သရက်သီး ပြည်ပတင်ပို့မည့်ရက် အစိုးရသတ်မှတ်

Thein Soe Min • Greenovator • 04/04/2018

စိန်တလုံး သရက်သီး အပါအဝင် အခြားသရက်သီးများကို မရင့်မှည့်မီ ခူးဆွတ်၍ မှည့်ဆေး အသုံးပြုကာ ပြည်ပ တင်ပို့ကြသဖြင့် ယခုနှစ်၌ ဧပြီလ ၂၀ ရက်နေ့ထက်စော၍ ပြည်ပ တင်ပို့ခြင်းများ မပြုလုပ်ရန် စီးပွားရေးနှင့် ကူးသန်းရောင်းဝယ်ရေး ဝန်ကြီးဌာန၊ မြန်မာ့ကုန်သွယ်မှု မြှင့်တင်ရေးအဖွဲ့က ရောင်းချခွင့်ရက်ကို သတ်မှတ်လိုက်သည်။

မတ်လ ၂၅ ရက်နေ့က သရက်သီး အစုအဖွဲ့များ၊ မြန်မာကုန်သွယ်မှု မြှင့်တင်ရေးအဖွဲ့နှင့် မူဆယ် ၁၀၅ မိုင်မှ သစ်သီးဝလံ ကုန်စည်ဒိုင်များမှ တာဝန်ရှိသူများ ဝိုင်းဝန်းဆွေးနွေး၍ ရောင်းချခွင့်ရက် သတ်မှတ် ထုတ်ပြန်လိုက်ခြင်း ဖြစ်ကြောင်း မြန်မာကုန်သွယ်မှု မြင့်တင်ရေးအဖွဲ့ထံမှ သိရသည်။

‘မရင့်သေးတဲ့ဟာတွေကို ခူးဆေးအုပ်ပြီး ပြည်ပ တင်ပို့တာတွေရှိလို့ ဧပြီလ ၂၀ ရက်နေ့နောက်ပိုင်းကျမှ ပြည်ပ ပို့တာတွေ လုပ်ကြဖို့ပါ။ စျေးကွက်မပျက်ရေး၊ နာမည်မပျက်ရေးပေါ့။ အထူးသဖြင့် စိန်တလုံး သရက်သီးကို တရုတ်ပို့တဲ့အခါ နယ်စပ်ဂိတ်မှာပဲ မှည့်ဆေးတွေ အသုံးပြုကြတာ။ နိုင်ငံအနေနဲ့ နာမည်ပျက်တာတွေ ဖြစ်မှာစိုးလို့ပါ’ ဟု မြန်မာကုန်သွယ်မှု မြှင့်တင်ရေးအဖွဲ့ ညွှန်ကြားရေးမှူး ဉီးမျိုးသူက ရှင်းလင်းပြောကြားသည်။

ထို့ကြောင့် စိန်တစ်လုံး သရက်သီးအပြင် အခြားသရက်သီးထွက်ရှိရာ ဒေသများဖြစ်သည့် မိတ္ထီလာ၊ သာစည်၊ ကျောက်ဆည်၊ စသည့်ဒေသများတွင် ပညာပေး ဟောပြောခြင်း လုပ်ငန်းများကို သရက်သီး အစုအဖွဲ့များ၊ စားသုံးသူရေးရာ ဦးစီးဌာနနှင့် မြန်မာ့ကုန်သွယ်မှု မြှင့်တင်ရေးအဖွဲ့တို့ ပူးပေါင်းကာ မရင့်မှည့်မီ မခူးဆွတ်ရေးအတွက် ပညာပေးလုပ်ငန်းများ ဆောင်ရွက်မည်ဖြစ်ကြောင်း ကုန်သွယ်မှုမြင့်တင်ရေး အဖွဲ့ထံမှ သိရသည်။

မှည့်ဆေးအသုံးပြုထားသည့် သရက်သီးများသည် အချဉ်ဓာတ်တိုးလာခြင်း၊ မည်း၍ ရှုံ့တွလာခြင်း၊ ပုပ်လာခြင်းတို့ကြောင့် ပြည်ပတင်ပို့ရာတွင် စျေးကွက်ပျက်ခြင်း၊ နာမည်ပျက်ခြင်းနှင့် အချိုဓာတ် မပါဝင်ခြင်းတို့ ဖြစ်ပွားနိုင်ပြီး ဝမ်းပျက်ဝမ်းလျောရောဂါများ ဖြစ်ပွားနိုင်ခြင်း၊ အရသာမရှိခြင်းတို့ ဖြစ်ပွားနိုင်သောကြောင့် မရင့်မှည့်မီ ခူးဆွတ်ခြင်း၊ ခူးဆွတ်၍ မှည့်ဆေးများ သုံးစွဲ၍ ရောင်းဝယ်ခြင်းများ မပြုလုပ်ရန် မြန်မာကုန်သွယ်မှု မြှင့်တင်ရေးအဖွဲ့က ကြေငြာထားသည်။

‘သင်္ကြန်အရှေ့ပိုင်းမှာ သရက်သီး အနုတွေကို ဆေးတို့ပြီးရောင်းတော့ နောက်ပိုင်းမှာ အသီးကောင်းတွေက စျေးမရတော့ဘူး။ ဒီလိုဖြစ်တာ နှစ်တိုင်းပဲ။ ဆေးတို့ပြီး မရောင်းဖို့နဲ့ ရေရှည်စျေးကွက် ကြည့်ရမှာဖြစ်တဲ့အတွက် ဧပြီ ၂၀ ရက်နေ့ထက်စောလာတဲ့ သရက်သီးတွေကို ရောင်းခွင့်မပြုဖို့ ဌာနဆိုင်ရာတွေရော ဝိုင်းဝန်း ထိန်းသိမ်းပေးဖို့ တောင်းဆိုထားတာ’ ဟု မူဆယ် ၁၀၅ မိုင်မှ သစ်သီးဝလံ ကုန်စည်ဒိုင် လုပ်ငန်းရှင် တစ်ဦးဖြစ်သူ ဒေါ်ကြည်ကြည်ခိုင်က ပြောကြားသည်။

စိန်တစ်လုံး သရက်သီး အပါအဝင် အခြားသရက်သီးများကို ဧပြီလ ၂၀ ရက်နေ့မှသာ မူဆယ် ၁၀၅ မိုင် ကုန်စည်ဒိုင်တွင် စတင်ရောင်းဝယ်ခြင်းများ ပြုလုပ်မည်ဖြစ်ပြီး ဧပြီလ ၂၀ ရက်နေ့ထက်စော၍ ရောက်လာသည့် သရက်သီးများကို လက်ခံမည် မဟုတ်ကြောင်း၊ မူဆယ် ၁၀၅ မိုင်တွင် သရက်သီး ရာသီချိန်များဖြစ်သည့် ဧပြီလမှ ဇွန်လအထိ တစ်ရက်လျှင် သရက်သီးတန်ချိန် ၅၀၀ ခန့်ကို တရုတ်နိုင်ငံသို့ အဓိကထား တင်ပို့လျက်ရှိကြောင်း မူဆယ် ၁၀၅ မိုင်သစ်သီးဝလံ ကုန်စည်ဒိုင်များထံမှ သိရသည်။

The Voice Myanmar

ဆက်စပ်ဆောင်းပါးများ

စိုက်ပျိုးရေးသတင်း

တစ်ပတ်စာ သီးနှံဈေးကွက် သုံးသပ်ချက် (၂၁ - ၂၅.၉.၂၀၂၆)

AMIA

စိုက်ပျိုးရေးသတင်း

ကြက်သွန်ဈေး လက်လီ တစ်ပိဿာကို ၁၀,၀၀၀ ကျပ်အထိရှိလာ

AMIA

စိုက်ပျိုးရေးသတင်း

တစ်ပတ်စာ သီးနှံဈေးကွက် သုံးသပ်ချက် (၁၄ - ၁၈.၉.၂၀၂၆)

AMIA

နည်းပညာမိတ်ဖက်အဖွဲ့

Greenovator

ဂရင်းနိုဗေတာကုမ္ပဏီကို ၂၀၁၅ ခုနှစ်တွင် စတင်ခဲ့ပြီး ကုမ္ပဏီမှ အစိမ်းရောင်လမ်းအက်ပလီကေးရှင်းအား ထုတ်လုပ်ဖြန့်ဖြုးခဲ့ပါသည်။ စိုက်ပျိုးသူတောင်သူများ စိုက်ပျိုးရေးလုပ်ငန်းများကို စီးပွားရေးလုပ်ငန်းအဖြစ် အမြင်ပြောင်းလဲလာစေရန်အတွက် လိုအပ်သော နည်းပညာဗဟုသုတများ၊ ဈေးကွက်အချက်အလက်များနှင့် စီးပွားရေးလုပ်ငန်းများနှင့် ချိတ်ဆက်လာနိုင်စေရန် အစဉ်တစိုက် ကြိုးစားလျက်ရှိပါသည်။ 

နည်းပညာမိတ်ဖက်အဖွဲ့ အားလုံး

ဆက်စပ်မေးခွန်းများ

မဂ်လာပါ ပန်းအရွက်လိပ်ပီးအထဲမှာပိုးရှိနေပါတယ်ဘာဆေးဖျန်းရမလဲဖြေကြားပေးပါ။🙏

bominthu • ဖြေကြားချက် 0 ခု

အဲ့ဆေး၂မျုိးကိုဘယ်လိုဖြန်းသင့်လဲဗျာ ကွမ်းပင်၃လသားမှာပင်ခြေကနေ အဖြူရောင်အလုံးလုံးလေးတွေနဲ့ပုတ်သေတာ

JohnSaw • ဖြေကြားချက် 1 ခု

နွားချေးအစို+ဖွဲ့နု+ကျောက်မှုန့်(ဂျစ်ပဆမ်) +ပဲမှုန့်+တင်လဲရည်+တဆေးတို့နဲ့ အချည်ဖောက်အရည် ပြုလုပ်လို့ရပါသလား ရခဲ့ရင် အသုံးပြုရမယ့်ပစ္စည်းပါဝင်မှုအချိုးအစားသိပါရစေ

Khing Hein • ဖြေကြားချက် 2 ခု

နှင်းပန်းပွင့်တွေက ခါးမှာ ပုတ်သလို ဖြစ်ပီး အပွင့်တွေက ပုံပါအတိုင်းဖြစ်နေလို့ပါဆရာ။ ဘာကြောင့်ဖြစ်တာလဲရှင့် ဘာဆေးဖြန်ရင်ရလဲဆရာ

Nwe Nwe aung • ဖြေကြားချက် 3 ခု

Trichoderma ကိုမတ်ပဲအတွက်သုံးချင်လို့အဆင့်အဆင့်သုံးရမယ့်နည်းလမ်းသိချင်လို့ပါဆရာသူ့ရဲ့အကျိုးပြုပုံလေးလည်းသိချင်လို့ပါဆရာ

Zaw Than Oo • ဖြေကြားချက် 1 ခု

Greenovator

ကြော်ငြာ

အစိမ်းရောင်လမ်းကနေ စိုက်ပျိုးမွေးမြူရေး ဆေးဆိုင်တွေ၊ အရောင်းအဝယ်ဆိုင်တွေအတွက် ဆော့ဝဲလ်ပြုလုပ်နေပါတယ်။ ဒါကြောင့် ဆိုင်အတွေ့အကြုံရှိတဲ့သူများအနေဖြင့် မေးခွန်းလေးကို ကွန်မန့်ရှိလင့်မှတစ်ဆင့် ဖြေဆိုပေးပြီး အစိမ်းရောင်လမ်းကို အားပေးကူညီပေးဖို့ ပန်ကြားအပ်ပါတယ်။

မေးခွန်းများ ဖြေဆိုရန် နှိပ်ပါ

နောက်ဆုံး ဆောင်းပါးများ