အလယ်ပိုင်းတွင် လေဖိအားနည်းရပ်ဝန်းတစ်ခုဖြစ်နိုင်၍ မိုးများဆက်ရှိနိုင်

အလယ်ပိုင်း မိုးနည်းရေရှားဒေသမှာ ဩဂုတ် ၁၃ ရက်နေ့အတွင်း ကုန်းတွင်းလေဖိအားနည်းရပ်ဝန်းတစ်ခုဖြစ်လာနိုင်ပြီး အဲ့ဒီအရှိန်နဲ့ မိုးရွာတာတွေ ထပ်ရှိနိုင်တယ်လို့ အပြည်ပြည်ဆိုင်ရာမိုးလေဝသစောင့်ကြည့်ခန့်မှန်းသူ ဦးဝင်းနိုင်က ခန့်မှန်းပြောကြားပါတယ်။

ဒီကုန်းတွင်းလေဖိအားနည်းရပ်ဝန်းဖြစ်နိုင်တဲ့နေရာဟာ ဟားခါး၊ ဂန့်ဂေါ၊ မင်းကင်းနဲ့ကနီ ဒေသလေးခုရဲ့ အလယ်ကြားလောက်မှာဖြစ်ပြီး ၁၃ ရက် မနက်အစောပိုင်းမှာ စဖြစ်မှာဖြစ်ကာ အဲ့ဒီနေ့ ည ၈ နာရီလောက်မှာတော့ အနောက်ဘက်ကို ထွက်သွားမှာဖြစ်တယ်လို့ မိုးလေဝသကြိုတင်ခန့်မှန်း Model တစ်ခုဖြစ်တဲ့ ECMWF ရဲ့ ကြိုတင်ခန့်မှန်းဖော်ပြချက် တွေကို ကိုးကားပြီး ဦးဝင်းနိုင်က ပြောပါတယ်။

“ အဲ့ဒီဟာက အခုအားကောင်းလာမယ့်မုတ်သုံလေတစ်ခုလုံးကို ဗမာပြည်အလယ်ပိုင်းတစ်ခုလုံးကို ဆွဲသွင်းတယ်။ ဆွဲသွင်းတာက ဘယ်အထိရောက်မလဲဆိုတော့ ဟိုး ပင်လည်ဘူးတို့ဘာတို့အထိ ရောက်မှာ။ လေလည်းတိုက်မယ်၊ မိုးလည်းရွာမှာပေါ့။ မြင်းခြံ၊ မြင်းမူ အဲ့ဒီကနေ ရွှေဘို စသဖြင့် အပေါ် တောက်လျှောက်ပေါ့။ ကျွန်းလှတို့ အဲ့ဒီကနေ ကောလင်းအထိပဲ။ အထက်ပိုင်း ရောက်လေလေ လေပြင်းအားလျော့ပြီး မိုးလျော့လေဖြစ်မယ်။ အောက်ဘက်မှာတော့ လျော့မယ်။ မန္တလေးတို့ဘာတို့ဘက်ထိ မိုးများနိုင်တယ်”

လက်ရှိကြိုတင်ခန့်မှန်းထားချက်တွေအရဆိုရင် မန္တလေးမှာ အဲ့ဒီနေ့အတွင်း တစ်နာရီ ၁၆ မိုင်ကနေ မိုင် ၃၀ ကျော်အထိ လေပြင်းတိုက်နိုင်တာတွေပါရှိတယ်လို့ ဦးဝင်းနိုင်က ပြောပါတယ်။

ဒီကုန်းတွင်းလေဖိအားနည်းရပ်ဝန်းဟာ ဖြစ်နိုင်ချေအနေနဲ့ အတော်လေးများပြီး ရာ ခိုင်နှုန်း ၈၀၊ ၉၀ လောက်ထိ ရှိတယ်လို့ ဦးဝင်းနိုင်က ခန့်မှန်းပါတယ်။

ဒီလေဖိနည်းရပ်ဝန်းပြီးသွားရင်လည်း ၁၄ ရက်နေ့မှာ ဘင်္ဂလားပင်လယ်အော် အနောက်မြောက်ပိုင်းမှာ လေဖိအားနည်းရပ်ဝန်းတစ်ခုထပ်ဖြစ်လာမယ့်အခြေအနေ ရှိနေလို့ မုတ်သုံအား တောက်လျှောက်ဆက်ပြီးကောင်းနေမှုဟာ ဩဂုတ် ၁၆ ရက်နေ့အထိ ဖြစ်နေနိုင်တယ်လို့လည်း သိရပါတယ်။

လက်ရှိမှာလည်း ဘင်္ဂလားပင်လယ်အော်အနောက်အလယ်ပိုင်းမှာ ဖြစ်ပေါ်နေတဲ့အားကောင်းသောလေဖိအားနည်းရပ်ဝန်းအရှိန်ကြောင့် မြန်မာနိုင်ငံအနှံ့ မိုးရွာသွန်းမှုတွေရှိနေပြီး နေရာအချို့မှာတော့ မိုးကြီးရေလျှံမှုတွေ ရှိနေပါတယ်။

Photos Crd_U Win Naing, Myanmar Fire Service Department

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။

Farm Link Co.,Ltd ကြော်ငြာ

🌾စပါးဈေးမကောင်းတဲ့ ရာသီမှာ အမြတ်ကျန်အောင် ဘယ်လိုစိုက်မလဲ⁉️ ❗စပါးဈေးကလည်းမသေချာ၊ သွင်းအားစုစရိတ်တွေကလည်း တက်နေတဲ့ဒီလိုအချိန်မှာ သွင်းအားစုဖိုးကို လျှော့ချပြီး အထွက်နှုန်းကို ထိန်းထားနိုင်မှ ဦးကြီးတို့ အဆင်ပြေမှာနော် ✔️ဒါကြောင့် ကိုယ်သုံးသမျှ ကိုယ့်အတွက်အကျိုးရစေမယ့် အရည်အသွေးစိတ်ချရတဲ့ သွင်းအားစုပစ္စည်းတွေကိုပဲ ရွေးချယ်သုံးသင့်ပါတယ်။