ပဲစျေးနှုန်းများတည်ငြိမ်နေ

Photo -

ယခုရက်ပိုင်းအတွင်း မြန်မာ့ပဲစျေးနှုန်းများမှာ တည်ငြိမ်နေကြောင်း မြန်မာနိုင်ငံ ပဲမျိုးစုံနှင့် နှမ်းကုန်သည်များအသင်းမှ သိရပါတယ်။

မြန်မာ့ပဲတွေဖြစ်တဲ့ မတ်ပဲနဲ့ ပဲစဉ်းငုံစျေးနှုန်းများမှာ အခုရက်ပိုင်းအတွင်း ပြောင်းလဲမှုမရှိပဲ တည်ငြိမ် နေကြောင်း မြန်မာနိုင်ငံ ပဲမျိုးစုံနှင့် နှမ်းကုန်သည်များအသင်းမှ အတွင်းရေးမှူး ဦးမင်းကိုဦး က ပြောပါတယ်။

“ မတ်ပဲစျေးနှုန်းရော ပဲစဉ်းငုံစျေးနှုန်းရော တည်ငြိမ်နေတယ်။ အရင်လကပဲစျေး နှုန်းတွေက ဝယ်လိုအားကြောင့် စျေးနှုန်းတက် လာခဲ့ပေမယ့် ဒီရက်ပိုင်းအတွင်းမှာ ပဲစျေးနှုန်းတွေက အပြောင်းအလဲမရှိပါဘူး။ အခုလဆန်းပိုင်းမှာပဲ စျေးနှုန်းတွေက အပြောင်း အလဲမရှိပဲ တည်ငြိမ်နေတယ်”

မတ်ပဲ ၈၅၀၀၀၀ ကျပ်မှ ၈၅၅၀၀၀ ကျပ်ရှိနေပြီး ပဲစဉ်းငုံအဟောင်းတစ်တန်ကို ၉၄၀၀၀၀ ကျပ် နဲ့ ပဲစဉ်းငုံအသစ် တစ်တန်ကို ၁၀၀,၃၀၀၀ ကျပ် ရှိနေကြောင်း အဆိုပါအသင်းမှ သိရပါတယ်။

မြန်မာ့ပဲကို အိန္ဒိယနိုင်ငံကို အဓိကထားတင်ပို့နေပြီး ပါကစ္စတန် စတဲ့နိုင်ငံများကိုလည်း တင်ပို့နေကြောင်း မြန်မာနိုင်ငံပဲမျိုးစုံနှင့် နှမ်းကုန်သည်များအသင်းမှ သိရပါတယ်။

တိုးတိုးခိုင်(ABM)



ယခုဆောင်းပါးက သင့်အတွက် အသုံးဝင်ပါသလား?

  စကားပုံ  

"ငှက်ပျောတစ်နှိုက် အုန်းတစ်မိုက်"