ချင်း (ဂျင်း) ဝိုင်

    ချင်းဝိုင်ကို လွန်ခဲ့သောနှစ်များစွာကတည်းက အနောက်နိုင်ငံများတွင် ပြုလုပ်သောက်သုံးနေကြပါတယ်။ လက်ရှိ ဈေးကွက်ထဲတွင် စပျစ်၊ မက်မန်း၊ စတော်ဘယ်ရီ စသောဝိုင်များကို လူကြိုက်များ၍ အဓိကသောက်သုံးကြပါတယ်။ ကျွန်တော်ရေးသားသောချင်းဝိုင်သည် ကျန်းမာရေးကို များစွာအထောက်အကူပြုနိုင်ပြီးအလွယ်တကူပြုလုပ်နိုင်ပါတယ်။ 

​ကျန်းမာရေးအတွက် ချင်းဝိုင်၏အကျိုးပြုပုံ

    ချင်းဟာ လူသားတို့အတွက် များစွာဆေးဖက်ဝင်သော သီးနှံတစ်မျိုးဖြစ်ပါတယ်။ အဓိကအားဖြင့် ပျို့အန်ခြင်း၊ အစာမစားခြင်း၊ ဖျားနာခြင်းနှင့် ကြွက်သားများနာကြင်ခြင်း စတဲ့အစာချေမှုပြဿနာများအတွက် ချင်းဟာ အလွန်အသုံးဝင်ပါတယ်။ 

    ချင်းဝိုင်တွင် အဓိကအားဖြင့် လီမွန်ဓာတ်ပါဝင်ပါတယ်။ လီမွန်သည် ခန္ဓာကိုယ်အတွင်းရှိ ကာဗွန်ဟိုက်ဒြိုတ်ကို ထိန်းညှိပေးနိုင်ပါတယ်။ ၎င်းဟာ ဗီတာမင် စီ၏ အရင်းအမြစ်တစ်ခုလည်း ဖြစ်ပါတယ်။

ချင်းဝိုင်ကို ဘယ်လိုပြုလုပ်မလဲ

ဂျင်းဝိုင်ပြုလုပ်သည့် အချိုးအစား

- ရေ (၃( လီတာ

- ဂျင်း (၄၀၀) ဂရမ်(ဂျင်းကို ပါးပါးလှီးထားရပါမယ်)

- သကြား (၄၀၀) ဂရမ်

- တစေး -ဟင်းခတ်ဇွန်း (၁)ဇွန်း

- သကြား (၁)ဇွန်း (တ​​​စေး နှင့် သကြားကို ဖျော်ရပါမယ်)

- လိမ္မော်ခွံကတော့  အနည်းငယ် (သင့်တင့်ရုံ)

- စပျစ်သီးခြောက် (၂၀၀)ဂရမ်

- လိမ္မော်ရည် (၁/၂) ဇွန်း

ပြုလုပ်နည်း

၁။ ပထမဦးစွာ အခွံနွှာထားသောချင်းကို ပလတ်စတစ်ပုံးထဲတွင် အချဉ်ဖောက်ရပါမယ်။

၂။ လီမွန်(လီမွန်အရည်)အခွံနှင့် စပျစ်သီးခြောက်ကို ထည့်ပေးပါ။

၃။ ရေးနွေးပူ ၂ လီတာကို ၎င်းပုံးထဲသို့ လောင်းထည့်ပေးပါ။

၄။ ပြီးလျှင် ၁ရက်အကြာ ဖုံးအုပ်ပေးထားရပါမယ်။

၅။ (၁ရက်ကြာပြီးနောက်) သကြား၊ လီမွန်ဖျော်ရည်၊ တစေးနှင့် ရေအေးကို လောင်းထည့်ပေးပါ။

၆။ သကြားနှင့် တစေးတို့ ကောင်းစွာပျော်ဝင်နိုင်အောင် အနည်းငယ်မွှေပေးရပါမယ်။

၇။ ပြီးလျှင် အဖုံးပြန်အုပ်၍ ၄ ရက်အကြာ အချဉ်ဖောက်ထားရပါမယ်။

၈။ ပြီးရင်တော့ အဖတ်များကို ဇကာဖြင့်စစ်ထုတ်ပါ။ ကတော့ကိုအသုံးပြု၍ ဒန်မီဂျို့ပုလင်းထဲသို့လောင်းထည့်ပြီး လအနည်းငယ်အကြာ ထားပေးရပါမယ်။

၉။ မိမိကြိုက်နှစ်သက်ရာပုလင်းထဲသို့ ထည့်၍သောက်သုံးနိုင်ပါသည်။

    ချင်းဝိုင်ဟာ စသောက်လိုက်ချင်း ဂျင်းအရသာပူပူလေးနဲ့ ချိုချိုလေး ပြီးမှ လည်ချောင်းထဲရှင်းသွားတဲ့အရသာကို ခံစားရစေပါတယ်။ အိမ်မှာ အလွယ်တကူပြုလုပ်နိုင်ပြီး ကျန်းမာရေးအတွက် များစွာအထောက်အကူပြုသော ချင်းဝိုင်ကို ပြုလုပ်သောက်သုံးစေနိုင်ရန် ရေးသားလိုက်ရပါတယ်။

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ကို ထည့်ပေးပါရန် မေတ္တာရပ်ခံအပ်ပါသည်။

မာလာမြိုင် ကုမ္ပဏီ ကြော်ငြာ

ဦးကြီးတို့ရဲ့ မြေကြီးက ရွှေသီးဖို့ပဲ ဖြစ်သင့်တာပေါ့။ ဒါပေမဲ့ စပါးခင်းထဲ ရွှေခရုရောက်လာပြီဆိုရင်တော့ မြေကြီးက ရွှေသီးဖို့ကို အနှောင့်အယှက် ကောင်းကောင်းကြီးပေးပါလိမ့်မယ်။ မြန်မာ့မျိုးရင်းခရုမဟုတ်တဲ့ တောင်အမေရိကမျိုးစိတ်ဖြစ်ပြီး မြန်မာနိုင်ငံကို ကျူးကျော်လာတဲ့ မျိုးစိတ်ဖြစ်တာကြောင့် အကောင်ပွားနှုန်းကလည်း အဆမတန် မြင့်တက်လာပါတယ်။ ခရုအမ တစ်ကောင်က တစ်ခါ ဥ မယ်ဆိုရင် ဥအရေအတွက် ၁၀၀ ကနေ ၁၀၀၀ အထိ အတွဲလိုက်ဥကြပြီး တစ်နှစ်မှာ ၃ ကြိမ်အထိ မျိုးပွားနိုင်ပါတယ်။ စပါးခင်းတွေမှာ ရွှေခရုကျပြီဆိုရင် ပန်းရောင် ဥ တွေ ကို စပါးပင်တွေမှာ တွေ့ရနိုင်ပါတယ်။ ဒီရွှေခရုတွေကို ရှင်းပစ်ဖို့အတွက်ကတော့ မာလာမြိုင်ရဲ့ ခရုဘုရင် ရှိနေပါပြီ။ ခရုဘုရင်က စားသေအစွမ်းနဲ့ အဆိပ်ငွေ့အာနိသင်ရှိတာကြောင့် ရွှေခရုတွေကို အထိရောက်ဆုံး ရှင်းပေးနိုင်မှာပါ။ အစွမ်းရှိပစ္စည်းဖြစ်တဲ့ Niclosamide -olamine 83.1% WP ပါဝင်ပြီး Chloronitrophenol ဆေးအုပ်စုထဲ ပါဝင်ပါတယ်။ ရေဖျော်ဆေးမှုန့်အမျိုးအစားဖြစ်လို့ ရေ ၂၀ လီတာဝင်တဲ့ဆေးဖျန်းပုံး တစ်ပုံးမှာ ၄၀ ကနေ ၅၀ ဂရမ်အထိ အသုံးပြုနိုင်ပါတယ်။ နှုန်းထားကိုတော့ တစ်ဧကမှာ ၁၅၀ ကနေ ၂၀၀ ဂရမ်နဲ့ တွက်ချက်ပေးထားပါတယ်။ သတိပြုရမှာတော့ ဆေးဖျန်းပြီးနောက်ပိုင်း စပါးခင်းအတွင်းမှာရှိတဲ့ ရေကို ၅ စင်တီမီတာနဲ့ ၃ ရက်ထားဖို့ လိုအပ်ပါတယ်။ ဆေးဖျန်းပြီး ၅၂ ရက်ကြာမှ ရိတ်သိမ်းသင့်ပါတယ်။ ခရုဘုရင်နဲ့ဆို စပါးခင်းကို ဒုက္ခပေးတဲ့ ရွှေခရုတွေကို ရှင်းလင်းနိုင်ပြီး မြေကြီးက ရွှေသီးနိုင်ပြီပေါ့ဗျာ။

Read more

Facebook Page သို့သွားရန်