မုံရွာ၊ ချောင်းဦးအနီးတဝိုက်ဒေသများတွင် (၄) နှစ်တာအတွင်း နွားနို့ဈေး တစ်ပိဿာ (၈၅၀) ကျပ်မှ မတက်

31/10/2020 12:45 PM တွင် ဒေါ်နန်းထက်ထက်ချစ် ဒေါ်နန်းထက်ထက်ချစ် မှ ရေးသား

    စစ်ကိုင်းတိုင်း မုံရွာမြို့၊ ချောင်းဦးမြို့အနီးတဝိုက်ရှိ ဒေသများတွင် (၄) နှစ်တာအတွင်း နွားနို့ဈေး တစ်ပိဿာ (၈၅၀) ကျပ်မှ မတက်သေးကြောင်း ကိုယ်တိုင်မွေးမြူသူများထံမှ သိရသည်။

လက်ရှိပုံမှန်ဈေးက တစ်ပိဿာကို ၈၅၀ ကျပ်ပါ။ နွားမွေးမြူတဲ့သူ (နွားရှင်) ကပဲ နို့သိမ်းတဲ့ဒိုင်ကို အရောက်ပို့ပေးရတယ်။ ပို့တဲ့စရိတ်ကိုလည်း နွားရှင်ကခံရတယ်။ ဒိုင်ဆီရောက်တဲ့အထိ ကုန်ကျသမျှစရိတ်မှန်သမျှကို နွားရှင်ဘက်ကပဲ ကုန်ကျခံရတယ်။ အဲ့ဒါကိုမှ နွားနို့တစ်ပိဿာကို ၈၅၀ ကျပ်သာ ရတာပါ။ တစ်နိုင်ငံလုံးမှာဆို ကျွန်တော်တို့ဘက်က ဒေသတွေက နွားနို့ဈေး အနိမ့်ဆုံးဖြစ်နေတာပါ။

ဟု စစ်ကိုင်းတိုင်း၊ ချောင်းဦးမြို့နယ်၊ အောင်ချမ်းသာရွာမှ နို့စားနွားမွေးမြူရေးလုပ်ငန်းလုပ်ကိုင်သူ ကိုကျော်ကျော်က ပြောသည်။

    နို့စားနွားမွေးမြူရာတွင် နို့ထွက်နှုန်းကောင်းမွန်စေရန် အစာကျွေးမွေးခြင်းကို ဂရုတစိုက်လုပ်ဆောင်ပေးရပြီး အစာကျွေးမွေးရာတွင် အားနည်းပါက နို့ထွက်နှုန်းကျဆင်းသွားနိုင်သည်။

    နွားနို့ဈေး တစ်ပိဿာကို ၈၅၀ ကျပ်သာ ရရှိသဖြင့် အစာစရိတ်ကို လျော့ချရခြင်းကြောင့် နို့ထွက်နှုန်းမှာလည်း တစ်စစကျဆင်းလာကြောင်း သိရသည်။

လွန်ခဲ့တဲ့ လေးငါးနှစ်ကဆို နွားနို့ပိဿာချိန် သုံးသောင်း၊ လေးသောင်းလောက် ထွက်တယ်။ အခုကျတော့ အစာဖိုး၊ တခြားကုန်ကျစရိတ်တွေကို လျော့ချရတာနဲ့ နွားနို့လည်း အထွက်နည်းကုန်တယ်။ နွားနို့ဈေးက လွန်ခဲ့တဲ့လေးနှစ်တုန်းကလည်း တစ်ပိဿာကို ၈၅၀ ကျပ်၊ အခုထိလည်း ၈၅၀ ပဲ။ ကျန်တဲ့ အစာရေစာဈေးတွေက အကုန်တက်တယ်ဗျာ။ လွန်ခဲ့တဲ့လေးနှစ်က ကျွန်တော်တို့ကျွေးတဲ့ နွားစာအိတ်တစ်အိတ်ကို တစ်သောင်းကျပ်ဆိုရင် အခုကျ တစ်သောင်းခွဲကျပ် ဖြစ်နေပြီဗျာ။ ဝင်ငွေနည်းတဲ့အတွက် ထွက်ငွေကို လျော့ချရင်း နို့ထွက်နှုန်းက နည်းကုန်တာပါ။ ဒေသစာတော်တော်များများ ဈေးတက်ကုန်ပေမယ့် နွားနို့ဈေးက မတက်ဘူး။ နို့ထွက်တဲ့အပေါ်မူတည်ပြီး နွားတစ်ကောင်ကို နှစ်ပိဿာလောက် ကျွေးရတယ်။ နို့စားနွားက အစားတစ်မျိုးတည်းနဲ့ မပြည့်စုံဘူး။ နှမ်းဖတ်တစ်ခုတည်းကျွေးလို့လည်းမရဘူး။ အာဟာရစုံအောင် ကျွေးရတယ်။ နွားစာကို လျော့လိုက်တာနဲ့ နို့ထွက်နှုန်းပါ နည်းသွားတယ်။ ရှုံးနေကြတာ လေးငါးနှစ်လောက်ကို ရှိနေပြီ။

ဟု ကိုကျော်ကျော်က ဆက်လက်ပြောသည်။

    အဆိုပါဒေသများ၌ တစ်နိုင်တပိုင် (သို့မဟုတ်) စီးပွားဖြစ် နို့စားနွားမွေးမြူရေးကို လုပ်ကိုင်နေကြသော်လည်း နွားစာစရိတ်ကြီးမြင့်ခြင်း၊ နွားနို့ဈေးအတက်မရှိ တည်ငြိမ်နေခြင်း၊ မူရင်းနွားနို့ဈေးမှာလည်း အခြားဒေသများထက် အဆမတန်နိမ့်ကျနေခြင်းတို့ကို မွေးမြူသူများ ခံစားနေရခြင်းဖြစ်သည်။

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။


S&Z International Co., Ltd ကြော်ငြာ
မြေကောင်း အမြစ်သန် ပင်သီးပွင့်ဝေ "ဟူးမစ်ကေ" See More စိုက်ပျိုးမြေတွေက တစ်နှစ်ထက်တစ်နှစ် အဆီအနှစ်တွေခမ်း‌ ခြောက်လာနေလို့ စိတ်ညစ်နေကြပြီလား.. ? မြေဩဇာတွေ ပေါပေါမသုံးနိုင်တော့ အထွက်တွေ မတက်လို့ ခက်နေပြီလား.. ? အဲ့ဒါတွေအားလုံးကို "ဟူးမစ် ကေ" ကို သုံးပေးလိုက်ရုံနဲ့ ဖြေရှင်းနိုင်ပါတယ် ခင်ဗျာ .. "ဟူးမစ်-ကေ"မှာ "ဟူးမစ်အက်စစ်- ၇၀ % ၊ ဖူးဗစ်အက်စစ် -၆-၁၅ % နဲ့ ပိုတက်ဆီယမ် -၁၀-၁၅%" ပါဝင်ပါတယ်..။ အဲ့ဒါတွေက ဘာတွေကောင်းစေတာလဲဆိုတော့… အဲ့ဒီဓာတ်တွေက နှစ်စဉ်ဆုံးရှုံးသွားတဲ့ မြေဆီမြေနှစ်တွေကို ပြန်လည်အားဖြည့်ပေးပြီး မြေဩဇာကို ရေရှည် အကျိုးပြု ထက်သန်စေတာပါပဲ.. မြေကိုဘယ်လိုအားဖြည့်ပေးတာလဲဆိုတော့ "ဟူးမစ်-ကေ" ကို ထည့်ပေးလိုက်တာနဲ့.. မြေသားဖွဲ့စည်းမှုကို ထိန်းညှိကောင်းမွန်စေတာ၊ မြေစေးတာ ဖွယ်တာတွေကို ထိန်းညှိပေးတာ၊ မြေဆီလွှာ အတွင်းက အကျိုးပြုအဏုဇီဝပိုးတွေကို ပွားများရှင်သန်စေတာ၊ မြေဆီလွှာအတွင်း အာဟာရဓာတ်တွေရဲ့ ဖလှယ်နိုင်မှုကို တိုးတက်ကောင်းမွန်စေတာ မြေချဉ်ငံဓါတ်ကိုလဲထိန်းညှိမျှတစေတာ နဲ့မြေဆီလွှာအတွင်း လေဝင်လေထွက် မျှတစေပြီး အစိုဓာတ်ထိန်းသိမ်းမှုကို မျှတစေတာ စတဲ့အကျိုးကျေးဇူးတွေ အများကြီး ရစေတာမို့ပါပဲ... သူ့ချည်းသာလော.. ဆိုရင်တော့ ပိုသေးသဗျ .. သီးနှံပင်တွေကို အမြစ်အားကောင်းစေပြီး အပင်သန်မာကြီးထွားစေ အထွက်နှုန်းတိုးစေတာလေးပါ အဆစ်ပါသေးဆိုတော့.. ကဲ..တောင်သူဦးကြီးတို့ရဲ့ ပျက်စီးနေတဲ့မြေဆီလွှာတွေကို "ဟူးမစ်-ကေ" နဲ့ အထူးဖြစ်နေအောင် ပြုပြင်လိုက်ကြ ပါစို့ဗျာ.. "ဟူးမစ်-ကေ" ကို သူ့ချည်းသက်သက်မသုံးဘဲ ပုလဲ၊ တီစူပါ၊ ပိုတက်အပြင် တခြား ကွန်ပေါင်းဓာတ်မြေဩဇာတွေနဲ့ လူးနယ်ကြဲပက်အသုံးပြုမယ်ဆိုရင်လည်း ဓါမြေဩဇာများအားလေလွင့်ဆုံးရှုံးမှုမှ ကာကွယ်ပေးပြီး ပိုမိုထူးခြားကောင်းမွန်တဲ့ အကျိုးအာနိသင်ကို ရရှိစေနိုင်မှာဖြစ်ပါတယ်ဗျာ..။ ဪ တစ်ခုကျန်သေးသဗျ ရေပျော်စွမ်းအား ၉၉.၉ % ရှိပြီး ရွက်ဖျန်းအားဆေး များဖြင့်လည်းရာစပ်ပက်ဖျန်း ပင်သီးပွင့် ဝေ စေဖို့ အသုံးပြုနိုင် ပါတယ် ခင်ဗျာ။ အသေးစိတ်သိရှိလိုပါက ဆက်သွယ်ရန်- S & Z International Co.,ltd အမှတ်(၁၆)၊ပျဥ်းကတိုးလမ်း၊(၃၄) ရပ်ကွက်၊ဒဂုံမြို့သစ်မြောက်ပိုင်း၊ရန်ကုန် Ph No-09797944994
Read more S&Z facebook စာမျက်နှာသို့သွားရန်

ဆွေးနွေးချက်များ

ဆွေးနွေးရန်