မာလကာသီး စားရင် ဘယ်လိုကောင်းကျိုးတွေ ရမလဲ

မာလကာပင်ဟာ အမေရိကတိုက်အပါအဝင် လက်တင်ဒေသများ ဖြစ်သော မက္ကဆီကိုနှင့် ပီရူးနိုင်ငံများမှ တစ်ဆင့် ပြန့်နှံ့ စိုက်ပျိုးလာခြင်း ဖြစ်ပါတယ်။ စိုက်ပျိုးရ လွယ်ကူသော သစ်သီးပင် ဖြစ်ပါတယ်။ အပူသမပိုင်းများတွင်လည်း ဖြစ်ထွန်းပါတယ်။ မာလကာပင်ဟာ အပူဒဏ် နှင့် ရေငန်ဒဏ်ကိုလည်း ခံနိုင်ရည်ရှိသော အပင်မျိုးဖြစ်ပြီး အေးသောဒေသများတွင် အသီးအရသာပို၍ ချိုသည်ဟုလည်း ဆိုကြပါတယ်။ မာလကာသီးဟာ ဗမာလူမျိုးတို့နဲ့ ရင်းနီးပြီးသား အလွယ်တကူ ဝယ်ယူရရှိနိုင်သော အသီးလည်းဖြစ်ပါတယ်။ ဈေးနှုန်းသက်သာသည့်အပြင် ရာသီတိုင်းတွင်လည်း အသီးဖြစ်ထွန်းပါတယ်။ စားလို့လည်း ကောင်းသလို ကျန်းမာရေးအတွက်လည်း အထောက်အကူပြုတာမို့ မာလကာသီး အကြောင်းလေ့လာကြပါမယ် ခင်ဗျ။

မာလကာသီးမှာ ဘယ်လို အာဟာရဓာတ်တွေ ပါဝင်နေလဲ

မာလကာသီးဟာ ဗီတာမင်စီနှင့် ဗီတာမင်အေ ကြွယ်ဝသော အသီး ဖြစ်ပါတယ်။ ဒါ့အပြင် မာလကာသီးမှာ သံဓာတ်၊ ဖောလစ်အက်စစ်၊ ကယ်လ်စီယမ်၊ ဖော့ စဖရပ်စ်၊ ပိုတက်ဆီယမ် တို့လည်း ပါဝင်ပါသေးတယ်။

မာလကာသီးတစ်လုံးမှာ ဗီတာမင်အေ ကြွယ်ဝစွာ ပါဝင်နေခြင်းကြောင့် မျက်လုံးရဲ့အမြင်အာရုံကို ကောင်းစေပါတယ်။ မာလကာမှာ ပါဝင်တဲ့ ပိုတက်ဆီယမ်နဲ့ ဓါတ်တိုးဆန့်ကျင်ပစ္စည်းတွေဟာ သွေးဖိအားကို ကျစေတဲ့ ကျန်းမာရေး အကျိုးကျေးဇူးတွေ ရှိပါတယ်။ ထို့ကြောင့် သွေးအား နည်းခြင်းကို ကာကွယ်ပေးနိုင်ရုံမက သွေးလည်ပတ်စီးဆင်းမှုကို ကောင်းမွန်စေသည့် ဂုဏ်သတ္တိရှိနေပါတယ်။ ပုံမှန်စားသုံးပါက သွေးတိုး ကျစေတယ်လို့လည်း သိရပါတယ်။ မာလကာသီးဟာ ဗီတာမင်၊ ပရိုတိန်း နဲ့ အာဟာရဓာတ် ပေါများစွာ ပါဝင်ပြီး လူကို ဝစေတဲ့ ကိုလက်စထရော မပါဝင်သလို အခြားအသီးတွေနဲ့ နှိုင်းယှဥ်မယ်ဆိုရင်လည်း အချိုဓာတ် အရမ်းကို နည်းပါးပါတယ်။

မာလကာသီးဟာ ကင်ဆာဆဲလ်တွေကိုလည်း တားဆီးပေးနိုင်ပါတယ်။ ထို့အပြင် မာလကာသီးတစ်လုံးမှာ ဗီတာမင် B 6 နဲ့ B 3 တို့ပါဝင်နေခြင်းကြောင့် သွေးလည်ပတ်မှုကိုအားကောင်းစေခြင်း နဲ့ မှတ်ဉာဏ်ပိုင်းဆိုင်ရာဆောင်ရွက်ချက်တွေကိုများစွာ အထောက်အကူပြုစေပါတယ်။

မာလကာစေ့မှာရော ဘယ်လို ကောင်းကျိုးတွေရှိလဲ

မာလကာစေ့ရဲ့အကျိုးကျေးဇူးကတော့ ဝမ်းချုပ်နေတဲ့ပြဿနာကို ဖြေရှင်းပေးနိုင်စွမ်း ရှိပါတယ်။ အစေ့မှာ အမျှင်ဓါတ်ပါဝင်တာကြောင့် အူတွင်းလှုပ်ရှားမှုကို ကောင်းစေပါတယ်။ ထို့အပြင် အစာအိမ်အချဉ်ပေါက်ခြင်းကိုလည်း ကာကွယ်ပေးနိုင်ပါတယ်။ မာလကာစေ့ဟာ polyunsaturated fatty acids တွေကြောင့် သွေးတွင်းကိုလက်စထရောကို ထိန်းချုပ်မှုမှလည်း အထောက်အကူပေးပါတယ်။

သို့သော် မာလကာစေ့တွေဟာ ကျောက်ကပ်မှာ သွားကပ်မနေဖို့တော့ သတိထားသင့်ပါတယ်။ ထို့အပြင် မာလကာသီးအစေ့ ကို စားသုံးလျှင်အဆိပ်အတောက် မဖြစ်စေသော်လည်း အခန့်မသင့်ပါ က အူအတက်ကိုလည်း ဒုက္ခပေးနိုင်တာမို့ မလိုလားအပ်တဲ့ အရာတွေမဖြစ်အောင် အတိုင်းအတာတစ်ခုထိပဲ စားဖို့အကြံပြုပါတယ်။

ဇင်ထူးနိုင်

ကိုးကားချက်

https://hellosayarwon.com/healthy-living/fitness-nutrition/benefits-of-guava-seeds/

https://my.wikipedia.org/wiki/Guava

ယခုဆောင်းပါးက ဦးကြီးတို့အတွက် အကျိုးတစ်စုံတရာဖြစ်ထွန်းမှု ရှိ /မရှိ ပေါ်မူတည်ပြီး အောက်မှာဖော်ပြပေးထားတဲ့ အသုံးဝင်ပါတယ်/အသုံးမဝင်ပါ ဆိုတဲ့ စာတန်းလေးကို ရွေးချယ်နှိပ်ပေးဖို့ တောင်းဆိုပါရစေ

Farm Link Co.,Ltd ကြော်ငြာ

စပါးစိုက်ပျိုးဖို့ ပြင်နေကြပြီလား? ဒါဆို Farm Link ရဲ့ အထူး special product တွေနဲ့ မိတ်ဆက်ပေးလိုက်ပါတယ်.. 👉 Erase (အီရေစ့်) က ပေါင်းပင်တွေကို သေစေရုံတင်မကဘဲ နောက်ထပ် ပေါင်းသတ်ဆေး ထပ်ဖျန်းစရာ မလိုလောက်အောင်ကို ပေါင်းပေါက်ရောက်မှုကို ထိထိရောက်ရောက် ဟန့်တားပေးနိုင်ပါတယ်။ 👉 စမတ်သီးစုံဆိုတာ အပင်တိုင်းအတွက် အဓိကအာဟာရNPK (19:7:8)နဲ့ #ဟူးမစ်အက်စစ်တို့ အချိုးကျ ပေါင်းစပ်ထားတဲ့ ကွန်ပေါင်းဓာတ်မြေဩဇာဖြစ်ပါတယ်။ အဓိကအကျိုးကျေးဇူးတွေအနေနဲ့ကတော့ နိုက်ထရိုဂျင် 19%ပါဝင်တဲ့အတွက် ကလိုရိုဖီးလ်ဖွဲ့စည်းမှုကို အားပေးကာ သီးနှံပင်များ၏အရွက်များစိမ်းလန်းသန်စွမ်းပြီး အစာချက်လုပ်မှုအားကောင်းစေပါတယ်။ 👉 ဆလက်ပလက်စ်ဆိုတာ စပါးဆစ်ပိုး (Rice stem borer) ၊ စပါးရွက်လိပ်ပိုး(Rice leaf folder)၊ စပါးငမြောင်တောင်ပိုး( Rice armyworm) စတဲ့ စပါးဖျက်ပိုးတွေကိုလည်း ၇၀%အထိကို ကာကွယ်နှိမ်နင်းနိုင်ပါတယ်။ 👉စပါးနှံတွေ ထွက်လာခါမှ ဂုတ်ကျိုးရောဂါကြောင့် အနှံဖြူပြီး ပျက်စီးသွားတာဟာ တောင်သူတို့အတွက် အကြီးမားဆုံး ဆုံးရှုံးမှုပါပဲ။ ဒီဆုံးရှုံးမှုကို အမြစ်ပြတ် တားဆီးဖို့ဆိုရင် ရှူးဝါး ကိုသာ သတိရလိုက်ပါ။ 👉စပါးခင်းမှာ ရွက်ဖျားဝါပြီး မီးလောင်သလို အကွက်လိုက်ဖြစ်ကာ တဖြည်းဖြည်းခြောက်လိုက်လာပြီဆို အဲ့ဒါကိုဖြုတ်လောင်ခြင်း (hopper burn)လို့ခေါ်ပါတယ်။ မထိန်းချုပ်နိုင်အောင် ဆိုးဆိုးရွားရွာကျရောက်ပါက အထွက်နှုန်းကို ရာနှုန်းပြည့်ထိ ဆုံးရှုံးစေနိုင်တာတာကို ဗိုက်တာဂရိုကိုသာ ထိန်းချုပ်နိုင်တာပါ