တီလားပီးယားငါး စနစ်တကျသားပေါက်ထုတ်လုပ်နည်း (၁)
၁။ တီလားပီးယားသားပေါက်ထုတ်လုပ်ရန် လိုအပ်ချက်များ
တီလားပီးယားသားပေါက်ထုတ်လုပ်ရန်အတွက် အခြေခံလိုအပ်ချက်များမှာ-
- (က) လုံလောက်သော မျိုးငါးအရေအတွက်ကို ထိန်းထားရန်နှင့် မွေးမြူပြုစုထားရှိရန်အတွက် မြေသားကန်နှင့် အုတ်ကန်များ၊
- (ခ) သားဖောက်ရန်အတွက် ပိုက်လှောင်အိမ်၊ အုတ်ကန် (သို့မဟုတ်) ဖိုင်ဘာရေလှောင်ကန်များ၊မြေသားကန်များ၊
- (ဂ) သားလောင်းနှင့် သားပေါက်ပြုစုရန်အတွက် ပိုက်လှောင်အိမ်၊ အုတ်(သို့မဟုတ်) ဖိုင်ဘာရေလှောင်ကန်များ၊ မြေသားကန်များ၊
- (ဃ) ငါးသားပေါက်များ မဖြန့်ဖြူးမီ ဖမ်းဆီးကိုင်တွယ်ရေတွက်မှုဒဏ်မှ ပြန်လည်ကောင်းမွန်လာစေရန်နှင့် ငါးသားပေါက်များ ကျင့်သားရစေရန် ပိုက်လှောင်အိမ်နှင့် အုတ်ရေလှောင်ကန်များ၊
- (င) ရေလည်စနစ်ဖြင့် ငါးသားဖောက်ခြင်းစနစ်(အသုံးပြုနိုင်မည်ဆိုပါက)
- (စ) ရေဖြည့်တင်းမှု(သို့မဟုတ်)ရေပေးစနစ်၊
- (ဆ) လေပေးစနစ်(အသုံးပြုနိုင်မည်ဆိုလျှင်)
- (ဇ) ဇလုံ၊ ရေပုံး၊ ရေခွက်များ၊
- (စျ) ငါးသားပေါက်ဆွဲပိုက်များ၊ ဒိုင်းဝန်းများ၊ သားပေါက်များ အရွယ်ခွဲသည့်ပုံးနှင့် ဆန်ကာများ၊
- (ည) ငါးသားပေါက်ငါးသန်အရွယ်နှင့် ငါးဖျန်းအရွယ်များကို ချိန်တွယ်နိုင်မည့်ချိန်ခွင်ကောင်းကောင်းတစ်ခု၊
- (ဋ) ငါးသားပေါက်များ ထုပ်ပိုးမည့် အသုံးအဆောင်ပစ္စည်းများ(လေအိုး၊ လေပိုက်၊ ပလတ်စတစ်၊သားရေကွင်း၊ ငါးသားပေါက်ချိန်ခွင်၊ ဖော့ပုံး(သို့မဟုတ်)ကတ္ထူစက္ကူပုံး၊
- (ဌ) ငါးသားပေါက်များ ထုပ်ပိုးခြင်းနှင့် တင်/ချ ပြုလုပ်မည့်နေရာ
စသည်တို့ လိုအပ်ပါသည်။
၂။ မျိုးငါးကန်
- (က) တီလားပီးယားမျိုးငါးကန်သည် ရေရယူနိုင်သော ရေအရင်းအမြစ်နှင့် နီးသောနေရာတွင် ရှိရပါမည်။
- (ခ) ၎င်းကန်သည် ရေသွင်းရေထုတ်ပြုလုပ်ရန် အဆင်ပြေလွယ်ကူပြီး ဆိတ်ငြိမ်သောပတ်ဝန်းကျင်နှင့် သယ်ယူပို့ဆောင်ရေး လွယ်ကူအဆင်ပြေသောနေရာ ဖြစ်ရပါမည်။
- (ဂ) ယေဘုယျအားဖြင့် တီလားပီးယားသားဖောက်မည့် မြေသားကန်သည် ဧရိယာအနေဖြင့် ၁၄၀၀-၄၀၀ဝ မီတာ ပတ်လည်ခန့် (၀.၃၅ ဧကအရွယ်မှ ၀.၉၉ ဧက) ရှိရပါမည်။
- (ဃ) မျိုးငါးများထည့်သွင်းပြီးနောက် များမကြာမီ ကန်ရေအနက်ကို(၁.၄-၁.၅)မီတာ ထည့်သွင်းဖြည့်တင်းပြီးထိန်းထားပါက ပိုမိုကောင်းမွန်ပါသည်။
- (င) မိတ်လိုက်ဥချသားပေါက်ချိန်တွင် ကန်ရေအနက်ကို (၀.၈-၁.၅)မီတာအနက်သို့ လျှော့ချရပါမည်။သို့သော် နွေရာသီအပူချိန်မြင့်မားသော ကာလအတွင်း ကန်ရေအနက်ကို (၁.၂-၁.၄)မီတာသို့ ဖြည့်တင်းမြှင့်တင်ထားပါက ကောင်းမွန်ပါသည်။
- (စ) ကန်ပုံစံသည် စတုဂံပုံဖြစ်ရမည်ဖြစ်ပြီး တောင်-မြောက် တန်းလျက်ရှိသောကန်ဘောင်ထက် အရှေ့-အနောက်တန်းနေသော ကန်ဘောင်က ပိုမိုရှည်ရမည်ဖြစ်ပါသည်။
- (ဆ) မျိုးငါးများ အသိုက်ပြုလုပ်ခြင်းနှင့် ဥချခြင်းပြုလုပ်နိုင်ရန် ကန်ရေအနက်သည် ကန်ဘောင်နှင့် နီးကပ်သည့်နေရာတွင် တိမ်ရမည်ဖြစ်သည်။
- (ဇ) ကန်၏အောက်ခြေမျက်နှာပြင်သည် ပြန့်ဖြူးညီညာ၍ ကန်အလယ်သို့ ချိုင့်ဝင်နေသောအနေအထား ရှိရပါမည်။
- (စျ) ကန်အောက်ခြေအနည်များသည် နုန်းမြေ(သို့မဟုတ်) သဲနုန်းမြေ အမျိုးအစားဖြစ်ရပါမည်။
- (ည) ကန်အတွင်းဘက်ကန်ဘောင်နှင့် နီးကပ်သောနေရာ ရေတိမ်ပိုင်းတွင် မြက်ရိုင်းများပေါက်နေပါက ငါးသားပေါက်များ ပိုက်ဆွဲဖမ်းဆီးရာတွင် အဆင်မပြေမှုများ ဖြစ်နိုင်ပါသည်။
၃။ သားဖောက်ခြင်းပြုလုပ်ရန် မြေသားကန်၊ အုတ်ကန် (သို့မဟုတ်) ပိုက်လှောင်အိမ်
- (က) တီလားပီးယားသားဖောက်ခြင်းပြုလုပ်မည့် မြေသား - ကန်များသည် ရေအရင်းအမြစ်နှင့် နီးကပ်သောနေရာတွင် တည်ရှိရမည်ဖြစ်ပြီး မျိုးငါးကန်များ၊ ပြုစုကန်များတို့နှင့် နီးကပ်သောနေရာတွင် ရှိရမည်ဖြစ်သည်။
- (ခ) ပတ်ဝန်းကျင်ဆိတ်ငြိမ်ပြီး သယ်ယူပို့ဆောင်ခြင်း အဆင်ပြေသည့်နေရာ၊ ရေသွင်းရေထုတ်ပြုလုပ်ရန် အဆင်ပြေသည့်နေရာဖြစ်ပါက ပိုမိုကောင်းမွန်ပါသည်။
- (ဂ) ယေဘုယျအားဖြင့် တီလားပီးယားသားဖောက်မည့် မြေသားကန်ဧရိယာအကျယ်အဝန်းသည် ၁၀၀၀-၄၀၀၀ မီတာပတ်လည်ခန့် (၀.၂၅ ဧကအရွယ်မှ ၀.၉၉ ဧက)ရှိရပါမည်။
- (ဃ) ကန်အရွယ်ကြီးလွန်းခြင်း(သို့မဟုတ်)သေးငယ်လွန်းခြင်းဖြစ်ပါက သားပေါက်များပြန်လည်ဖမ်းယူခြင်း (သို့မဟုတ်) ကန်ရေအရည်အသွေး ပြုပြင်ထိန်းသိမ်းစီမံခန့်ခွဲရန် အဆင်မပြေနိုင်ပါ။
- (င) မိတ်လိုက်ဥချသားပေါက်ချိန်တွင် ကန်ရေအနက်ကို (၀.၈ - ၁.၅) မီတာအနက်တွင် ထိန်းထားနိုင်ပါက ပိုမိုကောင်းမွန်ပါသည်။ သို့သော် နွေရာသီအပူချိန်မြင့်မားသောကာလအတွင်း ကန်ရေအနက်ကို (၁.၂-၁.၄)မီတာသို့ ဖြည့်တင်းမြှင့်တင်ထားပါက ကောင်းမွန်ပါသည်။
- (စ) ကန်ပုံစံသည် စတုပံပုံဖြစ်ရမည်ဖြစ်ပြီး တောင်-မြောက်တန်းလျက်ရှိသော ကန်ဘောင်အလျားထက် အရှေ့-အနောက်တန်းနေသော ကန်ဘောင်အလျားက ပိုမိုရှည်ရမည်ဖြစ်ပါသည်။
- (ဆ) မျိုးငါးများ အသိုက်ပြုလုပ်ခြင်းနှင့် ဥချခြင်းပြုလုပ်နိုင်ရန် ကန်ရေအနက်သည် ကန်ဘောင်နှင့် နီးကပ်သည့်နေရာတွင် တိမ်ရမည်ဖြစ်သည်။
- (ဇ) ကန်၏ အောက်ခြေမျက်နှာပြင်သည် ပြန့်ဖြူးညီညာ၍ ကန်အလယ်သို့ ချိုင့်နေသော အနေအထားရှိရပါမည်။
- (စျ)ကန်အောက်ခြေအနည်များသည် နုန်းမြေ(သို့မဟုတ်)သဲနုန်းမြေ အမျိုးအစား ဖြစ်ရပါမည်။
ရေးသားသူ-ပင်လယ်ပြာ(ငါးဦးစီး)
Ref; ငါးလုပ်ငန်းသင်တန်းကျောင်းမှ ပို့ချသော အချက်အလက်များ။
(အပိုင်း-၂ တွင် သားဖောက်ရုံ၊ ငါးသားပေါက်ပြုစုခြင်းနှင့် ငါးဖျန်းအရွယ်မွေးမြူခြင်း စသည်တို့ကို ဆက်လက်ဖော်ပြပေးပါမည်။)
ဆက်စပ်မေးခွန်းများ
ပုစွန်ကို ဘယ်လုပ် မမွှေးဖွားလဲ
ကိုကိုနိုင် • ဖြေကြားချက် 0 ခု
ငါးရံ့၊ငါးခူ ငါးသားပေါက်များမှာယူချင်လို့ပါ...စိတ်ချရမယ့် ဆက်သွယ်ရမယ့်ဖုန်းနံပါတ်ဖြစ်ဖြစ် ဆိုင်လိပ်စာ ဖြစ်ဖြစ် မအူပင်နဲ့ဖျာပုံအနီးအနားကနေရာများကိုညွှန်ပေးကြပါအုံးခင်ဗျာ့....အရေးကြီးအမြန်လိုအပ်နေလို့ပါ။
YS • ဖြေကြားချက် 2 ခု
မအူပင်မှာ ငါးတန်သားပေါက်များ ဘယ်မှာဝယ်လို့ရလဲ?
YS • ဖြေကြားချက် 4 ခု
ငါးကို ဆေးထိုးသာဖောက်တာဘယ်လိုဆေးကိုအသုံပြုလဲငါးရဲ့ဘယ်နေရာကိုထိုးရလဲ ဘယ်လောက်ccထိုးပေးရလဲ
Swe Mg. Mg • ဖြေကြားချက် 6 ခု
ငါးခူသားပေါက် ၂လက်မဆိုဒ်တေ ၂ရက်အတွင်းသေတာ ၅၀၀ရှိပါပြီ ဘာကြောင့်ဖြစ်တာလဲယ ဘာဆေးသူံးပေးရမလဲဗျာ
Tun Tun Naing • ဖြေကြားချက် 0 ခု
နောက်ဆုံး ဆောင်းပါးများ
နိုဝင်ဘာ ၉ မှ ၁၅ ရက်အတွင်း မြန်မာနိုင်ငံကို ခြိမ်းခြောက်နိုင်သည့် မုန်တိုင်းဖြစ်ပေါ်နိုင်ခြေ လုံးဝမရှိ
09/11/2026
အပင်ရဲ့ အစာချက်လုပ်မှုကို ထိခိုက်စေတဲ့ သရက်ခေါင်ညွန့်စားပိုး(သို့) သရက်ရွက်အိမ်ဖွဲ့ပိုး
09/11/2026
တစ်ပတ်စာ ဈေးကွက်သုံးသပ်ချက် (2-6.11.2026)
06/11/2026
စစ်ကိုင်းတိုင်း၊ ကချင်ပြည်နယ်နှင့် ရှမ်းပြည်နယ် (မြောက်ပိုင်း) ဒေသများအတွက် မိုးလေဝသခန့်မှန်းချက် (နိုဝင်ဘာ ၅ -၁၁အထိ)
06/11/2026
ဗီဒီယို
GPS မဖွင့်ဘဲ မိုးလေဝသ ကြည့်လို့ရပြီ
06/11/2026
More from နှင်းဖြူဖြူ
အားလုံး
ငါးဗျားငါး၏ ထူးခြားသောသဘာဝနှင့် ဂေဟစနစ်အတွက် အကျိုးပြုပုံ
04/11/2026
စူပါအယ်လ်နီညို၏ ငါးမွေးမြူရေးကဏ္ဍအပေါ် သက်ရောက်မှုများ
19/10/2026
ဂေဟစနစ်ကို ကောင်းကျိုးပြုသော ဘီလုံးငှက်များ
09/10/2026
ကွက်ဆန်း ဂုံးကောင် သို့မဟုတ် ပြောက်ကျားဂုံး၏ ထူးခြားသောသဘာဝနှင့် အသုံးဝင်ပုံ
09/09/2026
အသံ
ရေငန်ငါးတစ်မျိုးဖြစ်တဲ့ ငါးပုလဲ(ခေါ်) ဆင်နားရွက်ငါး၏ ထူးခြားသောသဘာဝ
07/08/2026
