လေဖိအားနည်းရပ်ဝန်း ယနေ့အပြင်းထန်ဆုံးဖြစ်မည်ဖြစ်ပြီး ကမ်းရိုးတန်းဒေသများ မိုးသက်လေပြင်းကျနိုင်

ဘင်္ဂလားပင်လယ်အော်အနောက်မြောက်ပိုင်း၊ အိန္ဒိယအရှေ့မြောက်ကမ်းခြေနားက လေ ဖိအားနည်းရပ်ဝန်း(INVEST-95B)ဟာ ဒီနေ့အပြင်းထန်ဆုံးဖြစ်မှာဖြစ်ပြီး ကမ်းရိုးတန်းဒေသတွေမှာ မိုးသက်လေပြင်းတွေ ကျနိုင်တယ်လို့ အပြည်ပြည်ဆိုင်ရာမိုးလေဝသစောင့်ကြည့်လေ့လာသုံးသပ်သူတစ်ဦးဖြစ်သူ ဦးဝင်းနိုင်က ပြောပါတယ်။

‘ ဒီအရှိန်ကြောင့် အလယ်ပိုင်းဒေသတော်တော်များများအပါအဝင် တစ်နိုင်ငံလုံး နေရာအနှံ့ အပြားမိုးရွာနိုင်ပြီး ရခိုင်/ဧရာဝတီကမ်းရိုးတန်းဒေသတွေနဲ့ မွန်-တနင်္သာရီကမ်းရိုးတန်းတစ်လျှောက် မိုးသက်လေပြင်းကျပြီးလှိုင်းကြီးနိုင်ပါမယ်’ လို့ ဦးဝင်းနိုင်က သူ့ရဲ့ ဖေ့စ်ဘွတ် အကောင့်ကနေ သတိပေးထားတာဖြစ်ပါတယ်။

ဒီအခြေအနေက ၁၅ ရက်နေ့ မနက်ပိုင်းလောက်ထိ ဆက်သွားနိုင်ပြီး အဲ့နောက်ပိုင်းကျရင်တော့ လေဖိအားနည်းရပ်ဝန်းက ကုန်းတွင်းကိုဝင်ရောက် အားပျော့သွားနိုင်ကာ တချို့ဒေသတွေမှာ မိုးနည်းသွားတော့မှာဖြစ်တယ်လို့ ဦးဝင်းနိုင်က Green Way ကို ပြောပါတယ်။

“နည်းသွားတာက ဘယ်မှာနည်းသွားမလဲဆိုတော့ အလယ်ပိုင်းဒေသတွေရယ်၊ ရှမ်းပြည်နယ် တောင်ပိုင်းဒေသတချို့ရယ်၊ နောက် ကချင်ပြည်နယ်ထဲက တချို့ဒေသတွေမှာလည်း မိုးနည်းသွားလိမ့်မယ် ” 

အဲ့ဒီဒေသတွေကလွဲလို့ ကျန်တဲ့ဒေသတွေမှာတော့ မိုးက ပုံမှန်ရွာသွန်းမြဲအတိုင်းဆက်ရှိနေ မှာဖြစ်ပြီး တချို့ဒေသတွေမှာ နေရာကွက်မိုးကြီးတာတွေလည်း ဆက်ရှိနေဦးမယ်လို့ ဦးဝင်းနိုင်က ခန့်မှန်းပါတယ်။

တချို့အလယ်ပိုင်းဒေသတွေမှာတော့ ၁၅ ရက် ၁၆ ရက်နောက်ပိုင်း မိုးပြတ်သွားနိုင်ပြီး နေ့အပူချိန်တွေလည်း 36° C အထိ တက်လာနိုင်တယ်လို့ ဦးဝင်းနိုင်က ဆိုပါတယ်။

Photo Crd_Win Naing FB

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။

Farm Link Co.,Ltd ကြော်ငြာ

ရေမီးအစုံနဲ့ လေထီးခုန်နိုင်မယ့် ဖန်းလင့်ရဲ့ #စမတ်သီးစုံလာပါပြီ.....ဦးကြီးတို့ရေ ‌လေထီးခုန်ချင်ပေမယ့် စမတ်သီးစုံကို မသိသေးရင်တော့ ဒီစာလေးကို ဆက်ဖတ်‌ပေးပါ #စမတ်သီးစုံဆိုတာ အပင်တိုင်းအတွက် အဓိကအာဟာရNPK (19:7:8)နဲ့ #ဟူးမစ်အက်စစ်တို့ အချိုးကျ ပေါင်းစပ်ထားတဲ့ ကွန်ပေါင်းဓာတ်မြေဩဇာဖြစ်ပါတယ်။ အဓိကအကျိုးကျေးဇူးတွေအနေနဲ့ကတော့ နိုက်ထရိုဂျင် 19%ပါဝင်တဲ့အတွက် ကလိုရိုဖီးလ်ဖွဲ့စည်းမှုကို အားပေးကာ သီးနှံပင်များ၏အရွက်များစိမ်းလန်းသန်စွမ်းပြီး အစာချက်လုပ်မှုအားကောင်းစေပါတယ်။ အပင်၏ပင်ပိုင်းကြီးထွားမှုကို တိုးမြင့်စေကာ အပင်သန်၍ အကြီးမြန်စေပါတယ်။ သင့်တော်တဲ့ Phosphorus 7%ပါဝင်မှုကြောင့် အပင်ရဲ့ အမြစ်ဖွဲ့စည်းတည်ဆောက်မှုကို ပို၍သန်မာလာအောင် အားပေးပါတယ်။ ဒါ့အပြင် ပန်းပွင့်ခြင်း၊အသီးသီးခြင်း၊အစေ့တည်ခြင်းလုပ်ငန်းစဉ်များကိုလည်း အားပေးပါတယ်။ လုံလောက်တဲ့ Potassium 8%က အပင်ရဲ့ ရောဂါဒဏ်၊ရာသီဥတုဒဏ်ခံနိုင်ရည်ရှိမှုကို မြင့်တက်စေပြီး အသီးအရည်အသွေး၊ အရွယ်အစားနဲ့ အရသာ ပိုမိုကောင်းမွန်စေဖို့အတွက် လိုအပ်တဲ့အာဟာရဓာတ်ဖြစ်ပါတယ်။ ဟူးမစ်အက်စစ်ပါဝင်ပေါင်းစပ်ထားတဲ့အတွက် အာဟာရဓာတ်စုပ်ယူမှုကောင်းမွန်လာခြင်း၊မြေဆီလွှာဖွဲ့စည်းပုံနှင့်ရေထိန်းနိုင်စွမ်းအားကောင်းလာခြင်းအပါအဝင် အကျိုးကျေးဇူးများစွာကိုရရှိစေမှာဖြစ်ပါတယ်။ စပါးအပါအဝင် နှံစားသီးနှံများ၊ပဲအမျိုးမျိုး၊ဟင်းသီးဟင်းရွက်နဲ့ ဥယျာဉ်ခြံသီးနှံအားလုံးမှာ အသုံးပြုနိုင်တယ်ဆိုတော့ တစ်မျိုးတည်းနဲ့ အားလုံးပါဖက်(perfect)မယ့် စမတ်သီးစုံနော် အရွေးမမှားတာသေချာပြီမလို့ အတွေးမများဘဲ သီးနှံတိုင်းကြီးထွားအောင် ဖန်းလင့်ရဲ့ #စမတ်သီးစုံကို သုံးကြပါစို့....

Read more