ကမ္ဘာပေါ်မှာ မုန်တိုင်းဘယ်နှစ်လုံးဖြစ်နေပြီး ဘယ်နှစ်လုံးက မြန်မာနိုင်ငံမိုးလေဝသအခြေအနေတွေအပေါ် သက်ရောက်မှုရှိစေသလဲ?

လက်ရှိကမ္ဘာပေါ်မှာ မုန်တိုင်းစုစုပေါင်း ၄ လုံး ဖြစ်နေပါတယ်။ အတ္တလန္တိတ်သမုဒ္ဒရာဘက်မှာ ဟာရီကိန်း "အိုင်ဆက်"နဲ့ အပူပိုင်းမုန်တိုင်း "ဂျွိုက်စ်"၊ ပစိဖိတ်အနောက်မြောက် သမုဒ္ဒရာမှာ တိုင်ဖွန်းမုန်တိုင်း "ကာရာသောန်" နဲ့ အပူပိုင်းမုန်တိုင်း "ဂျယ်ဘီ" တို့ ဖြစ်ပါတယ်။

ဒီမုန်တိုင်း ၄ လုံးထဲမှာ - အရှေ့ဖိလစ်ပိုင်ပင်လယ်မှာ အနောက်ဘက်ကို ကနဦးရွေ့လျားနေရာက အရှေ့-အရှေ့မြောက်ဘက်ကို ချိုးကွေ့ရွေ့လျားသွားမဲ့ တိုင်ဖွန်းမုန်တိုင်း "ကာရာသောန်" ကတော့ အားအပြင်းဆုံး CAT-4 တိုင်ဖွန်းမုန်တိုင်းကြီး ဖြစ်လာနိုင်မယ်လို့ အပြည်ပြည်ဆိုင်ရာ မုန်တိုင်းဖြစ်ပေါ်မှုစောင့်ကြည့်ခန့်မှန်းရေးနဲ့ မုန်တိုင်းအင်အား/လမ်းကြောင်း ဆန်းစစ်အတည်ပြုပေးတဲ့ ဌာနတွေက ခန့်မှန်းအတည်ပြုပေးထားပါတယ်။

မြန်မာနိုင်ငံရဲ့ မိုးလေဝသအခြေအနေတွေအပေါ် သက်ရာက်မှုရှိနိုင်တာကတော့ အားအပြင်းဆုံး CAT-4 အဆင့်ရောက်လာနိုင်မဲ့ တိုင်ဖွန်းမုန်တိုင်း "ကာရာသောန်" ဖြစ်ပြီး၊ သူ့အရှိန်ကြောင့် အနောက်တောင်လေနဲ့ အရှေ့မြောက်လေစီးကြောင်းတွေကို ပိုမိုအားကောင်းလာစေပါမယ်။

ပြီးရင်တော့မြန်မာနိုင်ငံကို အနောက်တောင်မုတ်သုံလေစီးကြောင်းပေါ်ကရော၊ အရှေ့-အရှေ့လေစီးကြောင်းပေါ်ကရော လေစီးကြောင်းကြီး ၂ ခုစလုံးက ဆွဲသွင်းလာမဲ့ မိုးတိမ်တွေကြောင့် စက်တင်ဘာ ၃၀ ရက်(မနက်ဖန်က စ ပြီး - အောက်တိုဘာ ၄ ရက် ၅ ရက်လောက်အထိ မိုးတွေ ရွာစေနိုင်မှာပါပဲ။

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။

Farm Link Co.,Ltd ကြော်ငြာ

🌾စပါးဈေးမကောင်းတဲ့ ရာသီမှာ အမြတ်ကျန်အောင် ဘယ်လိုစိုက်မလဲ⁉️ ❗စပါးဈေးကလည်းမသေချာ၊ သွင်းအားစုစရိတ်တွေကလည်း တက်နေတဲ့ဒီလိုအချိန်မှာ သွင်းအားစုဖိုးကို လျှော့ချပြီး အထွက်နှုန်းကို ထိန်းထားနိုင်မှ ဦးကြီးတို့ အဆင်ပြေမှာနော် ✔️ဒါကြောင့် ကိုယ်သုံးသမျှ ကိုယ့်အတွက်အကျိုးရစေမယ့် အရည်အသွေးစိတ်ချရတဲ့ သွင်းအားစုပစ္စည်းတွေကိုပဲ ရွေးချယ်သုံးသင့်ပါတယ်။