စိုက်ပျိုးမြေတွေမပျက်စီးဖို့နဲ့ မြေဆီလွှာကောင်းမွန်စေမယ့် နည်းလမ်းများ

အပင်တွေ သီးနိုင်၊ ပွင့်နိုင်၊ အထွက်နှုန်းများများ ရနိုင်ဖို့ဆိုတာ မျိုးကောင်းမျိုးသန့် ရွေးချယ် စိုက်ပျိုးဖို့ လိုအပ်သလို အပင်ရှင်သန်ကြီးထွားရန် သင့်လျော်သော မြေ၊ ရေ၊ အာဟာရနှင့် ပတ်ဝန်းကျင် ရှိဖို့လည်း အရေးကြီးပါတယ်။ အဲဒါကြောင့် အပင်ရဲ့ ဗီဇအစွမ်းရှိသလောက် အထွက်နှုန်းရရန် ရေခံမြေခံကောင်းဖို့နဲ့ ကောင်းမွန်စွာပြုစုပျိုးထောင်ပေးဖို့ လိုအပ်ပါတယ်။

ပန်းပင်ပဲစိုက်စိုက်၊ ဟင်းသီးဟင်းရွက်၊ သစ်သီးဝလံ၊ ဆေးဖက်ဝင်ပင်၊ ကောက်ပဲသီးနှံပင်တွေ စိုက်စိုက်၊ အလှစိုက်မြက်ခင်းလေးပဲစိုက်စိုက် အာဟာရဓါတ်ကြွယ်ဝသော စိုက်ပျိုးမြေဟာ ကနဦး လိုအပ်ချက်တစ်ခု ဖြစ်ပါတယ်။ မြေကြီးဆိုတာ အပင်အတွက် အာဟာရများ ထုတ်လုပ်ပေးရာ သက်ရှိ စက်ယန္တရားကြီးတခုပေါ့။

အဲဒါကြောင့် စိုက်ပျိုးမြေ မြေဆီလွှာကောင်းမွန်စေဖို့ အထူးသဖြင့် ရေရှည်ကောင်းမွန်သော စိုက်ပျိုးမြေဖြစ်စေဖို့ နည်းလမ်းတချို့ကို မျှဝေလိုက်ပါတယ်။

၁။ သစ်ဆွေးဓါတ် organic matter ထည့်ပေးပါ။

မြေစေး၊ သဲဆန်တဲ့မြေ၊ အာဟာရဓါတ်နည်းသောမြေ၊ ကျစ်မြေ၊ ရေစီးမကောင်းသောမြေ ဘယ်လိုမြေ အမျိုးအစားပဲဖြစ်ဖြစ် သစ်ဆွေးဓါတ် organic matter ထည့်ပေးခြင်းဟာ မြေဆီအာဟာရ တိုးတက် ကောင်းမွန်စေသော နည်းလမ်းကောင်းတခုပဲဖြစ်ပါတယ်။ သစ်ရွက်ဆွေးမြေဩဇာထည့်ပေးခြင်းဟာ မြေတွင်းအောင်းအကျိုးပြု အဏုဇီဝပိုးမွှားတွေကို တိုးစေပြီး မြေဆီလွှာကို ကောင်းမွန်စေပါတယ်၊၊ သစ်ရွက်ဆွေးမြေဩဇာအပြင် နွားချေး၊ ကြက်ချေး၊ ရိုးပျက်၊ သစ်ရွက်ခြောက်များဟာလဲ မြေအာဟာရကို တိုးတက်ကောင်းမွန်စေရုံသာမက မြေ၏ရေထိန်ထားနိုင်မှုကိုလဲ ကောင်းမွန်စေပါတယ်။

၂။မြေငွေ့ထိန်းအုပ်ပေးခြင်း Mulching

Mulching လုပ်ပေးခြင်းဟာ မြေအစိုဓါတ်၊ အာဟာရဓါတ်ကို ထိန်းပေးရုံသာမက မြေဆီလွှာ တိုက်စားခြင်းကို ကာကွယ်ပေးပါတယ်။ ဒီလိုနည်းလမ်းကျင့်သုံးခြင်းဖြင့် ရေလောင်းခြင်း၊ ပေါင်းသင်ခြင်း၊ မြေဩ ဇာကျွေးခြင်းတွေကို လျော့နည်းစေပါတယ်။ နုတ်နုတ်စင်းထားတဲ့ မြက်ပင်လေးတွေ၊ ၃-၄ လက်မခန့် ဖြတ်တောက်ထားသော ပဲပင်များ ကို Mulchingပြုလုပ်ရာမှာ အသုံးပြုနိုင်သလို ဆွေးမြေ့နေသော သစ် ရွက်တွေ၊ သစ်သားအပိုင်းအစသေးသေးလေးတွေလဲ သုံးလို့ရပါတယ်။ မိမိရဲ့ စိုက်ခင်း(သို့) စိုက်ပျိုးသီးနှံ များနှင့် သင့်လျော်ရာ ရွေးချယ်အသုံးပြုသင့်ပါတယ်။

၃။မြေဖုံးသီးနှံများ စိုက်ပျိုးပါ

မြေဖုံးပင်များစိုက်ပျိုးပေးခြင်းဟာ မြေဆီလွှာအာဟာရကို ကောင်းစေတယ်၊ အစိုဓါတ်ထိန်းပေးတယ်၊ အကျိုးပြု မြေအောင်းအဏုဇီဝပိုးများ၊ တီကောင်များ အရေအတွက်ကို တိုးစေပြီး မြေကြီး ဖွဲ့စည်း တည်ဆောက်ပုံကို ကောင်းမွန်လာစေပါတယ်။ မြေကြီးရဲ့ ရေစုပ်ယူနိုင်မှုကို ပိုမိုကောင်းမွန်စေပါတယ်၊၊ ဒါ့အပြင်မြေဖုံးပင်များစိုက်ပျိုးပေးခြင်းဟာ မြေကျစ်ခြင်းကို လျော့ကျစေပါတယ်။

မြေဖုံးသီးနှံတွေအဖြစ်တော့ ပြောင်း, လူး, ဆတ်,မုယောစပါး စတဲ့ နှံစားပင်တွေဖြစ်စေ/ ပဲယင်း, ပဲလွန်း တို့လို ပဲမျိုးစုံကိုလဲ စိုက်ပျိုးလို့ရပါတယ်။ ဒီလို မြေဖုံးသီးနှံစိုက်ရတဲ့ ရည်ရွယ်ချက်က အဓိကသီးနှံပင်တွေ မစိုက်ထားတဲ့အချိန် မြေကြီးကို နေ/ရေ/လေ တို့ တိုက်ရိုက်မကျဖို့ အဖုံးအကာအဖြစ် စိုက်ပျိုးခြင်း ဖြစ်ပါ တယ်။ မြေကြီးပေါ်မှ အပင်တွေ ဖုံးအုပ်နေခြင်းအားဖြင့် မြေဆီလွှာတိုက်စားမှုကို လျော့နည်းစေခြင်း/ မြေတွင်း ရေသိုလှောင်ထားနိုင်မှု ပိုမိုကောင်းမွန်လာခြင်း/မြေဆီဩဇာ ပိုမိုကောင်မွန်လာခြင်း/ မြေတွင်း အဏုဇီဝသက်ရှိများ တိုးပွားလာခြင်း စတဲ့ အကျိုးကျေးဇူးများစွာကို ဖြစ်ပေါ်စေပါတယ်။

၄။ အပင်မျိုးစိတ် အမျိုးမျိုးစိုက်ပျိုးပါ

အပင်မျိုးစုံ စိုက်ပျိုးပေးတာဟာ မြေဆီလွှာအတွက် အကျိုးများစွာ ဖြစ်စေပါတယ်။ ရေသောက်မြစ်ပါတဲ့ အပင်တွေဟာ (မုံလာဥနီ၊ မုံလာဥဖြူ၊ ကန်စွန်းဥ၊ မျောက်ဥ၊ ဝဥ၊ ပီလောပီနံ၊ ရွက်စားမုံလာပင်၊ တရုတ် နံနံ) မြေကျပ်ခြင်းကို သက်သာစေပါတယ်။ မြစ်မွှားများတဲ့ အပင်တွေ အမြစ်နက်နက်ထိမဆင်းတဲ့ အပေါ်ယံလွှာအမြစ်ဖွဲ့စည်းပုံ ရှိတဲ့ အပင်တွေ (စပါး၊ဂျုံ၊ပြောင်းလူး၊ဆပ်၊နှံစားပြောင်း) ကတော့ မြေဆီ လွှာတိုက်စားမှုကို ကာကွယ်ပါတယ်။ ပဲမျိုးဝင်ပင်တွေဟာ မြေဆီလွှာအတွက် နိုက်ထရိုဂျင်ဓါတ် ဖြည့်ပေးပါတယ်..။

၅၊၊ ပိုးသတ်ဆေးများ၊ ဓါတုမြေဩဇာများ သုံးစွဲမှုလျော့ချပါ။

ပိုးသတ်ဆေး၊ ဓာတုမြေဩဇာတွေ သုံးစွဲမှုရဲ့ နောက်ဆက်တွဲ ပြဿနာတွေကတော့ ပိုးသတ်ဆေး ဓါတ်ကြွင်းတွေဟာ မြေဆီလွှာအကျိုးပြုသော မြေတွင်းအောင်းအကောင်တွေ အဏုဇီဝပိုးမွှားတွေကို အန္တရာယ်ဖြစ်စေခြင်း၊ ဓါတုမြေဩဇာများ သုံးစွဲမှုလွန်ကဲမှုကြောင့် မြေဆီလွှာပျက်စီးခြင်းများ ဖြစ်ပေါ်စေတာမို့ ပိုးသတ်ဆေး၊ ဓါတုမြေဩဇာများ သုံးစွဲမှုကို လျှော့ချပေးသင့်ပါတယ်။

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။

ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...