မေ ၂၃ တွင် စဖြစ်နိုင်သည့် လေဖိအားနည်းရပ်ဝန်း မုန်တိုင်းအဆင့်ရောက်သွားပါက အန္တရာယ်ကြီးနိုင်

22/05/2022 07:30 AM တွင် အစိမ်းရောင်လမ်း အစိမ်းရောင်လမ်း မှ ရေးသား

ဘင်္ဂလားပင်လယ်အော်အရှေ့အလယ်ပိုင်းတွင် လေဖိအားနည်းရပ်ဝန်းဖြစ်လာနိုင်မှု စောင့်ကြည့်ရမယ့်အခြေအနေ (Invest system) တစ်ခုဖြစ်နေပြီး တကယ်လို့ အဲ့ဒါက မုန်တိုင်း အဆင့်ထိရောက်သွားပြီး လက်ရှိခန့်မှန်းလမ်းကြောင်းအတိုင်းအားကောင်းလာရင် နာဂစ်လိုမျိုးထိ အန္တရာယ်ရှိနိုင်တယ်လို့ အပြည်ပြည်ဆိုင်ရာမိုးလေဝသစောင့်ကြည့်လေ့လာသူတစ်ဦးဖြစ်သူ ဦးဝင်းနိုင်က သတိပေးပါတယ်။

ကမ္ဘာလုံးဆိုင်ရာ မိုးလေဝသခန့်မှန်းဝက်ဘ်ဆိုဒ်တွေဖြစ်တဲ့ ECMWF နဲ့ GFS တို့ရဲ့ Model ခန့်မှန်းချက်တွေအရ ဦးဝင်းနိုင်က သုံးသပ်ပြောဆိုတာပါ။

“ အခုလမ်းကြောင်းအတိုင်း အားကောင်းလာရင်တော့ ဆိုးမှာသေချာတယ်။ လမ်းကြောင်းက မြောက်ဘက်ကို ကွေ့ပြီး အားကောင်းမလာခင် မြန်မြန်ရွေ့သွားမှ ဧရာဝတီနဲ့ ရန်ကုန် ပဲခူး သက်သာမယ်။ နာဂစ်လမ်းကြောင်းထက် အပေါ် နည်းနည်းလေးပဲ ရောက်တာ၊ နာဂစ်လောက် အားကောင်းမလာပါစေနဲ့ ဆုတောင်းရမှာပေါ့”

INVEST SYSTEM က ဧရာဝတီအနောက်ဘက် ကမ်းရိုးတန်းကို မေလ ၂၃ ရက် ည သန်းခေါင်ကျော်အချိန် ဂေါ်ရန်ဂျီကျွန်းနဲ့ ငွေဆောင်/ချောင်းသာကမ်းခြေကြားက ဖြတ်ဝင်တဲ့ အချိန် SYSTEM ရဲ့ ရှေ့နဲ့ တောင်ဘက်မှာရှိနေတဲ့ ဧရာဝတီမြစ်ဝကျွန်းပေါ်ဒေသ၊ ရန်ကုန်တိုင်းနဲ့ ပဲခူးတိုင်းတွေမှာ လေပြင်းတိုက်ခတ်ခြင်းနဲ့ မိုးကြီးခြင်းတွေ စတင်ဖြစ်ပေါ်နိုင်ပါမယ်လို့ ဦးဝင်းနိုင်က ပြောပါတယ်။

ကြိုတင်ခန့်မှန်းချက်ဖြစ်လို့ လမ်းကြောင်းပြောင်းတာတွေဖြစ်နိုင်ပေမယ့် တကယ်ဖြစ်လာရင်တော့ အန္တရာယ်ကြီးနိုင်လို့ ကြိုတင်ပြင်ဆင်မှုတွေလုပ်သင့်တယ်လို့ ဆိုပါတယ်။

“ ပြင်ဆင်ချိန်ကတော့ နောက်ထပ် ၂ ရက် အများဆုံး ၃ ရက်ပဲ ရတော့မယ်” လို့ ဦးဝင်းနိုင်က မေ ၂၁ ရက် ညပိုင်းတုန်းက သတိပေးထားပါတယ်။ 

Model ခန့်မှန်းချက်တွေအရ INVEST SYSTEM ဟာ ကြိုတင်ခန့်မှန်းချက်အတိုင်း ဖြစ်လာမယ်ဆိုရင် ကုန်းတွင်း စတင်ဖြတ်ကျော်ချိန်မှာ အရှေ့ဘက်ကို ရွေ့လျားပြီး မြောက်ဘက်ကိုကွေ့၍ ဆက်လက်ရွေ့လျားမှာ ဖြစ်ကြောင်း၊ မြောက်ဘက်ကို ဆက်လက်ရွေ့လျားစဉ် ပြည်၊ မကွေးမြို့များအနီးမှ ဖြတ်သန်းပြီးတော့ ညောင်ဦးမြို့နားမှာ အားပျော့ပျက်ပြယ်သွားနိုင်မှာ ဖြစ်တယ်လို့ သိရပါတယ်။

INVEST SYSTEM မြောက်ဘက်ကိုဆက်လက်ရွေ့လျားတဲ့ လမ်းကြောင်းမှာ ဟင်္သာတနဲ့ တိုက်ကြီးကြားက ဖြတ်ပြီးချိန်မှာတော့ SYSTEM ရဲ့ နောက်အမြီးပိုင်းဖြတ်သန်းတဲ့ အရှိန်ကြောင့် ဧရာဝတီတိုင်း၊ ရန်ကုန်တိုင်း၊ ပဲခူးတိုင်း၊ မွန်နဲ့ ကရင်ပြည်နယ်များအထိ လေပြင်းတိုက်ခတ်ခြင်း/မိုးသည်းထန်ခြင်းများ ဖြစ်ပေါ်နိုင်ပြီး အထက်ဘက်ကို ရွေ့လျားချိန်(မေလ ၂၅ ရက်မှ မေလ ၂၆ ရက်အထိ ကာလအတွင်းမှာတော့ SYSTEM လမ်းကြောင်းရဲ့ ညာဘက်ခြမ်းနဲ့ ရခိုင်ကမ်းရိုးတန်ဒေသတွေမှာ လေပြင်းတိုက်ခတ်ခြင်းနဲ့ မိုးသည်းထန်ခြင်းများ ဆက်လက်ဖြစ်ပေါ်နိုင်ပါမယ် လို့ ဦးဝင်းနိုင်က ပြောထားပါတယ်။

မုန်တိုင်းဟာ အန္တရာယ်ရှိနိုင်လို့ ဦးဝင်းနိုင်က သူ့ရဲ့ ဖေ့စ်ဘုတ်အကောင့် https://www.facebook.com/uwinnaing နေ နောက်ဆုံးအခြေအနေတွေ ဆက်တိုက်ထုတ်ပြန်ပေးနေတာကို စောင့်ကြည့်နိုင်ပါတယ်။

Photo Crd_Win Naing FB

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။ 


S&Z International Co., Ltd ကြော်ငြာ
မြေကောင်း အမြစ်သန် ပင်သီးပွင့်ဝေ "ဟူးမစ်ကေ" See More စိုက်ပျိုးမြေတွေက တစ်နှစ်ထက်တစ်နှစ် အဆီအနှစ်တွေခမ်း‌ ခြောက်လာနေလို့ စိတ်ညစ်နေကြပြီလား.. ? မြေဩဇာတွေ ပေါပေါမသုံးနိုင်တော့ အထွက်တွေ မတက်လို့ ခက်နေပြီလား.. ? အဲ့ဒါတွေအားလုံးကို "ဟူးမစ် ကေ" ကို သုံးပေးလိုက်ရုံနဲ့ ဖြေရှင်းနိုင်ပါတယ် ခင်ဗျာ .. "ဟူးမစ်-ကေ"မှာ "ဟူးမစ်အက်စစ်- ၇၀ % ၊ ဖူးဗစ်အက်စစ် -၆-၁၅ % နဲ့ ပိုတက်ဆီယမ် -၁၀-၁၅%" ပါဝင်ပါတယ်..။ အဲ့ဒါတွေက ဘာတွေကောင်းစေတာလဲဆိုတော့… အဲ့ဒီဓာတ်တွေက နှစ်စဉ်ဆုံးရှုံးသွားတဲ့ မြေဆီမြေနှစ်တွေကို ပြန်လည်အားဖြည့်ပေးပြီး မြေဩဇာကို ရေရှည် အကျိုးပြု ထက်သန်စေတာပါပဲ.. မြေကိုဘယ်လိုအားဖြည့်ပေးတာလဲဆိုတော့ "ဟူးမစ်-ကေ" ကို ထည့်ပေးလိုက်တာနဲ့.. မြေသားဖွဲ့စည်းမှုကို ထိန်းညှိကောင်းမွန်စေတာ၊ မြေစေးတာ ဖွယ်တာတွေကို ထိန်းညှိပေးတာ၊ မြေဆီလွှာ အတွင်းက အကျိုးပြုအဏုဇီဝပိုးတွေကို ပွားများရှင်သန်စေတာ၊ မြေဆီလွှာအတွင်း အာဟာရဓာတ်တွေရဲ့ ဖလှယ်နိုင်မှုကို တိုးတက်ကောင်းမွန်စေတာ မြေချဉ်ငံဓါတ်ကိုလဲထိန်းညှိမျှတစေတာ နဲ့မြေဆီလွှာအတွင်း လေဝင်လေထွက် မျှတစေပြီး အစိုဓာတ်ထိန်းသိမ်းမှုကို မျှတစေတာ စတဲ့အကျိုးကျေးဇူးတွေ အများကြီး ရစေတာမို့ပါပဲ... သူ့ချည်းသာလော.. ဆိုရင်တော့ ပိုသေးသဗျ .. သီးနှံပင်တွေကို အမြစ်အားကောင်းစေပြီး အပင်သန်မာကြီးထွားစေ အထွက်နှုန်းတိုးစေတာလေးပါ အဆစ်ပါသေးဆိုတော့.. ကဲ..တောင်သူဦးကြီးတို့ရဲ့ ပျက်စီးနေတဲ့မြေဆီလွှာတွေကို "ဟူးမစ်-ကေ" နဲ့ အထူးဖြစ်နေအောင် ပြုပြင်လိုက်ကြ ပါစို့ဗျာ.. "ဟူးမစ်-ကေ" ကို သူ့ချည်းသက်သက်မသုံးဘဲ ပုလဲ၊ တီစူပါ၊ ပိုတက်အပြင် တခြား ကွန်ပေါင်းဓာတ်မြေဩဇာတွေနဲ့ လူးနယ်ကြဲပက်အသုံးပြုမယ်ဆိုရင်လည်း ဓါမြေဩဇာများအားလေလွင့်ဆုံးရှုံးမှုမှ ကာကွယ်ပေးပြီး ပိုမိုထူးခြားကောင်းမွန်တဲ့ အကျိုးအာနိသင်ကို ရရှိစေနိုင်မှာဖြစ်ပါတယ်ဗျာ..။ ဪ တစ်ခုကျန်သေးသဗျ ရေပျော်စွမ်းအား ၉၉.၉ % ရှိပြီး ရွက်ဖျန်းအားဆေး များဖြင့်လည်းရာစပ်ပက်ဖျန်း ပင်သီးပွင့် ဝေ စေဖို့ အသုံးပြုနိုင် ပါတယ် ခင်ဗျာ။ အသေးစိတ်သိရှိလိုပါက ဆက်သွယ်ရန်- S & Z International Co.,ltd အမှတ်(၁၆)၊ပျဥ်းကတိုးလမ်း၊(၃၄) ရပ်ကွက်၊ဒဂုံမြို့သစ်မြောက်ပိုင်း၊ရန်ကုန် Ph No-09797944994
Read more S&Z facebook စာမျက်နှာသို့သွားရန်

ဆွေးနွေးချက်များ

ဆွေးနွေးရန်