တစ်ပတ်အတွင်း စိတ်ဝင်စားစရာ အမေးအဖြေများ

စိတ်ဝင်စားစရာ အမေးအဖြေလေးတွေကို စုစည်းပြီးဖော်ပြပေးနေတဲ့ စနေနေ့လေးပါရှင့်။

ဒီတစ်ပတ်မေးခွန်းတွေကလည်း အရင်တစ်ပတ်နဲ့မတူ တမူထူးခြားပြီး စိတ်ဝင်းစားဖို့ ကောင်းနေပြန်ပါတော့တယ်။

၁။ မေး ( MZC) - အိမ်နားပတ်ပတ်လည်မှာ ကန္တာရပင်တွေရှိပါတယ်။ ဒီအပင်တွေကြောင့် ဘာစိုက်စိုက် မရှင်တာလို့ ပြောကြတယ်။ တကယ်လည်းအပင်စိုက်ရခက်ပါတယ်ခင်ဗျ။ ကန္တာရပင်ကြောင့်ဟုတ်ပါသလား။

ဖြေ (  ဒို့ဦးလေး) အပင်ကြီးပြီး အရိပ်ကျရောက်လို့ဖြစ်စေ အပင်စိုက်မည့်နေရာအထိ အမြစ်တွေ ယှက်ဖြာနေလျှင်ဖြစ်စေ အပင်စိုက်ခက်မှာ အမှန်ပါ။ ကန္တာရပင်နဲ့ ၈ - ၁၀ ပေ ကွာရင်တော့ ရနိုင်ပါတယ်။ 

ဆရာဖြေထားတဲ့ အဖြေလေးကလည်း ကောင်းသလို မေးခွန်းမေးထားတဲ့ တောင်သူကလည်း မေးခွန်းလေး မေးတတ်တယ်လို့ပဲ ဆိုရမှာပါ။

တစ်ခါတစ်လေမှာ ကျွန်မတို့က ဘာကြောင့်လဲဆိုတာကို သိပ္ပံနည်းကျ မသိဘဲ သူများက ဒီအပင်ကို မစိုက်သင့်ဘူး မစိုက်နဲ့ဆိုတာနဲ့ အသေစိတ်ဆွဲမှတ်ထားလေ့ရှိကြပါတယ်။ တစ်ခါတစ်လေ ယုန်ထင်ကြောင်ထင်နဲ့တောင်ဖြစ်နေသေးပေါ့။ ဒီလိုမေးခွန်းလေးမေးလိုက်မှ အော်....ဒါကြောင့်ကိုးလို့ မှတ်လိုက်ရတဲ့ အဖြေလေးတစ်ခုပါပဲ။

၂။ မေး (Mg Kyaw Zin Min Htet) - ပုံမှန်စိုက်ဘောင်ရဲ့မြေသြဇာထားနှုန်းသိချင်ပါတယ်ဗျ။ 

ဒီမေးခွန်းလေးကလည်း စနစ်တကျ အချိုးကျကျ စိုက်ပျိုးရေးလုပ်မဲ့ ဦးကြီးတို့အတွက် သိထားသင့်တဲ့ အကြောင်းအရာလေးတစ်ခုဖြစ်ပါတယ်။

ဖြေ (ဒို့ဦးလေး) - တစ်ဧကအတွက် နွားချေး ၁၀-၁၂ တန်၊ ယူရီးယား ၂၂၄ ပေါင်၊ ဖော့စဖိတ် ၁၁၂ ပေါင် ပိုတက် ၁၁၂ ပေါင်လိုအပ်ပါတယ်။ တစ်ဘောင်စာအတွက်နှုန်းထားမှာ တစ်ဧက ဘယ်နှစ်ဘောင် ဆွဲမလဲ..အပေါ် တွက်ယူပါ။

၃။ မေး (Sai Nyi) - ယိုးဒယားသံပရာပင် အသီးမတင်ဘူး အပွင့်တော့တအားပွင့်တယ် ဘယ်လိုလုပ် ပေးရမလဲဗျ?

အပင်တွေက အပွင့်တော့ပွင့်တယ်။ အသီးမသီးတော့ ဘယ်လိုလုပ်ရမလဲ သိချင်တဲ့ အမျိုးတွေအတွက် ဖော်ပြပေးလိုက်ပါတယ်။

ဖြေ (ဒို့ဦးလေး) - ကြက်ဥဂျူလင်စီပြုလုပ်သုံးပါ။

(ဦးသက်လွင်) - မြေအစိုဓာတ်ရရှိအောင် ရေပေးသွင်းပြီး အရည်အသွေးကောင်းမွန်သော ကွန်ပေါင်း မြေဩဇာ ၁၅း၇း၈, ၁၂း၇း၅, ၁၀း၁၀း၅, ၁၅း၁၅း၁၅ တို့အားကျွေးပါ။

၄။ မေး (ဝေဇင်ကျော်) - စပါးနှံမှာမှဲ့စွန်းတေပါတာဘာကြောင့်လဲ ရောဂါလား အာဟာရလား ပိုးလားဗျမသိလို့ဖြေပေးပါဦး။

ဖြေ (ဦးသက်လွင်) - ပိုး ဖြစ်ပါတယ်။ 

(ဒို့ဦးလေး) - စပါးနှံ မှာတုန်းကတည်းက နှံစုပ်ပိုး ကျခဲ့တဲ့ ဒဏ်ရာပါ။

အနှံတွေမှာ ဒဏ်ရာတွေမှာပါလာတာ မြင်ဖူးကြမှာပါ။ ဘာကြောင့်လဲ သိဖို့အတွက် ဒီမေးခွန်းလေးကို ဖော်ပြပေးလိုက်ပါတယ်။

နောက်ဆုံးမေးခွန်းလေးကတော့ နီမတုတ်ဆိုတာ မြေတွင်းမှာရှိနေတဲ့ မမြင်ရတဲ့ မြေအောင်းပိုးမို့လို့ ခံနိုင်ရည်ရှိတဲ့ မျိုးဆိုတာမျိုးမရှိပါဘူးဆိုတာကို သိရှိဖို့အတွက်ပါ။ ဒါကြောင့်  နီမတုတ်ကနေ ကာကွယ်ဖို့ဆို မျိုးစေ့ကို မျိုးစေ့လူးနယ်ဆေးသုံးပြီးစိုက်သင့်သလို မြေကိုသေချာပြင်ပြီးမှ စိုက်သင့်တာပါဆိုတဲ့အကြောင်း ဗဟုသုတအနေနဲ့ ဖော်ပြလိုက်ရပါတယ်နော်။

၅။ မေး (ရဲထက်ကျော်) - နီမတုတ်ရောဂါဒဏ် ခံနိုင်ရည်ရှိတဲ့ နွေစပါးမျိူး နဲ့ မိုးစပါးမျိုးတွေရဲ့ အမည်လေးသိပါရစေ၊ ရန်ကုန်တိုင်းကပါ။

ဖြေ (ဦးသက်လွင်) နီမတုတ်ကျတတ်လျှင် မိမိမြေကို ပြင်ပြီးမှစိုက်ပါ။ 

နောက်တစ်ပတ်တွေမှာလည်း စိတ်ဝင်စားစရာ အမေးအဖြေတွေနဲ့အတူပြန်လာခဲ့ပါ့မယ်။

သူများတွေသိချင်နေတာကို မေးမြန်းနေသလိုမျိုး တခြားဦးကြီးတွေလည်း ပို့စ်တင်မေးမြန်းလို့ ရပါကြောင်းနဲ့ ပညာရှင်ဆရာတွေလည်း ဖြေပေးဖို့ အသင့်စောင့်နေကြကြောင်း သတင်းကောင်းလေးပေးလိုက်ပါတယ်ရှင့်

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ကို ထည့်ပေးပါရန် မေတ္တာရပ်ခံအပ်ပါသည်။

Farm Link Co.,Ltd ကြော်ငြာ

ရေမီးအစုံနဲ့ လေထီးခုန်နိုင်မယ့် ဖန်းလင့်ရဲ့ #စမတ်သီးစုံလာပါပြီ.....ဦးကြီးတို့ရေ ‌လေထီးခုန်ချင်ပေမယ့် စမတ်သီးစုံကို မသိသေးရင်တော့ ဒီစာလေးကို ဆက်ဖတ်‌ပေးပါ #စမတ်သီးစုံဆိုတာ အပင်တိုင်းအတွက် အဓိကအာဟာရNPK (19:7:8)နဲ့ #ဟူးမစ်အက်စစ်တို့ အချိုးကျ ပေါင်းစပ်ထားတဲ့ ကွန်ပေါင်းဓာတ်မြေဩဇာဖြစ်ပါတယ်။ အဓိကအကျိုးကျေးဇူးတွေအနေနဲ့ကတော့ နိုက်ထရိုဂျင် 19%ပါဝင်တဲ့အတွက် ကလိုရိုဖီးလ်ဖွဲ့စည်းမှုကို အားပေးကာ သီးနှံပင်များ၏အရွက်များစိမ်းလန်းသန်စွမ်းပြီး အစာချက်လုပ်မှုအားကောင်းစေပါတယ်။ အပင်၏ပင်ပိုင်းကြီးထွားမှုကို တိုးမြင့်စေကာ အပင်သန်၍ အကြီးမြန်စေပါတယ်။ သင့်တော်တဲ့ Phosphorus 7%ပါဝင်မှုကြောင့် အပင်ရဲ့ အမြစ်ဖွဲ့စည်းတည်ဆောက်မှုကို ပို၍သန်မာလာအောင် အားပေးပါတယ်။ ဒါ့အပြင် ပန်းပွင့်ခြင်း၊အသီးသီးခြင်း၊အစေ့တည်ခြင်းလုပ်ငန်းစဉ်များကိုလည်း အားပေးပါတယ်။ လုံလောက်တဲ့ Potassium 8%က အပင်ရဲ့ ရောဂါဒဏ်၊ရာသီဥတုဒဏ်ခံနိုင်ရည်ရှိမှုကို မြင့်တက်စေပြီး အသီးအရည်အသွေး၊ အရွယ်အစားနဲ့ အရသာ ပိုမိုကောင်းမွန်စေဖို့အတွက် လိုအပ်တဲ့အာဟာရဓာတ်ဖြစ်ပါတယ်။ ဟူးမစ်အက်စစ်ပါဝင်ပေါင်းစပ်ထားတဲ့အတွက် အာဟာရဓာတ်စုပ်ယူမှုကောင်းမွန်လာခြင်း၊မြေဆီလွှာဖွဲ့စည်းပုံနှင့်ရေထိန်းနိုင်စွမ်းအားကောင်းလာခြင်းအပါအဝင် အကျိုးကျေးဇူးများစွာကိုရရှိစေမှာဖြစ်ပါတယ်။ စပါးအပါအဝင် နှံစားသီးနှံများ၊ပဲအမျိုးမျိုး၊ဟင်းသီးဟင်းရွက်နဲ့ ဥယျာဉ်ခြံသီးနှံအားလုံးမှာ အသုံးပြုနိုင်တယ်ဆိုတော့ တစ်မျိုးတည်းနဲ့ အားလုံးပါဖက်(perfect)မယ့် စမတ်သီးစုံနော် အရွေးမမှားတာသေချာပြီမလို့ အတွေးမများဘဲ သီးနှံတိုင်းကြီးထွားအောင် ဖန်းလင့်ရဲ့ #စမတ်သီးစုံကို သုံးကြပါစို့....

Read more