပြိး နောက်ထပ်ပုလင်းအသစ်လေးထဲကိုပြောင်း၊ ပြီးတော့ သူများဝိုင်ပုလင်းလေးတွေလို သစ်သားအဆို့လေးနဲ့ ပိတ်။ ခုတော့ ဈေးထဲမှာ အဖုံးပါပြီးသား ပုလင်းလှလှလေးတွေဝယ်လို့ရနေပါပြီ။ အဲ့ဒါဆိုရင်တော့ မလိုတော့ပါဘူး။ မဟုတ်ရင်တော့ အောက်မှာ ဆက်ကြည့်ပေးပါ။
အဆင့်(၉) အပိတ်ပိတ်ခြင်း။ သစ်သားအဆို့လေးတွေနဲ့ ပိတ်မယ်ဆိုရင်တော့ ရေနွေးမှာ မိနစ်(၂၀)ကြာအောင် ပိုးသတ်ပေးပြီးတော့အဖုံးပိတ်ကိရိယာကိုသုံးပြီးတော့ သေချာအောင်ပိတ်ပေးရမှာဖြစ်ပါတာ်။ သစ်သားအဆို့ရဲ့ အရှည်ကအနည်းဆုံး ၁လက်မခွဲလောက်တော့ရှိသင့်ပါတယ်။


အဆင့်(၁၀) သိမ်းပြီးတော့ သောက်ပါ။ ကျွန်တော့်ကိုလည်းလာတိုက်ကြပါ။ အနံ့လေး အရသာလေး ပိုကောင်းချင်တယ်ဆိုရင် အေးပြီးမှောင်တဲ့နေရာမှာ အချိန်လေးပေးပြီး (၆)လဖြစ်ဖြစ် တစ်နှစ်ဖြစ်ဖြစ်လှောင်ထားပေးလိုက်ပါ။ နှစ်ကြာလေ ကောင်းလေလားလို့လေ။
ကဲဗျာ ဖရဲသီးလေးလည်းရှိတုန်း ဝိုင်လေးလုပ်စို့လား…………….
Source - https://www.wikihow.com/Make-Watermelon-Wine

ထွန်းဝင်းကျော်


ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...
Read more Facebook စာမျက်နှာသို့သွားရန်

ဆွေးနွေးချက်များ

ဆွေးနွေးရန်