သီးနှံပင်များ ယှဉ်တွဲစိုက်ပျိုး အကျိုးရှိလိုသော်.. (၂)

အဖော်ပင်စိုက်ပျိုးခြင်း (သို့မဟုတ်) သီးနှံပင်တွေ အတူယှဉ်တွဲစိုက်ပျိုးခြင်းဟာ ပိုးမွှားတွေကို တွန်းလှန်နိုင်ပြီး ကျန်းမာသန်စွမ်းတဲ့ အပင်တွေရရှိလာစေဖို့ ကူညီပေးနိုင်တဲ့ သဘာဝစိုက်ပျိုးနည်းစနစ်တစ်ခုဖြစ်ပါတယ်။

ဒါပေမဲ့ ဒီလိုအကျိုးရှိရှိ တွဲဖက်စိုက်ပျိုးဖို့ဆိုရင် ဘယ်လိုအပင်တွေက တွဲဖက်စိုက်ပျိုးဖို့သင့်တော်တယ်၊ ဘယ်လိုအချက်တွေကို သတိပြုလုပ်ဆောင်ဖို့လိုတယ်ဆိုတဲ့အချက်တွေကိုတော့ သိထားဖို့လိုပါတယ်။

ဘယ်လိုအချက်တွေလုပ်ဆောင်ဖို့လိုတာလဲဆိုတာတွေနဲ့ပတ်သက်လို့ အချက်(၄) ချက်ကို အပိုင်း(၁) မှာ ဖော်ပြခဲ့ ပြီးဖြစ်ပါတယ်။ အောက်ပါလင့်ကနေ ဝင်ရောက်ဖတ်ရှုနိုင်ပါတယ်။

https://bit.ly/3Js9Wzt

အခု အပိုင်း(၂) မှာတော့ နောက်ထပ်လုပ်ဆောင်သင့်တဲ့အချက်(၅) ချက်နဲ့ ရှောင်ရှားသင့်တဲ့အချက်တွေကို ဆက်လက်ဖော်ပြပေးသွားပါမယ်။

၅။ ထောင်ချောက်သီးနှံတွေ စိုက်ပျိုးပါ

ထောင်ချောက်သီးနှံတွေဟာ စိုက်ပျိုးထားတဲ့ ဟင်းသီးဟင်းရွက်အပင်တွေထက် ပိုးမွှားတွေကို ပိုမို ဆွဲဆောင်နိုင်တဲ့ အပင်တွေဖြစ်ကြပါတယ်။ စိုက်ခင်းပတ်ဝန်းကျင်မှာ ထောင်ချောက်သီးနှံတွေကို စိုက်ပျိုးထားခြင်းဖြင့် အမှန်တကယ်ရိတ်သိမ်းခူးဆွတ်လိုတဲ့ ဟင်းသီးဟင်းရွက်တွေမှာ ကျရောက်နိုင်တဲ့ အဖျက်ပိုးမွှားတွေကို ဖယ် ရှားပေးနိုင်မှာ ဖြစ်ပါတယ်။

ဥပမာအနေနဲ့ တောင်ကြာကလေး (Nasturtium) အပင်တွေဟာဆိုရင် ပျပိုးနဲ့ ကျိုင်းပိုး (ပိုးတောင်မာ) အပါအဝင် အခြားဖျက်ဆီးနိုင်တဲ့ အင်းဆက်အမျိုးမျိုးအတွက် ထောင်ချောက်သီးနှံအဖြစ် လုပ်ဆောင် ပေးနိုင်တာ ဖြစ်ပါတယ်။ ထို့နည်းတူ ထောင်ချောက်သီးနှံအဖြစ် နှံစားပြောင်း၊ နေကြာ၊ ထပ်တရာပန်း၊ ဖက်ယားပင်၊ မုန်လာဥ၊ ကြက်သွန်ဖြူ၊ ကြက်သွန်နီ စတဲ့အပင်တွေကိုလည်း အသုံးပြုနိုင်ပါတယ်။

၆။ အပင်ကြီးထွားဖွံ့ဖြိုးစေဖို့ သဘာဝအတိုင်း ပံ့ပိုးပေးပါ

ညီအစ်မသုံးဖော် စိုက်ပျိုးနည်းလမ်းအတိုင်း ပြောင်း၊ နှံစားပြောင်း၊ မညှိုးပန်းနဲ့ နေကြာကဲ့သို့သော အရပ်ရှည်ပြီး သန်မာတဲ့အပင်တွေကို နွယ်တက်တဲ့အပင်တွေနဲ့ တွဲဖက်စိုက်ပျိုးခြင်းဖြင့် ကောင်းစွာကြီးထွားဖွံ့ဖြိုးစေဖို့ သဘာဝအတိုင်း ပံ့ပိုးကူညီနိုင်မှာ ဖြစ်ပါတယ်။

၇။ အရိပ်ရတဲ့အပင်တွေ စိုက်ပျိုးပေးပါ

ဟင်းသီးဟင်းရွက်နဲ့ ဟင်းခတ်အမွှေးအကြိုင် အပင်အများစုဟာ နေရောင်ခြည် အပြည့်အဝရရှိတာကို ကြိုက် နှစ်သက်ပေမဲ့လည်း နွေရာသီလို ပူပြင်းတဲ့အချိန်မှာဆိုရင် နေလောင်ဒဏ်ကို ခံရနိုင်ပါတယ်။ ၎င်းအခြေအနေမှာ အမိုးအကာနဲ့ အရိပ်ပေးနိုင်ဖို့အတွက် သင့်တော်တဲ့အဖော်ပင်တွေ တွဲဖက်စိုက်ပျိုးထားခြင်းဖြင့် သီးနှံပင်တွေ အပူဒဏ်ခံရတာကို ကာကွယ်ပေးနိုင်မှာ ဖြစ်ပါတယ်။

ဥပမာအားဖြင့် ပင်စိမ်းနဲ့ ခရမ်းချဉ်ကို တွဲဖက်စိုက်ပျိုးထားခြင်းဖြင့် ပင်စိမ်းရွက်တွေကို တောက်ပတဲ့ နေရောင်ခြည်ကနေ အကာအကွယ်ပေးနိုင်ပြီး အရွက်လောင်တာမျိုး မဖြစ်အောင် ကူညီပေးနိုင်မှာ ဖြစ်ပါတယ်။ အပြန်အလှန်အားဖြင့် ပင်စိမ်းပင်ဟာ ခရမ်းချဉ်ပင်မှာကျရောက်တတ်တဲ့ အဖျက်ပိုးမွှားနဲ့ ရောဂါပြဿနာ အချို့ကို လျော့ပါးစေမှာ ဖြစ်ပါတယ်။

၈။ ပေါင်းပင်များကို ထိန်းချုပ်ကာကွယ်ပါ

ကြီးမားတဲ့ အရွက်တွေပါရှိတဲ့ အပင်တွေဟာ နေရောင်တိုက်ရိုက်မကျအောင် အရိပ်ပေးနိုင်ရုံမက ၎င်းထက် ပိုပြီးလုပ်ဆောင်နိုင်သေးတာ ဖြစ်ပါတယ်။ အရွက်စိမ်းစိမ်းနဲ့ ကြီးမားတဲ့အရွက်ပါရှိတဲ့ အပင်တွေဟာ မြေဆီ လွှာကို ဖုံးအုပ်ပေးထားနိုင်တဲ့အပြင် ပေါင်းပင်ကြီးထွားမှုကို သဘာဝအတိုင်း တားဆီးပေးနိုင်မှာ ဖြစ်ပါတယ်။ ထို့ကြောင့် ပေါင်းသတ်ဆေးလိုအပ်မှုကိုလည်း အထိုက်အလျောက် လျှော့ချနိုင်မှာ ဖြစ်ပါတယ်။ ဒါ့အပြင် မြေဆီလွှာကို ဖုံးအုပ်ထားခြင်းဖြင့် ရေငွေ့ပျံနှုန်းကို နှေးကွေးစေပြီး အနီးပတ်ဝန်းကျင်မှာရှိတဲ့ အပင်တွေ အတွက် အစိုဓာတ်ကိုလည်း ထိန်းပေးထားနိုင်မှာ ဖြစ်ပါတယ်။

၉။ ကြီးထွားမှုမြန်တဲ့ အပင်တွေနဲ့ တွဲဖက်စိုက်ပျိုးပါ

ခရမ်းချဉ်၊ ဗူး၊ ဖရုံနဲ့ သခွားကဲ့သို့သော အပင်တွေဟာ ကြီးထွားမှုနှေးကွေးပြီး ရိတ်သိမ်းခူးဆွတ်ဖို့အတွက် လအနည်းငယ်ကြာ အချိန်ပေးရမှာဖြစ်ပါတယ်။ စိုက်ပျိုးမြေရဲ့ အကျယ်အဝန်းကို အကျိုးရှိရှိအသုံးချပြီး သီးနှံပင်အချင်းချင်း အကျိုးပြုနိုင်ဖို့အတွက် ကြီးထွားမှုလျင်မြန်တဲ့ ဟင်းသီးဟင်းရွက်တွေကို အဖော်ပင် အနေနဲ့ စိုက်ပျိုးသင့်ပါတယ်။ မုန်လာဥနီ၊ မုန်လာဥဖြူနဲ့ ဆလတ်တို့ကဲ့သို့သော အပင်တွေစိုက်ပျိုးထားမယ်ဆိုရင် ခရမ်းချဉ်သီးတွေ မရင့်မှည့်ခင်မှာပဲ ၁ ကြိမ် (သို့မဟုတ်) ၂ ကြိမ်ခန့် ရိတ်သိမ်းနိုင်မှာပဲ ဖြစ်ပါတယ်။

တွဲဖက်စိုက်ပျိုးရာမှာ ရှောင်ရှားသင့်တာ..

အပင်အများစုကို တွဲဖက်စိုက်ပျိုးခြင်းဟာ အကျိုးရှိပေမဲ့လည်း အချို့သောအပင်တွေကတော့ ဆိုးကျိုး သက်ရောက်မှုရှိနိုင်ပါတယ်။ အနက်ရောင်သစ်ကြားသီးနဲ့ စမုန်နက်ကဲ့သို့သော အပင်မျိုးစိတ်တွေဟာဆိုရင် ၎င်းတို့ရဲ့အနီးနားမှာရှိတဲ့ အပင်တွေရဲ့ကြီးထွားမှုကို ဟန့်တားနိုင်တဲ့ ဒြပ်ပေါင်းတွေကို ထုတ်လုပ်ပေးတာ ကြောင့် ၎င်းတို့ကို ဟင်းသီးဟင်းရွက်ပင်တွေရဲ့ အနီးမှာ ဘယ်သောအခါမှ မစိုက်ပျိုးသင့်ပါဘူး။

ဒါ့အပြင် ရောဂါနဲ့ အဖျက်ပိုးမွှားတွေ မပြန့်ပွားစေဖို့အတွက် အချို့သောအပင်မျိုးစိတ်များကို အတူတကွ စိုက်ပျိုးတာမျိုး ရှောင်ကြဉ်သင့်ပါတယ်။ ဥပမာအားဖြင့်၊ ငရုတ်ကောင်း၊ ခရမ်းချဉ်၊ အားလူး၊ ခရမ်းသီး ကဲ့သို့သော Nightshade အပင်တွေဟာဆိုရင် တူညီတဲ့ အဖျက်ပိုးမွှားတွေကို ခုခံနိုင်စွမ်းမရှိတာကြောင့် ၎င်းသီးနှံတွေကိုစိုက်ပျိုးမယ်ဆိုရင် နေရာအတော်သင့်ခြားပြီးမှ စိုက်ပျိုးသင့်ပါတယ်။

ဇင်ထူးနိုင်

Ref: https://www.bhg.com/

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။

ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...