ရေပြောင်းဖူး (သို့) ရေဝါးပင်စည်

ရေပြောင်းဖူးဆိုပြီး ရောင်းနေကြတာ ဝယ်စားနေကြတာမြင်တော့ ဘယ်အပင်က ရတာလဲ။ ဘယ်လိုအစိတ်အပိုင်းကိုစားတာလဲ ဘယ်လိုချက်ပြုတ်ပြင်ဆင်ရသလဲဆိုတာ သိချင်သွားရော ... အဲ့တော့ ရှာကြည့် ဖွေကြည့်ရတာပေါ့။

ရေပြောင်း (တစ်ချို့ကလည်း ရေဝါး လို့ခေါ်ကြပါသတဲ့) အင်္ဂလိပ်လိုတော့ Wild Rice လို့ခေါ်ကြတာဆိုတော့ မြန်မာလိုဆိုရင်တော့ စပါးရိုင်းပင်ရဲ့ ပင်စည်ပိုင်းပေါ့နော်။

စပါးအရိုင်းဆိုတော့ စပါးပင်လိုပဲဆိုတော့ အရွက်ထပ်လေးတွေပါတယ်။ အဲ့ပင်စည်ပိုင်းလေးနားကိုပဲ ခုတ်ယူလိုက်တော့ အရွက်အထပ်ထပ်လေးတွေနဲ့ ပြောင်းဖူးလေးလို အခွံလေးနဲ့ ပုံစံတူသွားလို့ ရေပြောင်းဖူးလို့ ခေါ်လိုက်ကြရော…

ရောင်းတော့လည်း နှီးလေးနဲ့ အစည်းလိုက်ရောင်းတာ၊ အရွယ်သေးတော့ လေးတန်းပြောင်းလိုလိုနဲ့ ဒါပေမဲ့ ခွာကြည့်ရင်တော့ ပြောင်းဖူးစေ့မြင်ရတော့ မဟုတ်၊ အသားဖြူဖြူလေးတွေ ကို မြင်ရမှာ။

အဲ့ဒါကို လှီးချွတ်ပြီးတော့ ကြော်စားတာ၊ မုန်လာဥနီ၊ ကြာဇံတွေနဲ့ သုပ်စားလို့လည်းရပါတယ်။ 

ဆိုတော့ သူ့ကိုစားရင် ဘာတွေ ရမှာလဲ ဆိုတဲ့ အာဟာရ ရှုထောင့်ကနေတစ်ချက် လေ့လာကြည့်ရအောင်လားခင်ဗျာ..။

ပရိုတင်း လို့ခေါ်တဲ့ အသားဓာတ်နဲ့ ဖိုက်ဘာအမျှင်ဓာတ်တွေ ပြည့်ပြည့်ဝဝပါတဲ့ အစားအစာတစ်ခုဖြစ်ပါတယ်။ ကယ်လိုရီလည်း နည်းပါတယ်။

ပြီးတော့ အထူးသဖြင့်တော့ မန်းဂနိစ့် ပါဝင်နေတာပါ။ ဓာတ်တိုးဆန့်ကျင်ပစ္စည်းဖြစ်ပြီးတော့ ဆဲလ်ကျန်းမာရေးအတွက် မိုက်တိုခွန်ဒရီယား (Mitochondria) တွေကို ထိန်းသိမ်းပေးပါတယ်။ ပြီးတော့ သူက ခန္ဓာကိုယ်ရဲ့ ဇီဝကမ္မဖြစ်စဉ်တွေကို ပုံမှန်ဖြစ်စေဖို့ ထိန်းသိမ်းပေးနိုင်တဲ့ ဓာတ်တစ်မျိုးဖြစ်ပါတယ်။ 

နောက်တစ်ချက်ကတော့ သူကဂလူတန် (Gluten)  မပါတဲ့အတွက် ဂလူတန်နဲ့ မတည့်တဲ့ရောဂါ (celiac disease) ရှိနေတယ်ဆိုရင်တောင် စားလို့ရပါတယ်တဲ့ခင်ဗျာ။

ကျန်းမာရေးအတွက် အကျိုးကျေးဇူးတွေကတော့ 

• နှလုံးကျန်းမာရေးကိုကောင်းစေတယ်

သုတေသနတွေအရဆိုရင်တော့ ဓာတ်တိုးဆန့်ကျင်ပစ္စည်းပါဝင်မှုများတယ်။ ကိုယ်လက်စထရောလည်း နည်းတယ်ဆိုတော့ နှလုံးကျန်းမာရေးအတွက် အထောက်အကူပြုတဲ့ အစားအစာတစ်ခုလို့ သတ်မှတ်လို့ရပါတယ်။ 

• ဆီးချို

ALA (Alpha Lipoic Acid) တွေ အများကြီးပါဝင်ပါတယ်။ ဒါဟာ ဆီးချို အမျိုးအစား (၂) သမားတွေအတွက် ကောင်းမွန်တယ်လို့ဆိုပါတယ်။  ခန္ဓာကိုယ်အတွက် အင်ဆူလင်ထုတ်ပေးနိုင်တဲ့စွမ်းရည်ကို မြှင့်တင်ပေးနိုင်ပါတယ်။ 

• ခန္ဓာကိုယ်အလေးချိန်ကို ထိန်းပေးနိုင်တယ်

ဆာလောင်မှုကို ထိန်းသိမ်းပေးနိုင်တယ်။ ကယ်လိုရီကလည်း နည်းတယ်ဆိုတော့ ခန္ဓာကိုယ်အလေးချိန်တက်ဖို့ဆိုတာ ဘယ်ဖြစ်နိုင်ပါတော့မလဲနော်။ ပြီးတော့ ဖိုက်ဘာလို့ခေါ်ကြတဲ့ အမျှင်ဓာတ်ကလည်း ပါဝင်သေးတယ်ဆိုတော့ ဝိတ်ထိန်းချင်တယ်ဆိုရင် ဒါမှ မစားရင် ဘာစားကြမလဲလို့နော်။ 

 အာဟာရပါဝင်မှုကို လေ့လာကြည့်မယ်ဆိုရင်တော့ 

• ရေပြောင်းဖူး (၁၀၀) ဂရမ်ကို ပြင်ဆင်ချက်ပြုတ် စားတိုင်းမှာ 
• ကယ်လိုရီ - ၁၀၁
• ပရိုတင်း (အသားဓာတ်) ၄ ဂရမ်
• အဆီ - ၀.၃ ဂရမ်
• ကာဗွန်ဟိုက်ဒရိတ် (ကစီဓာတ်) - ၂၁.၃ဂရမ်
• ဖိုက်ဘာ (အမျှင်) - ၁.၈ ဂရမ်
• သကြား - ၀.၇ ဂရမ်တို့ကို ရမှာဖြစ်ပါတယ်။

ဆိုတော့ အစာလည်းဆေး ဆေးလည်းအစာ အနေနဲ့ ကောင်းကောင်းမွန်မွန်စားသုံးစရာ နောက်ထပ် အမယ်တစ်ခု ထပ်တိုးပါကြောင်းနဲ့ ထုတ်လုပ်တဲ့တောင်သူဦးကြီးများလည်းရှိမလားဆိုတာလည်း သိချင်မိပါရဲ့…

Reference 

https://www.webmd.com/diet/health-benefits-wild-rice 

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ကို ထည့်ပေးပါရန် မေတ္တာရပ်ခံအပ်ပါသည်။

မာလာမြိုင် ကုမ္ပဏီ ကြော်ငြာ

ဦးကြီးတို့ရဲ့ မြေကြီးက ရွှေသီးဖို့ပဲ ဖြစ်သင့်တာပေါ့။ ဒါပေမဲ့ စပါးခင်းထဲ ရွှေခရုရောက်လာပြီဆိုရင်တော့ မြေကြီးက ရွှေသီးဖို့ကို အနှောင့်အယှက် ကောင်းကောင်းကြီးပေးပါလိမ့်မယ်။ မြန်မာ့မျိုးရင်းခရုမဟုတ်တဲ့ တောင်အမေရိကမျိုးစိတ်ဖြစ်ပြီး မြန်မာနိုင်ငံကို ကျူးကျော်လာတဲ့ မျိုးစိတ်ဖြစ်တာကြောင့် အကောင်ပွားနှုန်းကလည်း အဆမတန် မြင့်တက်လာပါတယ်။ ခရုအမ တစ်ကောင်က တစ်ခါ ဥ မယ်ဆိုရင် ဥအရေအတွက် ၁၀၀ ကနေ ၁၀၀၀ အထိ အတွဲလိုက်ဥကြပြီး တစ်နှစ်မှာ ၃ ကြိမ်အထိ မျိုးပွားနိုင်ပါတယ်။ စပါးခင်းတွေမှာ ရွှေခရုကျပြီဆိုရင် ပန်းရောင် ဥ တွေ ကို စပါးပင်တွေမှာ တွေ့ရနိုင်ပါတယ်။ ဒီရွှေခရုတွေကို ရှင်းပစ်ဖို့အတွက်ကတော့ မာလာမြိုင်ရဲ့ ခရုဘုရင် ရှိနေပါပြီ။ ခရုဘုရင်က စားသေအစွမ်းနဲ့ အဆိပ်ငွေ့အာနိသင်ရှိတာကြောင့် ရွှေခရုတွေကို အထိရောက်ဆုံး ရှင်းပေးနိုင်မှာပါ။ အစွမ်းရှိပစ္စည်းဖြစ်တဲ့ Niclosamide -olamine 83.1% WP ပါဝင်ပြီး Chloronitrophenol ဆေးအုပ်စုထဲ ပါဝင်ပါတယ်။ ရေဖျော်ဆေးမှုန့်အမျိုးအစားဖြစ်လို့ ရေ ၂၀ လီတာဝင်တဲ့ဆေးဖျန်းပုံး တစ်ပုံးမှာ ၄၀ ကနေ ၅၀ ဂရမ်အထိ အသုံးပြုနိုင်ပါတယ်။ နှုန်းထားကိုတော့ တစ်ဧကမှာ ၁၅၀ ကနေ ၂၀၀ ဂရမ်နဲ့ တွက်ချက်ပေးထားပါတယ်။ သတိပြုရမှာတော့ ဆေးဖျန်းပြီးနောက်ပိုင်း စပါးခင်းအတွင်းမှာရှိတဲ့ ရေကို ၅ စင်တီမီတာနဲ့ ၃ ရက်ထားဖို့ လိုအပ်ပါတယ်။ ဆေးဖျန်းပြီး ၅၂ ရက်ကြာမှ ရိတ်သိမ်းသင့်ပါတယ်။ ခရုဘုရင်နဲ့ဆို စပါးခင်းကို ဒုက္ခပေးတဲ့ ရွှေခရုတွေကို ရှင်းလင်းနိုင်ပြီး မြေကြီးက ရွှေသီးနိုင်ပြီပေါ့ဗျာ။

Read more

Facebook Page သို့သွားရန်