ဆန်နှင့်ဆန်ကွဲ ပြည်ပတင်ပို့မှုမြင့်တက်...တရုတ်နိုင်ငံထံ အများဆုံးဖြစ်

ပြီးခဲ့တဲ့ ဇန်နဝါရီလအတွင်း ဆန်နဲ့ဆန်ကွဲ ပြည်ပတင်ပို့မှုဟာ ၂၀၂၂ ဧပြီလကစလို့ ၁၀ လအတွင်း အမြင့်ဆုံးဖြစ်ခဲ့ပြီး အများဆုံးတင်ပို့ခဲ့တာကတော့ တရုတ်နိုင်ငံထံဖြစ်တယ်လို့ မြန်မာနိုင်ငံဆန်စပါးအသင်းချုပ်ရဲ့ သတင်းထုတ်ပြန်ချက်တွေအရ သိရပါတယ်။

ပြီးခဲ့တဲ့ဇန်နဝါရီလအတွင်း ဆန်နဲ့ဆန်ကွဲ ပြည်ပတင်ပို့မှုဟာ စုစုပေါင်း ၂၆၈၈၃၅ မက်ထရစ်တန်ထိ ရှိခဲ့တာဖြစ်ပြီး ၂၀၂၂ ဒီဇင်ဘာလထက် ၄၀၃၉၀ တန် ပိုလာခဲ့တာပါ။ ၂၀၂၂ နိုဝင်ဘာကော၊ ဒီဇင်ဘာကောမှာ ဆန်တင်ပို့မှု အများဆုံးက ဘင်္ဂလားဒေ့ရှ်ဖြစ်ခဲ့ပေမဲ့ ပြီးခဲ့တဲ့လအတွင်းမှာတော့ ဆန်တင်ပို့မှု အများဆုံးက တရုတ်နိုင်ငံ ဖြစ်သွားပါတယ်။

ဆန်နဲ့ဆန်ကွဲတင်ပို့တဲ့ကုမ္ပဏီအရေအတွက်ဟာလည်း ဒီဇင်ဘာလထက် ၇ ခုပိုများခဲ့ပြီး ၄၉ ခုထိ ရှိခဲ့ပါ တယ်။ ဇန်နဝါရီလအတွင်း ဆန်တင်ပို့မှု ၁၇၁၈၁၁ မက်ထရစ်တန်၊ ဆန်ကွဲတင်ပို့မှု ၉၇၀၂၄ မက်ထရစ် တန် ဖြစ်ပါတယ်။ တင်ပို့မှုမှာတော့ သင်္ဘောနဲ့တင်ပို့မှုက ၂၂၂၄၁၄ တန်ဖြစ်ပြီး ကျန်တဲ့ ၄၆၄၂၁ တန်ကို တော့ နယ်စပ်ကနေ တင်ပို့ခဲ့တာပါ။

ဒီလိုတင်ပို့မှုတွေကနေ ပြည်ပဝင်ငွေရရှိမှုအနေနဲ့တော့ စုစုပေါင်း အမေရိကန်ဒေါ်လာ ၁၀၇ သန်း ရှိခဲ့တယ်လို့ ဆိုပါတယ်။ ဒါဟာလည်း ပြီးခဲ့တဲ့ ၁၀ လအတွင်း အမြင့်ဆုံး ဖြစ်ပါတယ်။

ဆန်တင်ပို့ရတဲ့ နိုင်ငံတွေလည်း တိုးလာပြီး စုစုပေါင်း ၂၇ နိုင်ငံထိ တင်ပို့ခဲ့ကာ တရုတ်နိုင်ငံကိုတင်ပို့မှုက တော့ ၅၆၆၇၄ တန်နဲ့ အမြင့်ဆုံးဖြစ်ခဲ့တာပါ။ ဆန်ကွဲတင်ပို့ရာနိုင်ငံကလည်း ၁၄ နိုင်ငံထိဖြစ်လာပြီး အများဆုံးကလည်း ဆန်လိုပဲ တရုတ်နိုင်ငံပဲဖြစ်ကာ ၆၈၇၈၉ တန်ထိ တင်ပို့ခဲ့တာပါ။ နောက်ထပ် ဆန်ကွဲအများဆုံး တင်ပို့ခဲ့တဲ့ ၄ နိုင်ငံကတော့ ဥရောပနိုင်ငံတွေချည်းဖြစ်တယ်လို့ သိရပါတယ်။

လက်ရှိမှာတော့ ပြည်တွင်းမှာတင် ဆန်ဈေးတွေဟာ ဆက်တိုက်မြင့်တက်နေပြီး ယခုဖေဖော်ဝါရီ လလယ်ပိုင်းမှာလည်း သင်္ဘောတင်ပို့ဖို့ရှိနေတယ်လို့ လယ်ယာစိုက်ပျိုးရေးနှင့် ဈေးကွက်သတင်း အချက်အလက်အဖွဲ့ (AMIA) ရဲ့ သတင်းတစ်ခုအရ သိရပါတယ်။

Photos Crd_MRF

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။

Farm Link Co.,Ltd ကြော်ငြာ

စပါးစိုက်ပျိုးဖို့ ပြင်နေကြပြီလား? ဒါဆို Farm Link ရဲ့ အထူး special product တွေနဲ့ မိတ်ဆက်ပေးလိုက်ပါတယ်.. 👉 Erase (အီရေစ့်) က ပေါင်းပင်တွေကို သေစေရုံတင်မကဘဲ နောက်ထပ် ပေါင်းသတ်ဆေး ထပ်ဖျန်းစရာ မလိုလောက်အောင်ကို ပေါင်းပေါက်ရောက်မှုကို ထိထိရောက်ရောက် ဟန့်တားပေးနိုင်ပါတယ်။ 👉 စမတ်သီးစုံဆိုတာ အပင်တိုင်းအတွက် အဓိကအာဟာရNPK (19:7:8)နဲ့ #ဟူးမစ်အက်စစ်တို့ အချိုးကျ ပေါင်းစပ်ထားတဲ့ ကွန်ပေါင်းဓာတ်မြေဩဇာဖြစ်ပါတယ်။ အဓိကအကျိုးကျေးဇူးတွေအနေနဲ့ကတော့ နိုက်ထရိုဂျင် 19%ပါဝင်တဲ့အတွက် ကလိုရိုဖီးလ်ဖွဲ့စည်းမှုကို အားပေးကာ သီးနှံပင်များ၏အရွက်များစိမ်းလန်းသန်စွမ်းပြီး အစာချက်လုပ်မှုအားကောင်းစေပါတယ်။ 👉 ဆလက်ပလက်စ်ဆိုတာ စပါးဆစ်ပိုး (Rice stem borer) ၊ စပါးရွက်လိပ်ပိုး(Rice leaf folder)၊ စပါးငမြောင်တောင်ပိုး( Rice armyworm) စတဲ့ စပါးဖျက်ပိုးတွေကိုလည်း ၇၀%အထိကို ကာကွယ်နှိမ်နင်းနိုင်ပါတယ်။ 👉စပါးနှံတွေ ထွက်လာခါမှ ဂုတ်ကျိုးရောဂါကြောင့် အနှံဖြူပြီး ပျက်စီးသွားတာဟာ တောင်သူတို့အတွက် အကြီးမားဆုံး ဆုံးရှုံးမှုပါပဲ။ ဒီဆုံးရှုံးမှုကို အမြစ်ပြတ် တားဆီးဖို့ဆိုရင် ရှူးဝါး ကိုသာ သတိရလိုက်ပါ။ 👉စပါးခင်းမှာ ရွက်ဖျားဝါပြီး မီးလောင်သလို အကွက်လိုက်ဖြစ်ကာ တဖြည်းဖြည်းခြောက်လိုက်လာပြီဆို အဲ့ဒါကိုဖြုတ်လောင်ခြင်း (hopper burn)လို့ခေါ်ပါတယ်။ မထိန်းချုပ်နိုင်အောင် ဆိုးဆိုးရွားရွာကျရောက်ပါက အထွက်နှုန်းကို ရာနှုန်းပြည့်ထိ ဆုံးရှုံးစေနိုင်တာတာကို ဗိုက်တာဂရိုကိုသာ ထိန်းချုပ်နိုင်တာပါ