သုံးပတ်ဆက်တိုက် တက်လာတဲ့ ဆန်ဈေး

 ကျပ် ၂၀၀၀၀ တန်ငွေစက္ကူသစ်ထုတ်မယ်လို့ကြေညာပြီးကတည်းက အပတ်စဉ်ထိုးတက်လာတဲ့ဆန်ဈေးတွေဟာ ဒီတစ်ပတ်ဈေးကွက်အဖွင့်မှာလည်း ရပ်တန့်သွားသေးခြင်းမရှိဘဲ ဆက်တက်နေဆဲဖြစ်ပါတယ်။

ယနေ့ ဩဂုတ်လ ၇ ရက်နေ့ ရန်ကုန် ဝါးတန်းဈေးကွက်မှာ ဆန်(ဧည့်မထ)(သစ်) ကလွဲလို့ ကျန်ဆန်များ အကုန်ဈေးထပ်မံမြင့်တက်သွားခဲ့ပြီပဲ ဖြစ်ပါတယ်။

ဘယ်ဆန်အမျိုးအစားတွေ ဘယ်လောက်ဈေးအပြောင်းအလဲဖြစ်သွားလဲဆိုတာကိုတော့ အောက်ပါ ဇယားကွက်မှာ  နှိုင်းယှဉ်ကြည့်ရှုနိုင်ပါတယ်။

ဆန်ဈေးနှုန်းတွေကတော့  အနိမ့်ဆုံး ကွာဟချက် ၁၀၀၀ ကျပ်ကနေ အမြင့်ဆုံး ၁၀,၀၀၀ ကျပ်အထိ တက်သွားခဲ့တာပဲဖြစ်ပါတယ်။

ကျပ် ၂၀၀၀၀ တန် ငွေစက္ကူသစ်ထွက်မယ်ဆိုတဲ့ ဗဟိုဘဏ်ကြေညာချက်ထွက်အပြီး နောက်တစ်နေ့ ဇူလိုင် ၂၄ မှာ ရန်ကုန်၊ ဝါးတန်းဆန်ဈေးကွက်မှာ ဆန်အမျိုးအစားအားလုံးနီးပါး ဈေးတက်ခဲ့သလို ထွက်တဲ့ရက်  ဇူလိုင် ၃၁ ရက်မှာလည်း ဆန်ဈေးတွေ ထပ်မံမြင့်တက်ခဲ့တာ​​ဖြစ်ပါတယ်။ 

မြန်မာနိုင်ငံဆန်စပါးလုပ်ငန်းအဖွဲ့ချုပ်၊ ညီနောင်အသင်းအဖွဲ့များ၊ ဆန်စပါးပို့ကုန်ကုမ္ပဏီများ၊ ဆန်စက်များ၊ ဆန်ကုန်သည်များစတဲ့ အဖွဲ့တွေစုပေါင်းပြီး ဆန်အမျိုးအစားတချို့ကို အနည်းငယ်သက်သာသောဈေးနှုန်းနဲ့ ဒီနေ့ကစ ရောင်းပေးမယ်လို့ထုတ်ပြန်ထားတာ ရှိပါတယ်။ ဒါပေမဲ့ ဆန်ဈေးတွေကတော့ အတက်မရပ်ဘဲ ဆက်တက်နေဆဲဖြစ်ပါတယ်။

(လယ်ယာစိုက်ပျိုးရေးနှင့်ဈေးကွက်သတင်းအချက်အလက်အဖွဲ့ (AMIA) က ပေးပို့လာသည့် ဈေးကွက်ဈေးနှုန်းများကို အခြေခံဖော်ပြခြင်း ဖြစ်ပါသည်။)

(အခြားကုန်စည်နှင့်သီးနှံဈေးနှုန်းများ သိရှိလိုပါက Green Way App ရှိ ' သီးနှံဈေးနှုန်းများ ' ကဏ္ဍတွင် ဝင်ရောက်ကြည့်ရှုနိုင်ပါသည်။)

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။