တစ်ပတ်တာအတွင်း ဈေးကွက်သုံးသပ်ချက်

30/07/2021 17:00 PM တွင် AMIA AMIA မှ ရေးသား

(၂၆.၇.၂၀၂၁ မှ ၃၀.၇.၂၀၂၁) ထိ အပြောင်းအလဲဖြစ်ပေါ်ခဲ့သည့် လယ်ယာထွက်ကုန်သီးနှံများ

ဆန်စပါး

ရန်ကုန်ဈေးကွက်မှာ ဆန်ဈေးတွေကတော့ လက်ရှိမှာ ဆန်ကောင်း မှ ရောင်းရနေတဲ့အနေအထားရှိပြီး ဈေးတွေကတော့ ငြိမ်နေပါတယ်။ ကိုဗစ်ကြောင့် ကုန်စည်ဒိုင်အများစု ပိတ်ထားရတဲ့အခြေအနေလည်းဖြစ်ပါတယ်။

ရန်ကုန်ဈေးကွက်မှာတော့ မြောင်းမြပုသိမ်ပေါ်ဆန်းမွှေးက တစ်အိတ်ကို ၃၇၀၀၀ ကနေ ၄၀၀၀၀ ကျပ်၊ဒေးဒရဲကြားပျံရှယ်က တစ်အိတ်ကို ၄၁၀၀၀ ကနေ ၄၂၀၀၀ ကျပ်၊ ဖျာပုံပေါ်ဆန် နဲ့ ဒေးဒရဲပေါ်ဆန်းတို့က တစ်အိတ်ကို ၃၆၀၀၀ ကနေ ၃၉၀၀၀ ကျပ်၊ မြီးဒုံးဆန်က တစ်အိတ်ကိ ၃၁၅၀၀ မှ ၃၃၀၀၀ ကျပ်၊ ရက် ၉၀ ဆန်က တစ်အိတ်ကို ၂၅၀၀၀ မှ ၂၆၀၀၀၊ ငစိန်ဆန်က တစ်အိတ်ကို ၂၁၅၀၀ ကနေ ၂၂၅၀၀ ပေါက်ဈေး အသီးသီး ရှိပါတယ်။ ဧရာဝတီတိုင်းမှာတော့ လက်ရှိ အရောင်းအဝယ်တွေကနားထားပြီး ဈေးတွေကလည်း အပြောင်းအလဲမရှိဘူးလို့ သိရပါတယ်။

မော်လမြိုင်ဈေးကွက်မှာတော့ ပေါ်ဆန်း(ဆန်သား၈၀)က တစ်အိတ်ကို ၃၉၄၀၀ ပေါက်ဈေးရှိပြီး တစ်အိတ်ကို ၁၀၀၀ကျပ်၊ ဆန်သား၉၀ က တစ်အိတ်ကို ၄၁၆၀၀ ပေါက်ဈေးရှိပြီး တစ်အိတ်ကို ၁၀၀၀ ကျပ်၊ ပေါ်ကျွဲ (ဆန်သား ၈၀ )က တစ်အိတ်ကို ၃၂၉၀၀ ပေါက်ဈေးရှိပြီး ၅၀၀ ကျပ်၊ ဆန်သား ၉၀ က တစ်အိတ်ကို ၃၄၄၀၀ ပေါက်ဈေးရှိပြီး ၅၀၀ ကျပ်၊ ဧည့်မထ(ဆန်သား ၈၀)က တစ်အိတ်ကို ၂၅၈၀၀ ပေါက်ဈေးရှိပြီး ၅၀၀ ကျပ်၊ ဆန်သား ၉၀ က တစ်အိတ်ကို ၂၇၈၀၀ ပေါက်ဈေးရှိပြီး ၅၀၀ ကျပ် အသီးသီးဈေးတက်လာပါတယ်။

မတ်ပဲ

မြန်မာတစ်နိုင်ငံလုံးနီးပါးက ကုန်စည်ဒိုင်တွေအကုန် ကိုဗစ်ကြောင့်  ပိတ်ထားရတဲ့အခြေအနေမှာ ဈေးကွက် တစ်ခုလုံးရပ်တန့် လုနီးပါးဖြစ်ခဲ့ပါတယ်။ မတ်ပဲကတော့ လက်ရှိ အရောင်းအဝယ်က မရှိပေမယ့် ဈေးတွေကတော့ တက်နေပါတယ်။ ကုန်သည်များအကြား ဖုန်းနဲ့သာ အရောင်းအဝယ် ပြုလုပ်နေရတယ်လို့ သိရပါတယ်။

ဇူလိုင်လ အစမှာ အိန္ဒိယက ပဲသိုလှောင်ခွင့်နဲ့ပတ်သတ်ပြီး ကန့်သတ်ခဲ့တဲ့အတွက် မြန်မာ့မတ်ပဲဈေးတွေ က ကျဆင်းသွားခဲ့ပြီး ဇူလိုင်လ နောက်ဆုံးအပတ်မှာတော့ ပြန်လည်ဖြေလျော့ပေးခဲ့တဲ့အတွက် ပဲဈေးတွေက ပြန်လည်တက်ခဲ့တာဖြစ်ပါတယ်။

ရန်ကုန်ဈေးကွက် နဲ့ မန္တလေးဈေးကွက်အပါအဝင် မြို့အများစု မှာ ပဲဈေးကွက်မဖွင့်ပေမယ့် မော်လမြိုင်ဈေးကွက်မှာတေ့ာ တစ်တင်းကို ၃၉၀၀၀ ကျပ်ရှိပြီး တစ်ပတ်အတွင်း တစ်တင်းကို ၂၀၀၀ ကျပ်ဈေးတက်လာပါတယ်။

မြန်မာပြည်တွင်းမှာသာ အရောင်းအဝယ်ရပ်တန့်ထားတဲ့အတွက်ကြောင့် ဈေးကွက်ပေါက်ဈေးကို တိတိကျကျမသိရပေမယ့် အိန္ဒိယမှာတော့ မြန်မာမတ်ပဲဈေးတွေ သိသိသာသာဈေးတက်လာပြီးတော့ သင်္ဘောတင် မတ်ပဲ CNF ဈေးတွေက တစ်တန်ကို ၉၀၀ ကနေ ၁၀၀၀ ကြား ထိ ပေါက်ဈေးရှိလာခဲ့ပါတယ်။

သြဂုတ် ၁ ရက်နေ့ ကုန်စည်ဒိုင်ဈေးတွေ ပြန်ဖွင့်လာမယ့်အချိန်မှာတော့ မတ်ပဲက အတက်ဈေးနဲ့ ပြန်ဖွင့်နိုင်မယ်လို့ သုံးသပ်မှုတွေရှိနေပါတယ်။ 

ပဲစင်းငုံနီ

ကုန်စည်ဒိုင်တွေ ပိတ်ထားရတဲ့အတွက် ပဲစင်းငုံနီ အရောင်းအဝယ်ကလည်း မရှိပါဘူး။ ပဲစင်းငုံနီက အကျဈေးနဲ့ ပဲ ဈေးကွက်က ပိတ်ထားခဲ့ရပြီး ပိတ်ထားရတဲ့ ၂ ပတ်အတွင်းမှာ ဈေးတွေ အနည်းငယ်ပြန်တက်လာခဲ့ပါတယ်။ 

အိန္ဒိယရဲ့ ပဲသိုလှောင်ခွင့်ကန့်သတ်ချက်က တန် ၂၀၀ အစား တန် ၅၀၀ လို့ ပြောင်းလဲသတ်မှတ်လိုက်တဲ့ အတွက် အိန္ဒိယကုန်သည်တွေ အဝယ်လိုက်လာပြီး ဈေးတက်လာတာဖြစ်ပါတယ်။ ဒါပေမယ့် သိုလှောင်ခွင့် သတ်မှတ်တဲ့အချိန်တုန်းက ပဲအမြောက်အများ သင်္ဘောအဝင်တွေ  ရှိနေတာဖြစ်တဲ့အတွက် ပဲစင်းငုံနီက ထင်သလောက် တက်ဖို့ မရှိနိုင်ဘူးလို့ အိန္ဒိယကုန်သည်တွေက သုံးသပ်မှုတွေ ပြုလုပ်ထားကြောင့် အိန္ဒိယ စိုက်ပျိုးရေး သတင်းဌာနတွေမှာ ဖော်ပြထားပါတယ်။

ရန်ကုန် ၊မန္တလေးအပါအဝင်မြို့အများစု ပိတ်ထားရတဲ့အတွက် ပဲစင်းငုံနီ ဈေးကွက်က လတ်တလောမရှိပေမယ့် အောင်လံဈေးကွက်မှာတော့ တစ်တင်းကို ၃၆၀၀၀ ပေါက်ဈေးရှိပြီး ၁၀၀၀ လောက်ဈေးတက်လာခဲ့ပါတယ်။

မြန်မာ့ပဲစင်းငုံနီကတော့ လက်တလော ပဲလက်ကျန်ကလည်း မရှိတဲ့အတွက် ဈေးကွက်စဖွင့်တဲ့အချိန် အနည်းငယ် တက်လာနိုင်သေးတယ်လို့ ခန့်မှန်းထားကြပါတယ်။

ကြက်သွန်ဖြူ

ကြက်သွန်ဖြူကတော့ ရန်ကုန်ဈေးကွက်မှာ ပိတ်ထားတဲ့အတွက်ဈေးကတော့ လက်တလော မသိရပါဘူး။ ဈေးကွက်ပိတ်ချိန်မှာတော့ အတက်ဈေးနဲ့ ပဲ ဈေးငြိမ်နေခဲ့တာပါ။ 

ကုန်စည်ဒိုင်တွေ ပိတ်ထားရတဲ့အတွက် လက်လီဈေးကွက်မှာတော့ ဈေးတွေက မြင့်တက်နေခဲ့ပါတယ်။ရှမ်းကြက်သွန်ဖြူ တစ်ပိဿာကို ငွေကျပ် ၄၀၀၀ ကနေ ၅၀၀၀ ကြားအထိ ဈေးမြင့်တက်နေခဲ့ပါတယ်။

မော်လမြိုင်ဈေးကွက်မှာတော့ ကြက်သွန်ဖြူ(ထူး၊၄၊၅)ကတစ်ပိဿာကို ၂၃၀၀ ကနေ ၂၅၀၀ ပေါက်ဈေးရှိပြီး ၃၀၀ ကျပ်ဈေးတက်လာခဲ့ပါတယ်။ 

 

 


ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...
Read more Facebook စာမျက်နှာသို့သွားရန်

ဆွေးနွေးချက်များ

ဆွေးနွေးရန်