မြန်မာ့ကင်းမွန် ထိုင်းဘက်ကအဝယ်လိုက် ဈေးကောင်းရနေ

မြန်မာ့ကင်းမွန်များကို ထိုင်းနိုင်ငံဘက်က အဝယ်လိုက်နေပြီး လက်ရှိမှာ ပြီးခဲ့တဲ့နှစ်ကထက်စာရင် ဈေးကောင်းလည်း ရရှိနေကြောင်း ကင်းမွန်လုပ်ငန်းရှင်များထံက သိရသည်။

လက်ရှိတွင် ထိုင်းနိုင်ငံဘက်ကဝယ်ယူပေးနေသည့် မြန်မာ့ကင်းမွန်စျေးနှုန်းများမှာ အေးခဲကင်းမွန် ၁ ကီလိုဂရမ် (၆၂ ကျပ်ခွဲသား)လျှင် အရွယ်အစားအပေါ်မူတည်၍ ဘတ် ၁၃၀ မှ ၁၆၃ ဘတ်ကြား (မြန်မာ ကျပ်ငွေ ၁၁၀၀၀ မှ ၁၃၀၀၀ ကြားခန့်) စျေးရနေသည်ဟု သိရသည်။ သဘာဝအတိုင်း သန့်စင်ပြီး နေလှန်းအခြောက်ပြုလုပ်ထားသည့် ကင်းမွန်အခြောက် ၁ ကီလိုဂရမ်လျှင်တော့ ၅၇၀ ဒသမ ၆ ဘတ် (မြန်မာ ကျပ်ငွေ ၄၇၀၀၀ ခန့်) ထိ စျေးကောင်းရရှိနေသည်ဟု ကင်းမွန်လုပ်ငန်းရှင်တစ်ဦးက ဆိုသည်။

ယခင်နှစ်များကတော့ ထိုင်းနိုင်ငံစျေးကွက်များတွင် မြန်မာ့ကင်းမွန်စျေးနှုန်းမှာ အေးခဲကင်းမွန် ၁ ကီလိုဂရမ်လျှင် အရွယ်အစားပေါ်မူတည်၍ ဘတ် ၁၀၀ မှ ၁၃၀ ကြားသာ ဈေးရရှိကြပြီး သဘာဝအတိုင်း သန့်စင်နေလှန်းခြောက်များကလည်း ၁ ကီလိုဂရမ်လျှင် ဘတ် ၅၂၀ မှ ၅၅၀ ထိသာ ရရှိခဲ့ကြ၍ ယခုနှစ် တွင် ပိုမိုဈေးကောင်းရရှိနေသည့်အနေအထားဖြစ်နေခြင်း ဖြစ်သည်။

မြန်မာနိုင်ငံတွင် ကင်းမွန်(Squid) များကို ရခိုင်၊ ဧရာဝတီမြစ်ဝကျွန်းပေါ်နှင့် တနင်္သာရီတိုင်းဒေသကြီး ပင်လယ်ကမ်းခြေဒေသများရှိ ပင်လယ်ရေလုပ်ငန်းများတွင် ဖမ်းယူရရှိကြသည်ဟု သိရသည်။

အထူးသဖြင့် တနင်္သာရီတိုင်းဒေသကြီး ပင်လယ်ကမ်းခြေဒေသများတွင် အများအပြားဖမ်းယူရရှိပြီး ကင်းမွန်များကို သီးသန့်ဖမ်းယူရမိနိုင်သည့် ကင်းမွန်လှေလုပ်ငန်းများကိုလည်း တီထွင်လုပ်ကိုင်ဆောင်ရွက်လာကြကာ ညဘက်တွင် မီးထွန်းဖမ်းယူကြခြင်းဖြစ်သည်ဟု သိရသည်။

ဖမ်းယူရမိလာသည့်ကင်းမွန်များကို မြန်မာ- ထိုင်းနယ်စပ်ဒေသရှိ မောတောင်၊ မြဝတီ၊ မြိတ်နှင့် ကော့သောင်းနယ်စပ်ကုန်သွယ်ရေးစခန်းများမှတဆင့် ထိုင်းနိုင်ငံသို့ အစိမ်းအတိုင်းရေခဲရိုက်ပြီး အေးခဲကင်းမွန်အဖြစ် တင်ပို့ရောင်းချသလို အခြောက်ပြုလုပ်ကာ ကင်းမွန်ခြောက်အဖြစ်လည်း တင်ပို့ရောင်းချကြခြင်းဖြစ်ကြောင်း သိရသည်။

ကင်းမွန်များကိုပြုတ်၍ အခြောက်ပြုလုပ်သည့်စနစ်နှင့် သဘာဝအတိုင်းသန့်စင်ပြီး နေလှန်းအခြောက်ပြုလုပ်သည့်စနစ်ဆိုပြီး နှစ်မျိုးရှိကာ သဘာဝအတိုင်းသန့်စင်ပြီး နေလှန်းအခြောက်ပြုလုပ်တင်ပို့သည့် ကင်းမွန်အခြောက်များကတော့ ပို၍ စျေးကောင်းရရှိကြောင်းသိရသည်။

မြန်မာ့ကင်းမွန်များသည် အခြားနိုင်ငံများမှကင်းမွန်များထက် အရသာပိုမို ကောင်းမွန်နေ၍ ထိုင်းနိုင်ငံဘက်က စျေးကောင်းပေးဝယ်ယူခြင်းဖြစ်သည်ဟုလည်း သိရသည်။

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။

ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...