ခရမ်းရောင်သမ်းတဲ့အသီးအနှံတွေကပေးတဲ့ ကျန်းမာရေးကောင်းကျိုး ၅ခု

ခရမ်းရောင်ရှိတဲ့အစားအစာတွေဖြစ်တဲ့ ခရမ်းသီး၊ စပျစ်သီး၊ ကန်စွန်းဥ၊ ငချိတ်၊ ဂေါ်ဖီထုပ်ခရမ်းရောင်၊ နဂါးမောက်သီးအနီ အစရှိတဲ့အစားအစာတွေမှာ ဓါတ်တိုးဆန့်ကျင်ပစ္စည်း (Antioxidant) တစ်မျိုးဖြစ်တဲ့ အန်သိုဆိုင်ယမ်နင် (Anthocyanin) ဆိုတဲ့အာဟာရဓါတ်ပါဝင်ပါတယ်။

ခရမ်းရောင်ရှိတဲ့အစားအစာတွေကို ဆေးဝါးအဖြစ် လွန်ခဲ့တဲ့နှစ်ပေါင်းများစွာကတည်းက ထုတ်လုပ် အသုံးပြုခဲ့ကြပါတယ်။ ဒါ့ကြောင့် ဘယ်လိုမျိုးကျန်းမာရေးအတွက်ကောင်းလဲဆိုတဲ့အချက်၅ချက်ကို မျှဝေပေးချင်ပါတယ်။

၁။ ခရမ်းရောင်ရှိတဲ့အစားအစာတွေထဲမှာပါဝင်တဲ့ Anthocyanin ဓါတ်ကို အသည်းရောဂါ၊ ကျောက်ကပ်မှာကျောက်တည်ခြင်းနဲ့ ဆီးလမ်းကြောင်းဆိုင်ရာကျန်းမာရေးပြဿနာအများစုကို ကုသဖို့အတွက် လွန်ခဲ့နှစ်တွေကတည်းက အသုံးပြုခဲ့ကြပါတယ်။

၂။ ၂၀၁၂ခုနှစ်မှာပြုလုပ်ခဲ့တဲ့သုတေသနလေ့လာချက်တွေအရ ခရမ်းရောင်သမ်းတဲ့အစားအစာတွေကိုနေ့စဉ်စားသုံး​ခြင်းအားဖြင့် နှလုံးသွေးကြောဆိုင်ရာကျန်းမာရေးပြဿနာတွေဖြစ်နိုင်ချေကို လျော့နည်းစေတဲ့အပြင် သွေးပေါင်ချိန်ကျဆင်းခြင်းနဲ့ သွေးအားနည်းခြင်းတို့ကိုပါ ကာကွယ်ပေးနိုင်တယ်လို့သိရပါတယ်။

၃။ ခရမ်းရောင်သမ်းတဲ့အစားအစာတွေမှာပါဝင်တဲ့ Anthocyanin ဟာ ကင်ဆာရောဂါတွေကို ကာကွယ်ပေးနိုင်စွမ်းရှိတယ်လို့ ၂၀၁၃ခုနှစ်သုတေသနလေ့လာဖော်ပြချက်တွေအရ သိရှိရပါတယ်။ အထူးသဖြင့် အူမကြီးကင်ဆာဖြစ်နိုင်ခြေကို ထိထိရောက်ရောက်ကာကွယ်ပေးနိုင်တယ်လို့ဆိုပါတယ်။

၄။ ခရမ်းရောင်သမ်းတဲ့အစားအစာတွေကိုစားပေးမယ်ဆိုရင် ဦးနှောက်စွမ်းရည်ကိုမြင့်တက်စေတာကြောင့် ဦးနှောက်နဲ့အာရုံကြောဆိုင်ရာကျန်းမာရေးပြဿနာတွေအတွက် အထူးကောင်းမွန်စေတဲ့အပြင်အသက်အရွယ်ကြောင့် မှတ်ဉာဏ်ချို့ယွင်းလာခြင်းတွေကိုလည်း သက်သာစေနိုင်ပါတယ်။

၅။ ဒါ့အပြင် ခရမ်းရောင်အစားအစာတွေက ကိုယ်ခံအားစနစ်ကိုကောင်းမွန်စေတာကြောင့်နာတာရှည်ရောဂါခံစားနေရသူတွေနဲ့ အအေးမိ၊ ဖျားနာစတာတွေကို မကြာခဏခံစားနေရသူတွေအတွက်ပုံမှန်စားသုံးပေးသင့်တဲ့အစားအစာ ဖြစ်ပါတယ်။

Ref:foodrevolution.org

ဆောင်းပါးများ/သတင်းများပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန်မေတ္တာရပ်ခံအပ်ပါသည်။

မာလာမြိုင် ကုမ္ပဏီ ကြော်ငြာ

ဦးကြီးတို့ရဲ့ မြေကြီးက ရွှေသီးဖို့ပဲ ဖြစ်သင့်တာပေါ့။ ဒါပေမဲ့ စပါးခင်းထဲ ရွှေခရုရောက်လာပြီဆိုရင်တော့ မြေကြီးက ရွှေသီးဖို့ကို အနှောင့်အယှက် ကောင်းကောင်းကြီးပေးပါလိမ့်မယ်။ မြန်မာ့မျိုးရင်းခရုမဟုတ်တဲ့ တောင်အမေရိကမျိုးစိတ်ဖြစ်ပြီး မြန်မာနိုင်ငံကို ကျူးကျော်လာတဲ့ မျိုးစိတ်ဖြစ်တာကြောင့် အကောင်ပွားနှုန်းကလည်း အဆမတန် မြင့်တက်လာပါတယ်။ ခရုအမ တစ်ကောင်က တစ်ခါ ဥ မယ်ဆိုရင် ဥအရေအတွက် ၁၀၀ ကနေ ၁၀၀၀ အထိ အတွဲလိုက်ဥကြပြီး တစ်နှစ်မှာ ၃ ကြိမ်အထိ မျိုးပွားနိုင်ပါတယ်။ စပါးခင်းတွေမှာ ရွှေခရုကျပြီဆိုရင် ပန်းရောင် ဥ တွေ ကို စပါးပင်တွေမှာ တွေ့ရနိုင်ပါတယ်။ ဒီရွှေခရုတွေကို ရှင်းပစ်ဖို့အတွက်ကတော့ မာလာမြိုင်ရဲ့ ခရုဘုရင် ရှိနေပါပြီ။ ခရုဘုရင်က စားသေအစွမ်းနဲ့ အဆိပ်ငွေ့အာနိသင်ရှိတာကြောင့် ရွှေခရုတွေကို အထိရောက်ဆုံး ရှင်းပေးနိုင်မှာပါ။ အစွမ်းရှိပစ္စည်းဖြစ်တဲ့ Niclosamide -olamine 83.1% WP ပါဝင်ပြီး Chloronitrophenol ဆေးအုပ်စုထဲ ပါဝင်ပါတယ်။ ရေဖျော်ဆေးမှုန့်အမျိုးအစားဖြစ်လို့ ရေ ၂၀ လီတာဝင်တဲ့ဆေးဖျန်းပုံး တစ်ပုံးမှာ ၄၀ ကနေ ၅၀ ဂရမ်အထိ အသုံးပြုနိုင်ပါတယ်။ နှုန်းထားကိုတော့ တစ်ဧကမှာ ၁၅၀ ကနေ ၂၀၀ ဂရမ်နဲ့ တွက်ချက်ပေးထားပါတယ်။ သတိပြုရမှာတော့ ဆေးဖျန်းပြီးနောက်ပိုင်း စပါးခင်းအတွင်းမှာရှိတဲ့ ရေကို ၅ စင်တီမီတာနဲ့ ၃ ရက်ထားဖို့ လိုအပ်ပါတယ်။ ဆေးဖျန်းပြီး ၅၂ ရက်ကြာမှ ရိတ်သိမ်းသင့်ပါတယ်။ ခရုဘုရင်နဲ့ဆို စပါးခင်းကို ဒုက္ခပေးတဲ့ ရွှေခရုတွေကို ရှင်းလင်းနိုင်ပြီး မြေကြီးက ရွှေသီးနိုင်ပြီပေါ့ဗျာ။

Read more

Facebook Page သို့သွားရန်