သင်္ကြန်ထမင်းနှင့် သင်္ကြန်ငါးခြောက်ကြော်

မြန်မာနှစ်သစ်ကူး အခါသမယ သင်္ကြန်ချိန်ခါ၌ သင်္ကြန်ထမင်းနှင့် သင်္ကြန်စာ (ငါးခြောက်ကြော်)များကို စတုဒိသာအဖြစ် ကျွေးမွေးဧည့်ခံကြသော အလေ့အထရှိကြပါသည်။

အောက်ပြည်၊ အောက်ရွာ မွန်ပြည်နယ်ဘက်တွင် သင်္ကြန်ထမင်းကို သင်္ကြန်ချိန်ခါ၌သာမက တပေါင်းပွဲတော်၊ ကထိန်ခင်း၊ ကဆုန်ညောင်ရေသွန်းပွဲတော်နှင့် ဝါဆိုပွဲများတွင်လည်း သင်္ကြန်ထမင်းနှင့် ကျွေးမွေးကုသိုလ်ယူကြလေ့ရှိပါသည်။

ယခုလို နွေရာသီ ပူပြင်းသောရာသီဥတုဒဏ်ကို ခံနိုင်ရန် ရင်အေးစေမည့် မွန်ရိုးရာ သင်္ကြန်ထမင်း ပြုလုပ်နည်းမှာ -

၁။ မွန်ရိုးရာ သင်္ကြန်ထမင်း ပြုလုပ်ပုံ

သင်္ကြန်ထမင်းအတွက် ဆန်ကို နူးအိလာအောင်ပြုတ်ပြီး ထမင်းကို ဇကာဖြင့် လှုပ်ပြီး စေးနေသောထမင်းများကုန်အောင် ရေအေးနှင့် ထပ်ခါထပ်ခါလောင်းပြီး ရေစစ်ထားရပါသည်။ ရေစစ်ပြီဆိုပါက ရေခဲသေတ္တာထဲ အအေးငွေ့ပေးထားရပါသည်။

၂။ သင်္ကြန်ထမင်းနှင့် တွဲဖက်စားရသော ဖယောင်းသင်းရေပြုလုပ်ပုံ

သင်္ကြန်ထမင်းရဲ့ အဓိက အနံ့အရသာမှာ 'ဖယောင်းသင်းရေ' ဖြစ်ပါသည်။

ပြုလုပ်ပုံမှာ -

ဖယောင်းတိုင်မှ ဖယောင်းဖတ်လေးများကို ဓါးပါးလေးနှင့် ခြစ်ယူပြီး ပန်းကန်ပြားပေါ်တွင် ထည့်ထားသော မီးသွေးခဲပေါ် အုံရပါသည်။ ဖယောင်းငွေ့များ လှိုင်လှိုင်တက်လာပါက ခြောက်သွေ့သော အို့းတစ်လုံးကိုယူပြီး စောနက မီးခဲထည့်ထားသော ပန်းကန်ပြားပေါ်သို့ မှောက်အုပ်ပြီး ဖယောင်းငွေ့များ စုယူရပါသည်။ လုံလောက်သော ဖယောင်းငွေ့ရပြီဆိုပါက အို့းကို လှန်ပြီး ရေဆွတ်ထားသော အဝတ်ပါးလေးနှင့် အိုးမျက်နှာဝကို လုံအောင်ချက်ချင်း အုပ်ရပါသည်။ ထို့နောက် အဝတ်ပါးပေါ်မှ အိုးထဲသို့ သောက်ရေကို လောင်းချပြီး အိုးအဖုံးကို အုပ်ထားရပါသည်။ ထိုအခါ ဖယောင်းနံ့သင်းသော ရေကို ရရှိပြီ ဖြစ်ပါသည်။

အိုးထဲမှာ ဖယောင်းရေကို ပုလင်းနဲ့ ထည့်ထားပြီး လိုသလို ရောပြီး ထပ်ပွားပြီး သုံးလို့ရပါသည်။

၃။ သင်္ကြန်ကြော် (သို့) သင်္ကြန်စာ ငါးခြောက်ထောင်းကြော် ပြုလုပ်ပုံ

သင်္ကြန်စာလုပ်ဖို့အတွက် ငါးခြောက်မှာ ငါးကွမ်းရှပ် (ခေါ်)ငညို့ငါးခြောက်က အကောင်းဆုံးဖြစ်ပါသည်။ ရွှေငါးရောင်၊ ကက္ကူရံ၊၊ ငါးဟောက်၊ ငါးပြားကြီး၊ ငါးစာပြတ် ငါးခြောက် များလည်း အသုံးများကြပါသည်။ ပထမဦးစွာ ငါးခြောက်ကို ပြုတ်၊ အရိုးထွင်းပြီး ပွလာအောင် ဆုံနဲ့ ထောင်းရပါသည်။ ပုစွန်ခြောက်ပါထောင်းပြီး (၂)မျိုးလုံး သမအောင် ရောလိုက်ရပါသည်။ အရသာပိုကောင်းအောင် ဖြစ်ပါသည်။

ထို့နောက် ဒယ်အိုးထဲ ဆီ၊ နနွင်း အနည်းငယ်ထည့်ပြီး ဆီပူလာလျှင် ကြက်သွန်နီ (၁)လုံး ပါးပါးလှီးထည့်ပြီး စိမ်းစားငါးပိ အနည်းငယ်ထည့်ကာ ဆီသတ်ရပါသည်။ ပြီးလျှင် သရက်သီးစိမ်းကို ခြစ်၊ ခြစ်ထားသော သရက်သီးစိမ်းကို ရေစင်အောင်ညှစ်ပြီးလျှင် ဒယ်အိုးထဲထည့်ကာ ဆီနဲ့ လှိမ့်ကြော်ပြီး ရေစပ်စပ်ထည့်ကာ ဆက်ပြီးမွှေရပါသည်။ ရေခန်းကာ ၃ ပုံ ၁ ပုံ ဖြစ်ပြီဆိုပါက စောနက ငါးခြောက်၊ ပုစွန်ခြောက်ထောင်း အရောကိုထည့်ပြီး ဆက်ကြော်ပါသည်။ ရေခန်းလုနီးပါဖြစ်လာပါက ကြက်သွန်နီ ၄စိပ်ခွဲ (သို့မဟုတ်) ကြက်သွန်နီ အလုံးသေးသေးလေးများစွာကို ထည့်ပြီး မီးလျှော့ပြီး ဆက်ကြော်ရပါသည်။ ကြော်နေစဥ်မှာ ဆား ဟင်းခတ်မှုန့်ကို လိုသလို ထည့်ရပါသည်။ ကိုယ်လိုချင်သော အနေအထားရပြီဆိုပါက မီးဖိုပေါ်ကချပြီး သမအောင်မွှေပေးရပါသည်။ ထိုအခါ အရသာရှိလှပြီး သိပ်မွှေးသော သရက်သီးစိမ်း သင်္ကြန်ငါးခြောက်ထောင်းကြော်ကို ရရှိပါမည်။ ထို့ပြင် ငါးခြောက်ထောင်းကြော်နှင့် တွဲဖက်စားဖို့ ငရုတ်သီး ခြောက်ကို အထောင့်လိုက် ကြွပ်အောင် ကြော်ပြီး အခြောက်ခံထားရပါသည်။

၄။ သင်္ကြန်ထမင်းပြင်ဆင်စားသောက်ပုံ

ရေခဲသေတ္တာထဲရှိ အအေးငွေ့ပေးထားသော ထမင်းပြုတ်ထဲသို့ ဖယောင်းသင်းရည်ကို ထမင်းမြုပ်အောင်ထည့်ပြီး သင်္ကြန်ငါးခြောက်ထောင်းကြော်၊ ငရုတ်သီးထောင့်ကြော်တို့ဖြင့် တွဲဖက်စားသုံးပါက အနံ့၊ အရသာနှင့် ပြည့်စုံပြီး အပူဒဏ်ခံနိုင်သည့် မွန်ရိုးရာ သင်္ကြန်ထမင်းကိ အရသာရှိဖွယ် စားကြရပါသည်။

ဖယောင်းသင်းရည် မလုပ်နိုင်ပါကလည်း ထမင်းပြုတ်ထဲသို့ ရေခဲရေထည့်ပြီး စားသုံးကြပါသည်။ နွေရာသီအခါသမယ နှင့် သင်္ကြန်ထမင်းအေးအေး မွှေးမွှေးလေးက အတွဲညီလှသော စားဖွယ်တစ်ခု ဖြစ်ပေသည်။

ပင်လယ်ပြာ (ငါးဦးစီးဌာန)

(ယခုဆောင်းပါးက ဦးကြီးတို့အတွက် အကျိုးတစ်စုံတရာဖြစ်ထွန်းမှု ရှိ /မရှိ ပေါ်မူတည်ပြီး အောက်မှာဖော်ပြပေးထားတဲ့ "အသုံးဝင်ပါတယ်" "အသုံးမဝင်ပါ" ဆိုတဲ့ စာတန်းလေးကို ရွေးချယ်နှိပ်ပေးဖို့ တောင်းဆိုပါရစေ)

ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...