အားကောင်းလာမယ့် မုန်တိုင်းကြောင့် ဖြစ်ပေါ်လာတဲ့ မိုးလေဝသအခြေအနေများ

ယနေ့ စက်တင်ဘာလ ၂၅ ရက်နေ့မှာ ဗီယက်နမ်ကမ်းခြေအနီးမှာ ဖြစ်နေတဲ့ INVEST-91Wဟာ လေဖိအားနည်းရပ်ဝန်း(TROPICAL DISTURBANCE - TD 13W) ဖြစ်လာကြောင်းတွေ့လာရပါတယ်။

လေဖိအားနည်းရပ်ဝန်း 13W က စက်တင်ဘာလ ၂၅ ရက် ညပိုင်းမှာ ကမ်းခြေကို ဖြတ်ကျော်ပြီးတော့ အနောက်ဘက် လာအို၊ ကမ္ဘောဒီးယားနဲ့ ထိုင်းနိုင်ငံတွေကိုကုန်းတွင်းလေဖိအားနည်းရပ်ဝန်းအဖြစ် ဖြတ်သန်းပြီး ကရင်ပြည်နယ်၊ မွန်ပြည်နယ်တွေပေါ်က အရှေ့လေပွေလှိုင်းတစ်ခုအနေနဲ့ ဆက်လက်ကျော်ဖြတ်ကာ ကပ္ပလီပင်လယ်ပြင်ကို ၂၈ ရက်၊ မနက် ၉ နာရီခန့်မှာ ရောက်လာပါမယ်လို့လည်း တွေ့ရပါတယ်။

ဒါကြောင့် အားကောင်းတဲ့မုန်တိုင်းဖြစ်လာနိုင်ပါတယ်။ ဖြစ်လာနိုင်ချေ ၁၀၀% ပါ။ (ECMWF CYCLONE GENESIS CHART)

အဲ့ဒီလေပွေလှိုင်းက ဧရာဝတီတိုင်း၊ ရန်ကုန်တိုင်းတွေကို ဖြတ်သန်းပြီး ဘင်္ဂလားပင်လယ်အော် အရှေ့အလယ်ပိုင်းကို စက်တင်ဘာ ၂၉ ရက် မနက်ပိုင်းမှာရောက်ရှိပြီးတဲ့နောက် အနောက်-အနောက်မြောက်ဘက်ကို ဆက်လက်ရွေ့လျားကာ စက်တင်ဘာလ ၃၀ ရက်နေ့မှာ အားကောင်းတဲ့ မုန်တိုင်းတလုံးဖြစ်လာနိုင်မယ်လို့ ကြိုတင်ခန့်မှန်းချက်တွေမှာ တွေ့ရပါတယ်။

(လေပွေလှိုင်း ရွေ့လျားမဲ့ လမ်းကြောင်းအခြေအနေကို ပုံမှာကြည့်ပါ)

နောက် ၃- ၅ ရက် မှ ၁၀ ရက်အတွင်းဖြစ်နိုင်မည့် မိုးလေဝသအခြေအနေများ

TD-13W ရဲ့ အကြွင်းအကျန်တိမ်တိုက်တွေနဲ့ လေပွေလှိုင်း ကပ္ပလီပင်လယ်ပြင်ဘက်ကို ရွေ့လျားဝင်ရောက်ချိန် ၂၈ ရက် မနက်အစောပိုင်းက စ ပြီး အားကောင်းတဲ့ မုန်တိုင်းတစ်လုံး ဖြစ်လာချိန် စက်တင်ဘာလကုန် အောက်တိုဘာ လဆန်းပိုင်းအထိ - ရှမ်းပြည်နယ်၊ ကယားပြည်နယ်၊ တနင်္သာရီတိုင်းတောင်ပိုင်း၊ ကရင်ပြည်နယ်၊ မွန်ပြည်နယ်၊ ရခိုင်ပြည်နယ်၊ ချင်းပြည်နယ်၊ ဧရာဝတီတိုင်း၊ ရန်ကုန်တိုင်း၊ ပဲခူးတိုင်း၊ နေပြည်တော်၊ မကွေးတိုင်း၊ စစ်ကိုင်းတိုင်းနဲ့ မန္တလေးတိုင်းတွေမှာ မိုးသက်လေပြင်းများကျရောက်ပြီး မိုးများနိုင်ပါမယ်။ လေပြင်းတစ်နာရီ ၂၅ မိုင်မှ ၃၅ မိုင်ခန့်အထိ တိုက်နိုင်ပါတယ်။

မိုးများနိုင်မည့် အခြေအနေ

အထက်ပါပြည်နယ်တိုင်းတွေမှာ နောက်လာမယ့် ၃ ရက်မှ ၅ ရက်အတွင်း ပျမ်းမျှအားဖြင့် မိုးရေချိန် ၅၀ မီလီမီတာမှ မီလီမီတာ ၂၆၀ ကျော်အထိမိုးရွာသွန်းနိုင်/မိုးများနိုင်ပါမယ်။

တနင်္သာရီတိုင်း၊ မွန်ပြည်နယ်၊ ကရင်ပြည်နယ်၊ ဧရာဝတီတိုင်း၊ ရန်ကုန်တိုင်း၊ ပဲခူးတိုင်း၊ ရှမ်းပြည်နယ်(အရှေ့)၊ ကယားပြည်နယ်နဲ့ မကွေးတိုင်း ဒေသတချို့မှာ မီလီတာ ၁၀၀ ကျော်မှ ၂၀၀ ကျော်အထိမိုးအလွန်များနိုင်ပါမယ်။

ရှမ်းပြည်နယ်မြောက်ပိုင်းနဲ့ ကချင်ပြည်နယ်တွေမှာတော့ မိုးရွာပေမယ့် နည်းနေနိုင်ပါမယ်။ (၅ ရက်အတွင်း ၂၀ မီလီမီတာအောက်သာရွာသွန်းနိုင်)

ပင်လယ်ပြင်အခြေအနေများအနေနဲ့ကတော့

TD-13 ရဲ့ အကြွင်းအကျန်တိမ်တိုက်များနဲ့ လေပွေလှိုင်းက ဘင်္ဂလားပင်လယ်အော်ထဲရောက်သွားပြီးတဲ့အခါ အားကောင်းလာပြီး မုန်တိုင်းတစ်လုံးဖြစ်လာနိုင်မှာကြောင့် မုန်တိုင်းဟာ အိန္ဒိယနိုင်ငံ အနောက်ဘင်္ဂလားပြည်နယ်ကမ်းခြေကို ကျော်ဖြတ်ဝင်ရောက်တဲ့အချိန် မြန်မာ့ကမ်းရိုးတန်းဒေသအားလုံးက ကမ်းနီးရေလုပ်ငန်းလုပ်ကွက်တွေမှာ စက်တင်ဘာလ ၂၈ ရက်မှ အောက်တိုဘာလ ၃ ရက်အထိ မိုးသက်လေပြင်းများကျပြီးလှိုင်းကြီးနိုင်မယ့် အခြေအနေတွေ ဖြစ်ပေါ်နိုင်ပါမယ်။

မိုးသက်လေပြင်းများကျတဲ့အချိန် လေတိုက်နှုန်း တစ်နာရီ မိုင် ၃၀ မှ မိုင် ၄၀ အထိတိုက်ခတ်နိုင်ပြီး လှိုင်းအမြင့် ၇ ပေမှ ၁၀ ပေအထိ ရှိနိုင်ကြောင်းတွေ့ရတာကြောင့် စက်တင်ဘာလ ၂၈ ရက်မှ အောက်တိုဘာလ ၃ ရက်အထိ ပင်လယ်ပြင်ရေလုပ်သားများ အထူးသတိထားရမယ့် ကာလဖြစ်ပါမယ်။

Photo - ဦးဝင်းနိုင်

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။

မာလာမြိုင် ကုမ္ပဏီ ကြော်ငြာ

ဦးကြီးတို့ရဲ့ မြေကြီးက ရွှေသီးဖို့ပဲ ဖြစ်သင့်တာပေါ့။ ဒါပေမဲ့ စပါးခင်းထဲ ရွှေခရုရောက်လာပြီဆိုရင်တော့ မြေကြီးက ရွှေသီးဖို့ကို အနှောင့်အယှက် ကောင်းကောင်းကြီးပေးပါလိမ့်မယ်။ မြန်မာ့မျိုးရင်းခရုမဟုတ်တဲ့ တောင်အမေရိကမျိုးစိတ်ဖြစ်ပြီး မြန်မာနိုင်ငံကို ကျူးကျော်လာတဲ့ မျိုးစိတ်ဖြစ်တာကြောင့် အကောင်ပွားနှုန်းကလည်း အဆမတန် မြင့်တက်လာပါတယ်။ ခရုအမ တစ်ကောင်က တစ်ခါ ဥ မယ်ဆိုရင် ဥအရေအတွက် ၁၀၀ ကနေ ၁၀၀၀ အထိ အတွဲလိုက်ဥကြပြီး တစ်နှစ်မှာ ၃ ကြိမ်အထိ မျိုးပွားနိုင်ပါတယ်။ စပါးခင်းတွေမှာ ရွှေခရုကျပြီဆိုရင် ပန်းရောင် ဥ တွေ ကို စပါးပင်တွေမှာ တွေ့ရနိုင်ပါတယ်။ ဒီရွှေခရုတွေကို ရှင်းပစ်ဖို့အတွက်ကတော့ မာလာမြိုင်ရဲ့ ခရုဘုရင် ရှိနေပါပြီ။ ခရုဘုရင်က စားသေအစွမ်းနဲ့ အဆိပ်ငွေ့အာနိသင်ရှိတာကြောင့် ရွှေခရုတွေကို အထိရောက်ဆုံး ရှင်းပေးနိုင်မှာပါ။ အစွမ်းရှိပစ္စည်းဖြစ်တဲ့ Niclosamide -olamine 83.1% WP ပါဝင်ပြီး Chloronitrophenol ဆေးအုပ်စုထဲ ပါဝင်ပါတယ်။ ရေဖျော်ဆေးမှုန့်အမျိုးအစားဖြစ်လို့ ရေ ၂၀ လီတာဝင်တဲ့ဆေးဖျန်းပုံး တစ်ပုံးမှာ ၄၀ ကနေ ၅၀ ဂရမ်အထိ အသုံးပြုနိုင်ပါတယ်။ နှုန်းထားကိုတော့ တစ်ဧကမှာ ၁၅၀ ကနေ ၂၀၀ ဂရမ်နဲ့ တွက်ချက်ပေးထားပါတယ်။ သတိပြုရမှာတော့ ဆေးဖျန်းပြီးနောက်ပိုင်း စပါးခင်းအတွင်းမှာရှိတဲ့ ရေကို ၅ စင်တီမီတာနဲ့ ၃ ရက်ထားဖို့ လိုအပ်ပါတယ်။ ဆေးဖျန်းပြီး ၅၂ ရက်ကြာမှ ရိတ်သိမ်းသင့်ပါတယ်။ ခရုဘုရင်နဲ့ဆို စပါးခင်းကို ဒုက္ခပေးတဲ့ ရွှေခရုတွေကို ရှင်းလင်းနိုင်ပြီး မြေကြီးက ရွှေသီးနိုင်ပြီပေါ့ဗျာ။

Facebook Page သို့သွားရန်

ဆွေးနွေးချက်များ

ဆွေးနွေးရန်

အားကောင်းလာမယ့် မုန်တိုင်းကြောင့် ဖြစ်ပေါ်လာတဲ့ မိုးလေဝသအခြေအနေများ

မာလာမြိုင် ကုမ္ပဏီ ကြော်ငြာ

ဆွေးနွေးချက်များ

{{ post.title }}

{{ question.creator.name }} အမည်မသိ {{ question.creator.state.name }}၊ {{ question.creator.township.name }}

{{ book.title }}

အားကောင်းလာမယ့် မုန်တိုင်းကြောင့် ဖြစ်ပေါ်လာတဲ့ မိုးလေဝသအခြေအနေများ

မာလာမြိုင် ကုမ္ပဏီ ကြော်ငြာ

ဆွေးနွေးချက်များ

ဆက်စပ်ဆောင်းပါးများ

နေ့စဉ်မိုးလေဝသသတင်း

ဇူလိုင်လ၊ ဒုတိယ(၁၀)ရက်ပတ်အတွက် မြစ်ရေအခြေအနေခန့်မှန်းချက်များ

နေ့စဉ်မိုးလေဝသ သတင်း

{{ post.title }}