နောက်ဆုံး ဆောင်းပါးများ စိုက်ပျိုးရေး မွေးမြူရေး ရေလုပ်ငန်း အထွေထွေ ဗဟုသုတ သတင်း နည်းပညာမိတ်ဖက်အဖွဲ့များ

အားလုံးကြည့်ရန် သစ်တောပုံတူ စိုက်ခင်းတည်ထောင်ခြင်း 21 ဂေဟစနစ် 62 အာဟာရနှင့် ကျန်းမာရေး 550 ပတ်ဝန်းကျင်ဆိုင်ရာ 139 အတွေးအမြင်ဆောင်းပါး 585 စိုက်ပျိုးရေး ဥပဒေများ 11 မွေးမြူရေး ဆောင်းပါးများ 263 ငွေကြေးစီမံခန့်ခွဲမှု 40 ကုန်သွယ်သုတ 8 အထွေထွေ 591

ငါးရှဥ့်မွေးမြူရေး

နှင်းဖြူဖြူ • 14/05/2021

ငါးရှဥ့်သည် 'မြွေ' နှင့်ပုံသဏ္ဍာန်ဆင်တူပြီး များသောအားဖြင့် အကြေးခွံများ မရှိကြပေ။ သူ့ခန္ဓာကိုယ်ကို အကျိအချွဲများဖြင့် ဖုံးလွှမ်းထားတတ်ပြီး ရုတ်တရက် ဖမ်းဆီးရန် မလွယ်ကူပေ။ ငါးရှဥ့်များကို ရေချိုပိုင်းတွင် အများဆုံးတွေ့ရလေ့ရှိပြီး ပင်လယ်ပိုင်းနှင့် လယ်ကွင်းများတွင်လည်း တွေ့ရတတ်ပါသည်။

ငါးရှဥ့်ကို မြန်မာများက ငါးရှဥ့်ပနီ (ပါးနီ) နှင့် ငါးရှဥ့်ပမွဲ (ပါးမွဲ) ဟူ၍(၂)မျိုး နှစ်စား ခွဲခြားခေါ်ဝေါ်ကြသည်။

ငါးရှဥ့်ပါးနီသည် အကောင်ငယ်၍ ငါးရှဥ့်ပါးမွဲက ကြီးထွားနှုန်းပိုကောင်းသဖြင့် အကောင်ပိုကြီးသည်။

ငါးရှဥ့်ပါးနီသည် နီဝါဝါအဆင်းရှိပြီး စားရာတွင် နူးညံ့၏။ ငါးရှဥ့်ပါးမွဲထက်ပို၍ အရသာရှိပြီး နှစ်ချို့အရွယ်အစားထိ အရောင်အဆင်း မပြောင်းလဲတတ်ချေ။ ကျပ်လုံးအရွယ်ထက်လည်း ပိုမို၍ မကြီးထွားတတ်ချေ။

ငါးရှဥ့်ပါးမွဲမှာ ညိုသောအဆင်းရှိပြီး သေးငယ်သော အကြေးခွံသေးသေးလေးများရှိတတ်ကြသည်။ ငါးရှဥ့်ပါးနီထက် အကောင်အရွယ်အစားကြီးထွားကြသည်။ ငါးရှဥ့်ပါးနီလောက် အသားမနူးညံ့သော်ငြား ပါးမွဲမှာ ဆေးဖက်ဝင်သည်ဟု သိရသည်။

ငါးရှဥ့်များမှာ အပုပ်အစပ်များကို အလွန်ကြိုက်ပြီး အလွန်အစားကြူးသော ငါးတစ်မျိုးဖြစ်သည်။ ငါးရှဥ့်ငါးမှာ အရသာလေးလေးပင်ပင်ရှိကြပြီး ဆေးဖက်ဝင်သောကြောင့် လူကြိုက်များပြီး ဈေးကွက်ဝင်ငါးလည်းဖြစ်သည်။ ငါးရှဥ့်ငါးမှာမွေးမြူ၍ရသော ငါးအမျိုးအစားတွင် ပါဝင်ကြပါသည်။

ငါးရှဥ့်မွေးမြူရေးတွင် အရေးပါသော မြေနေရာရွေးချယ်ခြင်းအကြောင်း

ငါးရှဥ့်မွေးမြူသော မြေနေရာသည် လမ်းပန်းဆက်သွယ်ရေးကောင်းပြီး ဈေးကွက်ရှိသောနေရာကို ရွေးချယ်သင့်ပါသည်။

မြေနေရာသည် သဲဆန်သောမြေမဖြစ်စေရဘဲ မြေစေးအမျိုးအစားကိုသာ ရွေးချယ်ရပါမည်။ မြေစေးဖြစ်သောကြောင့် ကန်အတွင်းရေသည် ကြာရှည်ခံပါမည်။ ငါးရှဥ့်များအတွက် ပိုမိုကောင်းမွန်ပါသည်။

ရေအမျိုးအစား

- ကန်အတွင်းရှိရေကိုမူ ရေအမျိုးအစားရွေးချယ်ရန် မလိုပေ။ ရေကြည်၊ ရေနောက်၊ ရေစီး၊ ရေသေ အားလုံးသင့်လျော်ပါသည်။ သို့သော် ရေစီးနေလျှင်မူ အကောင်းဆုံးဖြစ်ပါသည်။

မွေးမြူကန်အရွယ်အစား

- ကန်အရွယ်အစားသည် အသေးဆုံး (အလျား ၂၀ ပေ xအနံ ၁၀ပေ) ရှိရပါမည်။

- အကြီးဆုံး ဧကဝက်ခန့် (အလျား ၂၀၀ ပေ x အနံ ၁၀၀ ပေ) ဖြစ်ရန် လိုပါသည်။

- ကန်သေးသည်ဖြစ်စေ၊ ကြီးသည်ဖြစ်စေ မည်သည့်ကန်မဆို မွေးမြူနိုင်ပါသည်။

- အနက်(၂) ပေတူးလျှင် ဤအတိုင်းအတာဝန်းကျင်တွင် လုံလောက်ပါသည်။

- ကန်ဘောင်နိမ့်နိမ့်ဖို့ပြီး အတွင်းဖက်တွင် ဝါးထရံကို ထောင်စိုက်၍ ကာပေးထားရပါမည်။ ဝါးထရံကို ရေမျက်နှာပြင်ထက်(၁)တောင် (သို့) (၁၈)လက်မလောက် ပိုမြင့်အောင် လုပ်ပေးထားရပါမည်။

- ငါးရှဥ့်မတိုးနိုင်အောင် ကန်၏အောက်ခြေကို ရေမထည့်မီကတည်းက မာနေအောင် ကြမ်းတုံးတိုက်၍ဖြစ်စေ၊ ဆောင့်၍ဖြစ်စေ ပြုလုပ်ထားရပါမည်။

ငါးရှဥ့်သားပေါက် ဝယ်ယူပြုစုခြင်း

- ငါးရှဥ့်သားပေါက်များကို မြို့ရွာအသီးသီးမှ ဈေးတွင်ရှိသော သားငါးသည်များထံမှဖြစ်စေ၊ ငါးရှဥ့်မြှုံးထောင်သူများထံမှဖြစ်စေ ပေါပေါများများ ဝယ်ယူရရှိနိုင်ပါသည်။ မေလမှ ဇူလိုင်လအတွင်း ငါးရှဥ့်သားပေါက်များ ပိုပြီး ဝယ်၍ရနိုင်ပါသည်။

- အရွယ်ငယ်သော (၄) လက်မနှင့် (၆)လက်မအကြား အရွယ်ညီသည့် ငါးရှဥ်များကို ပိဿာချိန်ဖြင့်ဝယ်လျှင် ရနိုင်ပါသည်။

- ငါးရှဥ့်သားပေါက်များကို ဝယ်ယူပြီး မွေးမြူသည့်ကန်သို့ သယ်ဆောင်သောအခါ အခြားငါးများကဲ့သို့ ပလတ်စတစ်အိတ်နှင့် အောက်ဆီဂျင်ဓါတ်များ မလိုပါ။

- ပုံးဖြင့် အလွယ်တကူထည့်၍ သယ်ယူသွားလျှင် လုံလောက်ပါသည်။ အဘယ်ကြောင့်ဆိုသော် ငါးရှဥ့်ငါးသည် အသက်ပြင်းသော ငါးအမျိုးအစားဖြစ်သောကြောင့် ဖြစ်သည်။

- အရွယ် (၄-၆)လက်မအကြား အရွယ်ညီသော ငါးရှဥ့်သားပေါက်လေးများကို မွေးမြူခြင်းမှာ သားပေါက်ပွားရန်ရည်ရွယ်ပြီး မွေးမြူခြင်းမဟုတ်ဘဲ အသားတိုးသက်သက်သာ မွေးမြူခြင်းဖြစ်ပါသည်။

မွေးမြူနှုန်းထား အချိုးအစား

- ကန်အတွင်းသို့ ငါးရှဥ့်ထည့်ရမည့်နှုန်းထားအချိုးအစားမှာ (၁) ပေပတ်လည်အကျယ်တွင် ငါးရှဥ့်သားပေါက် (၁) ကောင်နှုန်းဖြစ်ပါသည်။

- ဆိုလိုသည်မှာ အသေးဆုံးကန်အရွယ်အစား အလျား (၂၀)ပေ၊ အနံ (၁၀)ပေရှိသော ကန်တွင် ဧရိယာစတုရန်း ၂၀၀ ရှိသောကြောင့် သားပေါက်ကောင်ရေ (၂၀၀) ခန့်ထည့်၍ မွေးမြူနိင်ပါသည်။

- အကြီးဆုံးကန်ဖြစ်သော အလျား ၂၀၀ ပေ၊ အနံ ၁၀၀ ပေတွင် ငါးရှဥ့်သားပေါက်ကောင်ရေ (၂၀၀၀၀) ခန့် ထည့်၍ မွေးမြူနိုင်ပါသည်။

အစာကျွေးနှုန်း

- ငါးရှဥ့်များသည် အစာကြူးသော သတ္တဝါများဖြစ်သဖြင့် သဘာဝအစာများကိုသာ စားနေရလျှင် ကြီးထွားနှုန်းနှေးကွေးပါလိမ့်မည်။

- ထို့ကြောင့် ကန်ထဲတွင် သဘာဝငါးစာများဖြစ်လာစေရန် ထူးခြားစွာလုပ်နေရန်မလိုပေ။

- အစကတည်းက အသားတိုးမွေးရန် ရည်ရွယ်ထားခြင်းဖြစ်၍ အခြားငါးများ မွေးမြူသကဲ့သို့ ထုံးချခြင်း၊ နွားချေး၊ ဝက်ချေး၊ ကြက်ချေး၊ ဘဲချေးများ ချခြင်း ပြုလုပ်ရန် မလိုခြင်းဖြစ်ပါသည်။

- ငါးနုပ်၊ ငါးဖွဲနှင့် စားကြွင်းစားကျန်များကို ဆန်ခါနှင့်ထည့်၍ ကျွေးပါ။ ထိုအစာများကိုကျွေးလျှင် ကြေသွားအောင် ကြိတ်ထောင်းပြီး ကျွေးပါ။

- အစာကျွေးလျှင် ကန်ထဲရှိ ငါးရှဥ့်အားလုံး၏ အလေးချိန် (၆) ရာခိုင်နှုန်းသော အစာကို နေ့စဥ်ကျွေးရန် လိုအပ်ပါသည်။ ဆိုလိုသည်မှာ ကန်ထဲရှိ ငါးရှဥ့်အားလုံး၏ အလေးချိန်ပိဿာ (၁၀၀) ရှိလျှင် အစာ (၆) ပိဿာ ကျွေးရန် လိုအပ်ပါသည်။

ကြီးထွားနှုန်း

(၁) နှစ်ကြာသောအခါ ကန်အသေးဆုံးနှင့် မွေးမြူသူသည် ငါးရှဥ့်ပိဿာချိန် (၃၀)ခန့် ရနိုင်ပါသည်။ ကန်အကြီးဆုံးနှင့် မွေးမြူသူသည် ပိဿာချိန် (၃၀၀၀)ခန့်ရရှိနိင်ကြပါသည်။

ငါးရှဥ့်ကို အသားစားငါးမဟုတ်သော အခြားငါးမျိုးများနှင့်လည်း ရောနှောမွေးမြူနိုင်ကြောင်း သိရပါသည်။

အဘယ့်ကြောင့်ဆိုသော် အခြားငါးများစွန့်ပစ်သော အညစ်အကြေးကို ငါးရှဥ့်များက စားလေ့ရှိကြသောကြောင့်ဖြစ်ပါသည်။

ပင်လယ်ပြာ(ငါးဦးစီး)

မှီငြမ်း; ငါးရှဥ့်မွေးမြူရေးလမ်းညွှန် (ငါးလုပ်ငန်းဦးစီးဌာန)

aks

လွန်ခဲ့သော ၄ လ က

ငါရှဥ့်ကိုတာပေါ်လင်ကန်နဲ့မွေးလို့ရလား

Than Soe

လွန်ခဲ့သော ၁ နှစ် က

ငါးရှဥ့်ကို အုတ်ကန်နဲ့ရောမွေးလိုရပါလာ

အောင်ဇော်ထက်

လွန်ခဲ့သော ၅ နှစ် က

hello

ဆက်စပ်ဆောင်းပါးများ

မွေးမြူရေး ဆောင်းပါးများ

ရေငန်ငါးတစ်မျိုးဖြစ်တဲ့ ငါးပုလဲ(ခေါ်) ဆင်နားရွက်ငါး၏ ထူးခြားသောသဘာဝ

နှင်းဖြူဖြူ

မွေးမြူရေး ဆောင်းပါးများ

မြန်မာနိုင်ငံတွင်းရှိ အင်းချောင်းလုပ်ငန်းများအကြောင်း

ကိုမောင်မောင်(သုဝဏ္ဏ)

မွေးမြူရေး ဆောင်းပါးများ

လူ့အမြင်..နွားအမြင်

သက်ခိုင်

ဆက်စပ်မေးခွန်းများ

လေးစားရပါသော တောင်သူကြီးများခင်ဗျာ... ဖရဲစစိုက်မှာမို့ ဖရဲအထွက်ကောင်းတဲ့ စိုက်ပျိုးနည်းလမ်းဝေမျှပေးပါအုံး ခင်ဗျာ...တောင်သူကြီးများခကျန်းမာ ချမ်းသာကြပါစေ...ခင်ဗျာ။

U BHONE THWE HTAN • ဖြေကြားချက် 1 ခု

မင်္ဂလာပါ စိုက်ပျိုးရေးပညာရှင်များခင်ဗျာ။ ကျွန်တော့်စပါးခင်းမှာ ဂုတ်ကျိုးရောဂါ ဝင်နေပါတယ်။ လက်ရှိ စပါးက နို့ရည်ဝင်အဆင့်တော့ကျော် ဖြစ်ပါတယ်။ ရိတ်သိမ်းဖို့ ရက် ၂၅ခန့် လိုပါသေးတယ်။ စပါးခင်းတစ်ခင်းလုံး ရောဂါပျံ့နှံ့နေပါတယ်။ စပါးနှံ ၃၀% ခန့် ဂုတ်ကျိုးပြီး ဖြူခြောက်နေပါတယ်။ ရောဂါကလည်း နေ့စဉ် တိုးလာနေပါတယ်။ မေးချင်တာက— ၁။ ဒီအချိန်မှာ မှိုသတ်ဆေး ဖျန်းသင့်ပါသလား။ ၂။ ဖျန်းသင့်တယ်ဆိုရင် ဘယ်ဆေးအမျိုးအစား သုံးသင့်ပါသလဲ။ ၃။ ရိတ်သိမ်းဖို့ ရက် ၃၀ သာလိုတော့တဲ့အတွက် ဘယ်ဆေးက သင့်တော်ပါသလဲ။ ၄။ ကျန်ရှိနေတဲ့ စပါးနှံတွေကို ရောဂါမထပ်ပြန့်အောင် ကာကွယ်နိုင်ပါသလား။ အခုပုံက ရိုက်ထားတာ ၂ရက်ရှိပါပီဗျာ အကြံဉာဏ်ပေးကြပါဦးခင်ဗျာ။ ကျေးဇူးတင်ပါတယ်။

Nyi Nyi Aung • ဖြေကြားချက် 2 ခု

ဒီနှစ် ငရုပ်စျေးနဲ့ပြောင်းစျေးလေး ကောင်းနိုင်လားရှင့် မနှစ်က ငရုပ်စျေးလေးလောက်ရှိရင်အဆင်ပြေပါတယ် စျေးကောင်းရနိုင်လား ရှင့်မိတ်ဆွေတို့

Saung • ဖြေကြားချက် 2 ခု

မုိခါ မျိုး27ရက်သား 10ရက်သားခန့် တန်းရှင်း ရွေးချယ် ၊ 15ရက်သားကျော်ကယူနတီမှိုဆေးဖြန်းထားပြီး 25ရက်သားက(ပုံပါ) ပိုးသတ်ဆေးဖြန်းထားပါတယ် အပင်တွေ သေနေလို့ တစ်ချို့က ပုံပါအတိုင်းအညွှန့်ပုပ်ပုပ် သွားလို့ ပိုးကြောင့်လား မှိုကြောင့်လား ဖြေပေးပါဦး ဆရာတို့

Hlaing Min Tun • ဖြေကြားချက် 1 ခု

ဆရာပဲတီစိမ်းတွေကအရွက်တွေခြောက်ပြီးနွမါးကျသွားတယ်ဆရာမှိုကျတယ်ထင်ပြီးတော့မှိုဆေးတော့ဖြန်းထားတယ်ဆရာအကြံပေးပါအုံးမှိုကျမကျဆရာဆေးလဲညွန်ပါအုံးဆရာ

မောင်ခိုင်လင်းထွန်း • ဖြေကြားချက် 1 ခု

Farm Link Co.,Ltd

ကြော်ငြာ

ရေမီးအစုံနဲ့ လေထီးခုန်နိုင်မယ့် ဖန်းလင့်ရဲ့ #စမတ်သီးစုံလာပါပြီ.....ဦးကြီးတို့ရေ ‌လေထီးခုန်ချင်ပေမယ့် စမတ်သီးစုံကို မသိသေးရင်တော့ ဒီစာလေးကို ဆက်ဖတ်‌ပေးပါ #စမတ်သီးစုံဆိုတာ အပင်တိုင်းအတွက် အဓိကအာဟာရNPK (19:7:8)နဲ့ #ဟူးမစ်အက်စစ်တို့ အချိုးကျ ပေါင်းစပ်ထားတဲ့ ကွန်ပေါင်းဓာတ်မြေဩဇာဖြစ်ပါတယ်။ အဓိကအကျိုးကျေးဇူးတွေအနေနဲ့ကတော့ နိုက်ထရိုဂျင် 19%ပါဝင်တဲ့အတွက် ကလိုရိုဖီးလ်ဖွဲ့စည်းမှုကို အားပေးကာ သီးနှံပင်များ၏အရွက်များစိမ်းလန်းသန်စွမ်းပြီး အစာချက်လုပ်မှုအားကောင်းစေပါတယ်။ အပင်၏ပင်ပိုင်းကြီးထွားမှုကို တိုးမြင့်စေကာ အပင်သန်၍ အကြီးမြန်စေပါတယ်။ သင့်တော်တဲ့ Phosphorus 7%ပါဝင်မှုကြောင့် အပင်ရဲ့ အမြစ်ဖွဲ့စည်းတည်ဆောက်မှုကို ပို၍သန်မာလာအောင် အားပေးပါတယ်။ ဒါ့အပြင် ပန်းပွင့်ခြင်း၊အသီးသီးခြင်း၊အစေ့တည်ခြင်းလုပ်ငန်းစဉ်များကိုလည်း အားပေးပါတယ်။ လုံလောက်တဲ့ Potassium 8%က အပင်ရဲ့ ရောဂါဒဏ်၊ရာသီဥတုဒဏ်ခံနိုင်ရည်ရှိမှုကို မြင့်တက်စေပြီး အသီးအရည်အသွေး၊ အရွယ်အစားနဲ့ အရသာ ပိုမိုကောင်းမွန်စေဖို့အတွက် လိုအပ်တဲ့အာဟာရဓာတ်ဖြစ်ပါတယ်။ ဟူးမစ်အက်စစ်ပါဝင်ပေါင်းစပ်ထားတဲ့အတွက် အာဟာရဓာတ်စုပ်ယူမှုကောင်းမွန်လာခြင်း၊မြေဆီလွှာဖွဲ့စည်းပုံနှင့်ရေထိန်းနိုင်စွမ်းအားကောင်းလာခြင်းအပါအဝင် အကျိုးကျေးဇူးများစွာကိုရရှိစေမှာဖြစ်ပါတယ်။ စပါးအပါအဝင် နှံစားသီးနှံများ၊ပဲအမျိုးမျိုး၊ဟင်းသီးဟင်းရွက်နဲ့ ဥယျာဉ်ခြံသီးနှံအားလုံးမှာ အသုံးပြုနိုင်တယ်ဆိုတော့ တစ်မျိုးတည်းနဲ့ အားလုံးပါဖက်(perfect)မယ့် စမတ်သီးစုံနော် အရွေးမမှားတာသေချာပြီမလို့ အတွေးမများဘဲ သီးနှံတိုင်းကြီးထွားအောင် ဖန်းလင့်ရဲ့ #စမတ်သီးစုံကို သုံးကြပါစို့....

နောက်ဆုံး ဆောင်းပါးများ

ပတ်ဝန်းကျင်ဆိုင်ရာ သိပ္ပံပညာ (အပိုင်း-၆)

10/11/2026

နိုဝင်ဘာ ၉ မှ ၁၅ ရက်အတွင်း မြန်မာနိုင်ငံကို ခြိမ်းခြောက်နိုင်သည့် မုန်တိုင်းဖြစ်ပေါ်နိုင်ခြေ လုံးဝမရှိ

09/11/2026

အပင်ရဲ့ အစာချက်လုပ်မှုကို ထိခိုက်စေတဲ့ သရက်ခေါင်ညွန့်စားပိုး(သို့) သရက်ရွက်အိမ်ဖွဲ့ပိုး

09/11/2026

တစ်ပတ်စာ ဈေးကွက်သုံးသပ်ချက် (2-6.11.2026)

06/11/2026

စစ်ကိုင်းတိုင်း၊ ကချင်ပြည်နယ်နှင့် ရှမ်းပြည်နယ် (မြောက်ပိုင်း) ဒေသများအတွက် မိုးလေဝသခန့်မှန်းချက် (နိုဝင်ဘာ ၅ -၁၁အထိ)

06/11/2026

More from နှင်းဖြူဖြူ

အားလုံး

ငါးဗျားငါး၏ ထူးခြားသောသဘာဝနှင့် ဂေဟစနစ်အတွက် အကျိုးပြုပုံ

04/11/2026

စူပါအယ်လ်နီညို၏ ငါးမွေးမြူရေးကဏ္ဍအပေါ် သက်ရောက်မှုများ

19/10/2026

ဂေဟစနစ်ကို ကောင်းကျိုးပြုသော ဘီလုံးငှက်များ

09/10/2026

ကွက်ဆန်း ဂုံးကောင် သို့မဟုတ် ပြောက်ကျားဂုံး၏ ထူးခြားသောသဘာဝနှင့် အသုံးဝင်ပုံ

09/09/2026

ရေငန်ငါးတစ်မျိုးဖြစ်တဲ့ ငါးပုလဲ(ခေါ်) ဆင်နားရွက်ငါး၏ ထူးခြားသောသဘာဝ

07/08/2026

Greenovator

ကြော်ငြာ

ပြင်းထန်တဲ့ရာသီဥတု စူပါအယ်နီညိုနဲ့ပတ်သက်ပြီး ပညာပေးဆောင်းပါးတွေ အမေးအဖြေကို လေ့လာပြီး ရာသီဥတုနဲ့လိုက်လျောညီထွေတဲ့ စိုက်ပျိုးရေးစနစ်ကို အတူကျင့်သုံးကြရအောင်...

လေ့လာရန်