မိုချာမုန်တိုင်းပြင်းအား စံနှုန်းသတ်မှတ်ချက် မြင့်တက်လာ

‘အမေရိကန်ကာကွယ်ရေးအဖွဲ့က ဦးစီးလုပ်ကိုင်တဲ့ (JTWC- Joint Typhoon Warning Center) နဲ့ ဥရောပသမဂ္ဂ(EU) နဲ့ ကုလသမဂ္ဂ (UN) က ဦးစီးလုပ်နေတဲ့ "ကမ္ဘာ့သဘာဝဘေးဆိုင်ရာသတိပေးချက် ထုတ်ပြန်ခြင်းနှင့် ပူးပေါင်းဆောင်ရွက်ခြင်းစနစ်" (Global Disaster Alert and Coordination SYSTEM - GDACS) တို့ရဲ့ ထုတ်ပြန်ချက်အသစ်တွေအရ မုန်တိုင်းဒဏ်(လေတိုက်နှုန်း ၁၆၇ ကီလိုမီတာနှုန်း - တစ်နာရီ ၁၀၃.၇ မိုင်)နှင့်အထက် ခံစားရမဲ့လူဦးရေ ၃ သန်းအထိ ဖြစ်လာပြီး မုန်တိုင်းကုန်းတွင်းဝင်ကာနီးမှာ လေတိုက်နှုန်းတစ်နာရီ ၁၃၂.၃၃ မိုင်အထိ ရှိလာနိုင်တာကြောင့် CAT-2 ဆိုင်ကလုန်းဖြစ်လာနိုင်ပါမယ်’ လို့ နိုင်ငံတကာမိုးလေဝသထုတ်ပြန်ချက်တွေကို ကိုးကားပြီး မိုးလေဝသခန့်မှန်းပေးနေသူ ဦးဝင်းနိုင်က ပြောပါတယ်။ 

CAT-2 မုန်တိုင်းဆိုတာကတော့ အားကောင်းတဲ့ ဆိုင်ကလုန်းမုန်တိုင်း Severe Cyclone ဖြစ်ပြီး သူ့ရဲ့စံသတ်မှတ်ချက်ကတော့ အောက်ပါအတိုင်း ဖြစ်ပါတယ်။

#အားကောင်းတဲ့ ဆိုင်ကလုန်းမုန်တိုင်း Severe Cyclone 

• အစိမ်းရင့်ရောင်ကို သုံးပါတယ်။
• NEW SAFFIR-SIMPSON WIND SCALE မှာ CATEGORY-2 (CAT-2)
• လေတိုက်နှုန်း စံသတ်မှတ်ချက် - "၃ မိနစ် ဆက်တိုက် တိုက်ခတ်သောလေပြင်း တစ်နာရီ ၉၆ မိုင်နှုန်းမှ တစ်နာရီ ၁၁၀ မိုင်နှုန်းအထိ ရှိလာခြင်း" (84 knots to 95 knots)

‘လက်ရှိမှာတော့ ဒီညနေ ၃ နာရီကျော်အချိန်ကစပြီး မြစ်ဝကျွန်းပေါ်ကို မုန်တိုင်းအပြင်တိမ်တိုက်တွေ စပြီး ထိနေပြီဖြစ်လို့ လေဆင်နှာမောင်း ရေဆင်နှာမောင်းတွေ သတိထားကြရတော့မယ်’ လို့လည်း ဦးဝင်းနိုင်က သတိပေးထားပါတယ်။

လက်ရှိအနေအထားတွေအရတော့ Rapid Intensification (ရုတ်တရက် အားပိုကောင်းလာခြင်း)ကို ရင်ဆိုင်ကြရတော့မဲ့ အခြေအနေကြုံလာရလို့ ပိုမိုသတိထားရတော့မယ့်အခြေအနေဖြစ်လာတယ်လို့လည်း ဦးဝင်းနိုင်က သတိပေးပါတယ်။ ဒါ့အပြင် လက်ရှိနောက်ဆုံးထုတ်ပြန်ချက်တွေအရ မုန်တိုင်းတိုက်ရိုက် သက်ရောက်နိုင်တဲ့ ဧရိယာဟာ ယခင်ခန့်မှန်းတဲ့ စစ်တွေမြောက်ဘက်နဲ့ တောင်ဘက် မိုင် ၁၅၀ အတွင်းဆိုတာထက် လျော့သွားစရာမရှိဘဲ ပိုကျယ်လာဖို့သာရှိနေတယ်လို့လည်း ဦးဝင်းနိုင်က Green Way ကို ပြောပါတယ်။

Photos Crd_ U Win Naing, မိုး/ဇလ

#(မိမိဒေသ မြို့နယ်တစ်ခုချင်းအလိုက် အသေးစိတ်မိုးလေဝသအခြေအနေများကို သိလိုပါက Green Way app ရှိ ‘ မေးကြ၊ ဖြေကြ ဒေသအလိုက် မိုးလေဝသ’ အဖွဲ့တွင် အခမဲ့အဖွဲ့ဝင်ပြီး ဆရာနှင့် တိုက်ရိုက်မေးမြန်းနိုင်ပါသည်)

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။ 

မာလာမြိုင် ကုမ္ပဏီ ကြော်ငြာ

ဦးကြီးတို့ရဲ့ မြေကြီးက ရွှေသီးဖို့ပဲ ဖြစ်သင့်တာပေါ့။ ဒါပေမဲ့ စပါးခင်းထဲ ရွှေခရုရောက်လာပြီဆိုရင်တော့ မြေကြီးက ရွှေသီးဖို့ကို အနှောင့်အယှက် ကောင်းကောင်းကြီးပေးပါလိမ့်မယ်။ မြန်မာ့မျိုးရင်းခရုမဟုတ်တဲ့ တောင်အမေရိကမျိုးစိတ်ဖြစ်ပြီး မြန်မာနိုင်ငံကို ကျူးကျော်လာတဲ့ မျိုးစိတ်ဖြစ်တာကြောင့် အကောင်ပွားနှုန်းကလည်း အဆမတန် မြင့်တက်လာပါတယ်။ ခရုအမ တစ်ကောင်က တစ်ခါ ဥ မယ်ဆိုရင် ဥအရေအတွက် ၁၀၀ ကနေ ၁၀၀၀ အထိ အတွဲလိုက်ဥကြပြီး တစ်နှစ်မှာ ၃ ကြိမ်အထိ မျိုးပွားနိုင်ပါတယ်။ စပါးခင်းတွေမှာ ရွှေခရုကျပြီဆိုရင် ပန်းရောင် ဥ တွေ ကို စပါးပင်တွေမှာ တွေ့ရနိုင်ပါတယ်။ ဒီရွှေခရုတွေကို ရှင်းပစ်ဖို့အတွက်ကတော့ မာလာမြိုင်ရဲ့ ခရုဘုရင် ရှိနေပါပြီ။ ခရုဘုရင်က စားသေအစွမ်းနဲ့ အဆိပ်ငွေ့အာနိသင်ရှိတာကြောင့် ရွှေခရုတွေကို အထိရောက်ဆုံး ရှင်းပေးနိုင်မှာပါ။ အစွမ်းရှိပစ္စည်းဖြစ်တဲ့ Niclosamide -olamine 83.1% WP ပါဝင်ပြီး Chloronitrophenol ဆေးအုပ်စုထဲ ပါဝင်ပါတယ်။ ရေဖျော်ဆေးမှုန့်အမျိုးအစားဖြစ်လို့ ရေ ၂၀ လီတာဝင်တဲ့ဆေးဖျန်းပုံး တစ်ပုံးမှာ ၄၀ ကနေ ၅၀ ဂရမ်အထိ အသုံးပြုနိုင်ပါတယ်။ နှုန်းထားကိုတော့ တစ်ဧကမှာ ၁၅၀ ကနေ ၂၀၀ ဂရမ်နဲ့ တွက်ချက်ပေးထားပါတယ်။ သတိပြုရမှာတော့ ဆေးဖျန်းပြီးနောက်ပိုင်း စပါးခင်းအတွင်းမှာရှိတဲ့ ရေကို ၅ စင်တီမီတာနဲ့ ၃ ရက်ထားဖို့ လိုအပ်ပါတယ်။ ဆေးဖျန်းပြီး ၅၂ ရက်ကြာမှ ရိတ်သိမ်းသင့်ပါတယ်။ ခရုဘုရင်နဲ့ဆို စပါးခင်းကို ဒုက္ခပေးတဲ့ ရွှေခရုတွေကို ရှင်းလင်းနိုင်ပြီး မြေကြီးက ရွှေသီးနိုင်ပြီပေါ့ဗျာ။

Read more

Facebook Page သို့သွားရန်