ဆန်ဈေးများ သိသိသာသာတက်၊ မြင့်တက်အောင် ရည်ရွယ်ချက်ဖြင့်လုပ်နေသူများရှိဟု MRF ဆို

ပြည်တွင်းစားသုံးဆန်စျေးနှုန်းများ မြင့်တက်စေရန် ရည်ရွယ်ချက်ဖြင့် ဆောင်ရွက်နေသူများ ရှိနေတယ်လို့ မြန်မာနိုင်ငံဆန်စပါးအသင်းချုပ်(MRF) က ဧပြီ ၂၄ ရက်(မနေ့က) မှာ ထုတ်ပြန်တဲ့ သတင်းထုတ်ပြန်ချက်မှာ ထည့်သွင်းပြောကြားလိုက်ပါတယ်။

‘ ပြည်တွင်းစားသုံးဆန်စျေးနှုန်းများ မြင့်တက်စေရန် ရည်ရွယ်ချက်ဖြင့် ဆောင်ရွက်နေသူများ ရှိနေသောကြောင့် ဆန်စျေးနှုန်းတည်ငြိမ်စေရန်နှင့် ပစ္စည်းမှန်၊ စျေးနှုန်းမှန် ၊ အရောင်းအဝယ်မှန် ဖြစ်စေရေး ထိန်း ကျောင်းဆောင်ရွက်သွားရန် အသင်းချုပ်အနေဖြင့် ဆန်စပါးကုန်သည်များအသင်း၊ ကုန်စည်ဒိုင်များ၊ ဆန်စက်ပိုင်များ၊ ဆန်ကုန်သည်များ၊ ကုမ္ပဏီများနှင့် ပူးပေါင်းဆောင်ရွက်သွားမည်ဖြစ်ပါသည်’ လို့ MRF က ထည့်သွင်းပြောကြားထားတာပါ။

‘ကုန်သည်ပွဲစား စက်ပိုင်များ အနေဖြင့်လည်း ရေတိုအကျိုးအမြတ်နှင့် ရေရှည်အကျိုးစီးပွားကို မျှတစွာ ချင့်ချိန်ရောင်းဝယ်ဆောင်ရွက်ကြရန် နှိုးဆော်အသိပေးအပ်ပါသည်’ လို့လည်း သတင်းထုတ်ပြန်ချက်မှာ ဆိုထားပါတယ်။

အတက်ပိုင်းမှာ တောက်လျှောက်ရှိနေတဲ့ ဆန်ဈေးတွေဟာ သင်္ကြန်အပြီးမှာလည်း ထပ်တက်လာတာ ဖြစ်ပါတယ်။ ယခုတစ်ပတ်အတွင်းမှာတော့ ရန်ကုန်၊ ဝါးတန်းဈေးကွက်မှာ မနေ့ကထိ ဆန်ဈေးတွေထပ်မတက်ပေမဲ့ ဒီနေ့မှာတော့ သိသိသာသာကြီးကို ဈေးမြင့်တက်သွားပါပြီ။ အထူးသဖြင့် ဆန်ချောဈေးတွေပါ။ (လယ်ယာစိုက်ပျိုးရေးနှင့်ဈေးကွက် သတင်းအချက်အလက်အဖွဲ့(AMIA) ရဲ့ ဈေးကွက်ဈေးနှုန်း ပေးပို့ချက်အရ သိရတာပါ)

သင်္ကြန်မတိုင်ခင်ဈေးနှုန်းတွေနဲ့ယှဉ်ရင် ဘယ်လောက်အထိ တက်သွားတယ်ဆိုတာကိုတော့ ပူးတွဲပါ ဇယားကွက်မှာ ကြည့်ရှုနိုင်ပါတယ်။

မြန်မာနိုင်ငံဆန်စပါးအသင်းချုပ်(MRF) ကတော့ ‘ ပစ္စည်းမှန်၊ စျေးနှုန်းမှန်ဖြင့် ဆန်ဝယ်ယူလိုသော အဖွဲ့အစည်း/အိမ်ထောင်စုများအနေဖြင့် ကုန်စည်ဒိုင်များတွင် ဆက်သွယ်ဝယ်ယူနိုင်ပါသည်။ အခက်အခဲရှိပါက အသင်းချုပ်ရုံး၊ ကုန်စည်ဒိုင်ရုံးများနှင့် ဆက်သွယ်ဆောင်ရွက်နိုင်ပါသည်’ လို့ သူတို့ရဲ့ သတင်းထုတ်ပြန်ချက်ထဲမှာ ထည့်သွင်းတိုက်တွန်းထားပါတယ်။

ဒါ့အပြင် ‘ ဆန်စျေးမြင့်တက်စေရန်နှင့် စားသုံးသူပြည်သူများအတွက် စိုးရိမ်ထိတ်လန့်စေရန် လှုံ့ဆော် ဆောင်ရွက်သူများ၊ Online ပေါ်တွင် စိုးရိမ်စိတ် တိုးပွားစေရန် မမှန်သော စျေးနှုန်းများ၊ မမှန်သော သတင်းအချက်အလက် တင်နေသူများအား ဆန်စပါးလောက၏ ရေရှည်အကျိုးအတွက် ဝိုင်းဝန်းစိစစ်ဖော်ထုတ်ပြီး သတိပေးရန် နှင့် စည်းရုံးပညာပေးရန်၊ မထူးခြားပါက သက်ဆိုင်ရာသို့ တင်ပြရန် စီစဉ်ဆောင်ရွက်မည် ဖြစ်ပါသဖြင့် သက်ဆိုင်သူများအားလုံး ဝိုင်းဝန်းပူးပေါင်း ဆောင်ရွက် ပေးပါရန် အသိပေးထုတ်ပြန်အပ်ပါသည်’ လို့လည်း MRF က သတင်းထုတ်ပြန်ချက်ထဲမှာ ထည့်သွင်း သတိပေးထားပါတယ်။

အဲ့ဒီလို မြန်မာနိုင်ငံဆန်စပါးအသင်းချုပ်(MRF) ရဲ့ သတင်းထုတ်ပြန်ချက်အောက်မှာတော့ လူမှုကွန်ရက် သုံးစွဲသူတစ်ဦးက ဆန်စျေးကျစေချင်ရင် မြန်မာငွေတန်ဖိုးမြင့်တက်အောင်လုပ်တာ၊ အလွန်မြင့်တက် နေတဲ့ စက်သုံးဆီဈေးတွေ၊ ဓာတ်မြေဩဇာဈေးတွေ ပြန်ကျအောင်လုပ်တာမျိုးတွေနဲ့သာ ထိန်းသင့်တယ်ဆိုပြီး မှတ်ချက်ပြုထားတာတွေ့ရပါတယ်။

#(လယ်ယာစိုက်ပျိုးရေးနှင့်ဈေးကွက်သတင်းအချက်အလက်အဖွဲ့ (AMIA) က ပေးပို့လာသည့် ဈေးနှုန်းများကို အခြေခံဖော်ပြခြင်း ဖြစ်ပါသည်။)

#(အခြားကုန်စည်နှင့်သီးနှံဈေးနှုန်းများ သိရှိလိုပါက Green Way App ရှိ ' သီးနှံဈေးနှုန်းများ ' ကဏ္ဍတွင် ဝင်ရောက်ကြည့်ရှုနိုင်ပါသည်။)

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။

မာလာမြိုင် ကုမ္ပဏီ ကြော်ငြာ

ဦးကြီးတို့ရဲ့ မြေကြီးက ရွှေသီးဖို့ပဲ ဖြစ်သင့်တာပေါ့။ ဒါပေမဲ့ စပါးခင်းထဲ ရွှေခရုရောက်လာပြီဆိုရင်တော့ မြေကြီးက ရွှေသီးဖို့ကို အနှောင့်အယှက် ကောင်းကောင်းကြီးပေးပါလိမ့်မယ်။ မြန်မာ့မျိုးရင်းခရုမဟုတ်တဲ့ တောင်အမေရိကမျိုးစိတ်ဖြစ်ပြီး မြန်မာနိုင်ငံကို ကျူးကျော်လာတဲ့ မျိုးစိတ်ဖြစ်တာကြောင့် အကောင်ပွားနှုန်းကလည်း အဆမတန် မြင့်တက်လာပါတယ်။ ခရုအမ တစ်ကောင်က တစ်ခါ ဥ မယ်ဆိုရင် ဥအရေအတွက် ၁၀၀ ကနေ ၁၀၀၀ အထိ အတွဲလိုက်ဥကြပြီး တစ်နှစ်မှာ ၃ ကြိမ်အထိ မျိုးပွားနိုင်ပါတယ်။ စပါးခင်းတွေမှာ ရွှေခရုကျပြီဆိုရင် ပန်းရောင် ဥ တွေ ကို စပါးပင်တွေမှာ တွေ့ရနိုင်ပါတယ်။ ဒီရွှေခရုတွေကို ရှင်းပစ်ဖို့အတွက်ကတော့ မာလာမြိုင်ရဲ့ ခရုဘုရင် ရှိနေပါပြီ။ ခရုဘုရင်က စားသေအစွမ်းနဲ့ အဆိပ်ငွေ့အာနိသင်ရှိတာကြောင့် ရွှေခရုတွေကို အထိရောက်ဆုံး ရှင်းပေးနိုင်မှာပါ။ အစွမ်းရှိပစ္စည်းဖြစ်တဲ့ Niclosamide -olamine 83.1% WP ပါဝင်ပြီး Chloronitrophenol ဆေးအုပ်စုထဲ ပါဝင်ပါတယ်။ ရေဖျော်ဆေးမှုန့်အမျိုးအစားဖြစ်လို့ ရေ ၂၀ လီတာဝင်တဲ့ဆေးဖျန်းပုံး တစ်ပုံးမှာ ၄၀ ကနေ ၅၀ ဂရမ်အထိ အသုံးပြုနိုင်ပါတယ်။ နှုန်းထားကိုတော့ တစ်ဧကမှာ ၁၅၀ ကနေ ၂၀၀ ဂရမ်နဲ့ တွက်ချက်ပေးထားပါတယ်။ သတိပြုရမှာတော့ ဆေးဖျန်းပြီးနောက်ပိုင်း စပါးခင်းအတွင်းမှာရှိတဲ့ ရေကို ၅ စင်တီမီတာနဲ့ ၃ ရက်ထားဖို့ လိုအပ်ပါတယ်။ ဆေးဖျန်းပြီး ၅၂ ရက်ကြာမှ ရိတ်သိမ်းသင့်ပါတယ်။ ခရုဘုရင်နဲ့ဆို စပါးခင်းကို ဒုက္ခပေးတဲ့ ရွှေခရုတွေကို ရှင်းလင်းနိုင်ပြီး မြေကြီးက ရွှေသီးနိုင်ပြီပေါ့ဗျာ။

Facebook Page သို့သွားရန်

ဆွေးနွေးချက်များ

ဆွေးနွေးရန်

ဆန်ဈေးများ သိသိသာသာတက်၊ မြင့်တက်အောင် ရည်ရွယ်ချက်ဖြင့်လုပ်နေသူများရှိဟု MRF ဆို

မာလာမြိုင် ကုမ္ပဏီ ကြော်ငြာ

ဆွေးနွေးချက်များ

{{ post.title }}

{{ question.creator.name }} အမည်မသိ {{ question.creator.state.name }}၊ {{ question.creator.township.name }}

{{ book.title }}

ဆန်ဈေးများ သိသိသာသာတက်၊ မြင့်တက်အောင် ရည်ရွယ်ချက်ဖြင့်လုပ်နေသူများရှိဟု MRF ဆို

မာလာမြိုင် ကုမ္ပဏီ ကြော်ငြာ

ဆွေးနွေးချက်များ

ဆက်စပ်ဆောင်းပါးများ

စက်တင်ဘာလ (၁၁)ရက် မှ (၁၅)ရက်နေ့ထိ အပြောင်းအလဲဖြစ်ပေါ်ခဲ့သော ကုန်စည်စျေးနှူန်းများစာရင်း

ခရမ်းချဉ် သီး တွေရော၊ အာလူး တွေပါ သီးတဲ့ TomTato အပင်

စားနပ်ရိက္ခာဖူလုံရေး သားစဉ်မြေးဆက်ပေး အစီအစဉ်မှ ပညာပေး သင်ထောက်ကူပစ္စည်းများ

{{ post.title }}