သီးနှံအများစု ဈေးကွက်ပျက်နေသော်လည်း စပျစ်ဈေးကွက် နေ့စဉ်နီးပါး အရောင်းသွက်နေ

COVID-19 ဗိုင်းရပ်စ် ပြဿနာကြောင့် သီးနှံအများစု ဈေးကွက်ကျဆင်းနေသော်လည်း စပျစ်သီးဈေးကွက်မှာမူ ပျက်ကွက်ခြင်းမရှိပဲ အရောင်းသွက်ကြောင်း စပျစ်ပင် စီးပွားဖြစ်စိုက်ပျိုးနေသူများက ပြောသည်။

ကျွန်တော်တို့ ရွာတန်းဒေသရဲ့ အဓိကထုတ်ကုန်ဖြစ်တဲ့ စပျစ်သီးတွေကို မြို့နယ်အလိုက် နေ့စဉ် ကုန်တင်ကားကြီးတွေနဲ့ တင်ပို့နေတာ အားရဝမ်းသာစရာပါ။ အခုလို ကပ်ရောဂါ ကျရောက်တဲ့ အချိန်မှာတောင် နေ့စဉ်လိုလို စပျစ်သီးအများကြီး ဈေးကွက်ထဲအရောက်ပို့ဆောင်ရောင်းချခွင့်ရနေတာဟာလည်း စပျစ်စိုက်တောင်သူတွေဖြစ်တဲ့ ကျွန်တော်တို့အတွက် အားရဝမ်းသာစရာဆိုရင် မမှားပါဘူး။

ဟု မန္တလေးတိုင်း၊ ရမည်းသင်းမြို့နယ်၊ ရွာတန်းဒေသမှ စပျစ်စီးပွားဖြစ်စိုက်ပျိုးထုတ်လုပ်နေသူ ကိုမင်းဆက်ပိုင်က ပြောသည်။

မန္တလေးတိုင်းဒေသကြီး၊ ရမည်းသင်းမြို့၊ ရွာတန်းတိုက်နယ် (၂၄) ရွာတွင် စပျစ်ပင် အများအပြားစိုက်ပျိုးကြပြီး၊ ထွက်ရှိသည့် စပျစ်သီးများကို ရန်ကုန်မြို့၊ ပဲခူးမြို့၊ မော်လမြိုင်မြို့၊ မြင်းခြံမြို့၊ ရေစကြိုမြို့၊ မိတ္ထီလာမြို့၊ မန္တလေးမြို့၊ ပြင်ဦးလွင်မြို့၊ မကွေးမြို့၊ မူဆယ်မြို့ စသည့် တိုင်းနှင့်ဒေသအသီးသီးသို့ တင်ပို့ရောင်းချနေသည်။

ဝိုင်ထုတ်လုပ်တဲ့ စပျစ်သီးတွေကိုတော့ အေးသာယာကုမ္ပဏီနဲ့ ချိတ်ဆက်ပြီးတော့ စာချုပ်ချုပ်ဆိုပါတယ်။ ဝိုင်စပျစ်ကတော့ ဈေးကွက် အထူးရှာစရာ မလိုပါဘူး။ အခုဆိုရင် တစ်ဧကကို ကုန်ချိန် (၄ဝဝဝ)လောက် စာချုပ်ချုပ်ဆိုပြီးပါပြီ။

ဟု ကိုမင်းဆက်ပိုင်က ဆက်လက်ပြောသည်။

အဆိုပါ ရွာတန်းဒေသရှိ တောင်သူများမှ ဝိုင်ထုတ်လုပ်သည့် စပျစ်မျိုး(၆)မျိုး၊ စားစပျစ်အမျိုးအစား(၁၅)မျိုး ခန့်ကို နှစ်စဉ် စိုက်ပျိုးထုတ်လုပ်နေကြောင်း သိရသည်။

နန်းထက်ထက်ချစ်(ABM)

မာလာမြိုင် ကုမ္ပဏီ ကြော်ငြာ

ဦးကြီးတို့ရဲ့ မြေကြီးက ရွှေသီးဖို့ပဲ ဖြစ်သင့်တာပေါ့။ ဒါပေမဲ့ စပါးခင်းထဲ ရွှေခရုရောက်လာပြီဆိုရင်တော့ မြေကြီးက ရွှေသီးဖို့ကို အနှောင့်အယှက် ကောင်းကောင်းကြီးပေးပါလိမ့်မယ်။ မြန်မာ့မျိုးရင်းခရုမဟုတ်တဲ့ တောင်အမေရိကမျိုးစိတ်ဖြစ်ပြီး မြန်မာနိုင်ငံကို ကျူးကျော်လာတဲ့ မျိုးစိတ်ဖြစ်တာကြောင့် အကောင်ပွားနှုန်းကလည်း အဆမတန် မြင့်တက်လာပါတယ်။ ခရုအမ တစ်ကောင်က တစ်ခါ ဥ မယ်ဆိုရင် ဥအရေအတွက် ၁၀၀ ကနေ ၁၀၀၀ အထိ အတွဲလိုက်ဥကြပြီး တစ်နှစ်မှာ ၃ ကြိမ်အထိ မျိုးပွားနိုင်ပါတယ်။ စပါးခင်းတွေမှာ ရွှေခရုကျပြီဆိုရင် ပန်းရောင် ဥ တွေ ကို စပါးပင်တွေမှာ တွေ့ရနိုင်ပါတယ်။ ဒီရွှေခရုတွေကို ရှင်းပစ်ဖို့အတွက်ကတော့ မာလာမြိုင်ရဲ့ ခရုဘုရင် ရှိနေပါပြီ။ ခရုဘုရင်က စားသေအစွမ်းနဲ့ အဆိပ်ငွေ့အာနိသင်ရှိတာကြောင့် ရွှေခရုတွေကို အထိရောက်ဆုံး ရှင်းပေးနိုင်မှာပါ။ အစွမ်းရှိပစ္စည်းဖြစ်တဲ့ Niclosamide -olamine 83.1% WP ပါဝင်ပြီး Chloronitrophenol ဆေးအုပ်စုထဲ ပါဝင်ပါတယ်။ ရေဖျော်ဆေးမှုန့်အမျိုးအစားဖြစ်လို့ ရေ ၂၀ လီတာဝင်တဲ့ဆေးဖျန်းပုံး တစ်ပုံးမှာ ၄၀ ကနေ ၅၀ ဂရမ်အထိ အသုံးပြုနိုင်ပါတယ်။ နှုန်းထားကိုတော့ တစ်ဧကမှာ ၁၅၀ ကနေ ၂၀၀ ဂရမ်နဲ့ တွက်ချက်ပေးထားပါတယ်။ သတိပြုရမှာတော့ ဆေးဖျန်းပြီးနောက်ပိုင်း စပါးခင်းအတွင်းမှာရှိတဲ့ ရေကို ၅ စင်တီမီတာနဲ့ ၃ ရက်ထားဖို့ လိုအပ်ပါတယ်။ ဆေးဖျန်းပြီး ၅၂ ရက်ကြာမှ ရိတ်သိမ်းသင့်ပါတယ်။ ခရုဘုရင်နဲ့ဆို စပါးခင်းကို ဒုက္ခပေးတဲ့ ရွှေခရုတွေကို ရှင်းလင်းနိုင်ပြီး မြေကြီးက ရွှေသီးနိုင်ပြီပေါ့ဗျာ။

Read more

Facebook Page သို့သွားရန်