မိမိရဲ့ ဖုန်းနံပါတ်ကို ဘယ်လို ပြန်စစ်မလဲ ?

15/06/2020 12:00 PM တွင် အစိမ်းရောင်လမ်း အစိမ်းရောင်လမ်း မှ ရေးသား ပြီး Greenovator Greenovator မှ ပေးပို့ထားပါသည်။

“ခေတ်မီတောင်သူဖြစ်ဖို့ ဒစ်ဂျစ်တယ်နည်းပညာ လေ့လာစို့” အစီစဥ်လေးကနေ ပြန်လည်ကြိုဆို လိုက်ပါတယ် ခင်ဗျ။ ယခင်တစ်ပတ်ကတော့ ဖုန်းထဲမှာ ပါဝင်တဲ့ ဆက်တင်ရဲ့ အကြောင်းကို ဗဟုသုတအနေနဲ့ မျှဝေပေးခဲ့တာ ဖြစ်ပါတယ် ခင်ဗျ။ ယခုတစ်ပတ်မှာတော့ တောင်သူဦးလေး ဒေါ်လေးတို့ မိမိရဲ့ ဖုန်းနံပါတ် ပြန်စစ်ဖို့၊ ဖုန်းငွေလက်ကျန်စစ်ဖို့ ကျွန်တော်တို့ အစိမ်းရောင်လမ်းကနေ ပြန်လည် မျှဝေပေးသွားပါမယ် ခင်ဗျ။ အောက်မှာ ဖော်ပြပေးထားပါတယ် ခင်ဗျ။ 

MPT       -     *88# Call

Mytel      -     *88# Call

Telenor   -     *97# Call

Ooredoo -     *133*6*2# Call

မိမိရဲ့ ဖုန်းနံပါတ်ကို မမှတ်မိဘူး အလွတ်မရဘူးဆိုရင်တော့ အထက်မှာ ဖော်ပြခဲ့တဲ့ အတိုင်းနှိပ်ပြီး မိမိရဲ့ ဖုန်းနံပါတ်ကို ပြန်လည် စစ်ဆေးနိုင်ပါတယ် ခင်ဗျ။ 

ဒါ့အပြင် မိမိရဲ့ ဖုန်းမှာ ငွေ လက်ကျန် ဘယ်လောက်ရှိသေးလဲ ဆိုတာ သိချင်ရင်တော့ *124# Call ကို နှိပ်ပြီး စစ်ဆေးနိုင်ပါတယ် ခင်ဗျ။ အခုလိုမျိုး မိမိဖုန်းနံပါတ် ပြန်စစ်တာတွေ၊ ငွေလက်ကျန် စစ်ဆေးတာမျိုးတွေအတွက် ဦးလေး ဒေါ်လေးတို့ရဲ့ ဖုန်းထဲကနေ ငွေဖြတ်မှာ မဟုတ်ကြောင်း အသိပေးပါရစေ ခင်ဗျ။ တောင်သူ ဦးလေး ဒေါ်လေးတို့ အားလုံး ဖုန်းအသုံးပြုရာမှာ အဆင်ပြေကြပါစေ ခင်ဗျ။ တနင်္လာနေ့တိုင်း ယခုအစီစဥ်လေးကို ဖော်ပြမှာ ဖြစ်လို့ စောင့်ကြည့်ပေးကြပါအုံး ခင်ဗျ။

ယခင်တစ်ပတ်က ဖုန်းဆက်တင် (Setting)  အကြောင်းဖော်ပြထားတဲ့ ဆောင်းပါလေးကို ပြန်လည်ဖတ်ရှုချင်ရင်တော့ ဖော်ပြပါ လင့်ကနေတစ်ဆင့် ဝင်ရောက်ဖတ်ရှုနိုင်ပါတယ် ခင်ဗျ။ 

ဖုန်းထဲမှာ ပါဝင်တဲံ Setting (ဆက်တင်) ကို လေ့လာခြင်း