ယူနီကုဒ်(Unicode) ရဲ့ အားသာချက်များ

16/08/2021 19:00 PM တွင် အစိမ်းရောင်လမ်း အစိမ်းရောင်လမ်း မှ ရေးသား

“ခေတ်မီတောင်သူဖြစ်ဖို့ ဒစ်ဂျစ်တယ်နည်းပညာ လေ့လာစို့” အစီစဥ်လေး ပြန်လည်ရောက်ရှိလာပြန်ပါပြီ ခင်ဗျ။ 

ယခုတစ်ပတ်မှာတော့ ယူနီကုဒ် (Unicode) ရဲ့ အားသာချက်များ အကြောင်း မျှဝေပေးသွားမှာ ဖြစ်ပါတယ်။ 

ယူနီကုဒ်ဆိုတာ နိုင်ငံတကာစနစ်တစ်ခုဖြစ်ကြောင်း မကြာခင်က ခေတ်မီတောင်သူအစီစဥ်မှာ ဖော်ပြခဲ့ပြီးဖြစ်ပါတယ်။ ယူနီကုဒ်ရဲ့ အားသာချက်ကတော့ ၎င်းကို အခြေခံပြီး နည်းပညာအသစ်တွေကို ဖန်တီးနိုင်တာပဲ ဖြစ်ပါတယ်။ လက်ရှိမှာ ခေတ်မစားသေးတဲ့ နည်းပညာတွေကိုလည်း ယူနီကုဒ်အခြေခံပြီး ဆက်လက်တည်ဆောက်နိုင်ပါတယ်။ ယူနီကုဒ်ကိုအခြေခံပြီး အလိုအလျောက်ဘာသာပြန်ဆိုတဲ့ နေရာမျိုးတွေ၊ မြန်မာဘာသာနဲ့ အချက်အလက် ရှာဖွေတာမျိုးတွေ၊ ရိုးရိုးပုံနှိပ်စာတွေကို ကွန်ပျူတာစာလုံးအနေနဲ့ ပြောင်းလဲနိုင်တာတွေ၊ အသံနဲ့ ပြောလိုက်တာတွေကို စာရိုက်ပေးနိုင်တာမျိုးတွေအထိ ပြုလုပ်ပေးနိုင်ပါတယ်။ 

နောက်ပိုင်းထွက်ရှိတဲ့ ဖုန်းတွေ၊ ကွန်ပျူတာတွေနဲ့ နည်းပညာဆိုင်ရာပစ္စည်းတွေမှာလည်း ယူနီကုဒ်စနစ်က ပါလာပြီးသားဖြစ်တဲ့အတွက် ဘယ်နည်းပညာပစ္စည်းပဲသုံးသုံး မြန်မာဘာသာနဲ့ ရေးနိုင်ဖတ်နိုင်မှာဖြစ်ပါတယ်။ ယူနီကုဒ်စနစ်အသုံးပြုခြင်းဖြင့် စာရိုက်ရပိုလွယ်ပြီး အမှားလည်းပိုနည်းပါတယ်။ ယူနီကုဒ်စနစ်မှာ သတင်းအချက်အလက်တွေ သိမ်းဆည်းတာ၊ ရှာဖွေတာတွေကိုလည်း အလွယ်တကူ လုပ်ဆောင်နိုင်တာကြောင့် အားသာချက်များစွာရှိနေတဲ့ ယူနီကုဒ်စနစ်ကို ပြောင်းလဲခဲ့တာ ဖြစ်ပါတယ်။ 

https://pandaingmap.com/ မှ ကိုးကားထားပါသည်။ 

ယခင်တစ်ပတ်က ဖော်ပြခဲ့တဲ့ ဆောင်းပါးလေးကို  ပြန်လည်ဖတ်ရှုချင်ရင်တော့ ဖော်ပြပါလင့်ကနေတစ်ဆင့် ဝင်ရောက်ဖတ်ရှုနိုင်ပါတယ် ခင်ဗျ။ 

မူပိုင်ခွင့်ဆိုတာ ဘာလဲ

 


မာလာမြိုင် ကုမ္ပဏီ ကြော်ငြာ
ပြောင်ခင်းမှာ ပေါင်းရှင်းဖို့ ဘူဒိုဇာ လာပြီ ဒိုး... ပြောင်းခင်း စိုက်နေရင်း ပေါင်းခင်းမဖြစ်သွားရအောင် မအပ်စပ်တဲ့ ပေါင်းတွေအကုန်ဒိုးဖို့ "ဘူဒိုဇာ" လာပြီဗျို့။ ပြောင်းခင်းထဲက ပေါင်းတွေကို အမြစ်ပြတ် သုတ်သင်ပေးမယ့် အစွမ်းထက်ထက် ဆေးတစ်လက် ဆိုရင် ပေါင်းမနိုင်ခင် "ပြောင်း" နိုင်ဖို့ ပြောင်းအထူး ရွေးချယ်ပေါင်းသတ်ဆေး "ဘူဒိုဇာ" နဲ့ဆိုရင် ဘယ်ပေါင်းတွေ ခံနိုင်ပါ့မလဲ? အဓိကပေါက်တတ်တဲ့ "မြေဇာ၊ မြက်ယား၊ ဆင်ငို၊ လက်သဲခွ၊ ဝမ်းဘဲစာ၊ လေးခွမြက်၊ ဝက်ကျွတ်၊ တောဟင်းနုနွယ်၊ မှိုချဥ်၊ ဟင်းဂလာ၊ ခွေးသေးပန်း၊ ဗောက်ပင်၊ ဗောက်လောက်ညို၊ ဆေးပုလဲ၊ ပရန္နဝါ၊ မြက်မုန်ညင်း" တို့ကို အမြစ်ပြတ် အထူးနှိမ်နင်းဖို့ "ဘူဒိုဇာ" ရှိရင် စိတ်သာချလိုက် ဦးကြီးတို့ရေ။ ပြောင်းဖူးပင် တစ်လသားမပြည့်မီ ပေါင်းအရွက် (၂-၄) ရွက် ထွက်ချိန်မှာ အချိန်မှန်မှန်နဲ့ မြန်မြန် သုံးထားဖို့ပဲ တိုက်တွန်းလိုက်ချင်တယ်ဗျ။ လက်မနှေးဘဲ အခုပဲ ပြောင်းခင်းထဲကပေါင်းတွေ "ဘူဒိုဇာ" နဲ့ ရှင်းလိုက်ရအောင်။
Read more Facebook page သို့သွားရန်

ဆွေးနွေးချက်များ

ဆွေးနွေးရန်