လာမည့် ၃-၅ ရက်အတွင်း နိုင်ငံအနှံ့ မိုးဆက်လက်ရွာသွန်းနိုင်

 အားကောင်းသောလေဖိအားနည်းချိုင့်ဝှမ်း(TROUGH)သည် မြောက်ပိုင်း၊ အလယ်ပိုင်းနှင့် အရှေ့မြောက်ဒေသများပေါ်တွင်ကျရောက်နေပါတယ်။

ထိုင်းနိုင်ငံမိုးလေဝသဌာန မြေပြင်မိုးလေဝသ chart နဲ့ WINDY APP ECMWF Model sounding forecast တွေမှာ - လေဖိအားနည်းချိုင့်ဝှမ်း(TROUGH)က ရခိုင်ပြည်နယ်တောင်ပိုင်း၊ ဧရာဝတီတိုင်း၊ ရန်ကုန်တိုင်း၊ ပဲခူးတိုင်း၊ မုတ္တမကွေ့၊ မွန်ပြည်နယ်၊ ကရင်ပြည်နယ်တို့ အပေါ်မှာကျရောက်နေပြီး တရုတ်နိုင်ငံနဲ့ တိဗက်ကုန်းမြင့်ပေါ်မှာဖြစ်နေတဲ့ လေဖိအားများရပ်ဝန်းကြီးမှ အရှေ့မြောက်လေအေးများ က မြန်မာနိုင်ငံ အရှေ့မြောက်ဘက်ခြမ်းကိုတိုးဝင်နေတာတွေ့ရပါတယ်။

ဒါ့အပြင် - INVEST-96B က တော့ အိန္ဒိယနိုင်ငံအရှေ့မြောက်ပိုင်း ကုန်းတွင်းမှာ အနောက်ဘက်ကို ဆက်လက်ရွေ့လျားနေပြီး၊ ထိုင်း၊ လာအို၊ ကမ္ဘောဒီယားနိုင်ငံများပေါ်မှာလဲ ဗီယက်နမ်နိုင်ငံတုံကင် ပင်လယ်ကွေ့ကတဆင့်ဝင်လာတဲ့ ကုန်းတွင်းလေဖိအားနည်းရပ်ဝန်းတစ်ခုဖြစ်ပေါ်နေတာတွေ့ရပါတယ်။

လက်ရှိဖြစ်ပေါ်နေတဲ့ လေထုအခြေအနေတွေကြောင့် - နောက်လာမဲ့ ၃ ရက်မှ ၅ ရက်အတွင်း နိုင်ငံအနှံ့ မိုးဆက်လက်ရွာသွန်းနိုင်ဦးမှာဖြစ်ပါတယ်။

တနင်္သာရီတိုင်း၊ မွန်ပြည်နယ်၊ ကရင်ပြည်နယ်၊ ပဲခူးတိုင်း၊ ရန်ကုန်တိုင်း၊ ဧရာဝတီတိုင်း၊ ရခိုင်ပြည်နယ်တောင်ပိုင်း၊ ချင်းပြည်နယ်၊ နေပြည်တော်၊ ကယားပြည်နယ်၊ ရှမ်းပြည်နယ်တောင်ပိုင်းနှင့် အရှေ့ပိုင်း၊ မကွေးတိုင်း၊ မန္တလေးတိုင်း၊ စစ်ကိုင်းတိုင်းတောင်ပိုင်း စတဲ့ဒေသတွေမှာ ၃ ရက်အတွင်း မိုးရေချိန် ၆၀ - ၁၅၀ မီလီမီတာ( ၂ လက်မခွဲခန့် - ၆ လက်မနီးပါးခန့်)အထိ  မိုးများနိုင်ကြောင်းတွေ့ရပါတယ်။

ရှမ်းပြည်နယ်မြောက်ပိုင်း၊ ကချင်ပြည်နယ်နဲ့ စစ်ကိုင်းတိုင်းမြောက်ပိုင်းဒေသတွေမှာတော့ ၃ ရက်အတွင်း မိုးရေချိန်အများဆုံး ၁၂ မီလီမီတာခန့်(၀.၅ လက်မခန့်) သာရွာသွန်းနိုင်ပြီး မိုးနည်းနေပါမယ်။

မိုးလေဝသနဲ့ ဇလဗေဒ ညွှန်ကြားချက်က ထုတ်ပြန်ထားတဲ့ မြစ်ရေအခြေအနေမှာတော့ ဒုဌဝတီမြစ်(ရွှေစာရံမြစ်)၊ ချင်းတွင်းမြစ်အထက်ပိုင်း(ကလေးဝ၊ မော်လိုက်)န့် စစ်တောင်းမြစ်(မဒေါက်)၊ ရွှေကျင်မြစ်(ရွှေကျင်)၊ ပဲခူးမြစ်(ပဲခူး)၊ ဘီးလင်းမြစ်(ဘီးလင်း) စ တဲ့ မြစ်ရေတွေက ရေအတက်များနေတာတွေ့ရပါတယ်။

Photo - ဦးဝင်းနိုင်

(မိမိဒေသ မြို့နယ်တစ်ခုချင်းအလိုက် အသေးစိတ်မိုးလေဝသအခြေအနေများကို သိလိုပါက Green Way app ရှိ ‘ မေးကြ၊ ဖြေကြ ဒေသအလိုက် မိုးလေဝသ’ အဖွဲ့တွင် အခမဲ့အဖွဲ့ဝင်ပြီး ဆရာနှင့် တိုက်ရိုက်မေးမြန်းနိုင်ပါသည်)

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။

မာလာမြိုင် ကုမ္ပဏီ ကြော်ငြာ

ဦးကြီးတို့ရဲ့ မြေကြီးက ရွှေသီးဖို့ပဲ ဖြစ်သင့်တာပေါ့။ ဒါပေမဲ့ စပါးခင်းထဲ ရွှေခရုရောက်လာပြီဆိုရင်တော့ မြေကြီးက ရွှေသီးဖို့ကို အနှောင့်အယှက် ကောင်းကောင်းကြီးပေးပါလိမ့်မယ်။ မြန်မာ့မျိုးရင်းခရုမဟုတ်တဲ့ တောင်အမေရိကမျိုးစိတ်ဖြစ်ပြီး မြန်မာနိုင်ငံကို ကျူးကျော်လာတဲ့ မျိုးစိတ်ဖြစ်တာကြောင့် အကောင်ပွားနှုန်းကလည်း အဆမတန် မြင့်တက်လာပါတယ်။ ခရုအမ တစ်ကောင်က တစ်ခါ ဥ မယ်ဆိုရင် ဥအရေအတွက် ၁၀၀ ကနေ ၁၀၀၀ အထိ အတွဲလိုက်ဥကြပြီး တစ်နှစ်မှာ ၃ ကြိမ်အထိ မျိုးပွားနိုင်ပါတယ်။ စပါးခင်းတွေမှာ ရွှေခရုကျပြီဆိုရင် ပန်းရောင် ဥ တွေ ကို စပါးပင်တွေမှာ တွေ့ရနိုင်ပါတယ်။ ဒီရွှေခရုတွေကို ရှင်းပစ်ဖို့အတွက်ကတော့ မာလာမြိုင်ရဲ့ ခရုဘုရင် ရှိနေပါပြီ။ ခရုဘုရင်က စားသေအစွမ်းနဲ့ အဆိပ်ငွေ့အာနိသင်ရှိတာကြောင့် ရွှေခရုတွေကို အထိရောက်ဆုံး ရှင်းပေးနိုင်မှာပါ။ အစွမ်းရှိပစ္စည်းဖြစ်တဲ့ Niclosamide -olamine 83.1% WP ပါဝင်ပြီး Chloronitrophenol ဆေးအုပ်စုထဲ ပါဝင်ပါတယ်။ ရေဖျော်ဆေးမှုန့်အမျိုးအစားဖြစ်လို့ ရေ ၂၀ လီတာဝင်တဲ့ဆေးဖျန်းပုံး တစ်ပုံးမှာ ၄၀ ကနေ ၅၀ ဂရမ်အထိ အသုံးပြုနိုင်ပါတယ်။ နှုန်းထားကိုတော့ တစ်ဧကမှာ ၁၅၀ ကနေ ၂၀၀ ဂရမ်နဲ့ တွက်ချက်ပေးထားပါတယ်။ သတိပြုရမှာတော့ ဆေးဖျန်းပြီးနောက်ပိုင်း စပါးခင်းအတွင်းမှာရှိတဲ့ ရေကို ၅ စင်တီမီတာနဲ့ ၃ ရက်ထားဖို့ လိုအပ်ပါတယ်။ ဆေးဖျန်းပြီး ၅၂ ရက်ကြာမှ ရိတ်သိမ်းသင့်ပါတယ်။ ခရုဘုရင်နဲ့ဆို စပါးခင်းကို ဒုက္ခပေးတဲ့ ရွှေခရုတွေကို ရှင်းလင်းနိုင်ပြီး မြေကြီးက ရွှေသီးနိုင်ပြီပေါ့ဗျာ။

Read more

Facebook Page သို့သွားရန်