ပန်းသီးဖုန်းနဲ့ အန်းဒရွိုက်ဖုန်း ကွာခြားချက်

“ခေတ်မီတောင်သူဖြစ်ဖို့ ဒစ်ဂျစ်တယ်နည်းပညာ လေ့လာစို့” အစီစဥ်လေး ရောက်ရှိလာပြန်ပါပြီ ခင်ဗျ။

ယခုတစ်ပတ်မှာတော့ အိုင်ဖုန်း (ပန်းသီး) နဲ့ အန်းဒရွိုက်ဖုန်း အကြောင်း မျှဝေပေးသွားမှာ ဖြစ်ပါတယ် ခင်ဗျ။

အရိုးရှင်းဆုံးပြောရရင် အန်းဒရွိုက်ဖုန်းဆိုတာ ကျွန်တော်တို့အများစု နေ့စဥ်အသုံးပြုနေတဲ့ ဖုန်းတွေကို ပြောတာဖြစ်ပါတယ်။ တံဆိပ်မျိုးစုံ၊ ကုမ္ပဏီ မျိုးစုံကထုတ်လုပ်ကြပါတယ်။ ဈေးနှုန်းအားဖြင့်လည်း သင့်တင့်ပြီး လူအများစုဝယ်ယူအသုံးပြုနိုင်တာပဲ ဖြစ်ပါတယ်။

အိုင်ဖုန်း ဆိုတာကတော့ ဖုန်းရဲ့နောက်ကျောမှာ ပန်းသီးပုံစံလေး ပါရှိပြီး ဈေးနှုန်းအားဖြင့်လည်း မြင့်ပြီး လူတန်းစားတစ်ခုလောက်သာ ကိုင်ကြတာ ဖြစ်ပါတယ်။ ဒါပေမယ့် ယနေ့ခေတ်မှာတော့ အချို့ တောင်သူ ဦးလေး ဒေါ်လေးတွေလည်း အိုင်ဖုန်းတွေ ကိုင်နေကြပါပြီ။

ဒါဆိုရင်အိုင်ဖုန်းနဲ့ အန်းဒရွိုက်ဖုန်းတွေက ဘယ်အချက်တွေမှာ ကွာခြားနေလဲဆိုတာ လေ့လာကြည့်ရအောင်လား ခင်ဗျ။

ဒီဖုန်းအမျိုးအစား ၂ ခုရဲ့ ကွာခြားချက်ကတော့ အလုပ်လုပ်ဆောင်တဲ့ စနစ် ဖြစ်ပါတယ်။ အိုင်ဖုန်းတွေမှာ သုံးထားတဲ့ ပစ္စည်းကိရိယာတွေရဲ့ ဈေးနှုန်းဟာ အန်းဒရွိုက်ဖုန်းတွေနဲ့ ယှဥ်လိုက်မယ်ဆိုရင် ၅၀ ရာခိုင်နှုန်းအထိ ဈေးနှုန်းကွာခြားတာ ဖြစ်ပါတယ်။ အိုင်ဖုန်းတွေ ဈေးကြီးတာ၊ နာမည်ကြီးတာဟာ ပစ္စည်းအရည်အသွေးထက် ဆော့ဝဲလ်တည်ဆောက်ပုံကြောင့်ဖြစ်ပါတယ်။ အဓိကကတော့ အသုံးပြုသူရဲ့ ကိုယ်ရေးအချက်အလက် လုံခြုံစိတ်ချရမှုက ပြိုင်ဖက်မရှိတာကြောင့် အိုင်ဖုန်းတွေက နာမည်ရတာဖြစ်ပါတယ်။ ဖုန်းရဲ့ နောက်ကွယ်မှာ ရှိနေတဲ့ လုပ်ငန်းဆောင်တာဖြစ်စဥ်တွေဟာလည်း သေချာထိန်းချုပ်ထားတာမို့ ဖုန်းစက်ဟန်းတာ၊ လေးတာမျိုးတွေလည်း အဖြစ်နည်းပါတယ်။

တစ်ဖက်မှာလည်း မိမိအနေနဲ့ နည်းပညာကို စိတ်ဝင်စားတယ်၊ ထိန်းချုပ်ကန့်သတ်မှုတွေ မလိုချင်ဘူး၊ ဈေးနှုန်းလည်းသင့်တင့်တယ်၊ မိမိ စိတ်ကြိုက် စီမံခန့်ခွဲတာတွေလည်း လုပ်ချင်တယ်ဆိုရင်တော့ အန်းဒရွိုက်ဖုန်းတွေက ရွေးချယ်ဖို့ သင့်တော်ပါတယ် ခင်ဗျ။

https://maungnyi.wordpress.com/

ယခင်တစ်ပတ်က ဖော်ပြခဲ့တဲ့ ဆောင်းပါလေးကို ပြန်လည်ဖတ်ရှုချင်ရင်တော့ ဖော်ပြပါ လင့်ကနေတစ်ဆင့် ဝင်ရောက်ဖတ်ရှုနိုင်ပါတယ် ခင်ဗျ။

ယူကျူ့(Youtube) အကြောင်းသိကောင်းစရာ

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြလိုပါသည်" ဟု ထည့်ပေးပါရန် မေတ္တာရပ်ခံအပ်ပါသည်။

ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...