ကျားနဲ့ မကြား ဒစ်ဂျစ်တယ်နည်းပညာ ကွာဟမှု

“ခေတ်မီတောင်သူဖြစ်ဖို့ ဒစ်ဂျစ်တယ်နည်းပညာ လေ့လာစို့” အစီစဥ်လေး ရောက်ရှိလာပြန်ပါပြီ ခင်ဗျ။

ယခုတစ်ပတ်မှာတော့ ကျားနဲ့ မ ကြား ဒစ်ဂျစ်တယ်နည်းပညာကွာဟမှု အကြောင်းကို တောင်သူ ဦးလေး ဒေါ်လေးတို့အတွက် မျှဝေပေးသွားမှာ ဖြစ်ပါတယ် ခင်ဗျ။

ယနေ့ခေတ်မှာ ဖုန်းတွေ၊ ကွန်ပျူတာတွေ၊ အင်တာနက်တွေ လက်လှမ်းမီလာတာနဲ့ အမျှ ဒစ်ဂျစ်တယ်ပိုင်းဆိုင်ရာ ပစ္စည်းတွေနဲ့ နည်းပညာတွေကို ကျွမ်းကျင်စွာ အသုံးပြုနိုင်ဖို့ ဒစ်ဂျစ်တယ်နည်းပညာတွေဟာ မဖြစ်မနေ လေ့လာသင်ယူသင့်တဲ့ အခြေအနေဖြစ်လာပါတယ်။ မိုဘိုင်းဖုန်း အသုံးပြုမှုများလာတယ်ဆိုပေမယ့် မိုဘိုင်းဖုန်းပိုင်ဆိုင်မှုနဲ့ အင်တာနက်အသုံးပြုတဲ့ အရေအတွက်မှာဆိုရင် အမျိုးသမီးတွေဟာ အမျိုးသားတွေထက် လျော့နည်းနေဆဲ ဖြစ်ပါတယ်။

ရှေးရိုးစွဲ အယူအဆတွေနဲ့အတူ လူမှုပတ်ဝန်းကျင်ရဲ့ အမျိုးသမီးတွေ အပေါ်ထားရှိတဲ့ အမြင်၊ လူမှုရေးစံနှုန်းတွေ၊ ကန့်သတ်ပိတ်ပင်မှုတွေကြောင့် ဒစ်ဂျစ်တယ်နည်းပညာတွေကို ထိတွေ့ ကိုင်တွယ်ခွင့်ရဖို့ အခက်အခဲတွေရှိနေပါသေးတယ်။ မြို့ပြတွေမှာရှိတဲ့အမျိုးသမီးတွေအနေနဲ့ သိပ်မသိသာပေမယ့် ကျေးလက်ဒေသတွေမှာဆိုရင် ဒီလိုဖြစ်ရပ်တွေကို သိသိသာသာတွေ့ရပါတယ်။ အချို့သောနေရာတွေမှာဆိုရင် အမျိုးသမီးတွေဟာ မိဘတွေကနေ ဖုန်းပေးမသုံးတာမျိုးတွေ၊ အွန်လိုင်းမှတစ်ဆင့် လိင်ပိုင်းဆိုင်ရာ ခြိမ်းခြောက်မှုတွေ၊ နှောက်ယှက်စော်ကားခံရတာမျိုးတွေကလည်း စိန်ခေါ်မှုတွေအနေနဲ့ ရှိနေပါသေးတယ်။ မြို့ပြတွေမှာဆိုရင်လည်း ဒစ်ဂျစ်တယ်နည်းပညာနဲ့ သက်ဆိုင်တဲ့ လုပ်ငန်းခွင်တွေမှာ ဝန်ထမ်းခေါ်ယူတဲ့အခါ အမျိုးသားတွေအတွက်ပဲ သီးသန့်ဆိုပြီး သတ်မှတ်ကြတာမျိုးတွေထိ ရှိပါတယ်။

ဒီလိုမျိုးတွေ ကြုံတွေ့ရတဲ့အခါမှာ အမျိုးသမီးတွေအနေနဲ့ ဒစ်ဂျစ်တယ်နည်းပညာတွေဟာ သူတို့တွက် အရေးမပါဘူး၊ အသုံးမလိုဘူးဆိုပြီး ထင်မှတ်သွားကြပါတယ်။ နည်းပညာတွေကို သူတို့ကိုယ်တိုင်လည်း မလေ့လာတော့သလို၊ သင်ကြား ပြောပြပေးမယ့်သူလည်း မရှိဖြစ်သွားပါတယ်။ နောက်ပိုင်းမှာ ဖုန်းတွေ၊ နည်းပညာတွေကို မထိတွေ့ ၊ မကိုင်ရဲ ဖြစ်သွားတတ်ကြပါတယ်။ ဒါ့ကြောင့်လည်း အွန်လိုင်း လူမှုကွန်ယက်မီဒီယာတွေ အသုံးပြုတဲ့အခါမှာ ဘေးကင်းလုံခြုံမှု မရှိတာတွေ၊ လိမ်လည် လှည့်ဖျားခံရတာတွေ မကြာခဏဆိုသလိုတွေ့ရတတ်တာ ဖြစ်ပါတယ်။

ဒါကြောင့် အမျိုးသမီးတွေအနေနဲ့ ဒစ်ဂျစ်တယ် နည်းပညာတွေကို စနစ်တကျသိနားလည်အောင် ကိုယ်တိုင် လေ့လာဖို့လိုအပ်သလို၊ တတ်ကျွမ်းပြီးသားသူတွေအနေနဲ့လည်း လက်လှမ်းမီသလောက် ပြန်လည်မျှဝေ သင်ကြားပေးခြင်းဖြင့် အမျိုးသားနဲ့ အမျိုးသမီးကြား ဒစ်ဂျစ်တယ်နည်းပညာ ကွာဟမှုလျော့ချပြီး တန်းတူအခွင့်အရေးရရှိအောင် ဆောင်ရွက်ကြဖို့ တိုက်တွန်းလိုက်ရပါတယ်။

ယခင်တစ်ပတ်က ဖော်ပြခဲ့တဲ့ ဆောင်းပါးလေး ပြန်လည်ဖတ်ရှုချင်ရင်တော့ ဖော်ပြပါ လင့်ကနေတစ်ဆင့် ဝင်ရောက်ဖတ်ရှုနိုင်ပါတယ် ခင်ဗျ။

သတင်းအမျိုးအစားများ

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန်မေတ္တာရပ်ခံအပ်ပါသည်။

ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...